Լրահոս

Մթնոլորտային երևույթները կապ չունեն երկրաբանականի հետ․ 1988թ.-ից հետո դեկտեմբերին շատ ավելի էական տաքացումներ են եղել, սակայն երկրաշարժ չի արձանագրվել։ Այս մասին ֆեյսբուքյան իր էջում գրել է ՀՀ ՇՄՆ հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։ «1988 թվականի դեկտեմբերի 7-ին շատ տաք է եղել, Երևանում օդի ջերմաստիճանը հասել է +13…+15, Գյումրիում մոտ +8...+10 աստիճանի: Այս հանգամանքով է պայմանավորված այն մտավախությունը, որ երբ ձմռանը օդի ջերմաստիճանը կտրուկ բարձրանում է, մարդիկ մտածում են, որ երկրաշարժ է լինելու: Սակայն գիտական ուսումնասիրությունները ցույց են տվել, որ մթնոլորտային երևույթները կապ չունեն երկրաբանական երևույթների հետ, դա պարզապես համընկել է: 1988թ.-ից հետո դեկտեմբերին շատ ավելի էական տաքացումներ են եղել, սակայն երկրաշարժ չի արձանագրվել»,- գրել է նա: Հիշեցնենք, որ 36 տարի առաջ այս օրը տեղի է ունեցել Սպիտակի ավերիչ երկրաշարժը։

Ըստ դիվանագիտական մեր աղբյուրների, նա Հայաստանի Հանրապետության ԱԳՆին է փոխանցել ռուսաստանաբնակ հայերի, այսպես կոչված, «սև ցուցակ», որոնց մուտքը Հայաստան առաջարկվում է արգելել։ Մեր ունեցած տեղեկություններով, ցուցակում ավելի քան 550 անուն կա՝ լրագրողներ, մշակույթի գործիչներ, քաղաքագետներ, Ռուսաստանի հայերի միության ներկայացուցիչներ և այլն։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Մարուքյանն իշխանությանը մատուցած այդ ծառայության դիմաց Փաշինյանի հատուկ հանձնարարությունների գծով դեսպանի պաշտոնը ստացավ։ Երկար դատաքննությունից հետո, անցած սեպտեմբերին, դատարանը վերջապես որոշում կայացրեց, բայց ԼՀԿ-ն ոչ մի մանդատ չստացավ։ Այսօր էլ շարունակում են ավագանու նիստերի արգելքը պահպանել՝ հիմա էլ Ակայի ՀԱՍԿ կուսակցությունն է դիմել դատարան, բողոքարկել վճիռը։ Մարուքյանի՝ հայցը հետ կանչելու դիմումը վերաքննիչ վարչական դատարանը պետք է հունվարին քննի։

Ինչո՞վ է հատկապես ուշագրավ նման տեղեկությունը: Բանն այն է, որ Փաշինյանն ու քպական թիմը ԱՄՆ նախագահական ընտրություններում շեշտը դրել էին Դեմոկրատների հաղթանակի վրա և սերտ կապեր ունեին Բայդենի վարչակազմի և դեմոկրատների ներկայացուցիչների հետ։ Սակայն ԱՄՆ ընտրություններում հաղթեց Հանրապետական կուսակցությունը ներկայացնող Դոնալդ Թրամփը: Հիմա, փաստացի, Փաշինյանը ջանքեր պիտի գործադրի նրա հետ հանդիպելու, նրա կաբինետի ներկայացուցիչների հետ կապեր հաստատելու համար՝ առաջին հերթին հասկանալու իր և յուր քպական իշխանության քաղաքական ապագան։ Ըստ նշյալ ալիքի, առաջիկա խորհրդարանական ընտրություններին ընդառաջ Փաշինյանը փորձում է ի դեմս Թրամփի նոր «քաղաքական տանիք» գտնել:

Հայաստանի արտաքին գործերի նախարար Արարատ Միրզոյանը դեկտեմբերի 7-ին աշխատանքային այցով ժամանել է Բահրեյն՝ մասնակցելու «Մանամայի երկխոսություն» միջազգային ֆորումին։ Այս մասին հայտնել է ՀՀ ԱԳՆ խոսնակ Անի Բադալյանը։

«ՀՀ երկրորդ Նախագահի անունից ծաղկեպսակ է դրվել՝ ի հիշատակ ավերիչ երկրաշարժի զոհերի։ Ի հիշատակ ավերիչ երկրաշարժի զոհերի, ինչպես ամեն տարի, 2024 թ դեկտեմբերի 7-ին ևս ՀՀ երկրորդ նախագահ Ռոբերտ Քոչարյանի անունից ծաղկեպսակ է դրվել Գյումրու Սուրբ Ամենափրկիչ եկեղեցուն հարակից հուշարձանի մոտ»։

Հայաստանը թափով սկսել է ամանորյա տոների նախապատրաստությունը, բայց մարդիկ, այնուամենայնիվ, ուրախ չեն՝ նրանք հազար ու մի հոգս ունեն։

Դեկտեմբերի 6-ին, արտակարգ դեպք է տեղի ունեցել Կոտայքի մարզում։ Ժամը 19:00-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ «MAN» մակնիշի կցորդիչով բեռնատարը Աբովյան - Գետամեջ ավտոճանապարհին՝ Գետամեջ գյուղի սկզբնամասում, դեռևս անհայտ հանգամանքներում, բախվել է գազատար խողովակին, ինչից գազի արտահոսք է սկսվել, հայտնում է Shamshyan.com-ը։ Պարզվել է, որ «MAN» մակնիշի կցորդիչով բեռնատարի վարորդ Վիգեն Մ.-ն բախվել է «Ռ. Մելքոնյան և ընկերներ» գազալցակայանը սնուցող գազատար խողովակին՝ վնասելով այն։ Բարեբախտաբար տուժածներ չկան։ Ահազանգով ժամանել են նաև «Գազպրոմ Արմենիա» Աբովյանի ԳԳՄ-ի աշխատակիցները, ովքեր արդեն ձեռնամուխ են եղել վթարը վերականգնելու և գազալցակայանի գազամատակարարումը վերականգնելու համար։ Վարորդը տեղում ենթարկվել է սթափության փորձաքննության, եղել է սթափ։

Վարչական դատարանում վիճարկվում է կարմիր գծերում կայանելու դրույքաչափը 13 անգամ թանկացնելու՝ ավինյանական որոշման իրավաչափությունը: «Մայր Հայաստան» շարժումն է հայցը տարել դատարան: Մեկ շաբաթում արդեն երկրորդ անգամ է հետաձգվել նիստը: Առաջին անգամ դատարանը վարույթից հեռացրել է քաղաքապետարանի իրավաբանին՝ պնդմամբ, որ նա իրավասու չէ պատասխանել դատարանի ու հայցվորի հարցերին: Իսկ այսօր քաղաքապետարանից որևէ ներկայացուցիչ չի բարեհաճել դատարան:

Քամին՝ հյուսիսարևելյան 2-5 մ/վ։ Օդի ջերմաստիճանն էապես չի փոխվի։

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Դեկտեմբերի 6-ին, ժամը 18։20-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Գյուրջան փողոցի թիվ 6/6 կիսակառույց շենքի 12-րդ հարկից քաղաքացին ընկել է վերելակի հորանը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ քաղաքացի Ջ․ Թ․-ն (ծնված 1985 թ․) շենքի 6-րդ հարկից ընկել է մոտ 50 սմ ջրալցված վերալակի հորանը և մահացել։ Փրկարարները վերելակի հորանից դուրս են բերել դին և մոտեցրել դի տեղափոխող ավտոմեքենային:

Բալյանը նախկինում ԴԱՀԿ-ում է աշխատել, Միհրան Պողոսյանի՝ Քեթրինի Միհրանի կադրերից է, արդարադատության փոխնախարար նշանակվելով էլ ինքն է մի շարք պաշտոններում նշանակումներ առաջադրել, որոնցից ոմանք, ըստ ներքին խոսակցությունների, դարձան Գրիգոր Մինասյանի ազատման պատճառը։

«Ազգային առաջընթաց»-ից Պեդրո Զարոկյանը «Ժողովուրդ» օրաթերթին ասաց, որ եթե ավագանու անդամները համաձայնության գան, ապա հնարավոր է՝ տարեվերջյան նիստին հարցը օրակարգ մտնի: Բայց ավագանու անդամները, կարծես, չեն շտապում համաձայնություն տալ:

Գ․ Հ․-ն 2020 թվականին երեխա է ունեցել։ Նա գտնվել է հոգեճնշող վիճակում, քանի որ ամուսինը մասնակցել է Ադրբեջանի Հանրապետության կողմից Արցախի Հանրապետության դեմ 2020թ. սեպտեմբերի 27-ից սանձազերծված պատերազմին, հենց առաջին օրվանից։ Գ․ Հ․-ն 2020թ. նոյեմբերի 6-ին իր նորածին դստերը ապօրինաբար դիտավորությամբ զրկել է կյանքից: Ամուսնու պատերազմին մասնակցելու հանգամանքով պայմանավորված՝ նրա մոտ տեղի է ունեցել բացասական հույզերի կուտակում։ Նա բազմաթիվ հարվածներ է հասցրել երեխայի կենսականորեն կարևոր օրգաններին, հասցրել է գանգուղեղային վնասվածքներ, որոնք կյանքի հետ անհամատեղելի են եղել։ Iravaban.net-ի փոխանցմամբ գործը դատարան է ստացվել հոկտեմբերի 10-ին և մակագրվել Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր Միքայել Գրիգորյանին։ Գ․ Հ․-ի նկատմամբ մեղադրանք է առաջադրվել Քրեական օրենսգրքի 157-րդ հոդվածի 1-ին մասի հատկանիշներով։ Այն է՝ ծննդկանի կամ ծննդաբերի կողմից ծննդաբերության ժամանակ կամ դրանից հետո հոգեճնշող կամ մեղսունակությունը չբացառող հոգեկան խանգարման վիճակում մինչև երեք ամսական իր երեխայի սպանությունը` պատժվում է ազատազրկմամբ` առավելագույնը չորս տարի ժամկետով: Նրա նկատմամբ խափանման միջոց է ընտրվել՝ բացակայելու արգելքը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Դեկտեմբերի 6-ին՝ ժամը 18։14-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արշակունյաց պողոտայի թիվ 9/2 կիսակառույց շենքի հոսանքազրկման պատճառով երկու աշխատակից արգելափակվել են շենքի արտաքին պատին ամրացված ամբարձիչում: Դեպքի վայր է մեկնել ՆԳՆ ՓԾ Փրկարարական ուժերի վարչության Հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները պարանային աշխատանքների միջոցով 8-րդ հարկի մակարդակում արգելափակված Է․ Ղ․-ին (ծնված 1996 թ․) և Գ․ Պ․-ին (ծնված 1961 թ․) տեղափոխել են անվտանգ տարածք։

Ներկայացնելով 2023 թվականի անշարժ գույքի, եկամուտների, ծախսերի և շահերի հայտարարագիր՝ Նելլի Դավթյանը չի հայտարարագրել սեփական անշարժ գույք, սակայն հայտարարագրել է Երևան քաղաքի Ավան վարչական շրջանում գտնվող բնակարան, որը փաստացի իրեն չի պատկանում, սակայն 90 օրից ավելի շահագործվում է իր կողմից։

Հիմա ողջ իրավապահ համակարգը սպասում Է, թե ում կնշանակեն բանտապետ, որ կարողանա այդ բարդ ոլորտը կառավարել։

Դեկտեմբերի 6-ին, խոշոր ավտովթար է տեղի ունեցել Արարատի մարզում։ Ժամը 20:30 -ի սահմաններում Արարատի մարզի բնակիչ 43-ամյա Կ. Ա.-ն իր վարած «Mazda» մակնիշի ավտոմեքենայով Երևան-Երասխ ավտոճանապարհի 15 կմ հատվածում, դեպի Երասխ ընթանալիս, դեռևս անհայտ հանգամանքներում դուրս է եկել երթևեկելի գոտուց բախվել հողաթմբերին և գլխիվայր հայտնվել դաշտում։