Լրահոս

Մարդ է ծնվել քաղաքում, որտեղ մարդկություն չկար: Մայրը չի լսել երեխայի առաջին ճիչը՝ ռմբակոծության տակ: 44-օրյա պատերազմում ծնված Արևը և նրա մայրը, որ հույս ունի՝ ինքը դեռ Վիկտորիա է ունենալու: Բացառիկ պատմություն՝ Արցախից:

Բռնաբարված, խոշտանգված մարդկանց մարմիններ՝ ուկրաինական քաղաքի փողոցներում: Մոսկվան չի հավատում Կիևի արցունքներին և բեմադրություն է անվանում Բուչայի «ցեղասպանությունը»: Զելենսկին վերջնագիր է ներկայացնում ՄԱԿ՝ կա՛մ զսպեք ռուսներին, կա՛մ լուծարվեք: Մոսկվան պնդում է՝ Բուչայում արյուն է թափվել, երբ ռուսական բանակը հեռացել է քաղաքից: Արևմուտքը «ռուսերեն չի հասկանում» և վտարում է ռուս դիվանագետներին: Ուկրաինայում պատերազմը չի ավարտվում, արևմտյան պատժամիջոցները հասել են Պուտինի դուստրերին:

Սյունեցի Հրայրը թուրքին հավատացողներին ուղարկում է՝ թշնամու հետ «ախպերություն» անելու: Ինքն ու ընկերները Գորիսում անվտանգության խորհուրդ են ձևավորել ու գիտեն. «Մեզ համար ոչ մեկը չի գալու, մենք պիտի մեզ պահենք»: Խոզնավարի բնակիչը Սյունիքը «մաս-մաս չի տալիս», թիզ-թիզ պահում է: Մենախոսություն՝ Սյունիքից:

Ընդդիմությունն Արցախի դրոշն է կանգնեցնում Երևանում, իշխանությունը «խաղաղություն է մուրում» աշխարհում: Ղարաբաղյան նոր շարժում՝ Հայաստանում: Ազատության հրապարակում քաղաքացիները ոտքի են կանգնել և հարցնում են ընդդիմությանը՝ «դուք վերջապես արդյունքի հասնելո՞ւ եք, թե՞ չէ»: Հայաստանի խորհրդարանի ընդդիմադիր փոխնախագահը «Հայլուրի» եթերում պատասխանում է քաղաքացիների հարցերին:

Ծնվել է 44-օրյա պատերազմում զոհված Կարեն Միրզոյանի եղբայրը։ Երեխային անվանակոչել են եղբոր անունով։

Նիգերիացի Կոնբոյը ցանկացած պատկերով խճանկար կարող է ստանալ մաշված հողաթափերից:

Ծխից ու աղմուկից խուսափելու համար Չինաստանի Պանժիգա գյուղում առաջին անհրաժեշտության փոխադրամիջոց է դարձել Տեսլա էլեկտրական մեքենան: Դրա շնորհիվ լեռների մեջ թաքնված գյուղը դարձել է զբոսաշրջիկների սիրելի վայրը:

Կրթության նախարարությունը որոշել է դիմորդներին լրացուցիչ հնարավորություն տալ ԲՈՒՀ ընդունվելու համար: Հաջորդ ուսումնական տարվանից դիմորդները կկարողանան նույն առարկայից միասնական քննութուն հանձնել 2 անգամ:

Մայրաքաղաքի բնակիչները անհանգստացած են Երևանի տարբեր հասցեներում պայթուցիկ սարքերի առկայության մասին ահազանգերից: Ուրբաթ 6 այդպիսի ահազանգ է հնչել, 6-ն էլ՝ կեղծ:

Ստեփան Պետրոսյանի պատրաստած զրահաթիթեղները 44-օրյա պատերազմում բազմաթիվ կյանքեր են փրկել: Ֆիզիկոսը «Հայլուրի» թղթակցին պատմել է, որ 15 տարի է պահանջվել կարծր նյութից թեթև ու հարմարավետ վահաններ ստեղծելու համար:

«Ազգային ժողովրդավարական բևեռ» կուսակցության համակիրները ուրբաթ առավոտյան ներկել էին Ֆրանսիայի հրապարակում ծածանվող Արցախի դրոշը:

Ռուս-ուկրաինական պատերազմի թեժ օրերին իրենց ապաստարաններն են կարգի բերում շվեյցարացիները: Երկրի իշխանությունը քաղաքացիներին կոչ է արել սնունդ ու հագուստ կուտակել՝ անհրաժեշտության դեպքում ապաստարան տեղափոխվելու համար:

Կրամատորսկի երկաթուղային կայարանը ցնցվել է Իսկանդերի հարվածից: Ուկրաինական լրատվամիջոցները հայտնում են, որ 52 զոհ կա: 5-ը երեխաներ են: Մոսկվան հերքում է մեղադրանքը, թե ռուս զինվորականների հասցրած հարվածն է երկաթուղային կայարանի պայթյունի պատճառը:

Մոսկվան է հայտարարում, որ ղարաբաղյան հակամարտության կարգավորման միակ միջնորդի՝ ԵԱՀԿ Միսկի խմբի եռանախագահությունը չեղարկվել է ու մեղավորը Արևմուտքն է:

Մոսկվայում դժգոհ են Փաշինյանի՝ ռուս խաղաղապահների աշխատանքը կասկածի տակ դնող հայտարարություններից: Ըստ էության՝ Լավրովն ասաց, որ Փաշինյանի հայտարարությունը չի արտահայտում Հայաստանի ղեկավարության իրական վերաբերմունքը:

Երեկ՝ ապրիլի 8-ին, ողբերգական դեպք է տեղի ունեցել Տավուշի մարզում: Ժամը 18:20-ի սահմաններում, «Իջևան» բժշկական կենտրոնից, ոստիկանության Իջևանի բաժին ահազանգ է ստացվել, որ Տավուշի մարզի բնակավայրերից մեկում՝ կախվելու միջոցով, ինքնասպան է եղել մի կին: Ինչպես հայտնում է shamshyan.com-ը պարզվել է, որ նույն օրը՝ ժամը 18:00-ի սահմաններում, 25-ամյա Արաքսյա Թ.-ն, իրենց տան հարակից անասնագոմի առջևի տանիքից՝ պարանով կախվելու միջոցով, ինքնասպան է եղել: Գ. Շամշյանի տեղեկություններով, նրա գրպանում հայտնաբերվել է երկտող: Մինչ ոստիկաններն ու քննիչները պարզում են դեպքի հանգամանքները, նույն օրը՝ ժամը 20:35-ին, «Իջևան» բժշկական կենտրոնից ոստիկանության Իջևանի բաժին ահազանգ է ստացվել, որ Տավուշի մարզի բնակավայրերից մեկում կախվելու միջոցով ինքնասպան է եղել մի տղամարդ: Նույն ոստիկանության և քննչական խմբերը մեկնել են նշված վայր, որտեղ պարզվել է, որ ժամը 20:30-ի սահմաններում, նույն հասցեի բնակիչ, 35-ամյա Լևոն Ե.-ն, իրենց տան նկուղի տանիքից կախվելու միջոցով ինքնասպան է եղել: Գ. Շամշյանի տեղեկություններով, ինքնասպան եղած անձինք ամուսիններ են: Ամուսինն աշխատում էր Տավուշի մարզի դատական ակտերի հարկադիր կատարումն ապահովող ծառայությունում՝ որպես հարկադիր կատարող:

Ֆրանսիայի հրապարակում բախում է տեղի ունեցել «Ազգային ժողովրդավարական բևեռ»-ի հանրահավաքի մասնակիցների և մի խումբ քաղաքացիների միջև։ Քաղաքացիները Ֆրանսիայի հրապարակում էին՝ պաշտապնելու Արցախի դրոշը՝ ԱԺԲ ներկայացուցիչներից, ովքեր երեկ «Մեկ պետություն` մեկ դրոշ» ակցիայի շրջանակներում ներկել էին Արցախի դրոշը։ «Իրենք քայլերթով մոտենում էին դրոշին, որպեսզի արդեն երկրորդ անգամ վնասեն այն։ Երբ տեսան մեզ, փոխեցին իրենց ուղղությունը։ Չի՛ հաջողվելու, կսպասենք այնքան, մինչև իրենց միտինգը վերջանա։ Ասում են՝ Հայաստանի դրոշը դրեք։ Դրոշ պաշտպանողներին տեսեք․․․ Հայաստանի դրոշը տարբեր տեղերում կա, Արցախինը ևս պետք է լինի ամեն տեղ»,- լրագրողների հետ զրույցում ասել է Արցախի դրոշը պաշտպանող քաղաքացիներից մեկը։Ֆրանսիայի հրապարակում բախում է տեղի ունեցել «Ազգային ժողովրդավարական բևեռ»-ի հանրահավաքի մասնակիցների և մի խումբ քաղաքացիների միջև։ Քաղաքացիները Ֆրանսիայի հրապարակում էին՝ պաշտապնելու Արցախի դրոշը՝ ԱԺԲ ներկայացուցիչներից, ովքեր երեկ «Մեկ պետություն` մեկ դրոշ» ակցիայի շրջանակներում ներկել էին Արցախի դրոշը։ «Իրենք քայլերթով մոտենում էին դրոշին, որպեսզի արդեն երկրորդ անգամ վնասեն այն։ Երբ տեսան մեզ, փոխեցին իրենց ուղղությունը։ Չի՛ հաջողվելու, կսպասենք այնքան, մինչև իրենց միտինգը վերջանա։ Ասում են՝ Հայաստանի դրոշը դրեք։ Դրոշ պաշտպանողներին տեսեք․․․ Հայաստանի դրոշը տարբեր տեղերում կա, Արցախինը ևս պետք է լինի ամեն տեղ»,- լրագրողների հետ զրույցում ասել է Արցախի դրոշը պաշտպանող քաղաքացիներից մեկը։