«Ահավոր վիճակ էր, մահանում էի». ջրի թունավորման բազմաթիվ ահազանգեր՝ Երևանում

Ջուրը կյանք է, բայց Երևանի բնակիչները արդեն մի քանի շաբաթ է՝ վախենում են ծորակից հոսող կենարար հեղուկը առանց եռացնելու խմել:

Պատճառը ստամոքս-աղիքային համակարգի խախտումների, փորլուծության մասսայական դեպքերն են: Մեր համաքաղաքացիների մի մասը վստահ է, որ ջրից է թունավորումը:

Առողջապահության նախարարությունը գիտի, որ ամռան շոգին ջրի պակասը արտեզյան ջրով է լրացնում «Վեոլիա Ջուրը», բայց վստահեցնում է, որ արտեզյան աղբյուրները չեն կարող վտանգավոր լինել մարդու համար: