Լրահոս

Ապրիլի 14-ին՝ժամը 11։00-ին, ԱՀ Ազգային ժողովի նախագահ Արթուր Թովմասյանը ԱԺ խմբակցության ղեկավարների և աշխատակազմի պատասխանատուների մասնակցությամբ հրավիրել է աշխատանքային խորհրդակցություն։ Այս մասին հայտնում են Արցախի ԱԺ-ից։ «Խորհրդակցության ընթացքում որոշվել է Արցախի Հանրապետության Սահմանադրության 114-րդ հոդվածի 2-րդ մասի և «Ազգային ժողովի կանոնակարգ» օրենքի 37-րդ հոդվածի 1-ին մասի համաձայն Ազգային ժողովի պատգամավորների նախաձեռնությամբ 2022 թվականի ապրիլի 14-ին՝ ժամը 19:00-ին, գումարել Արցախի Հանրապետության Ազգային ժողովի արտահերթ նիստ՝ Ազգային ժողովի հայտարարության մասին օրակարգով»,- նշված է հաղորդագրությունում։

Մի հարգարժան հայրենասերի հետ էի զրուցում, ասաց պարոն Աղազարյան, Հովիկ ջան, այն ինչ դու արեցիք, դա հեղափոխություն չէր, ազգային ազատագրական շարժում էր։ Այս մասին այսօր Ազգային ժողովում՝ ելույթի ժամանակ ասաց « Քաղաքացիական պայմանագիր» խմբակցության պատգամավոր Հովիկ Աղազարյանը։ «Հաղթել ենք 90–ականների ճակատամարտը, փառք տվել տղաներին, 2020 թվականին ունեցանք անհաջողություն, որի հետ կապված չպետք է նորից ողբերգություն սարքենք, որովհետև ես համաձայն չեմ այն տերմինի հետ, որ մենք պարտվել ենք, և այլն»,–ասաց Աղազարյանը։ Նրա խոսքով՝ այսօր իշխանությունը շարժվում է խաղաղության օրակարգով, բայց ինքը վստահ չէ, որ հարևան երկիրը պատրաստ է դրան․«Բայց աշխարհը գիտի, որ մենք ուզում ենք խաղաղություն, դա աշխարհը գիտի։ Հիմա իմ կողմից ոչ հարգելի ընդդիմադիր գործընկերները ի՞նչ են ասում, ասում են՝ Արցախի հետ մեր դիրքորոշումն իրենց համար անընդունելի է, և իրենք այլ տեսակետ ունենք։ Է թող գան իրենց տեսակետով։ Բարձրացրեք Արցախի անկախությունը ճանարչելու հարց, բութ, որը նշանակում է Ադրբեջանին պատերազմ հայտարարել կամ պատերազմական գործողությունները վերսկսկել, հավաքեք ինչ–որ իմաստով տեսանելի աջակցություն, բարձրացրեք այդ հարցը, կգնանք ընտրության՝ մենք մեր ծրագրով, դուք ձեր ծրագրով։ Մեր ծրագիրը որն է՝ մենք Ադրբեջանի տարածքային ամբողջականության հետ կապված խնդիրներ չունենք, մենք ունենք մի խնդիր, որ Արցախի ժողովուրդը փաստորեն ինքնորոշվում է և մենք պետք է ամեն ինչ անենք, որ դա արդարացի ու արագ լուծման հասցնենք»,–ասաց Աղազարյանը։

1. Վարչապետը երեկ ազդարարեց Հայաստանի պատմության նոր էջի մասին։ Հին կյանքն արդեն չկա. սա պետք է հասկանան բոլորը։ Նոյեմբերի 9-ից հետո ապրիլը 13-ը դառնում է նոր պատմական տարեթիվ։ 2. Այդ ելույթից հետո Նիկոլը չի կարող ղեկավարել պետությունը։ Գտնվելով հոգեբանական ահռելի ինքնաճնշման տակ՝ նա թույլ է տվել ձևակերպումներ, որոնցից հետո անհնար է պետության ղեկին մնալը։ Կարծում եմ՝ ինքն էլ դա գիտակցում։ Այժմ պետք է գտնել սահուն, խաղաղ ելքեր։ Հակառակ դեպքում կունենանք պետության հրաժարականը։ 3. ՔՊ խմբակցությունը ծափահարել է ելույթին, մասնավորապես՝ հետևյալ ձևակերպմանը. «կարող էինք կանխել պատերազմը, բայց կունենայինք նույն այս վիճակը. իհարկե, առանց զոհերի»։ Ծափահարողները, հետևաբար, կիսում են պատասխանատվությունը։ Այս և այլ ձևակերպումներին ծափահարողները կորցրել են իշխող քաղաքական ուժ լինելու բարոյական լեգիտիմությունը։ Հետևաբար՝ նոր ԱԺ-ի կամ նոր մեծամասնության խնդիրը օրակարգային առաջնահերթություն է։ Այս ԱԺ-ն չի կարող շարունակել իր ընդունած օրենքներով կարգավորել պետության կենսագործունեությունը։Այս Աժ-ն չի կարող նախիկինի պես գործել։ 4. Կա տպավորություն, որ իշխանությունը պատրաստ է վտանգավոր քայլերի՝ նոր ներհայկական պառակտման և բարիկադավորման, Ռուսաստանի հետ հարաբերությունների արկածախնդրային սրման և այլն։ Դատելով նախօրոք պատրաստած մի քանի հարցից և ելույթից՝ իշխանությունը Հայաստանում կարող է սկսել հակաղարաբաղյան և հակաղարաբաղցիական արշավ։ Նման տպավորություն համենայնդեպս կա։ Տա Աստված, որ ես սխալվեմ, հակառակ դեպքում դա լինելու է անհավանական ողբերգություն։ Վստահ եմ, ՔՊ-ի պատգամավորներից շատերը չեն ընկալել այս տենդենցը, բայց կարող են առանց գիտակցելու տրվել թիմակից մի քանի վերջացած սրիկաների ազդեցությանը։ Պետք է հստակ զգուշացնել, որ սա Նիկոլին ծափ տալը չէ, որ մի պահից մոռացվի-գնա, սա ծանր հանցագործություն է՝ ողջ երկրի ու ողջ ժողովրդի դեմ, որի մեջ երբեք և ոչ մի պայմաններում չի կարելի մտնել։ 5. Երկրում պետք է փոխվի ընդդիմադիր գործունեության ձևաչափը, որոշումների կայացման մեխանիզմը, որովհետև երեկվանից փոխվել է իրավիճակը։ Նիկոլին անիծելը քաղաքականություն կամ պետական գործունեություն չէ։ 6. Ելույթին արձագանքի առանձին ուղղություն էր մինչև 2018 թվականի բանակցային բարվոք պատկերը ներկայացնելը, բայց դրանով հիմա որևէ խնդիր չի լուծվում։ Դա արդեն պատմություն է։ Պատմություն են նաև արդեն Կազանը, Քի Վեսթը, Լավրովի պլանը, Տեր Պետրոսյանի հայտնի հոդվածը. դրանց հիշատակումներով այլևս ոչինչ չի փոխվում և փրկվում։ Մեր խնդիրը հիմա ապագա´ն փրկելն է, և ոչ՝ անցյալը։ 7. Պետք է լինել խիստ պրագմատիկ և ընդունել, որ Նիկոլի պաշտոնանկությունը մեխանիկորեն չի ենթադրելու հայանպաստ լուծումների առատություն։ Ռիսկերը չափազանց մեծ են, և մեծ հաշվով մենք լավ սցենարներ չունենք։ Առավելագույնը, որ կարող ենք ստանալ, վատագույնից խուսափելն է։ Բայց դրա համար համազգային կոնսոլիդացիա է պետք, սոլիդ իշխանություն, և ահռելի գրագետ ջանքեր։ 8. Պետք է արագ փոխել նարատիվը. այսօր մատուցվող նարատիվն այն է, թե իբր իշխանությունը գնում է կայունացման ճանապարհով, իսկ ընդդիմությունը՝ էսկալացիայի։ Սա իրականության հետ կապ չունեցող և սխալ պատկերացում է, բայց սա նաև ընդդիմադիր ձևաչափերի ամենամեծ տապալումն է՝ այն, որ հնարավոր է եղել հասարակության մեջ նման մոլորության ամրակալումը։ 9. Ստեղծված պայմաններում պետական մտածողությունը տալիս է մեկ ճիշտ տարբերակ՝ գնալ տարածաշրջանում իրավիճակի կայունացման, հանդարտացման, և զուգահեռ՝ ինքնապաշտպանվելու պոտենցիալի մեծացման, անվտանգության նոր մեխանիզմների ձևավորման ուղղությամբ։ Սա է միակ իրատեսական տարբերակը։ Պետք է գնալ Թուրքիայի հետ պրագմատիկ երկխոսություն՝ հարաբերությունների աստիճանական կարգավորման միտումով, պետք է ունենալ Ադրբեջանի հետ բանակցային գործընթացի վերականգնում՝ երկարաժամկետ խաղաղության միտումով։ Պետք է գնալ Ռուսաստանի հետ դաշնակցային հարաբերությունների նոր բովանդակության, ստրատեգիական ծրագրերի հաստատման ուղղությամբ, Իրանի, Վրաստանի հետ նոր օրակարգի և հեռանկարային ծրագրերի իրականացման ճանապարհով։ ԵՄ, ԱՄՆ և արաբական աշխարհի հետ նոր որակի աշխատանքային հարաբերությունների հաստատում՝ համագործակցության լայն օրակարգով։ Պարզ ասած՝ մեզ պետք է ժամանակ՝ մինչև կկայունանա միջազգային դրությունը, մինչև հայ ժողովուրդը դուրս կգա նվաստացած և հյուծված հոգեվիճակից, մինչև կվերականգնվի մեր պաշտպանական համակարգը, մինչև տարածաշրջանում մի բան կփոխվի։ Սա անհամեմատ ավելի բարդ խնդիր է, քան՝ «անհապաղ» զիջումների գնալը, բայց սա է միակ ճիշտ լուծումը։ Եվ սա պետք է լինի Նիկոլի ելույթին այլըտրանք քաղաքական միտքը։ 10. Իշխանությունը գնում է «խաղաղություն՝ խոշոր զիջումներով» տարբերակով։ Սա բերելու է խոշոր պետական փլուզումների, լուրջ աղետի։ Հայաստանը վերածվելու է թույլ, մշտական քաոսի մեջ ապրող, անկայուն մի կիսապետության։ Ո՞րն է սրա այլընտրանքը։ Ընդդիմադիր կամ ոչիշխանական համակարգի առաջարկած այլընտրանքը պետք է լինի «Կայուն խաղաղություն՝ ազգային շահերի պաշտպանությամբ» գաղափարը, որը գրեթե նույն է, թե «Արժանապատիվ խաղաղությունը»։ Սա շատ բարդ խնդիր է, չափազանց բարդ, բայց միակ տարբերակն է՝ պետությունը պահելու համար։ 11. Հայաստանը կարիք ունի նոր քաղաքական հոսանքի, որը հանդես կգա նոր ասելիքով, նոր բանաձևերով, ու կներկայացնի հետպատերազմյան Հայաստանի այլ տեսլական, վերականգնման ծրագիր։ 12. Հետաքրքիր գաղափար է համայկական վեհաժողովը՝ հայ ժողովրդի ազդեցիկ ներկայացուցիչների մասնակցությամբ՝ ստեղծված իրավիճակի քննարկման և համահայկական նոր օրակարգի մշակման համար։ 13. Չափազանց կարևոր է Արցախի համար հումանիտար խոշոր ծրագրի մշակումը։ Պայմանական ասած՝ «Խաղաղ Արցախ» անվանումով ծրագիրը, որը կունենա զգալի հոգեբանական, նյութական և հեռանկարային նշանակություն Արցախի բնակչության համար, և որը խիստ կարևոր է՝ ընկալելի կլինի միջազգային հանրության համար և կստանա աջակցություն։

«Հեղափոխությունց հետո էր՝ մի քանի ամիս անց, մի հարգարժան քաղաքացու հետ էի խոսում, ինքն ինձ ասաց՝ պարո՛ն Աղազարյան, Հովի՛կ ջան, այն ինչ դուք արեցիք, հեղափոխություն չէր, դա ազգային ազատագրական շարժում էր»,-այս մասին այսօր՝ ապրիլի 14-ին, Ազգային ժողովում ելույթների ժամանակ ասաց «Քաղաքացիակն պայմանագիր» խմբակցության պատգամավոր Հովիկ Աղազարյանը: Նրա խոսքով՝ ինքը համաձայն չէ այն տերմինի հետ, որ հայկական կողմը պատերազմում պարտվել է: «Այն, որ մենք խաղաղություն ենք ուզում դա ակնհայտ է և ակնհայտ է աշխարհին, բայց դա չի նշանակում, որ մեր թշնամի երկիրը պատրաստ է դրան, ես վստահ չեմ, որ իրենք ևս ուզում են խաղաղություն: Հետևաբար այստեղ շատ ավելի կարևոր է, որ մենք գնում ենք այն օրակարգով, որով գնում ենք, մենք պետք է ձգտենք հասնել խաղաղության, մեր հարևաններին համոզենք, որ այդ համակեցության նորմն ավելի ընդունելի, ավելի արդիական է և փորձենք այդ ձևով ապրել: Իմ կողմից ոչ հարգելի մեր ընդդիմադիր գործընկերներն ասում են՝ Արցախի հետ կապված մեր դիրքորոշումն անընդունելի է և հետևաբար իրենք այլ տեսակետ ունեն, է՜, թող գան այդ տեսակետով: Երբ 2020 թվականի ցավալի արդյունքներն արձանագրվեց, մենք, մեր թիմը վարչապետի գլխավորությամբ՝ քաղաքական խիզախություն ցուցաբերեցինք և գնացինք ընտրության: Մենք այդ կորուստների ծանրության տակ կքվել էինք և նույսնիսկ կարելի է ասել՝ ծնկի էինք եկել, բայց ժողովուրդը եկավ, մեր թիկունքից մեզ բարձրացրեց և ասաց՝ քայլեք, դուք ճիշտ ճանապարհով եք գնում, և մենք գնում ենք այդ ճիշտ ճանապահով: Ոչ հարգելի ըդդիմադիրներ, հիմու դուք ասում եք՝ ճիշտ ճանապարհով չեք գնում, ժողովուրդը սխալվել է: Մի պահ ենթադրենք, որ դա այդպես է, ի՞նչ եք առաջարկում, թողնենք փախնե՞նք ձեր նման, ինչպես փախել եք շատ տեղերից; Մենք չենք փախնում, մենք դժվարություններին նայում ենք ճակատով: Բարձրացրե՛ք Արցախի անկախությունը ճանաչելու հարց, որը նշանակում է Ադրբեջանին պատերազմ հայտարաել կամ վերսկսել պատերազմական գործողությունները, հավաքեք աջակցություն ձեր 205 հազար ընտրողներից, այդ հարցը կդառնա քաղաքական օրակարգի հարց և կգնանք ընտրության, դուք ձեր ծրագրով, մենք մեր ծրագիրը շարունակելու նպատակով, մենք չպետք է փախնենք»,-ասաց պատգամավորը: Հովիկ Աղազարյանն առաջարկեց կրկին գնալ ընտրության: Նա նշեց, որ իրենք Ադրբեջանի տարածքային ամբողջականության հետ կապված խնդիրներ չունեն, իրենց խնդիրն է` Արցախի ժողովրդի ինքնորոշման հարցը հնարավորինս արագ հասցնել լուծման:

44-օրյա պատերազմում զոհված Ալբերտ Հովհաննիսյանի հայրը՝ Արտակ Հովհաննիսյանն Իր ֆեյսբուքյան էջում անդրադարձել է վարչապետ Նիկոլ Փաշինյանի՝ երեկ ԱԺ-ում հնչեցրած այն մտքին, թե կարող էինք կանխել պատերազմը, բայց կունենայինք նույն այս վիճակը, իհարկե՝ առանց զոհերի։ «Փաշինյան Նիկոլ, ասում ես՝ կարող էիր կանխել պատերազմը, բա կանխեիր, թե՞ արյան ծարավ էիր, մեր լույս տղաներն էին քեզ խանգարում, հիմա դու ով ես ...., քեզ ներում չկա, դու ինքդ ասացիր, որ դու ես համար մեկ մեղավորն ու պատասխանատուն: Հ.Գ. Համար մեկ պատասխանատու, գոնե հասկանո՞ւմ ես, որ զավակ կորցրած ծնողների թշնամին ես դարձել, բոլոր զոհված տղերքի արյունը քո ձեռքերին է», - գրել է Ալբերտ Հոփվհաննիսյանի հայրը։

ՀՀ կառավարության ղեկավարի երեկվա հայտարարությունները խիստ վտանգավոր են թե՛ Հայաստանի, թե՛ Արցախի համար, Facebook-ում գրել է ՀՀ նախկին ՄԻՊ Արման Թաթոյանը: «Հայաստանի անվտանգության համակարգն ուղղակի ավերվում է նման հայտարարություններով, որոնք պայմանավորված են քաղաքական նեղ շահերով և չունեն մասնագիտական հիմքեր: Այս կերպ են պատերազմի ավարտից սկսած միջազգային հանրությունից թաքցվել ադրբեջանական հանցավոր արարքների մանրամասները: Այդ փաստերը թաքցվել են նաև ներքին հանրությունից ու Սփյուռքից: Լուրջ ճնշումների են ենթարկվել ու շարունակում են ենթարկվել այդ փաստերը բարձրաձայնողները: Տեղի է ունենում պարզապես ինֆորմացիոն բլոկադա: Սեփական սխալները կոծկելու և դժգոհություններ առաջ չբերելու համար ՀՀ բարձրաստիճան տարբեր ղեկավար պաշտոնյաների կողմից արդարացվել ու օրինականացվել են մեր գյուղերի հարևանությամբ ու ճանապարհներին ադրբեջանական անօրինական զինված տեղակայումները, սեփական քաղաքական շահերի համար արվել են Հայաստանի տարածքային իրավազորությունը Ադրբեջանին զիջող պաշտոնական հայտարարություններ՝ անտեսելով Հայաստանի ու Արցախի բնակչության անվտանգությունը, կյանքի և մյուս իրավունքները: Այս պաշտոնյաները նաև հետևողականորեն զրոյացրել են պատմական նշանակության մեր հիմնարար թեզերը՝ սկսած նրանից, որ Ադրբեջանի տարածքային ամբողջականությունը որևէ կապ չունի Արցախի հետ և չի էլ ունեցել, անտեսվել է, որ ադրբեջանական պետական դոկտրինայում Հայաստանի զգալի մասը համարվում է «ադրբեջանական պատմական տարածք» և որ մեր նկատմամբ տարվում է ֆաշիզմի հասնող ատելության ու թշնամանքի քաղաքականություն և այլն: Այս ամենն միջազգային ասպարեզում ազատել է Ադրբեջանի ձեռքերը և հնարավորություն տվել աշխարհը կեղծիքներով լցնելու հաշվին զբաղեցնելու իր շահերի համար նպաստավոր դիրքեր, իսկ մեզ դրել աշխարհաքաղաքական շահերի հորձանուտի մեջ: Դատապարտելի կերպով առաչ քաշվեց և սկսվեց աշխարհին գովազդվել, այսպես կոչված, «խաղաղության» օրակարգը այն դեպքում, երբ Ադրբեջանը մեզ հետ խաղաղության մասին շարունակում է խոսել միայն ավերելու ու ոչնչացնելու սպառնալիքներով և շարունակում իր հանցավոր արարքները: Զուգահեռ՝ Հայաստանում սկսվեցին մարդկանց զգոնությունը թմրեցնող հայտարարություններ՝ առանց մեկ գրամ անգամ տեսնելու այդ օրակարգի արդյունքները: Արդյունքում՝ «խաղաղությունը» մնաց միայն մեզ վրա և ստացվեց այնպես, որ դա պետք է իրականացվի մեր իրավունքների ու արժանապատվության, Հայրենիքի հաշվին՝ ինչ է, թե Հայաստանում կան պաշտոնյաներ, որոնք իրենց քաղաքական շահերն ու պաշտոնների պահպանումը երկրի անվտանգությունից ավելի են գերադասում: Ուստի, ՀՀ կառավարության ղեկավարի ու, առհասարակ, որևէ այլ պաշտոնյայի կամ պետական մարմնի նման որևէ հայտարարություն չունի լեգիտիմություն և չի կարող դրվել մեր ժողովրդի շահերի պաշտպանության հիմքում», - գրել է Թաթոյանը:

Ազգային ժողովում երեկ հնչեցվեցին հայտարարություններ որոնք կարելի է բաժանել երկու խմբի. 1) 44-օրյա պատերազմի մանրամասներ, հենց իշխանությունների կողմից շրջանառված թեզերի ոչնչացում: Մի շարք ինքնախոստովանություններ, որոնք այսօրվա իրավապահները չեն նկատելու: Պատկերացրեք, այս ամենը խոսում է մի մարդ, ով ասում էր «Արցախը Հայաստան է և վերջ»: Սա ասում է մի մարդ, ով հստակ հրաժարվեց բանակցային գործընթացից, քանի որ ինքը սկսում էր «Զրոյական կետից»: Սա է ազնվության բացակայությունը և պոպուլիզմը: Կարծում եմ հենց դրանից է, որ բազմաթիվ ՀԵՐՈՍՆԵՐԻ ծնողներ իրենց մեղմ ասած զայրույթը հենց այսօր են արտահայտում, հենց այդ բացահայտումներից հետո: 2) Երկրորդ խումբը այս իշխանությունների խոստացած «ապագայի» մասին է: Իշխանությունները, որոնք մեր իրականությունը հասցրել են այն կետին, որ ընդդիմադիր պատգամավորները չկարողանան մուտք գործել Արցախ՝ հայտարարեցին, որ չեն պատրաստվում պաշտպանել Արցախի Հանրապետության անկախությունը: Հստակ պատրաստվում են Արցախի հայաթափմանը: Պատճառաբանում են, որ ԻՐԵՆՔ, այս իշխանություններն այլ տարբերակ չունեն: Եկեք հստակ ֆիքսենք այս իշխանություններին ՀԱՅ ՄԱՐԴ նման մանդատ չի տվել, երբեք ՉԻ ՏՎԵԼ: 2022 թվականի ապրիլի 13-ից հասարակության մեջ այլևս չկա ենթադրություն կամ վերլուծություն: Այս իշխանությունները պատրաստ են հանձնել ամեն ինչ, հրաժարվել ամեն ինչից: Այլևս սրանք բաց ու հստակ փաստեր են բոլոր բոլորի համար: Այս իշխանությունները Հայաստանի ու Արցախի շահերը պաշտպանելու հետ կապ չունեին ու դա այլևս ասում են՝ ուղիղ: Հ.Գ. Հատուկ ուզում եմ նշել, որ Արցախի Աղավնոյի անցակետում այդ անասելի տհաճ պայմաններում, մի կարևոր իրադարձություն տեղի ունեցավ՝ Արցախի խորհրդարանական բոլոր խմբակցությունների ղեկավարները եկել էին հանդիպելու ԱԺ ընդդիմադիր պատգամավորներին: Կարծում եմ այդ հանդիպման խորհուրդը պետք է լինի այն, որ մենք, մեր Հայրենակիցները, ընդդիմությունը, ոչ իշխանական բոլոր ուժերը, բոլորս՝ չենք հանդուրժելու այս իրավիճակը, համախմբվելու ենք, դուրս ենք գալու թմբիրից, արդյունավետ ու վճռական ենք լինելու: Վստահ եմ գիտեք՝ այլ տարբերակ չկա:

Արա Հաղթանակի Շահումյանը ֆեյսբուքյան իր էջում գրում է. «Ես էլ կասկած չունեմ, որ Հայաստանում վխտում են կոնկրետ թրք գործակալներ… ՀԻԲՐԻԴԱՅԻՆ ՊԱՏԵՐԱԶՄԸ պոզով-պոչով չի լինում։ Եթե իրվապահ մարմինները ի վիճակի չէն վերահսկելու և պահպանելու մեր արժեքները, Քուչի Տղերքի ինստիտուտը հարկավոր ա վերականգնել ու հայտնաբերելով պատժել գործակալներին տեղում»։

Այսօր, ապրիլի 14-ին, ողբերգական դեպք է տեղի ունեցել Երևանում։ Shamshyan.com-ը հայտնում է, որ Ժամը 06։50-ի սահմաններում ոստիկանության Մաշտոցի բաժին ահազանգ է ստացել, որ Կիևյան կամրջի տակ, Հրազդան գետում դի կա։ Փրկարարները գետից դուրս են բերել դին։ Ոստիկանությունը պարզել է, որ գետից դուրս բերվածը Երևանի բնակիչ 18-ամյա էդուրադ Շ-ն էր, ով որպես անհետ կորած ոստիկանության Մաշտոցի բաժնի կողմից որոնվում էր։ Փաստի առթիվ բաժնում նյութեր են նախապատրաստվում։

Երբեմնի մոլի ԲՀԿ-ական, այժմյան ՔՊ-ի կարկառուն ներկայացուցիչ, Վայոց Ձորի նախկին մարզպետ Սերգեյ Բագրատյանը և որդին՝ Շանթ Բագրատյանը փորձում են վախի մթնոլորտ ստեղծելով իրենց հեղինակությունը հաստատել Վայք քաղաքում։ Yerevan.Today-ի տեղեկություններով Բագրատյանի որդին օրերս իր ընկերների հետ դաժան ծեծի է ենթարկել վայքեցի մի քաղաքացու։ Մտնելով վայքեցու աշխատասենյակ, Բագրատյանի որդին և ընկերները ձեռքին ծանր առարկայով հանկարծակիի բերելով, 28 տեղից հարվածներ են հասցրել նրան՝ հասցնելով այն վիճակին, որ արնաշաղախ վիճակում վերջինիս տեղափոխել են հիվանադանոց։ Դեպքից հետո ծեծի ենթարկված քաղաքացին փորձել է իր հարաբերությունները պարզել Բագրատյանների հետ, սակայն, ինչպես հայտնում է մեր աղբյուրը, Սերգեյ Բագարտյանը սկզբում փորձել է կոծկել որդու արարքը՝ ասելով, որ ներողություն կխնդրի, այնուհետև հայր և որդի ասել են՝ լավ են անում։ Բան այն է, որ Բագրատյաններին դուր չի գալիս, երբ իրենց, այս դեպքում՝ ՔՊ-ին հակադրվում են կամ օրվա իշխանությունների դեմ են խոսում Վայքում։ Այս ծեծի դեպքն էլ նման օրինակներից է, երբ փորձել են ճշել ընդդեմ իշխանությունների արտահայտվող քաղաքացուն։ «Բոլորն էլ գիտեն Վայոց Ձորում ով է կանգնած այդ սարսափելի ծեծի հետևում։ Ամեն անգամ ընտրությունների ժամանակ Սերգեյ Բագրատյանը իր անվտանգության աշխատակիցների, տղաների ընկերների հետ Վայք քաղաքը, Վայոց Ձորը խառնել են իրար, խեղճերին փորձել են նեղել, որ իրենց ընտրեն և մարսել են։ Վերջին ընտրությունների ժամանակ էլ նույնն էր։ Սերգեյ Բագրատյանը որևէ կերպ ընդունված չէ Վայք քաղաքում, հատկապես այս դեպքերից հետո բացառվում է՝ նրանք հեղինակություն ունենան»,- նշում է մեր աղբյուրը։ Փաստորեն, ստացվում է, որ «բեսպրեդելի» դեմ պայքարող իշխանության ներկայացուցիչները օրը ցերեկով կարող են մտնել մարդու ախատասենյակ, ծեծել այնուհետև ասել՝ ինչ արել ենք, լավ ենք արել։

Yerevan.Today-ի հետ զրույցում  քաղաքացին տարակուսում է, թե ինչու  են մեղադրում Փաշինյանին  երկրում ստեղծված վիճակի  համար։ 

Չինաստանում բացված Ճապոնական հրաշքի մասին: Պեկինում ծաղկել են սակուրաները:

Մարիուպոլում ռուսական զինուժին հանձնված 1000-ից ավելի ուկրաինական բանակի զինծառայողների մեջ կա երկու բրիտանացի: Ռուսական կողմը հրապարակել է նրանց անունները: Գերեվարվածների մեջ կան նաև կին զինծառայողներ:

Ստեփանակերտում Պապիկ-Տատիկ (Դեդո-Բաբո) հուշարձանի մոտ պատկերվել է Z տառը։ Այն պատրաստված է Ռուսաստանի դրոշից, հաղորդում է «Sputnik Արմենիա»-ն։

Երևանում մահացած են գտել Եկատերինբուրգից փաստաբան Վիկտորիա Պոպովային։ Նրա դին հայտնաբերվել է Երևանում վարձակալած բնակարանի պահարանում։ Դրսի դուռը ներսից փակված է եղել, տեղեկացնում է 168.am-ը։ Մահացածի հարազատները ՌԴ Քննչական կոմիտեին խնդրել են քրեական գործ հարուցել սպանության հատկանիշներով, որպեսզի օբյեկտիվ քննություն ընթանա։ Վիկտորիայի դին գտել է նրա երևանաբնակ ծանոթը, որը երկար ժամանակ չի կարողացել կապ հաստատել նրա հետ ու եկել է նրա բնակարան։ «Դուռը փակ է եղել, ծանոթը զանգահարել է ու ներսից լսել հեռախոսի ձայնը, ինչից հետո ոստիկանություն է կանչել։ Երբ կոտրել են դուռը, նրա դին հայտնաբերել են պահարանում»,-պատմել է փաստաբանի ընկերուհին։

Երասխի ուղղությամբ մարտական դիրքեր էի գնացել։ Հատկապես այսպիսի օրերին զինծառայողների հետ շփումները շատ կարևոր եմ համարում։ Այս այցերը ոչ միայն կարևոր են ընթացիկ խնդիրները հասկանալու, առաջնահերթությունները ճշգրտելու տեսանկյունից, այլ նաև մեր զինծառայողներին սատարելու և հիշեցնելու, որ ցանկացած իրավիճակում նրանց կողքին ենք։ Մյուս կողմից՝ մեր զինծառայողների վստահությունը, կամքը, համարձակությունը ուժ է փոխանցում և մշտապես հիշեցնում, որ բոլոր քաղաքական սխալների հետևանքներն անմիջական ազդեցություն են ունենում առաջին հերթին առաջնագծի վրա։ Այդ տապալումների հետևանքները, ցավոք, 2018 թվականից հետո անընդհատ հետապնդում են բոլորիս, իսկ դրա առաջին հարվածները հենց բանակն է ստանում։ Անկախ քաղաքական գործընթացներից, աշխարհաքաղաքական պրոցեսներից և նույնիսկ ԱԺ ամբիոնից ինքնախոստովանական ցուցմունքներ տվողների վարքագծից, մեր զինծառայողները ժայռերի վրա, գիշեր-ցերեկ, ձյուն թե անձրև մարտական հերթապահություն են կրում, ինչը նվազագույնը պետք է ընդունել ի գիտություն։

Իրան-Ադրբեջան հարաբերությունները կարող են նորից սրվել: Արձանագրել են փորձագետները, երբ Իրանի հեղափոխության պահապանների կորպուսի ոչ պաշտոնական տելեգրամյան ալիքը հրապարակել է մի տեսանյութ, որտեղ, ըստ էության ասվում է, որ Իրանի համար Հայաստանի տարածքային ամբողջականությունը կարմիր գիծ է:

Եթե Աստված եւ ժողովուրդը շատերի համար անսպասելի եւ անտրամաբանական որոշման են հանգել, որ 44-օրյա պատերազմից հետո ես պետք է շարունակեմ առաջնորդել երկիրը եւ ժողովրդին, ուրեմն այս ամենը ասելը եւ այս ամենի պատասխանատվությունը ստանձնելը իմ առաքելությունն է, իմ լուծը, եթե կուզեք իմ խաչը, որը պիտի տանեմ: Եւ քանի որ խոստովանությունների ելույթ է ստացվում, ու քանի որ ավագ շաբաթ է, պիտի նաեւ խոստովանեմ, որ անսահման մեղավոր եմ զգում նաեւ Աստծո առաջ, որ չկարողացա կյանքի կոչել նրա մեծագույն պատվիրաններից մեկը՝ Երանի խաղաղարարներին, որովհետեւ Աստծո որդիներ պիտի կոչվեն: Այս մասին ԱԺ-ում ասել է Նիկոլ Փաշինյանը «Բայց քավ լիցի, եկեք տուրք չտանք էմոցիաներին, որովհետեւ հիմա մեզ առավել քան երբեւէ պետք է սթափ դատողություն, ռացիոնալ մոտեցում եւ իրատեսական գնահատական: Եւ այս համատեքստում կուզենայի անդրադառնալ վերջին շրջանի մի շարք իրադարձությունների, պայմանավորվածությունների եւ անելիքների, խոսել ռիսկերի եւ հնարավորությունների, սպառնալիքների եւ հույսերի մասին»,- նշել է վարչապետը: