Ադրբեջանի քայլերը համաձայնեցված են Հայաստանի իշխանությունների հետ․ Ավետիք Իշխանյան․ «News.am»

Ռուսաստանը շատ լավ հասկանում է՝ եթե Արցախն Ադրբեջանի կազմում լինի, հաջորդ քայլը կլինի ռուս խաղաղապահների հեռացումն Արցախից, և ռուսական ռազմաբազայի հեռացումը Հայաստանից, ինչն էլ կնշանակի, որ Ռուսաստանը դուրս է մնում տարածաշրջանից: Այս մասին «News.am»-ի հետ զրույցում ասաց Հայաստանի Հելսինկյան կոմիտեի նախագահ Ավետիք Իշխանյանը:

«Սերգեյ Լավրովը երեկ կրկին ակնարկեց, որ Արցախի հարցը պետք է մնա ապագային, և որ խաղաղության պայմանագիր կոչվածը պետք է կապ չունենա Արցախի հարցի հետ: Այդ նուն համատեքստում կարելի է մտածել, որ հանքերի հարցը պետք է մնա ապագային, իսկ Լաչինի միջանցքը պետք է արագ բացվի:

Սակայն Լավրովի տեսակետը հակասում է Հայաստանի իշխանության տեսակետին, քանի որ նրանք Արցախը համարում են Ադրբեջանի մաս: Իսկ Ռուսաստանի քաղաքականությունը ոչ թե բխում է իրենց հայամետ քաղաքականությունից, այլ սեփական շահերից։  Հայաստանի իշխանությունն անում է ամեն ինչ Արցախն Ադրբեջանի կազմում թողնելու համար»,- ասաց Իշխանյանը:

Ավետիք Իշխանյանի կարծիքով՝ Ռուբեն Վարդանյանն Արցախի պետնախարարի պաշտոնում նշանակվել է Ռուսաստանի ցանկությամբ, սակայն Լավրովը, նշելով, որ Վարդանյանն այլևս ՌԴ քաղաքացի չէ, փորձեց ցրել այդ կասկածները:

«Ադրբեջանը բացահայտ ցույց տվեց, որ Արցախի պետնախարարի պաշտոնում Ռուբեն Վարդանյանի նշանակումն իրենց համար անընդունելի է: Ռուսաստանն էլ դիվանագիտորեն վարվեց՝ նշելով, որ Վարդանյանն այլևս Ռուսաստանի քաղաքացի չէ: Կարելի է եզրակացնել, որ Վարդանյանի պաշտոնում նշանակվելը համաձայնեցված է եղել Ռուսաստանի իշխանությունների հետ: Բայց Ռուսաստանը փորձում է ցույց տալ, որ ինքը չէ հարցի հասցեատուն»,- նշեց Իշխանյանը:

Ըստ Ավետիք Իշխանյանի՝ Ադրբեջանը շատ հետևողականորեն սադրանքներ է անում, որ ռուս խաղաղապահ ուժերը ենթարկվեն սադրանքների և կրակ բացեն ադրբեջանցիների ուղղությամբ: Այստեղ արդեն կխախտվի չեզոքությունը, որն իրենք պարտավոր են պահպանել երկու կողմերի նկատմամբ էլ:

«Այս ամբողջ գործողությունները, հանդիպմանը չմասնակցելը, հակառուսական հայտարարությունները համաձայնեցված են Ադրբեջանի իշխանությունների հետ, որպեսզի ռուս խաղաղապահների հեռացումներից հետո Արցախը մնա Ադրբեջանի կողմից և Հայաստանում անկլավ կոչվածները հանձնվեն Ադրբեջանին: Ավելին՝ հաջորդիվ Ադրբեջանին կտրվի միջանցք, այսինքն՝ Սյունիքը: Այս հարցում միանշանակ աջակցություն կա Թուրքիայից, և արևմտյան շատ երկրներ էլ աջակցում են այս գործընթացին: Եվ ա