Լրահոս

Երևանում տրանսպորտի թանկացման դեմ բոյկոտն ու ուղեվարձը 100 դրամ դարձնելու համար պահանջով իրազեկման ակցիաները շարունակվում են: 7-րդ օրն է՝ քաղաքացիների մի մասը կամ չի վճարում 150 դրամ, կամ 100 դրամ է վճարում: Նրանք, ովքեր չեն բոյկոտում, փաթեթներից են բողոքում: Շատերը նշում են, որ փաթեթները ամենևին էլ ձեռնտու չեն: Ի դեպ, «Քաղաքացիական պայմանագիր» կուսակցությունն է նախաձեռնող խմբի նիստ հրավիրել՝ տրանսպորտի հարցով: ՔՊ-ի տարածած հաղորդագրությունից իմանում ենք, որ հանրային տրանսպորտի ռեֆորմն ու հանրային հաղորդակցությանն առնչվող հարցեր են քննարկել ՔՊ-ականները՝ առանց ՔՊ վարչության ղեկավարի: Ինչպես հայտնի է Փաշինյանը երկրում չէ:

Բունտ է հասունանում Հայաստանի հյուսիսում: Շիրակի մարզում մսավաճառների բողոքի ալիքը չի հանդարտվում: Մարզում գործող սպանդանոց չկա, բայց իրենցից սպանդանոցային մորթ է պահանջում իշխանությունը: Մսավաճառների բողոքին միացել են անասնապահությամբ չզբաղվող ֆերմերները:

Ավելի վաղ Shamshyan.com-ը հայտնել էր, որ Կոտայքի մարզում պարեկները կանգնեցրել են «Mazda 6» մակնիշի ավտոմեքենան, որից հետո այն վարած, Հայաստանում հայտնի դերասաններից մեկին բերման են ենթարկել ոստիկանություն։

Հայաստանի թիվ մեկ հարկատուի աշխատողների գործադուլը փողոցային պայքար դառնալու ճանապարհին է: Մի քանի տասնյակ լեռնագործներ իրենց միանալու կոչերով՝ Քաջարանում ցույց են արել: Զասնգեզուրի պղնձամոլիբդենային կոմբինատը պնդում է, որ ընկերության հետ առնչություն չունեցող մարդիկ են առաջնորդում իրենց աշխատողներին: 8 աշխատողի են այսօր ազատել աշխատանքից «արտադրության սաբոտաժ հրահրելու համար»:

Փետրվարի 7-ին՝ ժամը 16:53-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Հալաբյան փողոցի շենքերից մեկի բնակարաններից մեկում հրդեհ է բռնկվել։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է շենքի առաջին հարկի բնակարաններից մեկում (մոտ 30 քմ): Հրդեհը մեկուսացվել է ժամը 17:20-ին, մարվել՝ 17:38-ին։ Բնակարանի խոհանոցում և միջանցքում այրվել են կենցաղային իրեր, ջերմահարվել են բնակարանի պատերն ու հյուրասենյակը՝ գույքով (15 քմ)։ Հրշեջ-փրկարարները շենքի տարբեր հարկերից տարհանել են 3 քաղաքացու։

Քիչ առաջ Երևանի համար 31 ավտոբուսում տեղի ունեցած միջադեպի ընթացքում ուղևորներից մեկը, վճարման շուրջ ծագած խոսակցության ժամանակ, դիտավորյալ կոտրել է ավտոբուսի կողային ապակին։ Այս մասին հայտնում է Երևանի քաղաքապետի խոսնակ Հայկ Կոստանյանը։ ««Երևանի ավտոբուս» ՓԲԸ-ի աշխատակիցները դեպքի վերաբերյալ անմիջապես տեղեկացրել են ոստիկանությանը, որի արդյունքում քաղաքացին տեղափոխվել է ոստիկանության բաժանմունք։ Հորդորում ենք մեր քաղաքացիներին պահպանել հասարակական կարգը և դրսևորել պատշաճ վարք հասարակական տրանսպորտում»,- ֆեյսբուքյան իր էջում գրել է նա։

Հայաստանի հյուսիսային գեղեցկուհին՝ Արփի լիճը: ՀՀ շրջակա միջավայրի նախարարությունը հրապարակել է Կովկասի բնության հիմնադրամի տեսանյութը:

Բաքվի դատարանի առաջ կանգնած հայ ռազմագերիներին Ադրբեջանն օգտագործում է Հայաստանի իշխանության դեմ: Հայ իրավապաշտպանները կասկած չունեն, որ ճնշումների տակ են Արայիկ Հարությունյանն ու Դավիթ Բաբայանը դատական երրորդ լսումների ժամանակ հերքել, թե իրենց նկատմամբ ճնշում է կիրառվում: Ըստ ադրբեջանական քարոզչամեքենայի՝ Բաբայանն ու Հարությունյանը բոլոր հայ գերիների անունից են նման հայտարարույթուն արել: Իրավապաշտպան Սիրանուշ Սահակյանը կասկածում է, որ Արցախի ռազմաքաղաքական մյուս ղեկավարները տեղյակ են եղել Բաբայանի և Հարությունյանի հայտարարության մասին:

2025 թվականի փետրվարի 7-ին Հայաստանի Հանրապետության և Ադրբեջանի Հանրապետության սահմանին տեղի է ունեցել Հայաստանի Հանրապետության գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի և Ադրբեջանի Հանրապետության ռազմագերիների, պատանդների և անհայտ կորած քաղաքացիների հարցերով պետական հանձնաժողովի հանդիպումը: Այս մասին հայտնում են ՀՀ ԱԱԾ-ից։ Հանդիպման ընթացքում Կողմերը կարծիքներ են փոխանակել անհայտ կորած անձանց ճակատագրի պարզաբանման հարցերի վերաբերյալ և համաձայնության եկել, որ հանձնաժողովների միջև փոխադարձ համաձայնությամբ քննարկումները կշարունակվեն:

Շրջանառության հարկի կրկնակի բարձրացումը մերժող առևտրականները, որ մի քանի օր շարունակ բողոքի ակցիաներ էին անում կառավարության դիմաց, այսօր իրենց ձայնը բարձրացրել են խորհրդարանում: Ազգային ժողովում իշխանության հարկային քաղաքականության մասին լսումների ժամանակ առևտրականները ցույցերով են սպառնացել, եթե չվերացվի, նրանց խոսքով հարկային տեռորը:

Փարաքար խոշորացված համայնքի Մերձավան բնակավայրում տեղի ունեցած դեպքի առթիվ քրեական հետապնդում է հարուցվել 9 անձի նկատմամբ, որոնցից 3-ը ձերբակալված են։

Ջալալ Հարությունյանի գործով վճիռը հրապարակվեց․ նա դատապարտվեց ազատազրկման՝ 5,5 տարի ժամկետով:

Այսօր՝ փետրվարի 7-ին, ՀՀ Ներքին գործերի նախարարության ոստիկանության պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Աբովյան քաղաքում «Mazda 6» մակնիշի ավտոմեքենայի վարորդը երթևեկում է կեղծ համարանիշներով, հայտնում է Shamshyan.com-ը: Վարորդի ներկայացրած Ռուսաստանի Դաշնության կողմից տրված տրանսպորտային միջոցի հաշվառման վկայականի ստուգմամբ պարզվում է, որ փաստաթուղթը կեղծ է, իսկ նշված ավտոմեքենայի վրա պետք է լիներ ՀՀ-ի կողմից տրված համարանիշ։ Ֆոտոլրագրողի տեղեկություններով՝ կեղծ փաստաթուղթ ներկայացնելու անմիջականորեն ծագած հիմնավոր կասկածի առկայության հիմքով պարեկների կողմից վարորդը ձերբակալվում և նշված ավտոմեքենայով տեղափոխվում է ՀՀ ՆԳՆ ոստիկանության համայնքային ոստիկանության գլխավոր վարչության Կոտայքի բաժին, ավտոմեքենան էլ տեղափոխվում է պահպանվող հատուկ տարածք։ Դեպքի փաստով ոստիկանության Կոտայքի բաժնում փաստաթղթեր են ձևակերպվում։ Ֆոտոլրագրողի տեղեկություններով՝ վարորդը Հայաստանում հայտնի դերասան է, ում ինքնությունը նախաքննության շահերից ելնելով չի հրապարակվում։

Հայլուր 20։30 Բողոքի գործողություններ՝ Շիրակից մինչև Սյունիք. սոցիալական լարվածությունը մեծանում է

Իրանը պատասխան հարձակմամբ է սպառնում ԱՄՆ-ի հնարավոր ագրեսիային: Թեհրանը ցուցադրության է հանել դրոնների նոր արսենալը՝ հակառակ Թրամփի վստահեցմանը, թե Իրանը ոչնչացնելու մասին լուրերը ուռճացված են: Իրանի բարձրաստիճան պաշտոնյաները Թրամփին մեղադրում են երկակի խաղ խաղալու մեջ:

Մարդու իրավունքների պաշտպան Անահիտ Մանասյանը փետրվարի 7-ին ընդունել է Հայաստանում Շվեյցարիայի Համադաշնության դեսպան Լուկաս Ռոզենկրանցին։ Անահիտ Մանասյանը դեսպանին է ներկայացրել մարդու իրավունքների պաշտպանի լիազորությունների շրջանակը, աշխատանքի ուղղությունները, որոնք, ի թիվս այլնի, ներառում են՝ կանանց, երեխաների, ազգային փոքրամասնությունների, հաշմանդամություն ունեցող անձանց իրավունքների, զինված ուժերում մարդու իրավունքների, ատելության խոսքի, անհանդուրժողականության մթնոլորտի, խտրականության դեմ պայքարի և այլ ոլորտները։ Պաշտպանն անդրադարձել է նաև իրավահավասարության երաշխավորման և հակախտրականության ոլորտում առկա մարտահրավերներին՝ ընդգծելով ատելության խոսքի, խտրականության, անհանդուրժողականության մթնոլորտի անթույլատրելի ծավալները մեր երկրում և դրա դեմ պայքարի շրջանակում իրականացվող աշխատանքների կարևորությունը: Անահիտ Մանասյանը դեսպանին է ներկայացրել նաև Լեռնային Ղարաբաղից բռնի տեղահանված անձանց իրավունքների պաշտպանությանն առնչվող հարցերը, ներկայումս առկա խնդիրները և իրականացվող աշխատանքները։ Իր խոսքում Անահիտ Մանասյանը հատուկ ընդգծել է գտնվելու վայրն անհայտ անձանց ճակատագրերը պարզելուն միտված աշխատանքների, գերության մեջ հայտնված անձանց իրավունքների պաշտպանության, նրանց վերադարձի ապահովման կարևորությունը՝ այս հարցերում շեշտելով մարդու իրավունքների պաշտպանության մանդատ ունեցող կառույցների դերը: Իր հերթին դեսպան Լուկաս Ռոզենկրանցը շնորհակալություն է հայտնել ընդունելության համար և կարևորել Պաշտպանի հաստատության դերը մարդու իրավունքների պաշտպանության առաքելության իրականացման գործում։

Փետրվարի 7-ին, ժամը 13։52-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մասիս քաղաքի երկաթգծի մոտակայքում այրվում է ավտոմեքենա։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ քաղաքի Հանրապետության փողոցում այրվում է «Toyota» մակնիշի ավտոմեքենա (վարորդ` Վ. Ս., ծնված 1964 թ․)։ Մինչ փրկարարների կանչի վայր հասնելը՝ ավտոմեքենայի վարորդը և ուղևոր Բ․ Ս․-ն դուրս են բերվել ավտոմեքենայից և հոսպիտալացվել։ Հրդեհը մեկուսացվել է ժամը 14։01-ին, մարվել՝ 14։20-ին: Այրվել է ավտոմեքենան։

Հայաստանի ռազմավարական գործընկեր ԱՄՆ-ից մի սիրողական լուսանկար է հասել Երևան՝ ԱՄՆ փոխնախագահի հետ Հայաստանի վարչապետի հանդիպումից: «Ճանաչողական հանդիպում» է անվանել Փաշինյանը Վենսի հետ «խոսակցությունը»: Պետական արարողակարգի մասնագետներին անծանոթ բառերով է Փաշինյանը ներկայացրելՎենսի հետ հանդիպումը, որը ամենայն հավանականությամբ ԱՄՆ փոխնախագահի աշխատասենյակում է եղել, ոչ թե հանդիպումների համար նախատեսված առանձին սենյակում: Փաշինյանն ավելի ուշ հայտարարել է, որ ավարտել է այցը ԱՄՆ ու տուն է վերադառնում:

Փաստաբանների պալատից հայտնում են․ «Փետրվարի 10-ին տեղի է ունենալու Փաստաբանների Ընդհանուր ժողով, որի արդյունքներով ձևավորվելու է Փաստաբանների պալատի գործադիր մարմնի՝ Պալատի խորհրդի կազմը, ինչպես նաև քվեարկության է դրվելու իրավասու պետական մարմինների կողմից իրականացվող, մարդու իրավունքների պաշտպանության համակարգը խաթարող և փաստաբանական համայնքի նկատմամբ խտրական հարկային քաղաքականության կիրառումը դատապարտող հայտարարությունը: Նույն օրը փաստաբաններն իրականացնելու են բողոքի ակցիա «գործադուլ»՝ հրաժարվելով պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց: Փաստաբանները պահանջում են ՀՀ կառավարությունից օրենսդրական նախաձեռնությամբ հանդես գալ և «Հայաստանի Հանրապետության հարկային օրենսգրքում լրացումներ կատարելու մասին» օրենքի նախագիծը ՀՀ Ազգային ժողով ուղարկելու միջոցով՝ փաստաբանական գործունեություն համարվող ծառայությունների մատուցումը, հատկապես անվճար (անհատույց) և կամավոր անհատույց իրավաբանական օգնության տրամադրումը ազատել ավելացված արժեքի հարկից»:

«Ռուսաստանի ու Ադրբեջանի հարաբերությունները նորից մտել են լարվածության շրջան: Ընդ որում` հրապարակային լարվածության: