Լրահոս

«Բանակն ազգի ինքնաճանաչման հայելին է, բոլոր հայերի ծնունդն է, հայության հավաքական կերպարն է, նրա պատասխանատվությունը, նրա պատմության վերագնահատումը և հայացքը ապագային։ Սիրուն խոսքեր չեմ ասում, ընդամենը ճշմարտությունն եմ ասում...» Հայաստանի ու Արցախի ազգային հերոս, սպարապետ Վազգեն Սարգսյանն այսօր կդառնար 63 տարեկան... Վազգենն իր ամբողջ էությամբ հայ էր՝ նվիրված իր երկրին ու ժողովրդին: Նրա միակ սերը հայրենիքն էր ու հայոց բանակը, որի արդյունքում էլ կազմավորվեց և հետագայում նրա անունը կրեց ՀՀ ՊՆ Վ.Սարգսյանի անվան ռազմական ուսումնարանը, այժմ՝ համալսարան: Նա ժողովրդի հիշողության մեջ մնացել է որպես հայրենիքի ու հատկապես` բանակաշինության նվիրյալ։

«Աերոդինամիկա» Կուբանի օդանավակայանների մամուլի ծառայությունը հայտնել է, որ Ռուսաստանի հարավային օդանավակայանների սահմաններում օդային տարածքի օգտագործման սահմանափակումները երկարացվել են մինչեւ մարտի 14-ը՝ Մոսկվայի ժամանակով ժամը 3.45-ը, հայտնում է «ՌԻԱ Նովոստին»։ Նշվում է, որ Սոչիի օդանավակայանը, որպես ժամանակավոր հանգույց, կշարունակի իր բնականոն աշխատանքը։ Հարավային օդանավակայաններում օդային հաղորդակցության սահմանափակումներն ավելի վաղ երկարացվել էին մինչեւ մարտի 8-ը, քանի որ օդանավակայանների տարածքը ոչ անվտանգ էր ճանաչվել։ Ռուսական ավիաընկերություններին խորհուրդ է տրվել փոխադրումներ կազմակերպել այլընտրանքային երթուղիներով՝ Սոչիի, Վոլգոգրադի, Միներալնիե Վոդիի, Ստավրոպոլի եւ Մոսկվայի օդանավակայանների միջոցով: «Ռոսավիասիա»-ն մինչեւ մարտի 2-ը դադարեցրել է Ռուսաստանի հարավում գտնվող 12 օդանավակայանների աշխատանքը՝ Ուկրաինայում իրավիճակի սրման պատճառով

Ամերիկյան CNN հեռուստաընկերությունը դադարեցնում է հեռարձակումը Ռուսաստանում։ Համապատասխան հայտարարությունը հրապարակվել է ուրբաթ օրը հեռուստաընկերության Twitter-ում։ Հեռարձակման դադարեցման ստույգ ժամը չի նշվում։

ՀՀ Երկրապահ կամավորականների միությունն ուղերձ է հղել ԵԿՄ հավերժ նախագահ, Սպարապետ Վազգեն Սարգսյանի ծննդյան 63-րդ տարեդարձի կապակցությամբ։ «Հայաստանի Ազգային Հերոս, Արցախի հերոս, հաղթանակ կերտած Սպարապետ, ԵԿՄ հավերժ նախագահ Վազգեն Սարգսյանն այսօր կդառնար 63 տարեկան: Շնորհավո՛ր տարեդարձդ հայ ժողովրդի հերոս զավակ: Օրհնվի Ծնունդդ՝ Վազգեն Սարգսյան: Վազգեն Սարգսյանի արած գործն ու թողած ժառանգությունը մեր պետության, պետականության համար անուրանալի է: Վազգեն Սարգսյանի ավանդն անուրանալի է հայոց բանակաշինության, պետականաշինության գործում: Վազգեն Սարգսյանն անհատ էր, որն օժտված էր առանձնահատուկ ունակություններով, նրա միտքն արագ էր, խոսքը հստակ, ծրագրերը իդեալական որոշված, գործն արդյունավետ: ԵԿՄ հավերժ նախագահ Վազգեն Սարգսյան ՀՀ Երկրապահ կամավորականների միությունն ու վարչությունը վստահեցնում է եւ կրկին անգամ փաստում՝ մենք հավատարիմ ենք քո պատգամներին, մենք շարունակողն ենք քո կիսատ թողած գործը: Գիտակցելով մեր պատասխանատվությունը ժողովրդի եւ պետության առջեւ մենք՝ երկրապահներս, այսօր էլ ավելի համախմբված մեր պետության, մեր բանակի կողքին ենք: Այսօր մեր կողքին են նաեւ երիտասարդ ու պատանի սերնդի ներկայացուցիչներ, ովքեր եւս պատրաստ են շարունակել քո պատգամը: Սիրելի՛ հայրենակիցներ, մեր պատմության էջերում արդեն բավական շատ են ցավոտ դրվագները: Ոգեշնչվելով Վազգեն Սարգսյանի նման հերոս հայորդիների կենսագրություններով, նրանց կերտած հերոսություններով մենք պետք է հերթական անգամ փառքով հաղթահարենք մեր առջեւ ծառացած մարտահրավերները: Մենք անշուշտ կգրենք նվաճումներով, նորանոր ձեռքբերումներով հարուստ մեր նորօրյա պատմությունը: Կրկին անգամ շնորհավո՛ր լուսավոր ծնունդդ Վազգեն Սարգսյան, Փա՛ռք ՔԵԶ Սպարապետ. Փա՛ռք մեր բանակին, երկրապահին, կամավորականներին, Փա՛ռք Հայ զինվորին, Հավերժ փա՛ռք նահատակվածներին, Մեր խոնարհումը հերոսածին մայրերին, Փա՛ռք Հայաստան, Արցախ, Սփյուռք եռամիասնությանը: Խաղաղություն մեր երկրին», - նշված է ուղերձում։

Մարտի 2-ին, ժամը 13.50-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ «Հայփոստ» ՓԲԸ-ի Չարենցավան քաղաքի բաժանմունքներից մեկի մոտ կայանված ինկասացիայի մեքենայից անհետացել է կենսաթոշակների համար նախատեսված փողով պարկը, որի մեջ 6.500.000 դրամ էր: Մեկնած օպերատիվ խումբը պարզել է, որ ժամը 13.30-ի սահմաններում «Հայփոստ» ՓԲԸ-ի վարորդ-ուղեկցողը նկատել է, որ «Ռենո Լոգան» ինկասացիայի մեքենայի սրահից բացակայում է մեկ պարկ, որի մեջ 6.500.000 դրամ էր: Ոստիկանների ձեռնարկած օպերատիվ-հետախուզական միջոցառումների շնորհիվ պարզվել է, որ ժամը 12.00-ի սահմաններում Աբովյան քաղաքի Արզնու խճուղու սուպերմարկետի մոտ մյուս ուղեկցող վարորդը, օգտվելով գործընկերոջ ժամանակավոր բացակայությունից, գողացել և նախապես իր կողմից սուպերմարկետի մոտ կայանված «Օպել» մակնիշի մեքենան է տեղափոխել ինկասացիայի գումարով պարկը: Գողության հատկանիշներով քրեական գործ է հարուցվել: 33-ամյա տղամարդը բերման է ենթարկվել Չարենցավանի քննչական բաժին և ձերբակալվել: Ձեռնարկվում են միջոցառումներ՝ գողոնը հայտնաբերելու ուղղությամբ: Կատարվում է նախաքննություն: Հանգամանքները պարզվում են: ԼՐԱՑՎԱԾ․ 05․03․2022թ․ Հարուցված քրեական գործի շրջանակներում մարտի 3-ին, դատարանի որոշմամբ, խուզարկվել է 33-ամյա տղամարդու բնակարանը։ Գողոնը՝ 6.500.000 դրամը, հայտնաբերվել է: Տղամարդը տվել է խոստովանական ցուցմունք: Նախաքննությունը շարունակվում է։

«Ուրալյան ավիաուղիները» մարտի 4-ից չեղարկել են թռիչքները մի շարք երկրներ՝ Հայաստան, ԱՄԷ, Ադրբեջան և Իսրայել։ Այդ մասին հայտնել է ավիափոխադրողի մամուլի ծառայությունը։ «Ստեղծված աշխարհաքաղաքական իրավիճակի պատճառով «Ուրալյան ավիաուղիները» ստիպված են չեղարկել թռիչքները հետևյալ միջազգային ուղղություններով․ մարտի 4-ից՝ դեպի ԱՄԷ և Հայաստան, մարտի 5-ից՝ Ադրբեջան, մարտի 4-ից՝ Իսրայել»,-ասվում է հաղորդագրության մեջ, հայտնում է mskagency-ն։ Թռիչքները չեղարկվել են մինչև մարտի 26-ը։ «Ռոսավիացիան» իր հերթին հայտնել է, որ ՌԴ հարավի օդանավակայաններում թռիչքների ժամանակավոր սահմանափակումները երկարացվել են մինչև մարտի 14-ը։

Մարտի 5-ին հանրապետությունում արձանագրվել է կորոնավիրուսային հիվանդության 218 նոր դեպք: Կատարվել է 3014 թեստավորում, առողջացել՝ 695 քաղաքացի, կորոնավիրուսի հետևանքով մահացել է 12 քաղաքացի։ Այսպիսով, հաստատվել է կորոնավիրուսային հիվանդության ընդհանուր 421 226 դեպք, որոնցից 405 688-ը՝ առողջացած: Փաստացի բուժում է ստանում 5384 պացիենտ: Ընդհանուր առմամբ, կորոնավիրուսի հետևանքով մահվան 8528 դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1626 է. նախորդն օրն արձանագրվել է 2 մահ, երբ պացիենտն ունեցել է կորոնավարակ, սակայն մահը վրա է հասել այլ պատճառով։ Մեկ օրում մահացել է 14 կորոնավարակակիր։

ՀՀ Զինված ուժերի Գլխավոր շտաբի պետի ժամանակավոր պաշտոնակատար Կամո Քոչունցը վստահ է, որ բանակը չի քաղաքականացվի, եթե առաջարկվող օրինագծի համաձայն ԶՈՒ Գլխավոր շտաբի պետը դառնա պաշտպանության նախարարի տեղակալ։ «Բանակը քաղաքականացված չի եղել և չի էլ լինի», -«Եռաբլուր» զինվորական պանթեոնում լրագրողների հետ զրույցում ասաց Կամո Քոչունցը՝ հրաժարվելով պատասխանել այլ հարցերի։

Ուկրաինայի երկինքը փակելուց հրաժարվելով` ՆԱՏՕ-ի ղեկավարությունը ուկրաինական քաղաքների ու գյուղերի ռմբակոծման համար կանաչ լույս է վառել: Այս մասին հայտարարել է Ուկրաինայի նախագահ Վոլոդիմիր Զելենսկին: «Դուք կարող էիք երկինքը փակել, բայց … Ես չգիտեմ` ում կարող եք դուք պաշտպանել, ունակ եք արդյոք պաշտպանել ձեր` Դաշինքի անդամ երկրները: Մեզ դուք չեք կարող գնել վառելիքի լիտրերով, որ կտրվեն մեր ընդհանուր Եվրոպայի, ընդհանուր ապագայի ու ազատության համար հեղված արյան լիտրերի դիմաց»,- ասել է նա: ՆԱՏՕ-ի անդամ երկրների ԱԳՆ ղեկավարների` Բրյուսելում տեղի ունեցած հանդիպումը Զելենսկին թույլ ու շփոթված է անվանել` դաշինքի` Ուկրաինայի երկինքը փակելուց հրաժարվելու համար:

ՌԴ նախագահ Վլադիմիր Պուտինըի կողմից հաստատվել է ՌԴ զինված ուժերի գործողությունների մասին կեղծիքներ տարածելու համար քրեական պատասխանատվություն սահմանելու մասին օրենք։ Այս մասին տեղեկացնում է «ՏԱՍՍ»-ը։ Ռուսաստանի Քրեական օրենսգիրքը նախատեսում է ազատազրկում մինչև երեք տարի ժամկետով կամ տուգանք մինչև 1,5 միլիոն ռուբլի: Պաշտոնեական դիրքի օգտագործմամբ՝ սույն օրենքի խախտումը շահադիտական ​​դրդումներից ելնելով` քաղաքական, գաղափարական, ռասայական, ազգային կամ կրոնական ատելության կամ թշնամանքի հիմքով պատժվում է ազատազրկմամբ` առավելագույնը 10 տարի ժամկետով կամ տուգանքով՝ մինչև5 միլիոն ռուբլի:Ազատազրկման ժամկետը կկազմի 10-15 տարի, եթե ​​կեղծ տեղեկությունը հանգեցրել է ծանր հետևանքների։

«Փաստ» օրաթերթը գրում է. «ԱԺ-կառավարություն վերջին հարցուպատասխանի ժամանակ Նիկոլ Փաշինյանը ընդդիմադիր պատգամավորներից մեկի բարձրացրած լուրջ մտահոգությանը հերթական անգամ արձագանքեց իրեն բնորոշ ոճով ու արդյունքում խորհրդարանում նորից խժդժություն սադրեց։ «Փաստի» հետ զրույցում քաղտեխնոլոգ Վիգեն Հակոբյանն ասում է, որ սա վախերի արդյունք է: Ի մասնավորի, բացի բուն թեմայից ունեցած վախերից, իշխանություններն ամեն ինչ անում են, որ ռուս-արևմտյան բախման շուրջ տեսակետ չարտահայտեն: «Այն, ինչ չորեքշաբթի օրը եղավ ԱԺ-ում, արվեց հենց դրա համար: Հենց դա էր մանիպուլ յացիան: Նիկոլ Փաշինյանի այդ պոռթկումը, այդ թատերական ներկայացումն իր պատճառն ուներ: Նա հասկանում էր, որ հարցուպատասխանի ժամանակ գոնե ինչ-որ մի հայտարարություն պետք է անի այդ հակամարտության շուրջ ՀՀ իշխանությունների մոտեցման մասին: Մինչդեռ ամեն ինչ արեց, որ թեման տապալվի, ձևաչափը ևս, ու ինքն էլի հարցից «թռնի»»,- ասաց Հակոբյանը: Մեր ունեցած տեղեկություններով, այս շոուից հետո իշխանության ամենավերին «էշելոնից» քպական որոշ պատգամավորների հանձնարարություն է իջեցվել՝ շարունակել սադրանքներն ու «Պատիվ ունեմ» և «Հայաստան» խմբակցությունների հատկապես այն պատգամավորներին, որոնք առավել կոպիտ են հակադարձել Փաշինյանին, վերցնել խոշորացույցի տակ և հնարավոր հարմար առիթի դեպքում նրանց հետ բախումներ հրահրել։ Մեր խորհրդարանական աղբյուրը փոխանցել է նաև, որ այս մասին ընդդիմադիրներին տեղեկություն է հասել, և նրանք, ըստ էության, պատրաստ են եղել նմանօրինակ սադրանքներին արժանիորեն հակադարձելու համար»:

Մոսկվայի ժամանակով 10:00-ից ռուսական կողմը լռության ռեժիմ է հայտարարում՝ մարդասիրական միջանցքներ բացելու նպատակով. այդ ընթացքում Մարիուպոլից ու Վոլնովախից խաղաղ բնակիչները դուրս կբերվեն Ըստ ՌԴ ՊՆ-ի՝ մարդասիրական միջանցքներն ու ելքի ուղղությունները համաձայնեցված են ուկրաինական կողմի հետ

Համաշխարհային բանկը (ՀԲ) գրեթե կես միլիարդ դոլարի վարկ կտրամադրի Ուկրաինային: Այս մասին ասվում է Համաշխարհային բանկի նախագահ Դեյվիդ Մելպասի եւ Ուկրաինայի առաջնորդ Վլադիմիր Զելենսկու բանակցություններից հետո տարածված մամուլի հաղորդագրության մեջ, փոխանցում է «ՌԻԱ Նովոստի»-ն: Բանկի հայտարարության համաձայն՝ Մելպասը զրույցի ընթացքում պատմել է, որ տնօրենների խորհրդի հաստատմանն է ներկայացնում լրացուցիչ վարկը Կիեւին։ Նա նաեւ նշել է, որ այդ վարկն ավելացվում է երկկողմ գործընկերների երաշխիքներով, ինչպիսիք են Նիդեռլանդները եւ Շվեդիան, ինչը թույլ է տալիս դրա ընդհանուր գումարը գրեթե 500 մլն դոլարի հասցնել։ Բացի այդ, ՀԲ նախագահն աշխատում է մինչեւ ընթացիկ տարվա մարտի վերջ Ուկրաինային 200 մլն դոլարի չափով լրացուցիչ օգնություն տրամադրելու ուղղությամբ։ Այդ նպատակով միջազգային կազմակերպությունը նոր նախագծեր եւ գոյություն ունեցողների վերակառուցում է նախապատրաստում:

Ուկրաինան կարող է հաղթել Ռուսաստանի հետ պատերազմում, հայտարարել է ԱՄՆ պետքարտուղար Էնթոնի Բլինկենը․ Նա չի կարողացել նշել, թե որքան կտևի հակամարտությունը, սակայն պնդել է, որ Ուկրաինայի պարտությունն անխուսափելի չէ։ Հարցին, թե համոզվա՞ծ է, որ ուկրաինացիները կարող են հաղթել, նա պատասխանել է, որ «ժամանակի ընթացքում, միանգամայն»: «Եթե Մոսկվայի մտադրությունն է փորձել ինչ-որ կերպ տապալել կառավարությունը և հաստատել սեփական խամաճիկային ռեժիմը, ապա 45 միլիոն ուկրաինացի այս կամ այն կերպ մերժելու է դա», - ասել է Բլինկենը: Նա նշել է, որ պատերազմը չի ընթանում այնպես, ինչպես ծրագրել էր ՌԴ նախագահ Վլադիմիր Պուտինը։ Բլինկենի խոսքով՝ միջազգային հանրությունը հանձնառու է ամեն ինչ անել՝ օգնելու Ուկրաինային, ինչպես նաև «դաժան ճնշում գործադրելու Ռուսաստանի վրա՝ վերջ դնելու այս ընտրովի պատերազմին, որը սկսել է Վլադիմիր Պուտինը»:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 7-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Նոր Նորքի 2-րդ զանգված՝ Մոլդովական փ. 12, 26, 44/2, 44/3, 44/4, 46, 46/1, 48, 48/1, 48/2, 48/3 շենքեր, թիվ 139 դպրոց և հարակից ոչ բնակիչ- բաժանորդներ, Ավան՝ Աճառյան փ. 14, 16, 18 շենքեր, թիվ 124 դպրոց և հարակից ոչ բնակիչ-բաժանորդներ, Սարյան փ. 2 շենք, Մոսկովյան փ. 24, 28, 36, 38 շենքեր, 3-րդ կլինիկական հիվանդանոց միակողմանի, Ձորափի փ. 19, 19/6 շենքերի բնակիչ-բաժանորդներ և ոչ բնակիչ-բաժանորդներ, 11:00-14:00 Վարդաշեն 1փ. 2-50 սեփական տներ, 2փ. 1-22 սեփական տներ, 5փ. նրբ. 1-37սեփական տներ, 11:00-17:00 Կոմիտասի պող. 33 շենք, Արաբկիր 23փ․ 1/2 շենք, 25փ․ 2, 2/1, 17 շենքեր, 27փ․ 2/4, 6/2, 9 շենքեր, Ռիգայի փ. 126/4 շենք, Գյուլբենկյան փ. 31, 33 շենքեր, Կասյան փ. 12 շենք, Հ. Էմինի փ. 5-16 շենքեր, Անդրանիկի փ. 158 շենք, Բաբաջանյան փ. 75, 79, 81, 83, 85, 87 շենքեր և հարակից ոչ բնակիչ-բաժանորդներ, Արագածի փ․ 26 շենք, Մայիսի 9-ի փ․ 51 շենքի 1-3 մուտքեր, Աէրացիա թաղ. 2/1, 2/2 շենքեր, Բաղրամյան պող. 4 նրբ․ 16-36 սեփական տներ, Հ. Էմինի փ. 1ա–21 սեփական տներ, Քեռու փ. 77-99 սեփական տներ և հարակից ոչ բնակիչ-բաժանորդներ, Արաբկիր 25փ․ սեփական տներ, 27փ․ 1-13 սեփական տներ, Արագածի փ. սեփական տներ և հարակից ոչ բնակիչ-բաժանորդներ, Արարատի մարզում՝ 10:00-12:00 Սայաթ-Նովա գյուղ մասնակի, 10:30-14:00 Ներքին Դվին գյուղ մասնակի, 10:30-16:00 Գետազատ գյուղ մասնակի, 14:00-16:00 Վեդի քաղաք՝ Կասյան և Թումանյան փողոցներ մասնակի, Արմավիրի մարզում՝ 11:00-16:00 Էջմիածին քաղաք՝ Անդրանիկի թաղ., Մաշտոցի, Նարեկացու, Վ.Սարգսյանի, Միչուրինի, Սովետների, Իսակովի, Լոմոնոսովի, Դիմիտրովի, Կոմիտասի, Տիգրան Մեծի, Կիրովի, Պատկանյան և Չերնիշևսկու փողոցներ, 11:00-17:00 Էջմիածին քաղաք՝ Չարենց թաղամաս մասնակի, Աթարբեկյան, Խարանք, Արաքս, Մեծամոր, Հայկաշեն և Գայ գյուղեր, Վայոց Ձորի մարզում՝ 10:00-16:00 Գնիշիկ, Արփի, Մոզրով գյուղեր և հարակից ոչ բնակիչ-բաժանորդներ, Աղավնաձոր գյուղ, 11:00-15:00 Եղեգնաձոր քաղաք՝ Միկոյան և Մոմիկի փողոցներ մասնակի, Շիրակի մարզում՝ 11:00-17:00 Արթիկի տարածաշրջան՝ Փանիկ, Գետափ, Մեղրաշեն գյուղեր, Անուշավան գյուղի դպրոց և հարակից տարածք, Կոտայքի մարզում՝ 11:00-16:00 Եղվարդ համայնք մասնակի և հարակից ոչ բնակիչ-բաժանորդներ, Շիրակի, Չարենցի, Տերյան, Գայի, Գագարինի, Արա Գեղեցիկի, Սաֆարյան, Նար-Դոսի, Խանջյան, Աբովյան փողոցներ մասնակի, 2-րդ դպրոց, Կալեր և Արայի թաղամասեր, կոոպ. Քարագործ, կոոպ. Երանոս, Ա/Ձ «Ժ․ Մեսրոպյան», Ա/Ձ «Ա․ Հարությունյան», սեփականատեր «Պ․ Զաքարյան», սեփականատեր «Ա․ Թադևոսյան», սեփականատեր «Հ․ Հովհաննիսյան», սեփականատեր «Կ․ Խաչատրյան», սեփականատեր «Ալիկ Մեսրոպյան», 11։00-17։00 Գեղաշեն և Կոտայք գյուղեր մասնակի, Ձորաղբյուրի և Ջրվեժի ամառանոցներ մասնակի, Ջրվեժ՝ «Ա» թաղամաս մասնակի: «Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ Վարդենյաց լեռնանցքը փակ է բոլոր տեսակի տրանսպորտային միջոցների համար: Դժվարանցանելի են Սարավան-«Զանգեր», Շիրակի մարզի Արթիկ-Ալագյազ ավտոճանապարհները, իսկ Գորայք-Սարավան ավտոճանապարհը՝ բեռնատարների համար: Շիրակի մարզի Աշոցքի, Ամասիայի, Լանջիկի տարածաշրջաններում և Սարավան-«Զանգեր» ավտոճանապարհին բուք է։ Վայոց ձորի մարզի Ջերմուկ, Կոտայքի մարզի Աբովյան քաղաքներում, Շիրակի մարզի Ախուրյանի, Մարալիկի, Արթիկի, Ջաջուռի, Քեթիի տարածաշրջաններում տեղում է ձյուն։ Վայոց ձորի մարզում, Գեղարքունիքի մարզի Սևան-Մարտունի, Շիրակի մարզի Լանջիկ-Մաստարա ավտոճանապարհներին, Արագածոտնի մարզի Ապարանի, Արագածի, Թալինի տարածաշրջաններում (բուք է) տեղ-տեղ առկա են մերկասառույց։

ԵՄ-ն վաղվանից չի կարող անկախանալ ռուսական գազից, բայց պետք է ձգտի ամեն կերպ նվազեցնել կախվածությունը Այս մասին լրագրողների հետ հանդիպման ժամանակ ասել է ԵՄ դիվանագիտության ղեկավար Խոսեպ Բորելը։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար, հայտնում է ՀՀ ԱԻՆ-ը։ Ռուսական կողմում կա մոտ 475 բեռնատար։

Ռուսաստանը, ռազմական գործողություն իրականացնելով Ուկրաինայի տարածքում, նպատակ չունի Ուկրաինան մասերի բաժանել, այլ միայն ձգտում է երաշխիքներ ապահովել սեփական անվտանգության համար, հայտարարել է ՌԴ նախագահի մամուլի քարտուղար Դմիտրի Պեսկովը Sky News Arabia-ին տված հարցազրույցում։ «2014 թվականի պետական հեղաշրջումից հետո Ուկրաինան հայտնվել է նացիստական գաղափարախոսության ազդեցության տակ... Մենք ցանկանում ենք ազատել նրան այս գաղափարախոսությունից: Բացի այդ, ավելացել է ՆԱՏՕ-ի ենթակառուցվածքի առկայությունը Ուկրաինայում, որն ուղղակիորեն սպառնում է Ռուսաստանի անվտանգությանը: Մենք մեր առջև նպատակ չենք դրել ուկրաինական տարածքը մասերի բաժանել, բայց մենք ձգտում ենք երաշխիքներ ապահովել մեր իսկ անվտանգության համար», - ասել է Պեսկովը։ Նա նաև հավելել է, որ Մոսկվան ձգտում է ապահովել, որ «Եվրոպայում անվտանգության ոլորտում հավասարակշռությունը փոխվի», և որ ՆԱՏՕ-ի անդամ երկրներն այլևս զենք չմատակարարեն Ուկրաինային։