Լրահոս

Այն դեպքում, որ պատգամավորներն իրենց «ձեռքի ծախսի» գումարները նախկին 50 հազար դրամից 250 հազար դարձրին հենց այդ պատճառաբանությամբ, որ այցելություններ են իրականացնում, հանդիպումներ են ունենում եւ այլն:

Եվրոպական խորհրդարանում Կիպրոսը ներկայացնող պատգամավոր Կոստաս Մավրիդեսը նշում է, որ Թուրքիայի նախագահ Ռեջեփ Թայիփ Էրդողանի ռեժիմի կողմից Հայոց ցեղասպանության ժխտումը ոչ միայն Ցեղասպանության շարունակություն է, այլ նաև նմանատիպ հանցագործությունների կրկնության վտանգավոր սերմ։ Կոստաս Մավրիդեսն այս մասին ասել է Բրյուսելում «Արմենպրես»-ի թղթակցի հետ զրույցում։ «Հայոց ցեղասպանությունը և մարդկության դեմ այսպիսի հանցագործությունները պետք է ոչ միայն դատապարտվեն և ուսումնասիրվեն որպես պատմական հիշողության իրադարձություններ, այլև ընկալվեն որպես բարոյական դաս՝ մեր ներկայի և ապագայի համար»,-նշել է նա։

ՀՀ Մարդու իրավունքների պաշտպան Անահիտ Մանասյանն ուղերձ է հղել Հայոց ցեղասպանության 110-րդ տարելիցի կապակցությամբ, որում ասված է․ «Այսօր քաղաքակիրթ աշխարհը ոգեկոչում է 20-րդ դարի առաջին ցեղասպանության՝ Մեծ Եղեռնի սուրբ նահատակների հիշատակը: Անցյալ դարասկզբին Օսմանյան Թուրքիայում ապրող հայերը ենթարկվեցին կազմակերպված զանգվածային ոճրագործությունների՝ դաժան սպանությունների, բռնի տեղահանության ու անմարդկային տանջանքների։ Չնայած մարդու իրավունքների պաշտպանության` շարունակաբար կատարելագործվող կառուցակարգերին՝ մինչ օրս չեն վերականգնվել իրենց հայրենի տնից բռնի տեղահանված և անմարդկային տանջանքների ենթարկված անձանց իրավունքները։ Պետք է նկատի ունենալ, որ այսպիսի արարքների անպատժելիությունը ցավալիորեն ծնում է նոր հանցագործություններ։ Այդ փաստը հաստատող օրինակներն աշխարհում բազմաթիվ են: 2023 թվականին էլ ականատես եղանք Լեռնային Ղարաբաղի ամբողջ հայ բնակչության բռնի տեղահանմանն ու նրանց նկատմամբ հանցանքների, դաժանությունների և վատ վերաբերմունքի բազմապիսի դրսևորումների: Ցավոք, այսօրվա աշխարհում էլ իրականություն է ցեղասպանության և մարդկության դեմ ուղղված հանցագործությունների համար պարարտ հիմք ձևավորող` էթնիկ հիմքով ատելությունը, այդ թվում` հայատյացության քաղաքականությունը: Ընդգծում եմ, որ անհրաժեշտ է մեկտեղել բոլոր ջանքերը՝ ժամանակակից քաղաքակիրթ աշխարհում համանման հանցագործությունները կանխելու և այդ ուղղությամբ պատշաճ քաղաքականություն իրականացնելու հարցում։ Նման ոճրագործությունների դեմ պայքարի արդյունավետ կառուցակարգերի գործարկումը պետք է լինի օրակարգային յուրաքանչյուրիս համար։ Ցեղասպանության հանցագործությունը չունի և չի կարող ունենալ որևէ արդարացում: Այն անդառնալի հետևանքներ է ունենում ամբողջ մարդկության ու մարդու իրավունքների պաշտպանության ամբողջ համակարգի վրա: Այսօր մենք գլուխ ենք խոնարհում Հայոց ցեղասպանության սուրբ նահատակների հիշատակի առջև և վերահաստատում մեր հանձնառությունը՝ հանցագործության դատապարտման, արդարության վերականգնման և համանման արարքների կանխարգելման գործում»:

Ուղիղ I Փաշինյանը՝ Ծիծեռնակաբերդում

Ապրիլի 17-ին արտակարգ դեպք է տեղի ունեցել Երևանում։ Ժամը 23։42-ի սահմաններում ՀՀ ՆԳՆ ոստիկանության Կենտրոնական բաժնում տեղեկություն է ստացվել, որ մի տղա հարձակվել է քաղաքացու վրա և նրան ծեծի ենթարկել։ Այս մասին հայտնում է Shamshyan.com-ը։

Ապրիլի 23-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ՀՀ փաստաբանների պալատի նախաձեռնությամբ Երևանում գումարված միջազգային համաժողովի մասնակից փաստաբաններին՝ գլխավորությամբ ՀՀ փաստաբանների պալատի նախագահ տիար Սիմոն Բաբայանի:

«Թմրամիջոց ապօրինի պահելու և իրացնելու վերաբերյալ ստացած օպերատիվ տեղեկությունը Քրեական ոստիկանության Երևան քաղաքի վարչության ծառայողներն իրացրին ապրիլի 21-ին: Երեկոյան ժամը 21։00-ի սահմաններում Արտաշատի խճուղում նրանք ձերբակալեցին փաստացի Երևանում բնակվող օտարերկրացի 28-ամյա երիտասարդի: Նրա խուզարկությամբ հայտնաբերվեց կպչուն ժապավենով 5 փաթեթ` ընդհանուր 6,5 գրամ կոկաինի նմանվող զանգվածով: Ըստ օտարերկրացու` հայտնաբերվածը թմրամիջոց է, որն ինքը վերցրել է մայրաքաղաքի տարբեր վայրերում տեղադրելու համար:

Ապրիլի 23-ին՝ ժամը 22:20-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տուն։ Հայտնում են ՀՀ ՊՆ-ից։

Բաքվի ծանր հանցագործությունների դատարանը դատավճիռ է կայացրել Էմին Հասիմզադեի քրեական գործով, որը մեղադրվում է «պետական ​​դավաճանության և Ադրբեջանի սահմանադրական կարգի դեմ ուղղված այլ հանցագործությունների մեջ»։

Ուկրաինայում խաղաղությունը կասկածի տակ է, քանի որ չեղարկվել են ուկրիանական ճակատագրի համար բախտորոշ համարվող լոնդոնյան բանակցությունները: Այսօր պետք է բանակցային սեղանին նստեին Միացյալ Նահանգների պետքարտուղարն ու Ուկրաինայի արտգործնախարարը:

Հռոմի պապ Ֆրանցիսկոսի մարմինը այսօր առավոտյան տեղափոխվել է Սուրբ Պետրոսի տաճար, որտեղ կպահվի մինչև ապրիլի 26-ի հուղարկավորության արարողությունը։ Սգո երթը, որ տևել է մոտ 40 րոպե, անցել է Սուրբ Պետրոսի հրապարակով՝ հավատացյալների ներկայությամբ, որոնք սպասում էին հարգանքի տուրք մատուցելու՝ Սրբազան քահանայապետին։ Հռոմի Ֆրանցիսկոս պապին հավանական փոխարինողի 9 անուն է շրջանառվում:

Ռոբերտ Քոչարյանի կառավարման ժամանակ 15 երկիր ճանաչել է Հայոց ցեղասպանութունը։ Այս մասին լրագրողների հետ ճեպազրույցում ի պատասխան ՔՊ-ականների հայտարարությունների, թե՝ Ռոբերտ Քոչայանը Հայոց ցեղասպանության ճանաչման հարցը սակարկման առարկա է դարձրել, ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, որը մասնակցում էր Ջահերով երթին։

Կառավարությունն այսօր հաստատել է գենդերային քաղաքականության 2025-2028 թվականների ռազմավարությունը և միջոցառումների ծրագիրը: Ռազմավարական ծրագրի քննարկումը վարչապետը վերածել է ուժեղ ու թույլ տղամարդկանց մասին իր պատկերացումների վերարատադրությանը, հասել՝ տղաների սև շորերին, ծիծակ կոշիկներին: Ըստ Փաշինյանի՝ Հայաստանում բռնության են ենթարկվում նաև արական սեռի ներկայացուցիչները՝ տղա երեխաներին հայհոյանք են սովորեցնում, իսկ որոշ տղամարդկանց աշխատավարձը տանը ձեռքից առնում, թողնում անկոպեկ:

Ջահերով երթի մասնակիցները քայլերթին իրենց ձեռքերում պաստառներ են պահել Արցախի և Արևմտյան Հայաստանի բնակավայրերի անուններով։

Մենք այստեղ ենք՝ որպես սերունդ, ում ընկերները ընկել են հայրենիքի համար մղվող պատերազմներում, բայց իրենց արածով մեզ թողել են հստակ ուղեգիծ՝ պայքարը պետք է շարունակվի, կռիվը պետք է շարունակվի։ Հանրապետության հրապարակում մեկնարկող Ջահերով երթի ժամանակ հայտարարեց ՀՅԴ Հայաստանի երիտասարդական միության կենտրոնական վարչության ներկայացուցիչ Ժորա Ավդալյանը։

Թշնամու կրակահերթերը Հայաստանի արևելյան սահմաններին անպատասխան թողնելով՝ Հայաստանի գործող իշխանությունը շարունակում է առաջ քաշել ծեծված թեզը՝ «Չենք արձագանքում, որ պատերազմ չլինի»: Ինչպես կրակոցների ձայներին սովորած սահմանամերձ գյուղերի բնակիչները, այնպես էլ ընդդիմադիրները չեն հավատում ՔՊ-ականների այդ հայտարարությանը և վստահ են՝ Բաքուն նոր զիջումներ է փորձում կորզել և կրակոցներով ճնշում է Հայաստանի անունից բանակցողներին:

Հանրապետության հրապարակում ջահերով երթից առաջ այրեցին Թուրքիայի և Ադրբեջանի դրոշները։ 

Այս ջահերը, որ մեր ձեռքերում են, լույս չեն միայն։ Դրանք կրակներ են՝ մեր նախնիների հիշողությունը հավերժող։ Հանրապետության հրապարակում մեկնարկող Ջահերով երթի ժամանակ հայտարարեց ԱԺ «Հայաստան» խմբակցության պատգամավոր Գեղամ Մանուկյանը։

«Ժողովրդի ներկայությունը ուղիղ պատասխան է թե՛ մեր թշնամիներին, թե՛ նրանց խամաճիկ` Հայաստանի կառավարությանը, ում թվում էր, որ այլևս կարող է փակել արցախյան էջը կամ ուրանալ Հայոց ցեղասպանությունը»,- Հանրապետության հրապարակում մեկնարկող Ջահերով երթի ժամանակ հայտարարեց ՀՅԴ Հայաստանի ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։

Հայլուր 20։30 Հայերը «ոչ» են ասում ուրացմանը. Ցեղասպանությունից՝ Արցախ