Լրահոս

Այսօր՝ մայիսի 10-ին, Երևանում աշխատանքային անվտանգության կանոնների չպահպանման հետևանքով հերթական ողբերգական դեպքն է տեղի ունեցել Երևանում: Ժամը 15:00-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Արաբկիրի բաժնում օպերատիվ տեղեկություններ են ստացվել, որ Արղության 10 հասցեում՝ գովազդային նյութերի արտադրամասում գործող քարի մշակման հաստոցի մեջ քաղաքացի է մահացել, հայտնում է Shamshyan.com-ը։ Տեղում պարզվել է, որ ստացված օպերատիվ տեղեկությունը հավաստի է: Քար կոտրելու «ստանոկ»-ի մեջ ոստիկաններն ու պարեկները հայտնաբերել են տղամարդու մարմին: Դեպքի փաստով Արաբկիրի քննչական բաժնում նախաձեռնվել է քրեական վարույթ, որտեղ էլ պարզվում է մահացածի ինքնությունը: Թե ինչ հանգամանքներում է տղամարդը հայտնվել նշված գործիքի մեջ, որի մեջ եղել են մեծ քանակի քարեր, պարզվում է:

Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քիր Սթարմերը և Լեհաստանի վարչապետ Դոնալդ Տուսկը համատեղ հայտարարությամբ կոչ են արել Ռուսաստանին համաձայնել 30-օրյա լիարժեք և առանց պայմանների հրադադարի: «Արմենպրես»-ի հաղորդմամբ՝ հայտարարությունը հրապարակել է Մեծ Բրիտանիայի կառավարության կայքը։ «Մենք վերահաստատում ենք մեր աջակցությունը ԱՄՆ նախագահ Թրամփի՝ խաղաղության համաձայնագրի կոչերին և կոչ ենք անում Ռուսաստանին դադարեցնել կայուն խաղաղություն ապահովելու ջանքերին խոչընդոտելը։ ԱՄՆ-ի հետ միասին մենք կոչ ենք անում Ռուսաստանին համաձայնել լիարժեք և առանց պայմանների 30-օրյա հրադադարի՝ արդար և երկարատև խաղաղության շուրջ բանակցությունների համար», - ասվում է հայտարարության մեջ։ Նրանք պատրաստակամություն են հայտնել հնարավորինս շուտ աջակցել խաղաղության բանակցություններին, քննարկել հրադադարի իրականացման տեխնիկական հատվածը և պատրաստվել լիարժեք խաղաղության համաձայնագրի: Երկրների ղեկավարները պատրաստակամություն են հայտնել նաև մեծացնել իրենց աջակցությունը Ուկրաինային։ Ֆրանսիայի, Գերմանիայի, Մեծ Բրիտանիայի և Լեհաստանի ղեկավարները մայիսի 10–ին ժամանել էին Կիև՝ մասնակցելու «Կամավորների կոալիցիայի» հանդիպմանը։

Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները:

Հնդկաստանի Քաշմիրի Սրինագար քաղաքում երկու ուժեղ պայթյուն է լսվել քաղաքի օդանավակայանի և բանակի շտաբի մոտ: «Արմենպրես»-ի հաղորդմամբ՝ այս մասին հայտնում է Reuters-ը՝ հղում անելով պաշտոնյայի ու ականատեսների: Հնդկաստանի և Պակիստանի միջև մարտերը շարունակվում են: Հնդկաստանի և Պակիստանի միջև լարվածությունը սրվել է ապրիլի 22-ին Հնդկաստանի Ջամմու և Քաշմիր նահանգի Պահալգամ քաղաքի մոտակայքում տեղի ունեցած ահաբեկչական հարձակումից հետո: Հարձակման հետևանքով զոհվել է 25 հնդիկ և մեկ նեպալցի: Նյու Դելին հայտարարել է, որ ունի ապացույցներ, որ Պակիստանի միջգերատեսչական հետախուզությունը ներգրավված է եղել հարձակման մեջ:

Եղեգիսի սարսափը. Տղես գիշերը հելնում ա, որ գնա գոմ, տեսնում է արջը բալկոնի տակ կանգնած

Թուրքիայի հյուսիսում դպրոցականներ տեղափոխող տուրիստական ​​ավտոբուսը վթարի է ենթարկվել, տուժել է 18 մարդ, որոնցից երկուսը ծանր վիրավորվել են, շաբաթ օրը հաղորդում է TGRT-ն։ «Ավտոբուսը, որով դպրոցականները մեկնում էին էքսկուրսիայի, թանձր մառախուղի պայմաններում չի կարողացել շրջադարձ կատարել և հանդիպակաց գոտում բախվել է մեքենային»,- «ՌԻԱ Նովոստի»-ի փոխանցմամբ՝ հայտնում է հեռուստաալիքը։ Առնվազն 18 մարդ տուժել է Սինոպ նահանգի Ալօղլու գյուղի մոտ տեղի ունեցած ճանապարհատրանսպորտային պատահարի հետևանքով, երկուսը՝ ծանր։ Վիրավորները հոսպիտալացվել են Սինոպի հիվանդանոց։

Մայիսի 10-ին՝ ժամը 13:20-ին, Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նորամարգ գյուղում տեղի է ունեցել ՃՏՊ, կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Նորամարգ գյուղի Ազատության փողոցում բախվել են GAZ և GAZelle մակնիշների բեռնատարները. GAZelle մակնիշի բեռնատարը կողաշրջվել է։ Մինչ փրկարարների կանչի վայր հասնելը՝ GAZelle մակնիշի բեռնատարի վարորդը տեղի ուժերով դուրս է բերվել ավտոմեքենայից և հոսպիտալացվել։ Փրկարարները հոսանքազրկել են ավտոմեքենաները և փակել գազի բալոնների փականները։

Բրազիլիայի նախագահ Լուլա դա Սիլվան հայտարարել է, որ Ռուսաստան կատարած այցից հետո կմեկնի Պեկին, որտեղ Չինաստանի նախագահ Սի Ծինփինի հետ կքննարկի Ուկրաինայում խաղաղ կարգավորման հնարավորությունները: Ավելի ուշ Բրազիլիայի առաջնորդը մտադիր է բանակցություններ վարել Ֆրանսիայի իշխանությունների հետ: «Խաղաղության հարցը քննարկելու եմ Սի Ծինփինի հետ, այնուհետև՝ ​​Ֆրանսիայի հետ, քանի որ այս հարցում Բրազիլիային հետաքրքրող միակ բանն աշխարհում նորմալ հարաբերություններին հնարավորինս շուտ վերադարձն է», - «Արմենպրես»-ի փոխանցմամբ՝ լրագրողների հետ զրույցում նշել է Լուլա դա Սիլվան։ Նրա խոսքով՝ Բրազիլիան կշարունակի երկխոսությունը նրանց հետ, ովքեր իսկապես նվիրված են Ուկրաինայում խաղաղության հասնելուն։

Ռուսաստանի Չիտա քաղաքի Կադալա օդանավակայանը ժամանակավորապես չի ընդունում ինքնաթիռներ՝ բռնկված հրդեհի պատճառով: «Արմենպրես»-ի փոխանցմամբ՝ այս մասին հայտնել է Ռուսաստանի Օդային տրանսպորտի դաշնային գործակալության պաշտոնական ներկայացուցիչ Արտյոմ Կորենյակոն։ «Չիտայի օդանավակայանը Մոսկվայի ժամանակով ժամը 09:10-ից ժամանակավորապես չի ընդունում և ուղարկում ինքնաթիռներ՝ օդանավակայանից դուրս բռնկված, բայց օդանավակայան հասած հրդեհը (այրվում է չոր խոտ) մարելու անհրաժեշտությամբ պայմանավորված», - գրել է Կորենյակոն: Ըստ նրա՝ իրավիճակը վերահսկողության տակ է։ Օդանավակայանի կամ թռիչքների անվտանգությանը որևէ սպառնալիք չկա։

Քամին՝ հարավարևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ արագությամբ։

Մահվան գետը. սատկած կենդանիներ, անգործ ձկնորսներ Մեքսիկայում նավթի արտահոսքի պատճառով

Դատավորների եվրոպական միության (European Assossiation of Judges-EAJ) անդամները մայիսի 10-ին այցելել են Հայոց ցեղասպանության հուշահամալիր՝ Հայաստանի դատավորների միության նախագահ Ալեքսանդր Ազարյանի ուղեկցությամբ: Շուրջ 40 պետությունից ավելի քան 70 պատվիրակի դիմավորել է Հայոց ցեղասպանության թանգարան-ինստիտուտի տնօրեն Էդիտա Գզոյանը և ուղեկցել դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: ՀՑԹԻ տնօրենն անդրադարձ է կատարել նաև Ծիծեռնակաբերդի տարածքում անցյալ դարավերջին Ադրբեջանի Սումգայիթ, Կիրովաբադ (Գանձակ), Բաքու քաղաքներում ադրբեջանական կառավարության կազմակերպած կոտորածներին զոհ գնացած հայերի հիշատակին տեղադրված երեք խաչքարերին՝ շեշտելով կապը տեղի ունեցածի և Հայոց ցեղասպանության միջև: Տարբեր երկրներից ժամանած դատավորները ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության անմեղ զոհերի հիշատակը: Էդիտա Գզոյանը հյուրերին ներկայացրել է Հուշապատի հետնամասում տեղադրված հուշաքարերի պատմությունը ևս: Այդ հատուկ խորշերի մեջ ամփոփված են 19-րդ դարավերջին և 20-րդ դարասկզբին թուրքական կառավարության իրագործած հայերի զանգվածային կոտորածների և ցեղասպանության դեմ իրենց բողոքի ձայնը բարձրացրած օտարազգի մի շարք հասարակական, քաղաքական գործիչների, մտավորականների և միսիոներների գերեզմաններից վերցված հողով լի փոքր սափորները: Հյուրերը շրջել են նաև Հայոց ցեղասպանության թանգարանում, որտեղ ծանոթացել են մշտական և ժամանակավոր ցուցադրություններին: Այցի ավարտին Դատավորների եվրոպական միության անդամները Հիշողության պուրակում, ի հիշատակ Հայոց ցեղասպանության զոհերի, տնկել են արծաթափայլ եղևնի:

Երևանի և Բաքվի միջև խաղաղ գործընթացի շուրջ շփումները շարունակվում են։ Այս մասին լրագրողների հետ զրույցում ասել է Ադրբեջանի ԱԳ նախարար Ջեյհուն Բայրամովը։ Վերջինս Հայաստանին մեղադրել է «լուրջ քայլեր» չձեռնարկելու մեջ: «Ադրբեջանը Հայաստանից ակնկալիքներ ունի։ Դա տարածքային հավակնություններից հրաժարվելն ու ԵԱՀԿ Մինսկի խմբի լուծարումն է։ Մենք հետևում ենք այդ գործընթացներին»,-ասել է նա։

Հայ մարզիկը տղամարդկանց կումիտեի -84 կգ քաշային կարգում նվաճել է անկախ Հայաստանի առաջին մեդալը կարատեի Եվրոպայի մեծահասակների առաջնություններում: Այս մասին հայտնում է ԿԳՄՍ նախարարությունը: Կարատեի Եվրոպայի 60-րդ առաջնությունն անցկացվում է Կարեն Դեմիրճյանի անվան մարզահամերգային համալիրում: Մասնակցում է 54 երկրի շուրջ 1000 մարզիկ։

Իրանի արտաքին գործերի նախարար Աբբաս Արաղչին մեկնել է Ջիդդա՝ բարձր մակարդակի բանակցություններ վարելու իր գործընկերոջ և այլ բարձրաստիճան պաշտոնյաների հետ։ IRNA–ի փոխանցմամբ՝ Արաղչին մեկնել է Ջիդդա՝ հանդիպելու Սաուդյան Արաբիայի բարձրաստիճան պաշտոնյաների հետ՝ քննարկելու երկկողմ հարաբերությունները, տարածաշրջանային զարգացումները և միջազգային հարցերը։ Մայիսի 10–ին ավելի ուշ Իրան ԱԳ նախարարը կմեկնի Դոհա՝ մասնակցելու Իրան-արաբական աշխարհ երկխոսության գագաթնաժողովին: Գագաթնաժողովի քննարկումների առանցքում է լինելու տարածաշրջանային համագործակցությունը: Մինչ մեկնելը Իրանի արտաքին գործերի նախարարը լրագրողներին ասել է, որ Սաուդյան Արաբիա իր այցը մի մասն է տարածաշրջանային խորհրդակցությունների, այդ թվում՝ Ամերիկայի Միացյալ Նահանգների հետ անուղղակի բանակցությունների։ Ըստ նրա՝ միջուկային հարցերի վերաբերյալ տարածաշրջանի երկրների մտահոգությունները կարևոր են ցանկացած կայուն համաձայնագրի հասնելու համար։

Նախորդ տարվա հարկերի հավաքագրումը ձախողելուց և 223 մլրդ դրամ թերհավաքագրումից հետո սկսվեց հարկային տեռորը. 1%-ը դարձավ 5%, 5%-ը՝ 10%, իսկ բողոքող տնտեսվարողների կարծիքը ոչ ոք հաշվի չառավ։

Հայլուր 12։30 Թույներ են փորձարկե՞լ հայ կանանց և երեխաների վրա. London Times-ի սկանդալային հոդվածը

Ադրբեջանի ՊՆ հաղորդագրությունը, թե իբր մայիսի 10-ին՝ ժամը 09:55-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ Այս մասին հայտնում են ՀՀ ՊՆ-ից։

Մամուլի տեսություն 10.05.2025

Այսօր՝ մայիսի 10-ին, ՀՀ Առաջին նախագահ Լևոն Տեր-Պետրոսյանը դուրս է գրվել «Աստղիկ» բժշկական կենտրոնից: Այս մասին հայտնում է ՀԱԿ մամուլի խոսնակ Արման Մուսինյանը։ Ավելի վաղ հայտնել էինք, որ մայիսի 6-ին Լևոն Տեր-Պետրոսյանը պլանային վիրահատության էր ենթարկվել: