Լրահոս

Հայլուր 15։30 Ադրբեջանի վրա հայ-իրանական հարձակման պրովոկացիա. ապտակ՝ Իրանից, հերքում՝ Երևանից

Փետրվարի 8-ին, ժամը 20.45-ին, ՆԳՆ ոստիկանության Կոտայքի մարզի օպերատիվ կառավարման կենտրոն զանգած տղամարդը հայտնել էր, որ մոտ 40 րոպե առաջ Աբովյան քաղաքի «Օրիգինալ» սուպերմարկետի մոտից փախցրել են «Ռենո» մակնիշի մեքենան:

ԱԺ «Քաղաքացիական պայմանագիր» խմբակցության պատգամավոր Սարգիս Խանդանյանն ընտրվեց ԱԺ արտաքին հարաբերությունների մշտական հանձնաժողովի նախագահ:

Զելենսկի-Շոլց-Մակրոն համատեղ մամուլի ասուլիսը կուրիոզ սկիզբ է ունեցել: Ուկրաինայի նախագահն ու Գերմանիայի կանցլերը շփոթել են դրոշները: «Կարծում եմ՝ դա մեր դրոշն է»,- Շոլցին դիմելով՝ ասել է Զելենսկին և տեղը փոխել նրա հետ:

ՀՀ ԱԺ նախագահ Ալեն Սիմոնյանը փետրվարի 9-ին ընդունել է ՀՀ-ում Պորտուգալիայի նորանշանակ արտակարգ և լիազոր դեսպան Մադալենա Ֆիշերին: ԱԺ մամուլի ծառայության փոխանցմամբ՝ ՀՀ ԱԺ նախագահը շնորհավորել է դեսպանին պաշտոնը ստանձնելու կապակցությամբ՝ նշելով, որ պաշտոնավարման ընթացքում երկու երկրների միջև հարաբերությունները զգալի վերընթաց կապրեն:

Երկարատև հիվանդությունից հետո մահացել է «Բարսելոնայի» նախկին ֆուտբոլիստ Մարկոս ​​Ալոնսո Պենյան։

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության «Հանրապետական բժշկական կենտրոն» ՓԲԸ-ից ուռուցքային և սիրտ-անոթային համակարգի ծանր հիվանդություններով, ինչպես նաև շտապ վիրահատական միջամտություններ պահանջող ախտաբանությամբ 7 անձ այսօր՝ փետրվարի 9-ին, «Կարմիր խաչի» միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

«Ի՞նչ անենք, հավաքվենք, գնանք հարձակվենք 90 միլիոնանոց Թուրքիայի վրա՞»,- ընդդիմադիրների բոլոր հարցերին այս հարցով է պատասխանել Ազգային ժողովի ՔՊ-ական խոսնակը: Ալեն Սիմոնյանը չի հերքում՝ Թուրքիայի գործողությունները թշնամական վերաբերմունքի մասին են խոսում, բայց նա կարծում է՝ Ստամբուլն արյան ծով սարքելու երգերով ոչ մի հարց չի լուծվի:

Ֆինլանդիայում սկսվել է մանրածախ առևտրի ոլորտի աշխատակիցների գործադուլը, որը պետք է տևի երեք օր՝ մինչև փետրվարի 11-ի առավոտյան։ Գործադուլավորները պահանջում են աշխատանքային պայմանների բարելավում։ Այդ մասին «Արմենպրես»-ը տեղեկանում Է «Интерфакс» գործակալությունից:

Սիրիայում տեղի ունեցած երկրաշարժից տուժած աղետյալներին օգնելու համար ՀՀ կառավարության կողմից ուղարկված մարդասիրական երկրորդ օդանավը, բեռնված առաջին անհրաժեշտության ապրանքներով, փետրվարի 09-ին վայրէջք է կատարել Հալեպի օդանավակայանում։

Ռուսաստանում մեկ օրում կորոնավիրուսով վարակման հաստատված դեպքերի թիվն ավելացել է 12 301-ով: Նախորդ օրը հաստատվել էր COVID-19-ով վարակման 10 389 դեպք։

2022 թվականի սեպտեմբերի 1-ից կենսաթոշակների, ինչպես նաև ծերության, հաշմանդամության, կերակրողին կորցնելու դեպքում նպաստների չափերի բարձրացման հետևանքով 2022 թ․ նոյեմբերի 1-ից ընտանեկան և սոցիալական նպաստի իրավունքը կորցրած շուրջ 3000 ընտանիք կշարունակի սոցիալական աջակցություն ստանալ։ Միաժամանակ, կվերականգնվի տվյալ ընտանիքների 2022 թ․ նոյեմբեր և դեկտեմբեր ամիսների նպաստի իրավունքը: Նախագիծն այսօր արժանացել է Կառավարության հավանությանը։  

Ավերիչ երկրաշարժից հետո Թուրքիա փրկարարներ ուղարկելու Կառավարության որոշումը խորհրդարանական ընդդիմությանը դրդում է մտածել, որ գործող իշխանությունը հայ-թուրքական հարաբերություններն անգամ հայ-իրանական ու հայ-ռուսական հարաբերություններից է վեր դասում: «Հայաստանի իշխանությունն արագ է միայն Թուրքիայի ողբերգություններին արձագանքելու ժամանակ»,- «Հայաստան» խմբակցության անդամ Անդրանիկ Թևանյանի կարծիքն է: Նա խորհրդարանում հիշեցրել է, որ այս ընթացքում ողբերգական դեպքեր են եղել Հայաստանի դաշնակից Ռուսաստանում, Իրանում, բայց Փաշինյանի կառավարությունը չի արձագանքել դրանց և օգնություն տրամադրելու պատրաստակամություն չի հայտնել:

Ազգային ժողովի «Հայաստան» խմբակցության պատգամավոր, բժիշկ-պրոֆեսոր Արմեն Չարչյանի կողմից իր դատավարական պարտականությունը պայմանականորեն չկատարելը կամ թերի կատարելը որևէ կերպ չի կարող մտնել քրեական պատասխանատվության դաշտ, որովհետև փորձագետի կողմից այս կամ այն պարտականության չկատարումը քրեորեն պատժելի և արգելված արարք չի հանդիսանում: Այս մասին NEWS.am-ի հետ զրույցում ասաց Արմեն Չարչյանի փաստաբան Էրիկ Ալեքսանյանը:

Սիրիայում երկրաշարժի զոհերի թիվը մոտենում է 3 հազարին: Հայ փրկարարները շարունակում են որոնողափրկարարական աշխատանքները աղետի գոտում: Lուսանկարում երևում է, որ հայ փրկարարները Սիրիայի ամենահայաշատ Հալեպ քաղաքում են: Հայաստանից Սիրիա է ուղարկվել 29 փրկարար, նաև 30 տոննա մարդասիրական բեռ՝ սնունդ, դեղորայք, բժշկական սարքավորումներ:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Թուրքիայում ավերիչ երկրաշարժի զոհերի թիվը հասել է 12873-ի, վիրավոր է ավելի քան 63 հազար մարդ. հայտնում է այդ երկրի արտակարգ իրավիճակների նախարարությունը: Աղետից 3 օր անց էլ Թուրքիայում չեն դադարում հետցնցումները: Ըստ թուրքական որոշ աղբյուրների՝ Ադանայից և Մարաշից տարհանում են բնակչությանը: Պատճառն այն է, որ խարխլված հիմքերով շենքերում նոր փլուզումներ են լինում հետցնցումների հետևանքով:

Թուրքիայում փետրվարի 6-ին տեղի ունեցած երկրաշարժի հետևանքով զոհված հայերի թվին ավելացավ նաև հայազգի երգչուհի Զիլան Տիգրիսը։ Դիարբեքիրում նրան և ամուսնուն մահացած են գտել փլատակների միջից։

Հայաստանի վարչապետը կարծում է՝ Արցախի գազամատակարարման դադարեցումն ադրբեջանցի, այսպես կոչված, էկոակտիվիստների ձեռքի գործը չէ, այլ պետականորեն իրականացվող գործողություն: «Որովհետև եթե «բնապահպանները» Լաչինի միջանցքում ներկա են ու տեսանելի, գազախողովակում նրանք չեն նկատվել»,- հեգնել է Փաշինյանը: Նրա համոզմամբ՝ պետք է մեծացնել Ադրբեջանի վրա միջազգային ճնշումը Արցախում հումանիտար աղետը կանխելու համար: