Ադրբեջանը գոհ է, որ Հայաստանը սկսել է հասկանալ «տարածքային ամբողջականության» էությունը

Ադրբեջանի նախագահի օգնականը հայտարարել է, թե Իլհամ Ալիևի հայտարարությունները Երևանում նենգափոխում են: Հիքմեթ Հաջիևը այս պնդմանը զուգահեռ նաև ասել է, թե հայկական կողմից հնչող որոշ հայտարարություններ հակառակը՝ սկսել են գոհացնել իրեն: «Ես իրոք ուրախ եմ լսել, որ Հայաստանը ավելի լավ է սկսել հասկանալ «տարածքային ամբողջականություն» բառակապակցությունն ու դրա էությունը։ Մենք բանակցում էինք երեսուն տարի և այդ ընթացքում հենց Հայաստանն էր, որ ոտնահարում էր տարածքային ամբողջականության սկզբունքը»,- հայտարարել է Հաջիևը։