Բագրատ Սրբազանի և շարժման մյուս մասնակիցների գործով դատական հաջորդ նիստը տեղի կունենա վաղը

Երևանի առաջին ատյանի ընդհանուր իրավասության քրեական դատարանի Կենտրոնի նստավայրում ավարտվեց «Սրբազան շարժման» առաջնորդ Բագրատ Սրբազանի և շարժման մյուս մասնակիցների գործով դատական առաջին նիստը։

Բագրատ Սրբազանի և մյուս քաղբանտարկյալների խափանման միջոցը փոխելու հարցը չքննարկվեց, քանի որ նիստերի դահլիճը, փոքր լինելու պատճառով, հարմար չէր դատավարական գործընթացն արդյունավետ անցկացնելու համար:

Նիստը կշարունակվի վաղը՝ օգոստոսի 20-ին, ժամը 14:30-ին Շենգավիթի դատարանի թիվ 1 դահլիճում: