Հայտնի են ԱԺ մշտական հանձնաժողովների նախագահների թեկնածուների անունները

Ազգային ժողովում շարունակվում են մշտական հանձնաժողովների նախագահների ընտրության հարցը։

«Քաղաքացիական պայմանագիր» խմբակցության արտաքին հարաբերությունների մշտական հանձնաժողովի նախագահի թեկնածուն Էդուարդ Աղաջանյանն է, ֆինանսավարկային և բյուջետային հարցերի մշտական հանձնաժողովի նախագահի թեկնածուն Գևորգ Պապոյանն է, տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահի թեկնածուն Վահե Ղալումյանն է:

 ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի թեկնածուն Սիսակ Գաբրիելյանն է, եվրոպական ինտեգրման հարցերի մշտական հանձնաժողովի նախագահի թեկնածուն Արման Եղոյանն է, աշխատանքի և սոցիալական հարցերի մշտական հանձնաժողովի նախագահի թեկնածուն Հերիքնազ Տիգրանյանն է, առողջապահության հարցերի հարցերի մշտական հանձնաժողովի նախագահի թեկնածուն էլ Նարեկ Զեյնալյանը։

Ընդդիմադիր խմբակցությունները տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու են առաջադրել Արմեն Գևորգյան։ Մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածուն Թագուհի Թովմասյանն է։

Նախորդ երկու օրերին քննարկվել է ԱԺ պաշտպանության և անվտանգության ու ԱԺ տնտեսական  հարցերի մշտական հանձնաժողովների նախագահների թեկնածուների հարցը: