Լրահոս

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Այսօր, երբ մեր պետությունը կանգնած է արտաքին և ներքին լուրջ մարտահրավերների առաջ, ազգային կրթության դերը այլևս չի կարող դիտարկվել որպես ընդամենը կրթական քաղաքականության բաղադրիչ։ Այն դարձել է ազգային անվտանգության, պետական կայունության և ինքնության պահպանման ռազմավարական հենասյուն։ Հետևաբար՝ -Դպրոցին պետք է վերադարձնել իր ազգային բովանդակությանը։ -Հայոց լեզուն, պատմությունը, գրականությունը պետք է պարտադիր հիմք լինեն, ոչ թե «ընտրովի»։ -Մեր հերոսները և ազգային խորհրդանիշները պետք է վերադառնան դասագրքերի առաջին էջ, ոչ թե ջնջվեն քաղաքական պատվերով։ -Հայաստանյայց Առաքելական Եկեղեցին պետք է վերականգնի իր լիիրավ մասնակցությունը ազգային դաստիարակության գործընթացին՝ որպես պատմական իրավատեր և հոգևոր շունչ բերող ուժ։ Ազգային կրթությունն ու դաստիարակությունը պետք է լինեն պետության գաղափարական ողնաշարը, քանի որ առանց ազգային մտածողության, պատմության և հողին կապված սերնդի՝ պետություն պահելը դառնում է ժամանակի հարց։ Այս առումով մեր ռազմավարությունը պարզ է. -Ազգային կրթություն՝ որպես պետականություն պաշտպանող համակարգ։ -Ազգային դաստիարակություն՝ որպես սերնդի ինքնության երաշխիք։ -Եկեղեցի՝ որպես ազգային հոգևոր հենարան։ -Եվ տեսլական՝ Ազատ, Անկախ և Միացյալ Հայաստան»։

Քրեական ոստիկանության Արագածոտնի մարզային վարչությունում ստացված օպերատիվ տվյալներն իրացնելիս սեպտեմբերի 19-ին` ժամը 15.20-ին, Երևանի Խաղաղ Դոնի փողոցի շենքերից մեկում հայտնաբերվել և վարչություն է տեղափոխվել Նոր Արեշի բնակիչ 43-ամյա տղամարդը: Սեպտեմբերի 19-ից նա հետախուզվում էր առանձնապես խոշոր չափերով խարդախության մեղադրանքով, խափանման միջոցը՝ կալանք։ Նա տեղափոխվել է քրեակատարողական հիմնարկ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հայլուր 15։30 Երկու գանգ, ատամնաշար, մարմնի մասեր. առաջին կադրերը՝ Երևանը ցնցած առեղծվածային դեպքի

Քամին՝ հյուսիսարևելյան՝ 5-9մ/վ։ Օդի ջերմաստիճանը սեպտեմբերի 23-ի ցերեկը, 24-25-ին աստիճանաբար կբարձրանա՝ 2-4, Լոռիում, Տավուշում և Սյունիքում՝ 6-9 աստիճանով։

ԱԺ նախագահ Ալեն Սիմոնյանը կարգադրություն է ստորագրել՝ ԱԺ պատգամավորներին, աշխատակազմի պետական ծառայողներին և աշխատողներին պարգևավճար տալու վերաբերյալ։ Կարգադրությունը հրապարակվել է ԱԺ պաշտոնական կայքում։ Ալեն Սիմոնյանի կարգադրությունում մասնավորապես նշված է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ. Հայաստանի Հանրապետության Անկախության տոնի առթիվ Ազգային ժողովի պատգամավորներին, Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ համաձայն հավելվածների: Ազգային ժողովի աշխատակազմի ղեկավար-գլխավոր քարտուղար Դ. Առաքելյանին Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»:

Ռուսական ռուբլու առքի առավելագույն արժեքն է 4.56 դրամ, վաճառքի նվազագույն արժեքը՝ 4.62 դրամ:

«Նոր սահմանադրությամբ ամենակարևոր ինստիտուցիոնալ խնդիրը, որ պետք է լուծել՝ դատական իշխանության օրգանիկ կայուն կապն է ժողովրդի հետ։ Ես նաև դատական իշխանության ներկայացուցիչների հետ այդ հարցն եմ քննարկում, ասում եմ, որ իշխանությունը պատկանում է ժողովրդին ու ցանկացած իշխանություն պետք է բխի ժողովրդից։ Ես էսօր տեսնում եմ մի լրջագույն համակարգային պրոբլեմ. Դատական իշխանությունը չի բխում ժողովրդից։ Ավելին, կտրված է ժողովրդից ու նրա հետ ոչ մի օրգանական կապ չունի»,- նշել է Փաշինյանը։

Փաստաթղթի համաձայն՝ Բեռլինը նախատեսում է 2026 թվականին կնքել գրեթե 83 միլիարդ եվրոյի պայմանագրեր: Ցանկը ներառում է 154 պայմանագրեր, որոնք պետք է իրականացվեն 2025 թվականի սեպտեմբերից մինչև 2026 թվականի դեկտեմբերը: 

Հայաստանի Հանրապետության Սահմանադրության նախաբանում կան տարածքային պահանջներ Ղարաբաղի վերաբերյալ։ Այս մասին Austria Press գործակալությանը տված հարցազրույցում հայտարարել է Ադրբեջանի նախագահի հատուկ հանձնարարությունների գծով հատուկ ներկայացուցիչ Էլչին Ամիրբեկովը։ «Ստորագրված խաղաղության պայմանագիրը ենթադրում է տարածքային պահանջներից փոխադարձ հրաժարում», — նշել է Ամիրբեկովը։ Նա ընդգծել է, որ տարածաշրջանն ունի երկարատև խաղաղության և կայունության հսկայական ներուժ։ Էլչին Ամիրբեկովը որպես այս ուղղությամբ կարևոր քայլ նշել է 43 կիլոմետրանոց ճանապարհի և երկաթուղու կառուցումը, որը կապում է Արևմտյան Ադրբեջանը Նախիջևանի հետ։ «Խոսքը միայն Ադրբեջանի երկու մասերի վերամիավորման մասին չէ, այլ նաև Հայաստանի և Ադրբեջանի, ինչպես նաև Ասիայի և Եվրոպայի միացման մասին է», — ասել է նա։

ՄԱԿ-ի բարձր ամբիոնից հնչող կոչերը Պաղեստինի անկախության, մարդու իրավունքների և համաշխարհային համերաշխության մասին, չեն հասնում պաղեստինցի ժողովրդին։ Գազայում դեռ ճիչեր են հնչում փլատակներից բարձրացող փոշու տակ սեղմված լռության մեջ: Հումանիտար աղետը հասել է այն կետին, երբ հազարավոր մարդիկ անգամ տեղահանվելու հնարավորություն չունեն։ Ո՛չ անվտանգ տարածք կա, ո՛չ ելք, ո՛չ էլ բավարար միջոցներ՝ փրկվելու համար։

Իշխանությունները նաև պնդում են, թե Նախիջևանով անցումը, նույնիսկ եթե թույլատրվի, կճեղքի Հայաստանի շրջափակումը։ Լու՞րջ։ Որպեսզի Հայաստանի շրջափակումը ճեղքվի, Հայաստանը պետք է Թուրքիայով ու Ադրբեջանով ելք ստանա դեպի արտաքին աշխարհ։ Օրինակ՝ Թուրքիան պետք է բացի բոլոր այն ճանապարհները, որոնք փակել է դեռևս 1993 թվականից։ Մասնավորապես, խոսում եմ Գյումրի - Կարս երկաթգծի մասին։ Սակայն, Թուրքիան նման ծրագրերի մասին չի հայտարարել: Թուրքիան և Ադրբեջանը կառուցում են Կարս-Իգդիր-Արալիկ-Դիլուջու գիծը (Դիլուջուն սահմանային անցման կետ է Նախիջևանում)։ Դրանից Հայաստանին՝ ո՛չ տաք, ո՛չ սառը։

Սեպտեմբերի 21-ի գիշերը Ոստիկանության օպերատիվ կառավարման կենտրոն հաղորդում է ստացվել «Շենգավիթ» բժշկական կենտրոնից. հայտնել են, որ կրծքավանդակի կտրած-ծակած վերքերով բուժօգնության է դիմել մայրաքաղաքի Արտաշիսյան փողոցի բնակիչ 29-ամյա մի տղամարդ:

«ՄԱԿ-ից ստացվում է միանգամայն հստակ նախազգուշացում. Իսրայելը պետք է դադարեցնի Գազայի հատվածի ռմբակոծությունները, ՀԱՄԱՍ-ը պետք է ազատ արձակի բոլոր պատանդներին», - ասել է նախարարը:

Ես հիմա բաց եմ թողնում այն փաստը, որ ադրբեջանցի պատգամավորի մեկնաբանությունները և նախապայմանների հնչեցնելը ծայրահեղ վիրավորական են Հայաստանի համար (օրինակ՝ սահմանադրության փոփոխման պահանջը կամ մեր գերիներին «ռազմական հանցագործ» անվանելը)։ Հիշեցնեմ, որ այս լկտի և անասնական վիրավորանքները հայերին հնչեցվել են հենց Երևանում ։ Բայց դե , դե լավ…ես ուրիշ բանի մասին եմ ուզում խոսել։

Երկրում հատուկ որոշումներ են կայացվում, որ փոքր և միջին բիզնեսը չխթանեն։ Այս մասին այսօր՝ սեպտեմբերի 23-ին, Հակակոռուպցիոն դատարանի մոտ լրագրողների հետ զրույցում ասաց Գյումրու քաղաքապետ Վարդան Ղուկասյանը։ «Այն ժամանակ ասում էին, եթե քաղաքապետը հող հատկացում է անում, երեք տեղ է պտտվում, հիմա 13 տեղ է պտտվում։ Տևում է երկու տարի, չորս տարի, որ շինթույլտվություն կամ տան, կամ չտան։ Այսինքն երկրի ղեկավարությունը խոչընդոտ է հանդիսանում, որ իր երկիրը զարգանա, դրանից այն կողմ էլ ուրիշ բան չկա։ Գործարան չեք կառուցում, ասում եք՝ կառավարության գործը չի, շուկա չեք գտնում, փոքր ու միջին բիզնեսը չեք խտանում, ճանապարհը փակում եք, բա դուք ովքե՞ր եք, ինչի՞ համար եք եկել։ Աշխատվում է սուբվենցիոն ծրագրով, բայց ասենք այն չի, ինչ որ պետք է լինի։ Բայց եթե ասեմ՝ չեն տալիս սուբվենցիոն գումարները, սուտ կլինի, ես այդպիսի բան չեմ կարող ասել»,- ասաց նա։ Հարցին՝ ինչպե՞ս է կարողանում աշխատել ընդդիմադիր խմբակցությունների, մասնավորապես ՔՊ–ի հետ, արդյոք նրանք որոշ դեպքերում դեմ են քվեարկում նախագծերին, քաղաքապետ Ղուկասյաննը պատասխանեց. «Մենք ներկայացնում ենք որոշումներ, նախագծերը, քննարկվում է, հետո որոշում է կայացվում։ Ժողովուրդը բոլորը տեսնում է, թե ով ոնց է քվեարկում, ասենք, քաղաքի օրվան, հիվանդանոցի կառուցմանը, աշխատավարձերի բարձրացմանը։ Եթե դեմ քվեարկեն, իրենց ռեյտինգը կդարձնի պլենտուսից ներքև, չնայած հիմա էլ ռեյտինգ չունեն, բայց ավելի խայտառակ կլինեն»։ Վարդան Ղուկասյանը համոզմունք հայտնեց, որ ուզում են «իր տակը փորեն» և իրենից ազատվեն. «Միանշանակ, ո՞նց կարող է չլինի էդպիսի բան։ Հիմա, օրինակ, ես հողահատկացում եմ արել, մարդիկ բնակելիներ են կառուցել, կամ կենցաղսպասարկման օբյեկտներ են կառուցել։ Անցել է 10-15 տարի, 1,5 տարի է՝ գնում-գալիս ենք, ու այստեղ գործ չկա։ Ստից շոու է, որ սարքել են, վերջում կտեսնեք»։ Ինչ վերաբերում է իր որդու՝ Սպարտակի դեմ հարուցված գործին, Վարդան Ղուկասյանն ասաց. «Ի՞նչ է արել որդիս որ… ի՞նչ է արել իմ որդին, մի հատ հլը հասկանանք ինչ է արել։ Ասենք գնացել է 2017–ին մասնավորից շենք է գնել, դա եղավ որ փողերի լվացո՞ւմ է։ Ցնդաբանություն է, հոգս պատճառել, դիտավորյալ նմանատիպ բաներ կարել, որ գնանք ասենք՝ մենք ձեր կողքին ենք, մենք ձեզ հետ կլինենք, մեր այս գործերը փակեք։ Մենք այդպիսի մարդ չենք»։

Հանդիպումը տեղի է ունեցել սեպտեմբերի 22-ին Նյու Յորքում՝ ՄԱԿ-ի Գլխավոր ասամբլեայի նստաշրջանի շրջանակներում: «Ես հանդիպում անցկացրեցի Ուկրաինայի հարցերով ԱՄՆ նախագահի հատուկ ներկայացուցիչ գեներալ Քիթ Քելոգի հետ։ Նրան տեղեկացրեցի ռազմաճակատում տիրող իրավիճակի մասին: Նաև անդրադարձանք Ուկրաինայի և ԱՄՆ-ի համագործակցության զարգացմանը, մասնավորապես անօդաչու թռչող սարքերի և ամերիկյան զենքի գնման վերաբերյալ փոխշահավետ համաձայնագրերին, որոնք Ուկրաինան առաջարկել է ԱՄՆ-ին», - գրել է Զելենսկին:

Հայաստանի կրթության, գիտության, մշակույթի և սպորտի նախարար Ժաննա Անդրեասյանը հերթական այցն է կատարել Հայոց ցեղասպանության հուշահամալիր և Թանգարան-ինստիտուտ՝ ծանոթանալու տարածքում իրականացվող հիմնանորոգման աշխատանքների ընթացքին: 

Բնապահպանության և ընդերքի տեսչական մարմնի աշխատակիցները հանրապետության տարբեր մարզերում շարունակում են ապօրինի որսի դեմ ուղղված կանխարգելիչ միջոցառումները։ Այս մասին տեղեկացնում են ԲԸՏՄ-ից: «Արմավիրի մարզի Խանջյան գյուղի հարակից դաշտամիջյան տարածքում հայտնաբերվել է «լոր» տեսակի թռչնի ձայն վերարտադրող մարտկոցին միացված ձայնարձակիչ էլեկտրական սարք։ Արգելված որսագործիքն առգրավվել ու սահմանված կարգի համաձայն ոչնչացվել է։ Իրավախախտին հայտնաբերելու համար ձեռնարկվում են համապատասխան միջոցառումներ»,-ասված է հաղորդագրության մեջ։

Այսօր՝ սեպտեմբերի 23-ին, առեղծվածային դեպք է տեղի ունեցել Երևանում: Ինչպես հայտնում է Shamshyan.com-ը, ժամը 10:10-ի սահմաններում ՀՀ ներքին գործերի նախարարության ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտում օպերատիվ տեղեկություններ են ստացվել, որ Քանաքեռ-Զեյթուն վարչական տարածքում գտնվող, Ֆանարջյանի անվան ուռուցքաբանության ազգային կենտրոնին հարակից գերեզմանների տարածքով անցնող երկաթգծերի վրա մարդկային մարմնի մնացորդներ կան: 

Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները: