Վստահեցնում եմ՝ եթե ես սկսեմ զբաղվել, Ձեր անհրաժեշտությունը չի լինի․ քաղաքապետը սպառնացել է

Եղանակային պայմաններից ելնելով կանաչապատում տեղի չի ունենում։ Բնապահպանության վարչությունից տեղեկացրել են Երևանի քաղաքապետ Հայկ Սարգսյանին Սարյանի արձանի հարակից  տարածքում իրականցվող բարեկարգման վերաբերյալ։

Քաղաքապետը հակադարձել է․ 

«Այսօր է ձյուն, վերջին մի քանի օրն է եղել, այսինքն դրանից առաջ ոչ մի բան չի՞ արվել»։

Սարգսյանին տեղեկացրել են, որ Սարյանի հարակից այգում կա հողի խնդիրը, ինչը կարծես թե զարմացրեց քաղաքպետին, քանի որ վերջինս երբեք քննարկման ներկա չի եղել, որտեղ կնշվեր Սարյանի այգում հողի խնդրի մասին։

«Էս ի՞նչ նոր բաներ են, դրա մասին երբեք չենք խոսել, հանձնարարականը տվել եմ երկու-երեք շաբաթ առաջ, հիմա նոր պարզվում է, սա է խնդիրը, հիմա այս խնդիրն է, մյուս շաբաթ ուրիշ պատճառ ի հայտ կգա։ 

Սարյան պուրակում մի տարի է քնած վիճակ է, ոչ մի բան չի արվում, էնպես եք ներկայացում, որ հեսա գարունը բացվեց, այդ Սարյան պուրակում ինչ կա, չորացած է լինելու։ Վստահեցնում եմ՝ եթե ես սկսեմ զբաղվել, Ձեր անհրաժեշտությունը չի լինի, Դուք Ձեր տեղում եք, որպեսզի Դուք այդ աշխատանքը անեք»։