Կապրենք՝ կտեսնենք. Պայքար է գնում համավարակի հետ. Դումանյան

Հույս ունեմ, որ շուտով հնարավոր կլինի, որպեսզի ուսումնական հաստատությունները կրկին վերադառնան առկա ուսուցման։ Այս մասին Կառավարության հետ հարցուպատասխանի ժամանակ ասաց ՀՀ կրթության, գիտության, մշակույթի և սպորտի նախարար Վահրամ Դումանյանը՝ հստակ չնշելով որևէ ժամկետ։ 

«Օրեր առաջ հանրակրթական դպրոցներում արձակուրդները երկարաձվեցին և առողջապահության նախարարի կողմից հորդոր եղավ բուհերին` հնարավորության դեպքում անցել հեռավար ուսուցման։ Դժվար հարց է, մենք դեռ չենք կարող ասել, թե ինչպես կկազմակերպվի հետագա ընթացքը, այդ հարցն այսօր հստակ և սպառիչ պատասխան չունի»,– ասաց ԿԳՄՍ նախարարը և շեշտեց, որ իրավիճակն այս օրերին անկանխատեսելի է։

Նա հույս է հայտնեց, որ շուտով հնարավոր կլինի, որ ուսումնական հաստատությունները կրկին վերադառնան առկա ուսուցման։