Զինված հարձակում՝ Իրանում Ադրբեջանի դեսպանատան վրա. Ալիևը ահաբեկչության մասին է հայտարարում

Ադրբեջանական լրատվամիջոցները Լաչինի ուղիղ հեռարձակումները անջատել, անցել են թոք-շոուների ռեժիմի: Իրանա-ադրբեջանական լարվածություն է գեներացվում եթերում: Քաղաքական աստառ է ստանում զինված հարձակումը Իրանում Ադրբեջանի դեսպանատան վրա: Չնայած դեսպանատան անվտանգության ծառայության ղեկավարին սպանած 50-ամյա հրաձիգը պնդում է, թե զենքը ձեռքն է առել անձնական պատճառներով, Բաքուն համոզված է, որ Թեհրանում իր դեսպանատան վրա հարձակումը հակաադրբեջանական քարոզչության հետևանք է՝ ահաբեկչական գործողություն, ինչպես պնդել է Իլհամ Ալիևը: