Լրահոս

«Ադրբեջանական վերջին ագրեսիայի հիմքում Հայաստանի իշխանությանը իջեցված 2 պահանջ է, որի չկատարման դեպքում Ադրբեջանը սպառնում է ուժի կիրառմամբ։

«Իրավունք» թերթը գրել է․ «ՀՀ առաջին արտգործնախարար, «Ժառանգություն» կուսակցության հիմնադիր Րաֆֆի Հովհաննիսյանի մուտքն Արցախ արգելվել է:

Օգոստոսի 1-ի լույս 2-ի գիշերը և առավոտյան 9:00-ի դրությամբ, իրադրությունը շփման գծում էական փոփոխությունների չի ենթարկվել: Կայուն լարվածությունը պահպանվում է: Այս մասին հայտնում է ԱՀ ՊՆ մամուլի ծառայությունը:

«Բոլոր ուղղություններով էլ իրավիճակը նորմալ է: Գանձասարը սահմանից 100 կմ հեռու է: Հետևեք պաշտոնական հաղորդագրություններին»,-ասաց նա:

«Ժողովուրդ» թերթը գրել է. «Բարձրագույն դատական խորհուրդն այսօր Վերաքննիչ քրեական դատարանի նախագահ է ընտրել դատավոր Մխիթար Պապոյանին: Այս մասին տեղեկությունը Armlur.am-ի հետ զրույցում հաստատեց ԲԴԽ անդամ Գրիգոր Բեքմեզյանը:

ԱՀ ՊՆ մամուլի ծառայությունից հայտնում են. «Օգոստոսի 1-ին ադրբեջանական ստորաբաժանումների կողմից ձեռնարկված սադրանքի հետևանքով վիրավորում է ստացել ՊԲ զինծառայող Ալբերտ Վլադիկի Բախշիյանը։ Վիրավոր զինծառայողի վիճակը գնահատվում է բավարար»:

Ծնվել է 44-օրյա պատերազմի հերոս Նարեկ Աղոյանի քույրը՝ Նարեն: Փոքրիկը լույս աշխարհ է եկել Գրիգոր Լուսավորիչ հիվանդանոցում: Վերջին 8 ամսում 7 երեխա է ծնվել այդ ծննդատանը, որոնց ավագ եղբայրները զոհվել են պատերազմում: Նարեն Աղոյանների 4-րդ երեխան է: Ծնողները չէին պլանավորել դստեր ծնունդը: Մայրը վստահ է՝ որդին է երկնքից այդպես որոշել:

Այսօր՝ օգոստոսի 1-ին, դանակահարություն է տեղի ունեցել Երևանում։ Ժամը 22։00-ի սահմաններում ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի պարեկներ Գրիգոր Աբգարյանը, Ռաֆիկ Վարդանյանը, Ազատ Խաչատրանը և Վանիկ Լալայանը Նոր Նորք վարչական շրջանում ծառայություն կատարելիս են լինում, երբ նույն վաշտի հրամանատար Նիկոլայ Ավետիսյանը օպերատիվ կառավարման կենտրոնից տեղեկություն է ստանում, որ Նոր Նորք վարչական շրջանի Մոլդովական փողոցի շենքերից մեկի բակում դանակահարություն է տեղի ունեցել։ Ինչպես հայտնում է Shamshyan.com-ը, վաշտի հրամանատարը ռադիոկապով տեղեկությունը փոխանցում է նշված պարեկներին, ովքեր, օպերատիվորեն ժամանելով Մոլդովական փողոցի 26 շենքի բակի հետնամաս՝ այնտեղ հայտնաբերում են կասկածելի տղամարդու, ու քանի որ պարեկները նկատում են, որ նա դեպքի վայրից փորձում է հեռանալ, և վերնաշապիկի վրա նկատելի արյան հետքեր են երևում, պարեկները միանգամից վնասազերծում են նրան։ Մինչ ոստիկանների ժամանումը, պարեկները դեպքի վայրում հայտնաբերում են արյունոտված հողաթափեր, արյունոտված խոհանոցային դանակ, արյունոտված բջջային հեռախոս, իսկ ոստիկաններն էլ հայտնաբերում են կայանված վիճակում գտնվող Volkswagen մակնիշի ավտոմեքնենա, որի վրա առկա են արնանման հետքեր։ Ոստիկաններն ու պարեկները պարզել են նաև, որ նշված վայրից «Սուրբ Գրիգոր Լուսավորիչ» ԲԿ է տեղափոխվել մի քաղաքացի։ Բաժնի պետի օպերատիվ գծով տեղակալի գլխավորությամբ ոստիկանները պարզել են, որ հիվանդանոց տեղափոխվածը Երևանի բնակիչ՝ 59-ամյա Գագիկ Ս.-ն է։ Դեպքի փաստով քննչական բաժնում նախաձեռնվել է քրեական վարույթ։ Աղբյուրի տեղեկություններով՝ դանակահարողը Երևանի բնակիչ՝ 50-ամյա Վովա Գ.-ն է։

«Հայլուր»-ը շարունակում է ռեպորտաժների շարքը Հայաստանի մեծ ու փոքր բնակավայրերի մասին, որոնք ամռան տապին անջուր են մնացել: «Հայլուր»-ի թղթակիցները Արմավիրի Ակնալիճ գյուղում են եղել, բնակիչները արցունքներով են մտնում չորացած այգիներ:

Էրեբունի արգելոց թանգարանում նկարահանված 18+ տեսանյութի առիթով ոստիկանությունը հետաքննություն է սկսել: «Հայլուր»-ի թղթակցին թանգարանի հարևանությամբ ապրողներն այսօր ասել են, թե ոչինչ չեն տեսել, ոչինչ չեն լսել համացանցում հայտնված, ապա ջնջված հոլովակի մասին: Ի դեպ, «Հայլուր»-ի թղթակցին հանդիպած քաղաքացիներից ոմանք տեղի ունեցածից զամացած չեն: Նրանց կարծիքով՝ սիրով զբաղվելու համար տեղը կարևոր չէ:

ԱԺ «Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան գրառում է արել, որում ասվում է․ «ՊԲ հրամանատարին Իրականությանը չհամապատասխանող տեղեկություններից, կեղծիքից, խուճապից, տեղեկատվական անվտանգության խնդիրներից զերծ մնալու համար անհրաժեշտ է ՕՊԵՐԱՏԻՎ, ՕԲՅԵԿՏԻՎ տեղեկատվության ապահովում։ Ըստ ՊԲ հաղորդագրության, առավոտյան 09.00-ից ադրբեջանական ստորաբաժանումները սադրանքների են դիմել, սակայն դրա մասին ՊԲ-ն պաշտոնապես հաղորդում է դեպքից 12 ժամ անց։ Ես հասկանում եմ իրադրային բոլոր առանձնահատկությունները, նրբությունները, փակուղային թվացող իրավիճակները, սակայն ժամանակակից պայմաններում, այսպիսի դեպքերի մասին 12 ժամյա «օպերատիվությամբ» գործելը բերում է կեղծիքի, չափազանցությունների, խուճապի և այլն։ Էներգիան ծախսեք ոչ թե անիմաստ ու ոչ մի տեղ չտանող կոչեր/հորդորների վրա, այլ պարզապես ճգնաժամային իրադրության պայմաններում անհրաժեշտ տեղեկատվական սպասարկում իրականացնելով։ Եվ վերջում՝ չտրվե՛ք ՀՀ իշխանությունների քաղաքական աճպարարություններին, զոհ չգնաք դրանց կուլիսային պայմանավորվածություններին։ Կատարե՛ք Արցախն ու արցախցիներին պաշտպանելու սրբազան առաքելությունը»։ Հիշեցնենք, որ այսօր՝ ժամը 09:00-ից սկսած, Արցախի Հանրապետության հյուսիսային եւ հյուսիս-արեւմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Հայկական կողմից կորուստներ չկան: Իրադրությունը շարունակում է մնալ լարված: Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը։

Ոստիկանության Երևան քաղաքի վարչության քրեական հետախույզները թմրանյութեր են հայտնաբերել

Տեղեկացնում ենք, որ գազաբալոնների վկայագրման համար լիցենզավորված կազմակերպություններում հերթագրվել կարելի է նաև ներկայացված հեռախոսահամարներով՝ առանց այցելելու կազմակերպություն։ Այս մասին տեղեկացնում են ՏԿԵ նախարարությունից։ Լիցենզավորված կազմակերպություններում հերթագրումն իրականացվում է բառացապես անվճար։ Հերթագրման համար լիցենզավորված կազմակերպության կողմից գումար պահանջելու դեպքերի մասին խնդրում ենք տեղեկացնել ՀՀ տարածքային կառավարման և ենթակառուցվածքների նախարարությանը՝ նշելով լիցենզավորված կազմակերպության տվյալները

Արևմուտքի կողմից ճանաչված Կոսովոյի Հանրապետության պայթյունավտանգ որոշումը՝ սերբերի դեմ, Ռուսաստանի ոտքը տրորելու, նրան թուլացնելու՝ արևմտյան ծրագրի մի մասն են համարում շատ վերլուծաբաններ: Հայտնի է, որ Սերբիան Մոսկվայի հենարանն է Բալկաններում և նրա դեմ ցանկացած գործողություն Դաշնությունը կընդունի մարտահրավեր՝ ուղղված իրեն: Դաշնությունում արդեն կարծիքներ են հնչում, որ Կոսովոյի սերբաբնակ շրջաններում կիրակի հնչած կրակոցներից հետո, Սերբիան պետք է լրջորեն մտածի ՀԱՊԿ-ին անդամակցելու կամ Ռուսաստանի հետ ռազմական փոխօգնության պայմանագիր կնքելու մասին:

Նիկոլ Փաշինյանի կառավարությունը երրորդ դաշնակցական գործչի մուտքն է արգելել Հայաստան: Նիդերլանդների Հայ դատի գրասենյակի ատենապետ Մասիս Աբրահամյանին այսօր առավոտյան Զվարթնոց օդակայանում հայտնել են, որ նրա անունն, այսպես կոչված, սև ցուցակում է: Հայաստանի իշխանության համար անցակնալի անձ է նաև Աբրահամյանի դուստրը՝ Սյունեն: Նրան էլ երեկ 12 ժամ օդակայանում պահելուց հետո՝ հետ են ուղարկել:

Լավ, դաշնակցականներին արգելեցիր, իսկ դաշնակցականության մուտքը Հայաստան ո՞նց ես արգելելու․ Արմենուհի Կյուրեղյան

Մերձավոր Արևելքում ևս աշխարհաքաղաքական մրցապայքարը ավելի է թեժանում: Միացյալ Նահանգներ- Իրան դիմակայության զոհ կարող է դառնալ Իրաքը, որտեղ քաղաքացիական պատերազմի վտանգը մեծանում է: Ամերիկյան հովանավորություն վայելող քաղաքական ուժի կողմնակիցները նստացույց են անում հենց խորհրդարանի շենքում՝ ընդդեմ իրանական ազդեցության:

Օգոստոսի 5-ին Սոչիում հանդիպելու են Պուտինն ու Էրդողանը. այս պահին մշակվում է հանդիպման օրակարգը, հստակեցվում են քննարկվելիք հարցերը: Ենթադրում եմ, թուրքերն ինչ որ հարց են ցանկանում բերել քննարկման օրակարգ, իսկ ռուսները դեմ են, թույլ չեն տալիս: Արդյունքում Ալիևը ստանում է հրաման ապակայունացնել իրավիճակը ռուս խաղաղապահների պատասխանատվության գոտում և սկսում ռազմական ագրեսիա Արցախի պաշտպանական դիրքերի ուղղությամբ: Հ.Գ. Ալիևը թույլ է տալիս ճակատագրական սխալներ, հատում է թույլատրելի բոլոր գծերը և խաղում է կրակի հետ: Իսկ Ռուսաստանի լռությունը ոչ մի պարագայում չպետք է ընկալել որպես թուլության նշան: Ամեն ինչ իր ժամանակին . . .

Արցախի տեղեկատվական շտաբը հայտնում է. «Հարգելի՛ հայրենակիցներ, Ժամը 22։00-ի դրությամբ Արցախի Հանրապետության հյուսիսային և հյուսիս-արևմտյան առաջնագծի երկայնքով իրավիճակը հարաբերական կայուն է և շարունակում է գտնվել Պաշտպանության բանակի լիարժեք վերահսկողության տակ։ Հայկական կողմի կենդանի ուժի և դիրքային կորուստների մասին սոցիալական ցանցերում որոշ օգտատերերի կողմից տարածված տեղեկությունները չեն համապատասխանում իրականությանը, և ՊԲ զինվորական անձնակազմը շարունակում է պաշտպանել իրեն վստահված բնագիծը։ ՊԲ հրամկազմը Արցախում տեղակայված ռուսական խաղաղապահ զորակազմի հրամանատարության հետ համապատասխան քայլեր է ձեռնարկում իրադրության հանգուցալուծման ուղղությամբ: Մեկ անգամ ևս հորդորում ենք մեր հայրենակիցներին զերծ մնալ չճշտված տեղեկություններ տարածելուց»։

Ժողովրդավարության ոչնչացումը հենց այսպես է լինում. Արամ Վարդևանյան