Լրահոս

Ավստրալական Նատերնբախ քաղաքի բնակչուհին, Խորվաթիայում հանգստից հետո տուն վերադառնալով, իր ճամպրուկի մեջ կարիճների մի ամբողջ ընտանիք է հայտնաբերել, որոնք պատահաբար գաղթել էին կնոջ հետ, գրում է Techinsider-ը։ Նշվում է, որ սա վերջին տասներկու ամսվա ընթացքում երրորդ դեպքն է, երբ վերին Ավստրիայի բնակիչը հայտնում է, որ իրերի մեջ կարիճներ է հայտնաբերել Ադրիատիկ ծովով ճանապարհորդելուց հետո։ Ցնցված ավստրալուհին իրեն չի կորցրել եւ անմիջապես զանգահարել է Գուզենտալում կենդանիների փրկարար ծառայություն։ Փորձագետները բացատրել են, որ կնոջ իրերի մեջ հայտնվել են մայր կարիճը եւ նրա մոտ տասնյոթ ձագերը Tierhilfe Gusental-ի հայտարարության մեջ ասվում է. «Կենդանիների հետ ամեն ինչ լավ է: Այժմ նրանք գտնվում են Լինցեի ապաստարանում, մինչեւ կվերադառնան այնտեղ, որտեղից եկել են: Արձակուրդից հետո հայտնաբերված կարիճի վերջին դեպքը տեղի էր ունեցել Լինցում հունիսի 30-ին. աղջիկը մոտ երեք շաբաթ անցկացրել էր տանը՝ նախքան կարիճներին հայտնաբերելը։ Փորձագետները կոչ են անում բոլոր ճանապարհորդներին ուշադիր ստուգել իրենց ուղեբեռը՝ մարդկանց եւ կենդանիների համար դժբախտ միջադեպերից խուսափելու համար:

Տեխասում տղամարդը, ով ժամանակին հայտնվել էր ՀԴԲ-ի ամենափնտրվողների ցուցակում, դատարանի աջեւ կկանգնի՝ իր երկու դուստրերի «պատվի սպանության» մեղադրանքով: Յասեր Սաիդը մեղադրվում է 2008-ին իր դուստրերի՝ 17-ամյա Սառայի եւ 18-ամյա Ամիրայի վրա կրակելու մեջ, քանի որ վրդովված էր, որ նրանք ժամադրությունների էին գնում: Գործով երդվյալ ատենակալների ընտրությունը սկսվել է Դալլասում, եւ սպասվում է, որ երդվյալ ատենակալները սրտաճմլիկ ցուցմունքներ կլսեն, այդ թվում՝ մահից անմիջապես առաջ Սառայի՝ 911 զանգի մասին։ «Հայրս կրակել է ինձ վրա։ Ես մեռնում եմ... մեռնում եմ», - ասել է նա դիսպետչերին այն բանից հետո, երբ հայրը ինը անգամ կրակել էր իր վրա, հայտնում է WFAA-ն: Ընկերներն ու ընտանիքն ասել են, որ Սաիդը դժգոհ էր, որ իր դեռահաս դուստրերը ժամադրության են գնում: Ընտանիքի անդամները կարծում են, որ աղջիկները «պատվի համար սպանությունների» զոհ են դարձել, քանի որ նրանց հայրը կարծում էր, որ նրանք «խայտառակել են» ընտանիքը, հայտնում է Fort Worth Star Telegram-ը: Քննիչները պնդում են, որ Սաիդը նրանց ավտոմեքենայով հասցրել է Տեխաս նահանգի Իրվինգ քաղաքից քիչ հեռու գտնվող հյուրանոցի մոտ եւ երկուսին էլ սպանել է իր տաքսիի մեջ։ Ոստիկանները հայտնաբերել են քույրերի մարմիններն Իրվինգ քաղաքի Omni հյուրանոցի մոտ կայանած տաքսիի մեջ: Սաիդը հերքում է իր դուստրերի սպանությունը։

Բուլղարիայում գտել են «Եվրոպայի վերջին մեծ պանդայի» քարացածությունները։ Հետազոտությունը ցույց է տվել, որ դեռեւս 1970-ականներին հայտնաբերված քարացած ատամներն իրականում պատկանում են ժամանակակից մեծ պանդայի՝ նախկինում անհայտ խոշոր մերձավոր ազգականին, գրում է HighTech-ը: Նրան անվանել են Agriarctos nikolovi։ Ենթադրվում է, որ մոտ 6 մլն տարի առաջ այդ տեսակի ներկայացուցիչները տեղափոխվել են Արեւելյան Եվրոպայի անտառածածկ եւ ճահճային շրջաններ։

ՀՀ բնապահպանության և ընդերքի տեսչական մարմինը հաշվետվություն է ներկայացրել 2022 թվականի հուլիսի 18-ից 29-ն ընկած ժամանակահատվածում կատարված աշխատանքների վերաբերյալ: Իրականացված վերահսկողության ընթացքում արձանագրվել է 35 դեպք, որից 15 դեպքով հաշվարկվել է 3.070.687 ՀՀ դրամի չափով շրջակա միջավայրին հասցված վնաս, 4 դեպքով նշանակվել է 500.000 ՀՀ դրամի չափով վարչական տուգանք։ Նախկինում արձանագրված 13 դեպքով հաշվարկվել է 448.500 ՀՀ դրամի չափով շրջակա միջավայրին հասցված վնաս, նշանակվել է 1.030.000 ՀՀ դրամի չափով վարչական տուգանք: Մասնավորապես` 🌳 Բուսական աշխարհի պահպանության ոլորտ Արձանագրվել է 11 դեպք, որից 10-ով հաշվարկվել է 2.612.900 ՀՀ դրամի չափով շրջակա միջավայրին հասցված վնաս, 1-ով նշանակվել 100.000 ՀՀ դրամի չափով վարչական տուգանք։ Նախկինում արձանագրվել է 5 դեպք, որից 1-ով նաև հաշվարկվել է 448.500 ՀՀ դրամի չափով շրջակա միջավայրին հասցված վնաս, 5-ով նշանակվել 500.000 ՀՀ դրամի չափով վարչական տուգանք։ 🐻 Կենդանական աշխարհի պահպանության ոլորտ Արձանագրված 2 դեպքով հաշվարկվել է 225.000 ՀՀ դրամի չափով շրջակա միջավայրին հասցված վնաս։ 🗻 Ընդերքի պահպանության ոլորտ Արձանագրվել է 2 դեպք: ✅ Հաշվետվությունների սահմանված ժամկետում չներկայացում Արձանագրվել է 1 դեպք: Նախկինում արձանագրված 2 դեպքով նշանակվել է 100.000 ՀՀ դրամի չափով վարչական տուգանք։ 🌍 Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ Արձանագրվել է 11 դեպք, որից 3-ով հաշվարկվել է 232.787 ՀՀ դրամի չափով շրջակա միջավայրին հասցված վնաս, 3-ով նշանակվել 400.000 ՀՀ դրամի չափով վարչական տուգանք։ Նախկինում արձանագրված 5 դեպքով նշանակվել է 350.000 ՀՀ դրամի չափով վարչական տուգանք։ 📂Պետական փորձաքննություններ Արձանագրվել է 4 դեպք: ✅ Պետության կողմից հատուկ պահպանվող բնական օբյեկտների պահպանության կանոններ և ռեժիմ խախտել Արձանագրվել է 4 դեպք: Նախկինում արձանագրված 1 դեպքով նշանակվել է 80.000 ՀՀ դրամի չափով վարչական տուգանք։ ՀՀ ԱՆ ՀԿԱԾ է ուղարկվել 1 գործ (ընդհանուր՝ 50.000 ՀՀ դրամ)։ Նշված ժամանակահատվածում ՀՀ պետական բյուջե մուտքագրվել է 1.379.696 ՀՀ դրամ: Ստուգումների վերաբերյալ Հաշվետու ժամանակահատվածում ԲԸՏՄ ղեկավարի կողմից տրվել է ստուգում իրականացնելու մասին 8 հանձնարարագիր, որից` 3-ը՝ ՓՀԷԿ, 2-ը՝ ընդերքօգտագործում, 1-ը՝ձկնաբուծարան, 1-ը՝ թափոնի տեղադրում, փոխադրում, վնասազերծում, 1-ը՝ շինարարություն։ Նախկինում իրականացված 13 ստուգման արդյունքներով կազմվել է վարչական տուգանքի 22 որոշում՝ 2.220.000 ՀՀ դրամի չափով, նաև հաշվարկվել է բնությանը պատճառված վնաս՝ 18.221.294 ՀՀ դրամի չափով։ Տրվել է խախտումները վերացնելու մասին 8 հանձնարարական։

Ճապոնիայում կատուների ու շների համար ցանցով կոստյումներ են ստեղծել՝ ներկառուցված մարտկոցով աշխատող օդափոխիչով: Հովացման կոմպլեկտը կշռում է մոտ 80 գրամ եւ պաշտպանում է կենդանիներին ջերմային հարվածներից, գրում է Reuters-ը։ Կոստյումը մշակել է հղիների հագուստի ապրանքանիշի նախագահ Ռեյ Ուդզավան։ Նա նկատել է, թե որքան դժվար է իր չիխուախուան զբոսնում կիզիչ արեւի տակ: Հովացման կոմպլեկտը դուր է եկել նաեւ մյուս ընտանի կենդանիների տերերին։ Ուդզավան արդեն հարյուրից ավելի պատվեր է ստացել դրանց արտադրության համար: Շարքում կա հինգ չափս, մեկ կոստյումը 9.9 հազար իեն արժե։ Տոկիոյում այս տարի գրանցվել է բարձր ջերմաստիճանների ամենաերկար շրջանը: Ճապոնիայի մայրաքաղաքում ինը օր անընդմեջ ջերմաստիճանը 35°C-ից չէր իջնում:

«Լիվերպուլի», «Բարսելոնայի» և Մադրիդի «Ատլետիկոյի» նախկին հարձակվող Լուիս Սուարեսն իր նորամուտը նշեց Ուրուգվայը ներկայացնող «Նասիոնալ» ակումբի կազմում, փոխանցում է armsport.am-ը։ Ֆուտբոլիստը փոխարինման է դուրս եկել 74-րդ րոպեին Հարավամերիկյան Գավաթի մրցաշարի քառորդ եզրափակիչի «Ատլետիկո Գոյանյենսեի» դեմ խաղում, սակայն գոլ չի խփել։ Հանդիպումն ավարտվել է «Նասիոնալի» պարտությամբ՝ 0:1 հաշվով։ Հիշեցնենք, որ 35-ամյա Սուարեսը «Նասիոնալ» է տեղափոխվել հուլիսի վերջին՝ «Ատլետիկոյի» հետ պայմանագրի ավարտից հետո, ազատ գործակալի կարգավիճակով։ Հենց Մոնտեվիդեոյի ակումբում է հարձակվողը սկսել իր կարիերան 2005-2006 թվականներին։

Իսպանացի կիսապաշտպան Սեսկ Ֆաբրեգասը, ով դարձել է իտալական Կոմո ակումբի խաղացող, խոստովանել է, որ կցանկանար ապագայում մարզել Անգլիայի Պրեմիեր լիգայի ակումբ, գրում է armsport.am-ը։ «Երբ ես մարզիչ դառնամ, ցանկանում եմ աշխատել Անգլիայի Պրեմիեր լիգայում։ Սա այն վայրն է, որտեղ ես ցուցադրեցի իմ լավագույն ֆուտբոլը։ Իմ լավագույն տարիները Պրեմիեր լիգայում էին. Ինձ շատ է դուր գալիս Անգլիայում: Ապագայում ես կցանկանայի մարզել Պրեմիեր լիգայի ակումբ, ինչու ոչ: Սա, անկասկած, իմ պլանն է առաջիկա մի քանի տարիների համար»,- Ֆաբրեգասի խոսքերն է մեջբերում Sky Sports-ը: Հիշեցնենք, որ իր կարիերայի ընթացքում Սեսկ Ֆաբրեգասը հանդես է եկել այնպիսի ակումբներում, ինչպիսիք են Լոնդոնի «Արսենալը», «Բարսելոնան» և «Չելսին»:

Ոստիկանության «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ օգոստոսի 2-ին, ժամը 02.00-ին, Ուֆա-Երևան չվերթի ինքնաթիռի ժամանումից հետո գծային բաժին է բերվել 40-ամյա Ալիկ Մ.-ն, որը 2021 թ. հունիսի 25-ից ոստիկանության Սևանի բաժնի կողմից հետախուզվում էր ՀՀ նախկին քրեական օրենսգրքի 118-րդ հոդվածի մեղադրանքով: Խափանման միջոցը՝ ստորագրություն: Հայտնաբերման մասին հայտնվել է հետախուզումը նախաձեռնողին:

Չինական հեռուստատեսությունը ցուցադրում է Թայվանի մերձակայքում սկսվող զորավարժությունների կադրերը: Հիշեցնենք՝ ավելի վաղ հայտնել էինք, որ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի՝ Թայվան այցի պատճառով իրավիճակը գերլարված է։ Ավելի վաղ Չինաստանի ԱԳՆ-ն հայտարարել էր․ «Ի պատասխան Նենսի Փելոսիի՝ Թայվան կատարած այցին, մենք կձեռնարկենք բոլոր անհրաժեշտ միջոցները՝ պաշտպանելու պետական ինքնիշխանությունը և տարածքային ամբողջականությունը, հետևանքների պատասխանատվությունը կրելու են Միացյալ Նահանգները և Թայբեյը»։

Նենսի Փելոսին սկսել է հանդիպումը Թայվանի վարչակազմի ղեկավար Ցայ Ինգ Վենի հետ։ Բայց նախ Ցայ Ինգ Վենը Փելոսիին շնորհել է կառավարական մեդալ։ Չինաստանը Փելոսիի ժամանելուն պես զորավարժություններ է սկսել Թայվանի մերձակա ջրերում։

Ըստ ոստիկանության օպերատիվ հաղորդագրությունների ամփոփագրերի՝ օգոստոսի 2-3-ը Հայաստանի Հանրապետության ոստիկանության ստորաբաժանումները բացահայտել են հանցագործության 61 դեպք, որից 4-ը՝ նախկինում կատարված։ Մասնավորապես՝ մարմնական վնասվածք պատճառելու` 11, անձնական ունեցվածքի գողության և խարդախության` 7-ական, թմրամիջոցի հայտնաբերման՝ 5, հարկերից խուսափելու և ընտանեկան բռնության՝ 3-ական, բնակարանային գողության, յուրացնելու կամ վատնելու, խուլիգանության, ֆիզիկական ներգործության և սառը զենք կրելու՝ 2-ական, պետական-հասարակական ունեցվածքի գողության, շորթելու, ավտոմեքենա փախցնելու, գույքի դիտավորությամբ վնասելու, դրամանենգության, զենք-զինամթերքի առգրավման, կաշառակերության, պաշտոնեական կեղծիքի կամ անփութության, սեքսուալ բնույթի բռնի գործողություններին հարկադրելու, փաստաթղթի կեղծիքի ու անձնական կամ ընտանեկան կյանքի գաղտնիությունը խախտելու՝ 1-ական դեպք։ Հայտնաբերվել է 1 հետախուզվող։ Կամավոր ներկայացել է 5 հետախուզվող։ Գրանցվել է զենք-զինամթերքի կամավոր հանձնման 1 դեպք։ Նախկինում կատարված հանցագործություններից բացահայտվել է անձնական ունեցվածքի գողության՝ 3 և վրաերթի՝ 1 դեպք։ Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար. 14 մարդ ստացել է տարբեր աստիճանի մարմնական վնասվածքներ:

ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ

Հայաստանի հելսինկյան կոմիտեի նախագահ, իրավապաշտպան Ավետիք Իշխանյանն իր ֆեյսբուքյան էջում գրել է. «Գեղամ Մանուկյանի գրառումից պարզվեց, որ Երևանի պետական համալսարանի ռեկտորի պաշտոնը զավթած ՔՊ-ական Հովհաննես Հովհաննիսյանն արգելել է քաղբանտարկյալ Տարոն Մանուկյանին հանձնել 3-րդ կուրսի ավարտական քննությունները։ Եվ այդ ողորմելին համարվում է գիտնակա՞ն։ Հիշեցնեմ բոլորին, ազատազրկվածներն ուսման իրավունք ունեն։ «Նախկին» իշխանությունների ժամանակ ինձ առնվազն հայտնի են երկու նման դեպքեր՝ ցմահ դատապարտվածներ Արսեն Արծրունի և Մհեր Ենոքյան։ Ահա և ձեզ ժողովրդավարություն և մարդու իրավունքներ։ Եվ ի՞նչ են մտածում այս մասին Հայաստանի իրավապաշտպան կոչեցյալները»։

Տայբեյն ի պատասխան Տայվանի նեղուցի շրջանում Պեկինի ռազմական ակտիվության ուժեղացման մտադիր Է մեծացնել իր պաշտպանությունը եւ ամրապնդել փոխգործակցությունն ԱՄՆ-ի հետ: Ինչպես տեղեկացնում Է «Արմենպրես»-ը, օգոստոսի 3-ին այդ մասին իր պաշտոնական կայքում հայտարարել Է Տայվանի արտաքին քաղաքական գերատեսչությունը: «Ներկայիս իրավիճակում կառավարությունը, բացի ռազմական հնարավորությունների մեծացումից, նաեւ սերտ շփումներ եւ փոխգործակցություն կպահպանի ԱՄՆ-ի եւ հայացքներով մոտ մյուս երկրների հետ, համատեղ կպաշտպանի կանոնների վրա հիմնված միջազգային կարգը, կխուսափի տարածշրջանում Էսկալացիայի սաստկացումից, կպահպանի խաղաղությունը, կայունությունը եւ բարգավաճումը Տայվանի նեղուցում, ինչպես նաեւ ամբողջ Հնդկա -խաղաղօվկիանոսյան տարածաշրջանում»,- ասված Է հաղորդագության մեջ: Կղզու արտաքին քաղաքական գերատեսչությունը հայտարարել Է, որ Պեկինը շրջանում իր ռազմական ակտիվությամբ «մարտահրավեր Է նետել համաշխարհային կարգին, խախտել Է խաղաղությունն ու կայունությունը Տայվանի նեղուցում»: Տայբեյում առանձնահատուկ անհանգստություն Է առաջացրել զինավարժանքների անցկացման գոտում օտարերկրյա ինքնաթիռների եւ նավերի մուտքի՝ Պեկինի իշխանությունների արգելքը, ասված Է հաղորդագրության մեջ: Դա, գերատեսչության կարծիքով՝ լրջորն ազդում Է միջազգային առեւտրի եւ լոգիստիկայի վրա: Չնայած Պեկինի կողմից բողոքներին, ԱՄՆ-ի Կոնգրեսի Ներկայացուցիչների պալատի խոսակ Նենսի Փելոսին օգոստոսի 2-ի երեկոյան ժամանել Է Տայբեյ: Այդ այցը դարձել Է այդ աստիճանի ամերիկացի քաղաքական գործչի առաջին այցելությունը կղզի վերջին 25 տարվա ընթաքում: ՉԺՀ-ն բազմիցս նախազգուշացրել Է ամերիկյան կողմին, որ այցը, եթե այն կայանա, չի մնա առանց հետեւանքների, եւ Չինաստանը կձեռնարկի խիստ միջոցներ: Ի պատասխան Պեկինը հայտարարել Է ափի երկայնքով եւ Տայվանի շուրջը վեց շրջաններում մարտական հրաձգություններով եւ հրթիների արձակումներով մի ամբողջ շարք ընդգրկուն ռազմական վարժանքեր սկսելու մասին, հաղորդել Է ՏԱՍՍ-ը:

Բրիտանական Պահպանողական կուսակցության անդամների առնվազն 60%-ը պատրաստ է քվեարկել արտաքին գործերի նախարար Լիզ Թրասի օգտին՝ վարչապետի գալիք ընտրություններում: Այս մասին հայտնի է դառնում Times թերթի համար YouGov հետազոտական ընկերության անցկացրած հարցման արդյունքներից: Թրասի մրցակցի՝ ֆինանսների նախկին նախարար Ռիշի Սունակի օգտին պատրաստ է քվեարկել միայն 26%-ը։ 13%-ը պատասխանել է, որ դեռ չի որոշել կամ չի քվեարկելու։ Հարցումն անցկացվել է հուլիսի 29-ից օգոստոսի 2-ը Պահպանողական կուսակցության 1043 անդամների շրջանում։ Բրիտանիայում հուլիսի 20-ին կայացել է Պահպանողական կուսակցության պատգամավորների քվեարկության հինգերորդ փուլը՝ կուսակցության առաջնորդին ընտրելու համար, ով կդառնա նաև երկրի վարչապետ։ Դրա արդյունքների համաձայն՝ նախընտրական մրցապայքարի եզրափակիչ են դուրս եկել արտգործնախարար Լիզ Թրասը և ֆինանսների նախկին նախարար Ռիշի Սունակը։ Վերջին փուլում նրանց միջև ընտրություն կանեն կուսակցության բոլոր՝ մոտ 200 հազար անդամները: Քվեարկությունը տեղի կունենա փոստով։ Ակնկալվում է, որ արդյունքները կհրապարակվեն սեպտեմբերի 5-ին, երբ խորհրդարանը կվերսկսի աշխատանքը ամառային արձակուրդից հետո: Բորիս Ջոնսոնը, ով 2019 թվականին փոխարինեց Թերեզա Մեյին վարչապետի պաշտոնում, հուլիսի 7-ին հայտարարեց, որ հեռանում է վարչապետի և Պահպանողական կուսակցության ղեկավարի պաշտոնից։

Ձմռան նախապատրաստական, պլանային աշխատանքներ իրականացնելու նպատակով օգոստոսի 4-ին ժամը 09:00-18:00-ն կդադարեցվի Կոտայքի մարզի Առինջ բնակավայրի Տերյան թաղամասի 1-ին, 2-րդ, 3-րդ, 5-րդ, 6-րդ, 7-րդ, 19-րդ փողոցների, Մ.Մկրտչյան թաղամասի 1-ին, 2-րդ, 3-րդ, 5-րդ, 7-րդ, 11-րդ փողոցների, Խ.Աբովյան թաղամասի 2-րդ, 4-րդ, 6-րդ, 9-րդ, 10-րդ փողոցների, Պ.Դուրյան թաղամասի 1-ին, 2-րդ, 3-րդ, 6-րդ, 10-րդ, 12-րդ փողոցների, «Սամսոնի Դուս» թաղամասի 1-ին, 5-րդ փողոցների, «Սամսոնի Դաշտ» թաղամասի 5-րդ փողոցի, Տանձանոց թաղամասի գազասպառողների և հարակից տարբեր նշանակության հանրային օբյեկտների գազամատակարարումը: «Արմենպրես»-ի փոխանցմամբ՝ այս մասին հայտնում են «Գազպրոմ Արմենիա» ՓԲԸ-ից, նշելով, որ նույն օրը ժամը 10:00-5:00-ն կդադարեցվի նաև Լոռու մարզի Վանաձոր քաղաքի Կալինինի, Լանջային փողոցներով պարփակված թաղամասերի գազասպառողների և հարակից տարբեր նշանակության հանրային օբյեկտների գազամատակարարումը:

Սրտի և արյան անոթների համար մսի վտանգը պարզել են Թաֆթսի համալսարանի Դիետոլոգիայի դպրոցի և Քլիվլենդի Լերների կլինիկական լաբորատորիայի մասնագետները: Գիտական ​​աշխատանքի արդյունքները հրապարակված են Arteriosclerosis Thrombosis and Vascular Biology և JAMA Network Open ամսագրերում։ Հետազոտությանը, որի ժամանակ ուսումնասիրել է կենդանական սնունդ օգտագործելու և աթերոսկլերոտիկ հիվանդության ռիսկի միջև կապը, մասնակցել է 65 տարեկանից բարձր 3931 մարդ: Աթերոսկլերոզի հետ կապված սրտանոթային հիվանդությունները ներառում են սրտամկանի ինֆարկտը, մահացու կորոնար հիվանդությունը, ուղեղի կաթվածը և այլն: Հայտնի է, որ կենդանական ծագման մթերքները կարող են անուղղակիորեն առաջացնել սրտանոթային առողջության վատթարացում՝ աղիների միկրոբիոմի փոփոխությունների միջոցով: Ի պատասխան L-carnitine-ի ընդունման, որը հայտնաբերված է մսի մեջ մեծ քանակությամբ, բակտերիաները սկսում են արտադրել պոտենցիալ վնասակար նյութեր, որոնք անցնում են արյան մեջ: Պարզվել է, որ ցածր վերամշակված կարմիր մսի և ընդհանուր կենդանական ծագման մթերքների օգտագործումը մեծացնում է աթերոսկլերոտիկ հիվանդության ռիսկը 15-22 տոկոսով:

Պատշաճ պահեստավորում և հրաժարում շատ մթերք գնելու սովորությունից՝ այս սկզբունքների պահպանումը հնարավորություն է տալիս ամռանը միշտ թարմ բանջարեղեն ուտել: Այս մասին ասել է «Պերեկրյոստոկ» էքսպրես առաքման ծառայության օպերատիվ բաժնի ավագ մենեջեր Յուլիա Լեմեշևան, գրում է «Փրայմ» պարբերականը։ Նրա խոսքով՝ հատապտուղները թարմ պահվում են ընդամենը երեք օր: «Դուք կարող եք երկարացնել ժամկետը՝ օգտագործելով մեծ տարաներ, դրա մեջ գտնվող հատապտուղները տեղադրվում են սառնարանում և իրար չեն դիպչում: Մրգերն ու հատապտուղները պահելուց առաջ ավելի լավ է չլվանալ, քանի որ ջուրն արագացնում է դրանց փչանալու գործընթացը»,- նշել է փորձագետը։ Նա խորհուրդ է տալիս բանջարեղենն առանձին պահել մրգերից և հատապտուղներից: «Որոշ մրգեր արտանետում են էթիլեն, որը թույլ է տալիս քաղելուց հետո հասունանալ, դա բացասաբար է անդրադառնում նաև մոտակայքում գտնվող բանջարեղենի վրա, նշել է նա: Ծաղկակաղամբը կարելի է բաժանել մասերի, դնել տարայի մեջ և վրան ցանել խոշոր աղ։ Այս մեթոդը մեկ շաբաթ թարմ կպահի մթերքը: Լեմեշևան նշել է, որ կարտոֆիլը պետք է պահել բանջարեղենի տուփի մեջ՝ հեռու սոխից ու սխտորից, որպեսզի չծլեն։ Կարևոր է քիչ գնել, որպեսզի հետո սնունդը դեն չգցենք, ասել է նա:

Չինաստանը կանի հնարավոր ամեն ինչ՝ Թայվանի հետ խաղաղ ճանապարհով վերամիավորվելու համար, սակայն չի բացառում ռազմական միջոցները՝ անջատողական տրամադրություններին վերջ տալու համար: Այս մասին ասել է Չինաստանի ԱԳՆ զինաթափման հարցերով դեպարտամենտի ղեկավար Ֆու Ցոնգը։ Նա ընդգծել է, որ միջուկային զենքի կիրառման հետ կապված իրավիճակի կարգավորման հեռանկարներ չկան։ «Կոնկրետ այս դեպքում ես չեմ կարծում, թե միջուկային զենքն օրակարգում է»,- ասել է դիվանագետը։ «Թե ինչպիսի հակաքայլեր կձեռնարկի Չինաստանը, պետք է սպասենք: Վստահ եղեք՝ ԱՄՆ-ի դեմ ուժեղ հակաքայլեր կլինեն»,- հավելել է նա: Միաժամանակ Ֆու Ցոնգը մեղադրել է Վաշինգտոնին ԱՄՆ Կոնգրեսի Ներկայացուցիչների պալատի նախագահ Նենսի Փելոսիի այցի համար։ «Սա շատ վատ միջադեպ է: Թայվանի հարցը կենսական կարևորություն ունի Չինաստանի համար, քանի որ այն ներառում է իր մեջ երկրի ինքնիշխանությունն ու տարածքային ամբողջականությունը: Այն փաստը, որ Փելոսին ներթափանցել է Թայվան, Չինաստանի տարածքային ամբողջականությունն ու ինքնիշխանությունը ոտնահարելու նոր օրինակ է»,- ընդգծել է նա: