Լրահոս

ԱԺ «Հայաստան» խմբակցության պատգամավոր Արթուր Ղազինյանը երեկ Կառավարության 3–րդ մասնաշենքի մոտ տեղի ունեցած բախումների հետևանքով վնասվածք է ստացել։ «Երեկ ես հիվանդանոցում հետազոտվել եմ. ունեմ կողոսկրի կոտրվածք»,– NEWS.am–ի հետ զրույցում ասաց Արթուր Ղազինյանը, ընդգծելով, որ  դուրս է գրվել հիվանդանոցից։ Նշենք, որ «Դիմադրություն» շարժման մասնակիցները մայիսի 30–ին Ֆրանսիայի հրապարակից երթով շարժվել էին դեպի Կառավարության 3–րդ մասնաշենք՝ պարզելու Արցախի ապագա կարգավիճակի հարցով նախարարների դիրքորոշումները։ Երթի մեկնարկին ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարել էր, որ շարժումն սկսում է այցերը տարբեր պետական, գիտական, կրթական հաստատություններ՝ հստակ պահանջով գնահատական տալ ընդդիմության հայտարարությանը, որն Ազգային ժողովում քննարկվելու է հունիսի 3-ին՝ ընդդիմության նախաձեռնությամբ հրավիրված արտահերթ նիստում: Ընդդիմության մշակած հայտարարությունով ամրագրվում է, որ Արցախը չի լինելու Ադրբեջանի կազմում։ «Քաղաքացիական պայմանագիր» խմբակցությունն արդեն հայտարարել է, որ իրենք չեն մասնակցելու ԱԺ արտահերթ նիստին։

Հայաստանի ազգային հավաքականը նոր մրցաշրջանում նոր մարզաշապիկով է հանդես գալիս:

Փաշինյանն ԱԺ-ում քննարկել է բյուջեի կատարողականը՝ առանց լրագրողների

Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ: Հեռախոսազրույցը կայացել է ադրբեջանական կողմի նախաձեռնությամբ։ Այս մասին հայտնել է Կրեմլի մամուլի ծառայությունը։ Նշվում է, որ քննարկվել է Հայաստանի, Ռուսաստանի և Ադրբեջանի ղեկավարների՝ 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի պայմանավորվածությունների իրականացման ընթացքը՝ շեշտադրելով կոնկրետ հարցերի լուծումը, որոնք կապված են տարածաշրջանում խաղաղ կյանքի հաստատման և կայունության ամրապնդման, տնտեսական կապերի և տրանսպորտային հաղորդակցությունների ապաշրջափակման հետ: Ալիևը ՌԴ նախագահին տեղեկատվություն է փոխանցել մայիսի 22-ին Բրյուսելում Հայաստանի վարչապետի և Եվրոպական խորհրդի նախագահ Շառլ Միշելի հետ հանդիպման վերաբերյալ:

Երիտասարդներն առաջնորդում են «Դիմադրություն» շարժման երթը

Ալեն Սիմոնյանը հրաժարվում է ասել՝ Արցախը երբեք չի լինելու Ադրբեջանի կազմում

Կառավարության մասնաշենքի մոտ ակցիայից հետո ՔԿ-ն քրեական գործ է հարուցել

Հայլուր 15:30 Ալիևը զանգել է Պուտինին, պատմել Փաշինյանի հետ բրյուսելյան հանդիպման մասին

Արտակարգ դեպք՝ Երևանում. ավտոտեխսպասարկման կետում պայթյուն է տեղի ունեցել

Հայաստանում նախօրեին իրականացված հավաքների ընթացքում տեղի ունեցած միջադեպերը, դրանց արդյունքում անձանց բերման ենթարկելը և ոստիկանության բաժիններում քաղաքացիների իրավունքների երաշխավորումը գտնվում են Մարդու իրավունքների պաշտպանի մշտադիտարկման և ուշադրության կենտրոնում։

Ապրիլ ամսին ոստիկանները չեն պարգևատրվել, նրանք պարգևատրվել են մայիսին։ Այս մասին Ազգային ժողովում լրագրողների հետ զրույցում ասել է ՀՀ ոստիկանության պետի տեղակալ Վարդան Մովսիսյանը։ «Ոստիկանները ստացել են իրենց աշխատավարձն ու օրենքով հասնող հավելավճարները, մոտ 2,5 միլիարդ դրամ»։ Վարդան Մովսիսյանը վստահեցրել է, որ պարգևավճարը պայմանավորված չէ Երևանում տեղի ունեցած ցույցերով, և դա ստացել են բոլորը։

Դիմադրության շարժման երթը՝ Փաշինյանի հրաժարականի պահանջով

Վահաններով ոստիկաններ՝ կառավարության մասնաշենքի մոտ. ընդդիմադիր պատգամավորները փորձում են ներս մտնել

Երկու օր առաջ թշնամու դիպուկահարի կողմից ՀՀ ԶՈՒ շարքային զինծառայող Դավիթ Վարդանյանը սպանվել է այս վրանում։ Այս մասին ֆեյսբուքի իր էջում գրել է նախկին դատախազ, փաստաբան Րաֆֆի Ասլանյանը: Նա, մասնավորապես, նշել է. «Այո, մի զարմացեք, այսպիսի պայմաններում է մեր բանակն իրականացնում մարտական հերթապահությունը՝ ինժեներական, պատսպարման համար անհրաժեշտ կառույցների բացակայությամբ, թշնամու դիտարկման ներքո։ Հիշեցնեմ, որ ՀՀ ոստիկանության արտաքին ծառայություն իրականացնող ստորաբաժանումները միայն 2022 թվականի մայիս ամսին ստացել են 6 միլիարդ դրամ պարգևավճար»։

Պատերազմի համար նախատեսված զինամթերքն ապօրինի Հայաստան տեղափոխելու համար մեղադրվում է 54 անձ

ԱԺ պատգամավոր Քրիստինե Վարդանյանը ֆեյսբուքյան ուղիղ եթերում տեղեկացնում է, որ այս պահին «Դիմադրություն» շարժման մասնակիցները գտնվում են Հայաստանի պետական տնտեսագիտական համալսարանում։

66 տարեկանում կյանքից հեռացել է ոստիկանության պաշտոնաթող գնդապետ, ոստիկանության պետի խորհրդական Աղասի Կիրակոսյանը: Այս մասին հայտնում են ՀՀ ոստիկանությունից: «Մարդ, ում կյանքի 44 տարիներն անցել են համակարգում, եղել են ծառայություն՝ իրավակարգի ամրապնդման, հանցավորության և իրավախախտումների կանխարգելման, հասարակական կարգուկանոնի պահպանման գործին: Նրա ներդրումը հատկապես մեծ էր արտաքին ծառայության ոլորտում. բարեխիղճ, սրտացավ, պատրաստակամ բնավորության, մարդկանց հետ շփվելու հմտության շնորհիվ կարողացել է նպաստել ոստիկանություն-հասարակություն կապի ամրապնդմանը, իր փորձառությամբ, խորհուրդներով ուսուցիչ է եղել երիտասարդ կադրերի համար: Պետական մտածողությամբ քաղաքացու, օրինակելի մարդու, լավ ընկերոջ հիշատակը միշտ կմնա նրան ճանաչողների սրտերում»,- ասվում է ոստիկանության ցավակցական ուղերձում:

«Մայիսի 28-ին Սյունիքում թշնամու կրակոցից զոհված զինծառայողը վրանում է եղել». Տիգրան Աբրահամյան

Ամեն տարի մայիսի 31-ին նշվում է Առանց ծխախոտի համաշխարհային օրը, որն ԱՀԿ-ն սահմանել է 1987 թվականին՝ հանրության ուշադրությունը ծխախոտի մահացու հետևանքների վրա հրավիրելու համար:

Հայաստանի հավաքականը 5-րդ տեղն է գրավել Երևանում ավարտված բռնցքամարտի Եվրոպայի առաջնության մեդալային հաշվարկում։ Առաջինը վրացիներն են, երկորդը՝ սերբերը, երրորդը՝ Իսպանիան, չորրորդը՝ Անգլիան: Մեր երկրի հաշվին գրանցվել է 1 ոսկե, 2 արծաթե, 1 բրոնզե մեդալ։ Առավելագույն քանակության՝ 3 ոսկե մեդալ ունի Վրաստանը, իսկ ամենից շատ մրցանակակիր՝ Իտալիան։ Բռնցքամարտի եվրոպական կոնֆեդերացիայի հաղորդմամբ՝ Բելգիան իր առաջին մեդալն է նվաճել (1 ոսկե պարգև) 1955 թվականից ի վեր, իսկ Ավստրիան (1 բրոնզե մեդալ) վերջին անգամ այս մարզաձևի Եվրոպայի առաջնության մրցանակակիր էր ունեցել 1975-ին։ Ընդհանուր առմամբ՝ Երևանում պարգևատրվել է 20 երկրի ներկայացուցիչ։ Խաղարկվել է 52 մեդալ, որի համար պայքարել է 39 երկրի 219 բռնցքամարտիկ։ Պատմության մեջ առաջին անգամ եվրոպական ստուգատեսն անցկացվել է 13 քաշային կարգում։