Լրահոս

Ադրբեջանում պահվող հայ ռազմագերիներին և պատանդներին ազատ արձակելու պահանջով բողոքի ակցիա է եղել ՄԱԿ-ի հայաստանյան գրասենյակի առաջ։ Արցախի օմբուդսմեն Գեղամ Ստեփանյանը հայտարարել է, որ 2024 թվականի նոյեմբերին Ադրբեջանում ՄԱԿ-ի Կլիմայի փոփոխության համաժողովին ընդառաջ աշխարհի տարբեր երկրներում մեկնարկել են ակցիաները և իրենք ևս միացել են դրան։ Ստեփանյանը նաև տեղեկացրել է, որ նույն պահանջով ակցիաներ են անելու արտգործնախարարության, Ռուսաստանի, Ֆրանսիայի և Միացյալ Նահանգների դեսպանատների առաջ:

«Ադրբեջանական կողմը ապօրինաբար պահում է Արցախի ռազմաքաղաքական ղեկավարությանը։ Դրան նպաստում է նաև այս իշխանությունները, որոնք իրենց անգործությամբ, շատ ժամանակ նաև գործին խանգարելով, քրեական գործին նոր հատորներ ավելացնելով պարարտ հող է ստեղծում այդ մարդկանց այնտեղ մնալու և մեղադրանքներն ավելացնելու։ Մեզնից կախված ամեն ինչ պետք է անենք, որպեսզի կարողանանք այս վիճակում, ամոթի, խայտառակության պատկերը փորձենք մեր կարողության չափով ամեն ինչ անենք, որպեսզի օր առաջ ռազմաքաղաքական ղեկավարությունը հայտնվի ազատության մեջ։ Դա բոլորիս պատվի, արժանապատվության հարցն է, ուրիշ կարծիք լինել չի կարող»,- այսօր՝ հոկտեմբերի 11-ին, ՄԱԿ երևանյան գրասենյակի մոտ բողոքի ակցիայի ընթացքում հայտարարեց ԱԺ «Հայաստան» խմբակցության պատգամավոր Գառնիկ Դանիելյանը։

Այսօր՝ հոկտեմբերի 11-ին տեղի ունեցած դատական նիստից հետո ՀՀ երկրորդ նախագահ Ռոբերտ Քոչարյանը պատասխանեց լրագրողների հարցերին։

Հայաստանի Հանրապետությունում ծխախոտային արտադրանքից (ԱՏԳ ԱԱ 2402 ծածկագիր) և ալկոհոլային ապրանքներից (ԱՏԳ ԱԱ 2204, 2205, 2206 00, 2207 և 2208 ծածկագրեր), բացի մայիսի 1-ից հսկիչ (նույնականացման) նշաններով դրոշմավորման պահանջը պարտադիր է նաև փաթեթավորված խմելու ջրի դեպքում, ներառյալ՝ բնական կամ արհեստական հանքային ջրերը՝ գազավորված կամ չգազավորված, առանց շաքարի կամ այլ քաղցրացնող կամ բուրավետ նյութերի հավելման (ԱՏԳ ԱԱ 2201 10 110 0, 2201 10 190 0, 2201 10 900 0, 2201 90 000 0 ծածկագրեր)։ Ի դեպ, մինչև 2024 ապրիլի 30-ը ներառյալ ներկայացված հայտերի հիման վրա ստացված դրոշմապիտակներով դրոշմավորված ջրերը կարող են չդրոշմավորվել հսկիչ նույնականացման նշաններով:

Հայաստանի Հանրապետության նախագահ Վահագն Խաչատուրյանը Թուրքմենստան կատարած աշխատանքային այցի շրջանակներում Աշխաբադում մասնակցեց թուրքմեն բանաստեղծ, մտածող և թուրքմենական դասական գրականության հիմնադիր Մահթումկուլի Ֆրագիի 300-ամյակին նվիրված համաժողովին:

Հակակոռուպցիոն դատարանում ընթանում է երկրորդ նախագահ Ռոբերտ Քոչարյանի և մյուսների՝ վերաբացված գործով դատական նիստը։ Նիստին ներկա է նաև Ռոբերտ Քոչարյանը։ Նիստը նախագահում է դատավոր Սարգիս Պետրոսյանը: «Նրանից արդարադատություն ակնկալելն անմտություն է»,- դատարանի բակում հայտարարել է «Հայաստան» խմբակցության պատգամավոր Լևոն Քոչարյանը՝ հիշեցնելով, որ Պետրոսյանը իշխող Քաղաքացիական պայմանագրի ցուցակով պատգամավորի թեկնածու է եղել: Երկրորդ նախագահն էլ նիստին հայտարարել է, թե եկել է՝ բարի կամք դրսևորելով:

Հայաստանի Հանրապետության գլխավոր դատախազ Աննա Վարդապետյանի՝ 2024 թվականի հուլիս-հոկտեմբեր ամիսների հրամաններով՝ Դատախազությունում տեղի են ունեցել կադրային փոփոխություններ

44-օրյա պատերազմի ողբերգական ավարտից հետո երկրում տեղի ունեցող ներքաղաքական ընդվզումները, անկախ յուրահատկություններից, մասնակիցներից և առաջնորդներից, երկու հիմնական նմանություն ունեն. նախ, այդպես էլ չեն հասնում իրենց հիմնական նպատակներին, և երկրորդը՝ դրա հետևանքով հանրային դաշտում հանգեցնում են «մանդատները դրեք» թեզի անիմաստ շահարկումներին։

Դավթյանին պատկանող գույքի առնչությամբ ՀՀ գլխավոր դատախազությունում իրականացվել է ուսումնասիրություն, որի արդյունքում կազմվել է ամփոփագիր։

Սարինե Աբրահամյանը երկար տարիներ եղել է ԸԵՄՄ-ի ակտիվ անդամ, 2021 թ․ ընտրվել է կազմակերպության փոխնախագահ և Սևծովյան տարածաշրջանի համակարգող: ՀՅԴ Բյուրոյի Երիտասարդական գրասենյակի հետ համագործակցելով՝ նա առանցքային դեր է խաղացել տարբեր ծրագրերում, այդ թվում ԸԵՄՄ-ի կողմից Հայոց ցեղասպանության ճանաչման և հատուցմանն ուղղված աշխատանքներում, ինչի արդյունքում 2015 թ․ Երևանում ԸԵՄՄ-ի համաշխարհային խորհրդի նիստի ժամանակ ընդունվեց բանաձև:

Այսօր՝ հոկտեմբերի 11-ին, խոշոր հրդեհ է տեղի ունեցել Երևանում: Ժամը 02:30-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մարիա Յակոբսենի փողոցում ավտոմեքենա է այրվում:

Հայլուր 12։30 Հրաժարականներ Փաշինյանի կաբինետում. պաշտոնից ազատվել են փոխնախարարներ

Մամուլի տեսություն 11.10.2024

Գործը մակագրվում է մի դատավորի, որը եղել է ՔՊ կուսակցության անդամ ու նաև եղել է պատգամավորի թեկնածու։ Այսինքն, նման մարդուց արդարադատություն ակնկալելը միամտություն է։ Այս մասին ասյօր՝ հոկտեմբերի 11-ին, ՀՀ երկրորդ նախագահ Ռոբերտ Քոչարյանի մասնակցությամբ դատական նիստից առաջ լրագրողների հետ զրույցում ասաց ԱԺ «Հայաստան» խմբակցության պատգամավոր Լևոն Քոչարյանը։

Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հոկտեմբերի 11-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Համացանցում հրապարակված Երևան քաղաքի Նոր Նորք վարչական շրջանի Տորք Անգեղ այգու տարածքում ապօրինի ծառահատումների վերաբերյալ տեսանյութի հիման վրա Բնապահպանության և ընդերքի տեսչական մարմնում հարուցված վարչական վարույթի շրջանակում պարզվել է, որ սեպտեմբերի 28-ին քաղաքացիներ Ա.Բ.-ի ու Վ.Բ.-ի կողմից այգու տարածքում հատվել և այրվել են մոշի, մասուրի մոտ մեկ տասնյակ չորացած թփեր ու թթենու կանաչ ճյուղեր։ Այս մասին տեղեկացնում են ԲԸՏՄ-ից:

«Ադրբեջանի վարչակազմը սկսել է օկուպացված Ստեփանակերտում բնակելի շենքերի զանգվածային քանդումը»,- ահազանգում է Արցախի բռնազավթված տարածքներում մշակութային ժառանգության պահպանության պետական խորհրդի քարտուղար Սերգեյ Շահվերդյանը։

Իրականում, որքան էլ վերջին օրերին մի շարք հանրային դեմքեր, բառիս բուն իմաստով, ղժժում էին Արփի Դավոյանի նախարար նշանակվելու հավանականության վրա, ՔՊ-ում շատերը պաշտպանում եւ սատարում էին նրան

Ճանապարհաշինական աշխատանքներով պայմանավորված՝ Հյուսիս-հարավի Տրանշ-3-ի Լանջիկից Հոռոմ ուղղությամբ ճանապարհի երկկողմանի տրանսպորտային երթևեկությունը ձախ գոտուց ժամանակավորապես տեղափոխվել է աջ երթևեկելի գոտի։

NEWS.am-ի տեղեկություններով՝ Էկոնոմիկայի փոխնախարար Նարեկ Տերյանը հրաժարականի դիմում է գրել։