«Ես՝ իմ տունը, լավ եմ արել՝ վառել եմ». խոշոր հրդեհ՝ Երևանի «Երազ» թաղամասում

Խոշոր հրդեհ է բռնկվել այսօր Երևանի «Երազ» թաղամասում: Արտակարգ իրավիճակների նախարարությունը հայտնում է, որ տարհանվել են մեծ թվով բնակիչներ, փրկարարներից մի քանի հոգի ծխահարվել են, իսկ «Սոլիդ» անվտանգության աշխատակիցներից մեկը, որ նույնպես մասնակցել է բնակիչների տարհանմանը, ծխահարվել և տեղափոխվել է «Արմենիա» բժշկական կենտրոն: Ֆեյսբուքյան օգտատերը, որ տարածել է այս կադրերը, հայտնում է, որ բնակիչներից մեկն ինքն է հրդեհել իր տունը, հետո էլ կանգնել է բակի խաղահրապարակում ու բղավել՝ լավ եմ արել, ես՝ իմ տունը, ես բոլորին ասել էի, որ դուրս գան տներից: