Լրահոս

Քաղաքագետ Արա Պողոսյանի ֆեյսբուքյան գրառումը. «Ալիևը Հունգարիայի վարչապետ Օրբանի հետ զրույցում ասում է, թե Հայաստանը վաղ թե ուշ կհամաձայնվի իր պահանջները բավարարել։ Ալիևը պնդում է, որ Փաշինյանը վաղ թե ուշ կփոխի Հայաստանի Սահմանադրությունը և կլուծարի ԵԱՀԿ Մինսկի խումբը։ Եթե Ալիևը սա պնդում է, նշանակում է Փաշինյանն առնվազն խոստացել է, որ Ալիևի պահանջները կբավարարի, իսկ եթե խոստացել է, ուրեմն առաջիկայում ականատես կլինենք հիստերիկ նոպաների, խայտառակ վարքագծի, ադրբեջանական զինուժի ակտիվացում Հայաստանի սահմանների մոտ։ Այս ամենից հետո Փաշինյանը կրկին ժողովրդի առաջ կդնի նույն հին երկընտրանքը՝ կա՛մ բավարարում եմ Ալիևին, կա՛մ գնացեք եղանով կռվելու․․․ Հնարավոր է այլ սցենար ևս՝ ինչ-որ ավելի նորարարկան մոտեցմամբ, բայց հիմնականում սա է լինելու առաջիկա թատրոնի սցենարը․․․ Որբի գլուխ դարձած Հայաստանս․․․»:

ՀՀ ԱԳ նախարար Արարատ Միրզոյանը հեռախոսազրույց է ունեցել ԱՄԷ փոխվարչապետ, արտաքին գործերի նախարար շեյխ Աբդալլահ բին Զայեդ Ալ Նահյանի հետ։ Այս մասին հայտնում են ՀՀ ԱԳՆ-ից։

Մայիսի 20-ին, ժամը 18:15-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Թալին-Մաստարա ավտոճանապարհին տեղի է ունեցել ՃՏՊ․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Iveco» մակնիշի բեռնատարը և «Toyota» մակնիշի ավտոմեքենան։ Մինչ փրկարարների կանչի վայր հասնելը՝ «Toyota» մակնիշի ավտոմեքենայի վարորդը և մեկ ուղևոր տեղի ուժերով դուրս են բերվել ավտոմեքենայից։ Փրկարարները պատգարակով շտապօգնության ավտոմեքենային են մոտեցրել ուղևորին․ վերջինս վարորդի հետ հոսպիտալացվել է բժշկական կենտրոն։ Փրկարարները սահմանազատել են տարածքը, հոսանքազրկել «Toyota» մակնիշի ավտոմեքենան և փակել գազի բալոնի փականը։

Իրավագիտության դոկտոր, պրոֆեսոր Գևորգ Դանիելյանը գրում է․ «Հայերին փոխանցվող զինադադարի հիմնադրույթները պիտի ուղղված լինեն ոչ թե Հայաստանից դուրս գալուն, այլ հայերին մոլորեցնելուն և Եվրոպայի հանդեպ խաղաղասեր երևալուն: Երկաթուղիները հսկողության տակ պահելու և մահմեդական ազգաբնակչության իրավունքները պաշտպանելու ՊԱՏՐՎԱԿՈՎ անհրաժեշտ է մեր ռազմական հսկողությունը հաստատել Հայաստանի ողջ տարածքի վրա և այդպիսով մեր ձեռքում պահել Թուրքիան Ադրբեջանին կապող բոլոր ճանապարհները». Թուրքիայի արտաքին գործերի նախարարի պաշտոնակատար Մուհթար բեյի ծածկագիրը Արևելյան ռազմաճակատի հրամանատար Քյազըմ Քարաբեքիր փաշային (8 նոյեմբերի 1920թ.): Հ.Գ. Ներքին պառակտվածության և գայթակղիչ ատելության վիրուսը հարկ է, վերջապես, ոչնչացնել, մենք դրա ոչ ժամանակն ունենք, ոչ էլ ներուժը …»։

Փաշինյանին գահընկեց անելու գեղեցիկ ծրագիրը տապալվում է, բայց Աղազարյանն ու Ասլանյանը վճռական են

Վաղը՝ մայիսի 21-ին  լրանում է Արցախի նախագահ Սամվել Շահրամանյանի պաշտոնավարման ժամկետը։ Ըստ նոր կարգավորումների՝  Ժամկետը լրանալուց հետո՝ 7 օրվա ընթացքում  ԱԺ խմբակցությունները պետք է նախագահի թեկնածու առաջադրեն, որից հետո՝ 3 օրվա ընթացքում ԱԺ-ն պետք է նիստ հրավիրի՝ նախագահ ընտրելու։ 

Իրանի Իսլամական Հանրապետության պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեն ՀՀ պաշտպանության նախարարության վարչական համալիրի տարածքում անվանական եղևնի է տնկել։ Այս մասին հայտնում են ՀՀ ՊՆ-ից։

Ադրբեջանական մեղքեր՝ Հայաստանի ուսերին. Երևանը ՄԱԿ-ին չի ասում՝ ո՞վ է հայաթափել Արցախը

«Ցավով ուզում ենք տեղեկացնել, որ կյանքից անժամանակ հեռացավ մեր սիրելի Արմենուհին՝ 44-օրյա պատերազմի հերոս Ժուդեքսի մայրը, ով պայքարում էր քաղցկեղի դեմ։

Հարիֆությունն էլ միավոր չի բերում. իշխանության ագրեսիվության պատճառները

Չինաստանը պատրաստ է շարունակել կառուցողական դեր խաղալ ուկրաինական ճգնաժամը կարգավորելու հարցում։ «ՌԻԱ Նովոստի»-ի փոխանցմամբ՝ այդ մասին հայտնել է Չինաստանի ԱԳՆ խոսնակ Մաո Նինը։ «Չինաստանն աջակցում է խաղաղության հաստատմանն ուղղված բոլոր ջանքերին: Չինաստանը պատրաստ է շարունակել կառուցողական դեր խաղալ համապատասխան կողմերի ցանկության համաձայն և միջազգային հանրության հետ միասին ճգնաժամը վերջնականապես կարգավորելու և կայուն խաղաղության հասնելու համար», - ասել է Մաո Նինը:

Ավելի շատերը փող կտան բանակից ազատվելու համար և ավելի խիստ կպատժվեն ծառայությունից խուսափողները

ՀՀ պաշտպանության նախարար Սուրեն Պապիկյանն առանձնազրույց է ունեցել ԻԻՀ պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ։ Այս մասին հայտնում են ՀՀ ՊՆ-ից։ «Առանձնազրույցին հաջորդել է պատվիրակությունների ընդլայնված կազմով հանդիպումը։ Նախարարները բարձր են գնահատել պաշտպանության բնագավառում երկու երկրների միջև համագործակցության մակարդակը։ Քննարկվել են Հայաստանի Հանրապետության ու Իրանի Իսլամական Հանրապետության միջև համագործակցության ընթացքին վերաբերող հարցեր: Զրուցակիցներն անդրադարձել են նաև տարածաշրջանային ու միջազգային անվտանգությանն առնչվող մի շարք հարցերի»,-ասված է հաղորդագրության մեջ:

Մայիսի 20-ին` տեղական ժամանակով ժամը 20:30-ին (Գրինվիչի ժամանակով` ժամը 16։30-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.08⁰ և արևելյան երկայնության 43․93⁰ աշխարհագրական կոորդինատներով Հայաստան-Վրաստան սահմանային գոտի՝ Բավրա գյուղից 10 կմ հարավ-արևելք, օջախի 10 կմ խորությամբ, 2․8 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է Շիրակի մարզի Բավրա, Սարագյուղ և Աշոցք գյուղերում՝ 2-3 բալ ուժգնությամբ։

Այսօր` մայիսի 20-ին, խոշոր ու ողբերգական ավտովթար է տեղի ունեցել Շիրակի մարզում: Ժամը 19:00-ի սահմաններում Մայիսյան բնակավայրի վարչական տարածքում դեռևս անհայտ հանգամանքներում բախվել են 2 «Mercedes » և «Kia» մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 1 հոգի տարբեր աստիճանի մարմնական վնասվածքներով տեղափոխվել է  Գյումրու բժշկական կենտրոն:   Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզվում է վարորդների, մահացածի և վիրավորի ինքնությունը: Քննիչի հանձնարարականով` ավտոմեքենաները տեղափոխվում են հատուկ պահպանվող տարածք:

Կոռուպցիան չի հեռանում Երևանի քաղաքապետարանից. նոր ձերբակալություններ

Մայիսի 20-ին, ժամը 18:32-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բագրատաշենի անցակետում 20 տ հեղուկ գազով բարձված ավտոցիստեռնում գազի ճնշումը բարձրացել է․ հովացման աշխատանքներ իրականացնելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհի բռնկումից խուսափելու նպատակով ավտոցիստեռնը տեղափոխվել է անվտանգ տարածք․ հրշեջ-փրկարարների կողմից տեղում իրականացվում են հովացման աշխատանքներ։

Հայաստանի կրթության, գիտության, մշակույթի և սպորտի նախարարության մասնագետներն ու «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մարզային աշխատակիցները մշտադիտարկման նպատակով այցելել են Սյունիքի մարզի 18 հուշարձաններ:

Երեխաների արյան հետքերը մաքրել են տաք ասֆալտի վրայից. Աղավնատունը ցնցած վթարը

Հայլուր 20։30 Ի՞նչ հարցեր է քննարկելու Լավրովը Երևանում. սթափության կոչ՝ Մոսկվայից