Լրահոս

ԼՂ-ից բռնի տեղահանված այն ընտանիքները, որոնք հանդիսացել են ԼՂ առանձին շրջաններից տեղահանված ընտանիքների բնակապահովման պետական աջակցության ծրագրի շահառու (ՀՀ կառավարության 2022 թվականի փետրվարի 17-ի N 169-Լ որոշում) և 2024 թվականի հուլիսի 1-ի դրությամբ չեն ստացել հավաստագիր՝ կկարողանան օգտվել կեցության և այլ ծախսերը հոգալու համար նախատեսված 40+10 հազար դրամ աջակցության ծրագրից։ Այս մասին հայտնում են ՀՀ աշխատանքի և սոցիալական հարցերի նախարարությունից: Նախագիծն արժանացել է հավանության Կառավարության այսօրվա նիստում։ Ըստ այդմ, աջակցությունը տվյալ ընտանիքներին կվճարվի նաև չստացած ամիսների համար: Աջակցությունից օգտվելու համար անհրաժեշտ է, որ ԼՂ հայրենակիցները առցանց նոր դիմում ներկայացնեն․ դիմումների լրացման վերաբերյալ կտրվի լրացուցիչ հայտարարություն։

Մեզ հայտնի դարձավ, որ ՏԿԵ փոխնախարարի հրաժարականը կապ ունի Հանրային ծառայությունները կարգավորող հանձնաժողովի նախագահ Գարեգին Բաղրամյանի ազատման դիմումի հետ:

Այսօր՝ հոկտեմբերի 10-ին, ավտովթար է տեղի ունեցել Գեղարքունիքի մարզում։ Ժամը 18:00-ի սահմաններում Սևան-Մարտունի-Գետափ ավտոճանապարհի 10-րդ կմ հատվածում բախվել են Գեղարքունիքի մարզի բնակիչ 63-ամյա Մակիդոն Բ.-ի վարած «Opel» մակնիշի և Կոտայքի մարզի բնակիչ 40-ամյա Գարիկ Դ.-ի վարած «Opel» մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու Մակիդոն Բ.-ի ուղևոր՝ Գեղարքունիքի մարզի բնակիչ, 57-ամյա Գոհարիկ Վ.-ն, մարմնական վնասվածքներով տեղափոխվել են «Սևան» բժշկական կենտրոն։ Վթարի փաստով Սևանի քննչական բաժնում նախաձեռնվել է քրեական վարույթ։ Ֆոտոլրագրողը հայտնում է, որ բախման հետևանքով «Opel»-ներից մեկը դուրս է եկել երթևեկելի գոտուց և հայտնվել ձորակում։

Հայաստանը փորձում է ցույց տալ իր ջանքերը՝ որքան հնարավոր է շուտ Ադրբեջանի հետ խաղաղության պայմանագիր կնքելու համար։ Այս մասին հայտարարել է Ադրբեջանի նախագահի ներկայացուցիչ Էլչին Ամիրբեկովը, Lenta.ru-ի փոխանցմամբ՝ հայտնում է Sputnik Ադրբեջանը Telegram-ի իր ալիքում։ Ամիրբեկովը մեկնաբանել է Հայաստանի ղեկավարության հայտարարությունները հնարավորինս շուտ խաղաղության պայմանագիր կնքելու պատրաստակամության մասին։ Նրա կարծիքով, նման հայտարարությունները միջազգային հանրությանը «ցուցադրելու» և նրանց իրական մտադրությունները թաքցնելու փորձ են։ Ադրբեջանի նախագահի ներկայացուցիչն ընդգծել է, որ խաղաղության համաձայնագրի ստորագրումն անհնար է առանց Հայաստանի տարածքային պահանջներից հրաժարվելու։ «Այսպիսով, գնդակն այսօր հայկական կողմում է, և մենք հուսով ենք, որ Հայաստանը բաց չի թողնի պատմական հնարավորությունը մեկընդմիշտ շրջելու մեր հարաբերությունների ողբերգական էջը»,- հավելել է Ամիրբեկովը։ Ավելի վաղ Ադրբեջանի Զինված ուժերի (ԶՈՒ) գլխավոր շտաբի պետ Քերիմ Վալիևը ԵՄ առաքելությանը մեղադրել էր տարածաշրջանում իրավիճակի սրման մեջ։

Ռուսաստանում այս տարի հացահատիկի բերքը կկազմի մոտ 130 մլն տոննա: «Արմենպրես»-ի փոխանցմամբ՝ ինչպես հայտնում է «Ինտերֆաքս»-ը՝ բերքի վերաբերյալ նոր կանխատեսումը ներկայացրել է փոխվարչապետ Դմիտրի Պատրուշևը «Ոսկե աշուն 2024» ցուցահանդեսի շրջանակում։ «Հացահատիկի համախառն բերքը կկազմի մոտ 130 մլն տոննա, այդ թվում՝ 83 մլն տոննա ցորեն», - ասել է Պատրուշևը: Նախորդ պաշտոնական կանխատեսումը կազմել է 132 մլն տոննա, այդ թվում՝ 84 մլն տոննա ցորեն։ Ըստ փոխվարչապետի՝ այս տարի սպասվող բերքը կբավարարի ներքին շուկայի պահանջարկը և կպահպանի արտահանման բարձր ներուժը: Մինչև օրս հավաքվել է 122 մլն տոննա հացահատիկ։

Իսրայելը ռմբակոծել է Բեյրութի կենտրոնը, կան զոհեր և վիրավորներ: Այս մասին հայտնում են իսրայելական ԶԼՄ-ները:

«Էրեբունի-Երևան 2806-ամյակին» նվիրված տոնակատարության միջոցառումներով պայմանավորված՝ հոկտեմբերի 11-ին՝ ժամը 12:00-ից մինչև հոկտեմբերի 12-ի ժամը 21:00-ն փակ է լինելու «Էրեբունի» պատմահնագիտական արգելոց-թանգարանի դիմացի հրապարակը: Այս մասին հաղորդագրություն է տարածել Երևանի քաղաքապետարանը: «Ըստ այդմ՝ Երևանի ներհամայնքային ավտոբուսային հ. 18, 38, 56 երթուղիների աշխատանքը ժամանակավորապես կկազմակերպվի Ազատամարտիկների, Նորաշենի փողոցներով մինչև Գ. Մահարու փողոց, այնուհետև՝ գործող ուղեգծերով: Նույն ժամանակահատվածում կդադարեցվի տրոլեյբուսային հ.2 երթուղու աշխատանքը, իսկ հ.2 «Ա» երթուղու աշխատանքը կկազմակերպվի բնականոն ռեժիմով»,-ասված է հաղորդագրության մեջ:

Հոկտեմբերի 10-ին, ժամը 15:52-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոր Եդեսիա գյուղի 10-րդ փողոցի տներից մեկի մոտակայքում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել է ժամը 16։42-ին, մարվել՝ 17։15-ին։ Այրվել է մոտ 150 հակ կուտակած անասնակեր։

Շաբաթասկզբին Նոր Երզնկայի դպրոցի գլխին պայթած ողբերգության հետքերով է գնացել «Հայլուր»-ի թղթակիցը: Երեկ այդ գյուղում հուղարկավորել են հոկտեմբերի 7-ին ֆիզկուլտուրայի դասաժամին հանկարծամահ եղած 15-ամյա Դավիթին: Պաշտոնական վիճակագրությամբ՝ վերջին 2 տարում մեր երկրում 576 երեխա է մահացել՝ տարբեր պատճառներով: Ի՞նչ կապ ունեն սարսափելի վիճակագրության ու 15-ամյա տղայի մահվան հետ էներգետիկ խմիչքները:

Տեղի ունեցավ ՔՊ Նախաձեռնող խմբի նիստը. զեկուցողներն էին Ֆինանսների նախարար Վահե Հովհաննիսյանը եւ Շրջակա միջավայրի նախարար Հակոբ Սիմիդյանը: Այս մասին տելեգրամյան իր ալիքում հայտնել է Նիկոլ Փաշինյանը եւ տեսանյութ հրապարակել:

Սամվել Շահրամանյանին սպասարկող մեքենան առգրավելու վերաբերյալ հարուցված քրեական վարույթը գտնվում է նախաքննության փուլում: Այս մասին Ֆեյսբուքի իր էջում գրել է փաստաբան Ռոման Երիցյանը: «Որևէ մեկին, այդ թվում՝ Ս․Շահրամանյանին նշված վարույթով մեղադրանք չի առաջադրվել։ Քննիչին և հսկող դատախազին հասցեագրված տասնյակ միջնորդություններ մնում են անհետևանք։ Մինչև հիմա պարզ չէ, թե կոնկրետ ինչ փաստական տվյալների հիման վրա է առգրավվել նախագահին սպասարկող ավտոմեքենան։ Թմրանյութերի ապօրինի շրջանառման վարույթն այլևս դուրս է թեմայի շրջանակներից, քանզի նշված վարույթով Արցախի նախագահին սպասարկող ավտոմեքենան քննիչի կողմից առգրավվելուց հետո մեկ այլ քննիչ մեկ այլ վարույթով այդ նույն ավտոմեքենան առգրավել է թմրանյութերի գործը քննող քննիչից»,-գրել է Երիցյանը:

Ի՞նչ ճակատագիր կունենան Բաքվի բանտերում գտնվող հայ գերիները, եթե պաշտոնական Երևանը Ազգային ժողովի նախագահի շուրթերով է անգամ մեսիջ ուղարկում Բաքու՝ կնքեք խաղաղության համաձայնագիրը մինչև ՄԱԿ-ի կլիմայական գագաթնաժողովը, և ոչ ոք ձեզ էլ չի հիշեցնի գերիների մասին:

Երևանի քաղաքապետի տեղակալ Սարգիս Մադաթյանը հյուրընկալել է բժշկական գիտությունների դոկտոր, նյարդաբանության պրոֆեսոր, գիտնական Յես Օլեսենին: Հանդիպման ընթացքում Երևանի քաղաքապետարանի առողջապահության վարչության և «Ցավի բժշկության ազգային ասոցիացիա» հասարակական կազմակերպության միջև ստորագրվել է փոխըմբռնման և համագործակցության հուշագիր: Համագործակցությունը կնպաստի ընթացող կրթական, բժշկագիտական և առողջապահական բարեփոխումներին: Կողմերն իրենց ջանքերը կուղղեն բժիշկների, ուսանողների, դասախոսների, մանկավարժների, գիտական աշխատողների մասնագիտական որակների բարելավմանն ու որակավորման շարունակական բարձրացմանը: Համատեղ ծրագրեր կիրականացվեն ցավի բժշկության ոլորտում՝ կլինիկական գիտության, հանրային առողջության, կրթական համակարգը հզորացնելու նպատակով:

Հայաստանի Հանրապետության նախագահ Վահագն Խաչատուրյանն աշխատանքային այցով ժամանեց Աշխաբադ։ «Արմենպրես»-ի թղթակցի հաղորդմամբ՝ ՀՀ նախագահ Վահագն Խաչատուրյանի ինքնաթիռը վայրէջք կատարեց Աշխաբադի միջազգային օդանավակայանում, որտեղ նրան դիմավորեց Թուրքմենստանի տրանսպորտի և կոմունիկացիաների գործակալության գլխավոր տնօրեն, փոխվարչապետ Մամմետհան Չակիև Բերդիմուրադին։ Նախագահի գլխավորած պատվիրակության կազմում է նաև Հայաստանի արտաքին գործերի նախարարի տեղակալ Մնացական Սաֆարյանը։ Թուրքմենստան կատարած պետական այցի շրջանակներում ՀՀ նախագահը հոկտեմբերի 12-ին հանդիպում կունենա Թուրքմենստանի նախագահ Սերդար Բերդիմուհամեդովի հետ։ Նախագահն այցի շրջանակներում կմասնակցի նաև թուրքմեն բանաստեղծ Մահտումկուլի Ֆրագիի 300-ամյակին նվիրված միջազգային համաժողովին։

Հոկտեմբերի 10-ին՝ ժամը 18:00-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել որ, Սևան քաղաքի ռեստորանային համալիրներից մեկի մոտակայքում տեղի է ունեցել ՃՏՊ՝ կան տուժածներ․ անհրաժեշտ է փրկարարների օգնությունը: ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Սևան-Գավառ ավտոճանապարհի 11-րդ կմ-ին բախվել են «Opel» (վարորդ՝ Մ․ Վ․, ծնված 1960 թ․) և «Opel» (վարորդ՝ Գ․ Դ․, ծնված 1984 թ․) մակնիշների ավտոմեքենաները․ վերջինիս վարորդը հոսպիտալացվել է բժշկական կենտրոն։ Փրկարարները հոսանքազրկել են ավտոմեքենաները և փակել գազի բալոնների փականները։

Վաղը՝ հոկտեմբերի 11-ին, ժամը 14:00-ին Երևան քաղաքի դատարանի «Ավան» նստավայրում տեղի է ունենալու Գերասիմ Վարդանյանի վերաբերյալ հերթական քրեակաղաքական շինծու գործով դատական նիստը: Հայտնում է իրավապաշտպան Սերգեյ Հարությունյանը: «Ամենակարող պատահականության սկզբունքով ՀՅԴ Գերագույն մարմնի անդամ Գերասիմ Վարդանյանի դատական գործը մակագրվել է «Հանրապետություն» կուսակցության խորհրդի նախկին անդամ, դատավոր Մասիս Մելքոնյանին։ Նիստը լինելու է դռնբաց»,- գրել է նա ֆեյսբուքյան իր էջում:

Ինչու՞ է ԱԱԾ-ն «մասկի շոու» կազմակերպել սեռական սկանդալից ուշքի չեկած երեխաների աչքի առաջ: Ծնողների պնդմամբ՝ աշակերտները մահու չափ վախեցել են ուսուցչի բերման ենթարկման պահին, որովհետև կարծել են, թե ահաբեկիչներ են մտել դպրոց:

Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել ՄԱԿ-ի Բնակչության հիմնադրամի Արևելյան Եվրոպայի և Կենտրոնական Ասիայի տարածաշրջանային գրասենյակի տնօրեն Ֆլորենս Բաուերի հետ։ Հանդիպման ընթացքում քննարկվել են երկկողմ համագործակցության ընդլայնման հնարավորությունները․ դիտարկվել է նաև կառույցի աջակցության հնարավորությունը՝ ժողովրդագրական մարտահրավերների լուծմանն ուղղված աշխատանքներում։ Նախարար Մկրտչյանը բարձր է գնահատել ՄԱԿ-ի Բնակչության հիմնադրամի հետ համագործակցությունը՝ ոլորտային տարբեր բարեփոխումների իրականացման գործում։ Այս համատեքստում նախարարը, մասնավորապես՝ ընդգծել է ՀՀ ժողովրդագրական իրավիճակի բարելավման 2024-2040 թթ․ ռազմավարությամբ սահմանված նպատակների իրագործման կարևորությունը՝ մանրամասնելով ռազմավարական 4 նպատակների ուղղությամբ նախատեսվող աշխատանքները։ «Ցանկություն ունենք Հայաստանը դիրքավորել որպես ժողովրդագրական գիտելիքի ստեղծման և տարածման երկիր։ Ժողովրդագրության ռազմավարությամբ սահմանված ծրագրերի իրականացման գործում կարևորում ենք նաև հասարակության վարքագծային փոփոխությունների ուղղությամբ աշխատանքը, որովհետև հատկապես ավագ սերնդի ներկայացուցիչների շրջանում, ովքեր ունեցել են այլ կենսակերպ, պետք է շարունակական և արդյունավետ աշխատանքներ իրականացնենք դրանք վերափոխելու ուղղությամբ»,- ասել է նախարարը։ Ֆլորենս Բաուերը ևս կարևորել է սոցիալական պաշտպանության ոլորտի տարբեր ուղղություններով ԱՍՀ նախարարության հետ համատեղ իրականացված արդյունավետ աշխատանքների դերը։ Վերջինս նշել է, որ ՄԱԿ-ի Բնակչության հիմնադրամը կշարունակի աջակցել ՀՀ աշխատանքի և սոցիալական հարցերի նախարարությանը՝ ժողովրդագրական մարտահրավերների լուծմանն ուղղված նախաձեռնություններում։ Ֆլորենս Բաուերի խոսքով՝ տարածաշրջանի համար կարող է լավ օրինակ լինել Ժողովրդագրության ռազմավարությունը։ ՄԱԿ-ի Բնակչության հիմնադրամի Արևելյան Եվրոպայի և Կենտրոնական Ասիայի տարածաշրջանային գրասենյակի տնօրենը վերահաստատել է կառույցի՝ կանանց, տարեցների և հաշմանդամություն ունեցող անձանց հզորացմանն ուղղված ջանքերին նպաստելու հանձնառությունը։ Այս համատեքստում ընդգծվել է նաև ջանքերի մեկտեղման անհրաժեշտությունը՝ գենդերային բռնության և ընտանեկան բռնության դեմ պայքարում, այդ թվում՝ օրենսդրական բարեփոխումների, կարողությունների զարգացման ու թվային նոր գործիքների ներդման միջոցով։

Այսօր՝ հոկտեմբերի 10-ին, արտակարգ դեպք է տեղի ունեցել Արարատի մարզում։ Ժամը 18:10-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Վեդի քաղաքի ավագ դպրոցի շենքում հրդեհ է բռնկվել, հայտնում է ֆոտոլրագրող Գագիկ Շամշյանը։ Տեղում պարզվել է, որ հրդեհի նշաններ չկան, իսկ ոստիկանության Արարատի բաժնի ծառայողները՝ բաժնի պետ, ոստիկանության գնդապետ Ֆիլիպպ Ստեփանյանի գլխավորությամբ, հայտնաբերել են ահազանգ տվողին, ով 10-ամյա տղա է:

«Քաղաքացիական պայմանագրի» վարչությունը մերժել է Արփի Դավոյանի թեկնածությունը արդարադատության նախարարի պաշտոնում: Մամուլի տեղեկություններով՝ միայն պաշտպանության նախարար Սուրեն Պապիկյանն ու ինքը՝ Արփի Դավոյանն են կողմ եղել, որ Դավոյանը դառնա արդարադատության նախարար: Մամուլում շշուկներ կան, թե թիմակիցները դաժանորեն ստորացրել ու «գցել են» Դավոյանին: