Լրահոս

Սեպտեմբերի 26-ի ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է, իրադրության փոփոխություն չի արձանագրվել: Այս մասին հայտնում է ՀՀ պաշտպանության նախարարությունը:

Փաշինյանի կառավարությունից ԱԽՔ քարտուղարը մնացել է Միացյալ Նահանգներում՝ աշխատանքային հանդիպումների համար: Մինչև այժմ որևէ տեղեկություն չկա, թե ամերիկացի պաշտոնյաների հետ ի՞նչ հարցեր է քննարկելու Գրիգորյանը: Փորձագետները կարծում են, որ վարչապետի կաբինետի ներկայացուցիչը Հայաստանի ակնկալիքները ներկայացնելու համար է մնացել: Օրեր առաջ Հայաստանում Փելոսին էր հայտարարել, թե եկել են լսելու՝ ինչ են ակնկալում ԱՄՆ-ից:

Երևանում այսօր կրկին ՀԱՊԿ-ից դուրս գալու պահանջով ակցիա է կազմակերպվել: Տասնյակ մարդիկ բողոքել են, որ կառույցը չի կատարում իր պարտավորությունները: Այսպիսի հայտարարությունները իսկական նվեր են՝ Արցախից ռուսական զորախմբի հեռացումը երազող Բաքվի համար: Մեր երկրում հակառուսական տրամադրությունների ակտիվացման ֆոնին՝ Բաքուն՝ առնվազն տեսախցիկների առաջ՝ ջերմացնում է հարաբերությունները Մոսկվայի հետ:

Հայաստանի վարչապետը և արտգործնախարարությունը ցավակցել են Ռուսաստանի Իժևսկի դպրոցում տեղի ունեցած ողբերգության զոհերի հարազատներին: Վերջին տվյալով՝ 15 մարդ է մահացել հրաձգությունից, 11-ը՝ երեխա: Հրաձիգը, որ ինքնասպան է եղել, պարզվել է՝ նույն դպրոցի շրջանավարտ էր, հաշվառված հոգեբուժական կենտրոնում:

Այսօր՝ սեպտեմբերի 26-ին, ավտովթար է տեղի ունեցել Երևանում: Ժամը 19:20–ի սահմաններում ГАЗ 2410 մակնիշի ավտոմեքենան Իսակովի պողոտա 87 հասցեի մոտ բախվել է ճանապարհի բաժանարար գոտում տեղադրված երկաթբետոնե ճաղավանդակներին և էլեկտրասյանը: © shamshyan.com https://shamshyan.com/hy/article/2022/09/26/1223076/

Երեկ՝ սեպտեմբերի 25-ին, ողբերգական դեպք է տեղի ունեցել Գեղարքունիքի մարզում: Ժամը 16:25 –ի սահմաններում «Մարտունի» բժշկական կենտրոնից ոստիկանության Մարտունու բաժին ահազանգ է ստացվել, որ «կլինիկական մահ» ախտորոշմամբ իրենց մոտ է տեղափոխվել մի քաղաքացի: © shamshyan.com https://shamshyan.com/hy/article/2022/09/26/1223074/

Կոնգրեսական Ջեքի Սփեյերն Ադրբեջանին պատերազմական հանցագործությունների համար պատասխանատվության ենթարկելու մասին բանաձև է ներկայացրել: «Արմենպրես»-ի հաղորդմամբ՝ այս մասին հայտնում է Ամերիկայի հայ դատի հանձնախումբը:

ՀՀ քննչական կոմիտեի Տավուշի մարզային քննչական վարչությունում քննվող քրեական վարույթի շրջանակներում իրականացված քննությամբ պարզվել են ՀՀ Տավուշի մարզի Բերդի համայնքապետարանի աշխատակազմի քարտուղարի և նույն համայնքի Ներքին Կարմիրաղբյուր բնակավայրի վարչական ղեկավարի կողմից սեպտեմբերի 25-ին Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու դեպքի հանգամանքները: «Արմենպրես»-ին այս մասին տեղեկացրին ՀՀ քննչական կոմիտեից։ «Ավելի վաղ տեղեկացրել էինք, որ վերոնշյալ անձինք, 2022 թվականի սեպտեմբերի 25-ին Բերդ համայնքում կայանալիք տեղական ինքնակառավարման մարմինների ընտրություններին սատարելով «Զորավոր համայնք» դաշինքին, օգտագործելով իրենց տրված իշխանական լիազորությունները և դրանցով պայմանավորված ազդեցությունը, Բերդ համայնքի ղեկավարի և «Ներքին Կարմիաղբյուրի մանկապարտեզ» ՀՈԱԿ-ի տնօրենի ժամանակավոր պաշտոնակատարի միջև կնքված աշխատանքային պայմանագիրը լուծելու և պայմանագրի ժամկետը դադարեցնելու սպառնալիքով, 2022 թվականի օգոստոսին վերջինիս հարկադրել են ընդգրկվել հիշյալ դաշինքում և նույն դաշինքի օգտին կատարել քարոզչություն՝ այդ կերպ հարկադրելով նրան հրաժարվել իր նախընտրած կուսակցության օգտին նախընտրական քարոզչություն կատարելուց: Ձեռք բերված բավարար ապացույցների համակցությամբ՝ ՀՀ Տավուշի մարզի Բերդի համայնքապետարանի աշխատակազմի քարտուղարին և նույն համայնքի Ներքին Կարմիրաղբյուր բնակավայրի վարչական ղեկավարին մեղադրանք է ներկայացվել ՀՀ քրեական օրենսգրքի 211-րդ հոդվածի 2-րդ մասի 3-րդ և 5-րդ կետերով: Նրանց նկատմամբ որպես խափանման միջոց կալանավորում կիրառելու վերաբերյալ միջնորդություններ են ներկայացվել դատարան, որոնք բավարարվել են»,- ասվում է հաղորդագրության մեջ: Ըստ աղբյուրի՝ նախաքննությունը շարունակվում է:

Կապիկի ծաղիկի կլինիկական պատկերը նման է վարիոլա վիրուսով վարակվածությանը: Կապիկի ծաղիկը վիրուսային կենդանաբանական հիվանդություն է, որն ունի ջրծաղիկի ախտանիշների նման ախտանիշներ, բայց սովորաբար առավել թեթև և տանելի։ Կենդանիների մի շարք տարբեր տեսակներ ենթակա են կապիկի ծաղիկի վիրուսին, այդ թվում՝ գծավոր, ծառի սկյուռերը, գամբիական առնետները և ոչ մարդկային պրիմատները: Կապիկի վիրուսի բնական պատմությունը մնում է անհասկանալի, և անհրաժեշտ է լրացուցիչ հետազոտություն՝ պարզելու վիրուսի ծագման ճշգրիտ աղբյուրը և դրա պահպանման մեխանիզմը բնության մեջ: Ներկայումս ուսումնասիրություններ են իրականացվում վիրուսի համաճարակաբանության, վարակի աղբյուրների և տարածման ուղիների վերաբերյալ։ Վիրուսի փոխանցումը (կենդանուց մարդուն) կարող է տեղի ունենալ արյան, մարմնի հեղուկների կամ վարակված կենդանու մաշկի, լորձաթաղանթի վնասվածքների հետ անմիջական շփման միջոցով: Ռիսկի հնարավոր գործոններից է վարակված կենդանիների մսի և ենթամթերքի օգտագործումը՝ առանց համապատասխան ջերմային մշակման: Անտառային տարածքներում կամ դրանց մոտակայքում ապրող մարդիկ կարող են ենթարկվել վարակված կենդանիների հետ շփման որոշակի ռիսկի, այդ թվում՝ անուղղակի: Փոխանցումը հնարավոր է նաև օդակաթիլների միջոցով և վարակված անձի մաշկի վնասվածքների կամ վիրուսային մասնիկներով վարակված առարկաների հետ սերտ շփման միջոցով: Վիրուսը մորից պտղին կարող է փոխանցվել նաև պլասենցայի, կամ ծննդաբերության ընթացքում՝ սերտ շփման միջոցով: Թեև սերտ ֆիզիկական շփումը կապիկի վիրուսի փոխանցման հայտնի ռիսկի գործոն է, ներկայումս պարզ չէ, թե արդյոք վիրուսը կարող է փոխանցվել անմիջապես սեռական ճանապարհով: Շատ հետազոտություններ են անհրաժեշտ՝ ներգրավված ռիսկերն ավելի լավ հասկանալու համար: Վարակի ինկուբացիոն շրջանը սովորաբար վեցից տասներեք օր է, բայց կարող է տատանվել հինգից քսանմեկ օր: Վարակման զարգացման երկու շրջան գոյություն ունի. Ներխուժման շրջան, որի ախտանիշներն են՝ ջերմություն, ուժեղ գլխացավ, ավշային հանգույցների այտուցվածություն, մեջքի, մկանային ցավ և թուլություն: Մաշկի ցանի շրջան, որը սովորաբար սկսվում է ջերմելուց մեկից երեք օր հետո: Հիմնականում ախտահարվում է դեմքը, ափերը և ոտնաթաթերը: Բացի այդ, բերանի խոռոչի լորձաթաղանթները, սեռական օրգանները, կոնյուկտիվան, ինչպես նաև աչքերի եղջերաթաղանթը ևս ենթարկվում են ցանի: Ծանր դեպքերում, վնասվածքները կարող են միավորվել՝ հանգեցնելով մաշկի մեծ տարածքների կեղևավորմանը: Իմունային անբավարարությամբ հիվանդները ավելի լուրջ ելքի վտանգի տակ են: Կապիկի ծաղիկի բարդությունները ներառում են երկրորդական վարակներ, արյան թունավորում, էնցեֆալիտ և եղջերաթաղանթի վարակ, որը կարող է հանգեցնել տեսողության կորստի: Ախտորոշումը կախված է նմուշի տեսակից, որակից և կատարվող լաբորատոր հետազոտություններից: Մաշկի վնասվածքներից վերցված նմուշները պետք է պահվեն չոր, ստերիլ խողովակներում և սառնարանում: Արդյունքի մեկնաբանման համար անհրաժեշտ է, որ նմուշի հետ տրամադրվի հիվանդի մասին տեղեկատվություն, ներառյալ՝ ջերմաստիճանի բարձրացման մոտավոր ամսաթիվը, ցանի առաջացման ամսաթիվը, նմուշառման ամսաթիվը, հիվանդության ներկա փուլը և հիվանդի տարիքը: Կապիկի ծաղիկով հիվանդների կլինիկական խնամքը պետք է ապահովի սիմպտոմատիկ թեթևացում, ինչպես նաև բարդությունների և երկարաժամկետ հետևանքների կանխարգելում: Հիվանդները պետք է ապահովված լինեն համապատասխան սնուցմամբ։ Առաջնային է երկրորդային բակտերիալ վարակների բուժումը։

Պետական եկամուտների կոմիտեն տեղեկացնում է, որ 2022թ. սեպտեմբերի 23-ին կայացած Եվրասիական տնտեսական հանձնաժողովի խորհրդի նիստի արդյունքում ընդունված որոշման համաձայն, ֆիզիկական անձանց կողմից անձնական օգտագործման համար սահմանված առցանց անմաքս առևտրի շեմը (միջազգային փոստային առաքանիներով և (կամ) փոխադրողի կողմից տեղափոխվող ապրանքներ) կգործի մինչև 2023 թվականի ապրիլի 1-ը՝ 2022թ․ հոկտեմբերի 1-ի փոխարեն: Հիշեցնենք, որ 2022 թվականի մարտի 17-ին Մոսկվայում կայացած Եվրասիական տնտեսական հանձնաժողովի խորհրդի նիստի ընթացքում ընդունված որոշմամբ՝ ֆիզիկական անձանց կողմից անձնական օգտագործման համար առցանց անմաքս առևտրի շեմը՝ 200 եվրոյի փոխարեն սահմանվել է 1000 եվրո և (կամ) 31 կգ: Նշված որոշումը հրապարակվել էր ԵԱՏՄ հանձնաժողովի կայքում 2022 թ․ մարտի 21-ին և ուժի մեջ է մտել հրապարակվելուց հետո տասներորդ օրը՝ 2022 թ․ մարտի 31-ին։ Միաժամանակ կոմիտեն հիշեցնում է, որ Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի N 107 որոշմամբ սահմանված է, որ անդամ պետությունների ազգային օրենսդրությամբ կարող են սահմանվել որոշմամբ նախատեսված արժեքային, քաշային և (կամ) քանակական նորմերից ավելի խիստ նորմեր, որոնց դեպքում գործում են ազգային օրենսդրությամբ սահմանված նորմերը։ ՀՀ ազգային օրենսդրությամբ սահմանված է առավել խիստ նորմ՝ 200․000 ՀՀ դրամ և (կամ) 31կգ, հետևաբար շարունակելու է գործել սահմանված 200․000 դրամի և (կամ) 31 կգ-ի արտոնության շեմը։ ՊԵԿ-ը հայտնում է, որ նշված կարգավորումները վերաբերվում են բացառապես անձնական օգտագործման ապրանքներին։

Մազերի ճյուղավորման խնդիրը վերաբերում է մազի լիսեռի պաթոլոգիական վիճակին, որն առաջանում է բնածին, կամ շրջակա միջավայրի ազդեցության հետևանքով։ Ճյուղավորված մազերը Նեթերթոնի համախտանիշի նշան են, որը ժառանգական հիվանդություն է՝ արտահայտվում է թեփուկավոր մաշկի և ամբողջ մարմնի կարմրության տեսքով: Այս հիվանդության դեպքում մազերն իրենց կառուցվածքով նմանվում են բամբուկի ցողուններին։ Հիվանդությունը կարող է ազդել ոչ միայն գլխի, այլև թարթիչների և հոնքերի մազերի վրա, ուստի դրանց հիմնական ախտանիշները հետևյալն են` մազերի փխրունության բարձրացում, խճճված և չոր մազեր, թարթիչների և հոնքերի մազաթափություն կամ դրանց հազվադեպ աճ, փայլի բացակայություն, կարճ մազեր մշտական ​​կոտրվածքի պատճառով։ Նեթերթոնի համախտանիշով ծնված երեխաները կարմիր, թեփուկավոր մաշկ ունեն, սակայն բամբուկե մազերի նշանները հայտնվում են միայն 2 տարեկանից հետո: Բամբուկե մազերի տեսքը պայմանավորված է հիվանդի մոտ ժառանգական մուտացիոն գենի առկայությամբ, որի ազդեցության տակ մազերի աճի գործընթացում առաջանում են խնդիրներ։ Բացի ժառանգական գործոնից, մազերի վիճակի և դրանց աճող փխրունության վրա միաժամանակ ազդում են արտաքին գործոնները, որոնք ներառում են՝ սթրես և հոգնածություն ավելորդ ֆիզիկական ծանրաբեռնվածությունից, մազերի վատ խնամք և էժան կամ ոչ պատշաճ միջոցների օգտագործում, կանոնավոր գունափոխում, վարսահարդարիչի մշտական ​​օգտագործում, թերսնուցում և ջրի անբավարար ընդունում, բնական ցուցանիշներ՝ չոր կեղտոտ օդ, մեծ քանակությամբ մագնեզիումի և կալցիումի աղեր ծորակի ջրի մեջ, ցուրտ սեզոնում գլխարկների անտեսում և այլն։ Մազերի այս խնդիրը բացահայտելու և ախտորոշելու համար անհրաժեշտ է խորհրդակցել տրիխոլոգի հետ: Ախտահարված մազերը հետազոտվում են մանրադիտակի տակ։ Քանի որ նման պաթոլոգիական վիճակը գենային մուտացիայի արդյունք է, այսօր դրա բուժման կոնկրետ միջոց չկա։ Առաջին հերթին անհրաժեշտ է հրաժարվել մազերի ներկման, գունաթափման կամ գանգրացման համար քիմիական նյութերի օգտագործումից: Մազերին անհրաժեշտ է նուրբ խնամք՝ սնուցող և խոնավեցնող դիմակների օգտագործմամբ: Եթե ​​հայտնաբերվում է ժառանգական սինդրոմ և գենային մուտացիայի առկայություն, որը հանգեցնում է ճյուղավորման, խորհուրդ է տրվում օգտագործել՝ հակաբիոտիկներ, մաշկը խոնավացնող, փափկեցնող միջոցներ, քորը թեթևացնող հակահիստամիններ և այլն։ Ոչ պակաս կարևոր է ճիշտ սնունդը, մաքուր ջրի բավարար քանակությունը և օրգանիզմում վիտամինների հավասարակշռությունը (մասնավորապես D և A), ինչպես նաև սթրեսի և հոգեհուզական ծանրաբեռնվածության բացակայությունը: Ժառանգական մուտացիայի դեպքում նման վիճակը հնարավոր չէ ամբողջությամբ կանխել կամ բուժել, նախընտրելի է միջոցներ ձեռնարկել գլխի մաշկը խոնավացնելու համար։ Հարկ է նշել, որ տարիքի հետ հիվանդների վիճակը բարելավվում է, նույնիսկ եթե նպատակային բուժում չի իրականացվում։

Ազգությամբ քուրդ Աթիլլա Չիչեքի և Հուսեին Յըլդըրըմի նկատմամբ դեռևս օգոստոսից հետախուզում է հայտարարված եղել Հայաստանի Հանրապետությունում։ Արդարադատության նախարարությունը կրկին պարզաբանում է տարածել, որում ասվում է․«Ի լրումն Արդարադատության նախարարության կողմից ազգությամբ քուրդ Աթիլլա Չիչեքի և Հուսեին Յըլդըրըմի վերաբերյալ տարածված հաղորդագրության՝ հայտնում ենք հետևյալը. Սյունիքի մարզի ընդհանուր իրավասության դատարանը 2022 թվականի հունվարի 20-ի դատավճռով նշված անձանց վերաբերյալ կայացրել է մեղադրական դատավճիռ՝ Աթիլա Չիչեքին դատապարտելով 7 տարի ժամկետով ազատազրկման, գույքի՝ 5700 ԱՄՆ դոլարի բռնագրավմամբ, իսկ Հուսեին Յըլդըրըմին՝ 7 տարի ժամկետով ազատազրկման, գույքի՝ 3 մլն իրանական ռիալի բռնագրավմամբ: Դատավճռի բողոքարկման հիման վրա ՀՀ Վերաքննիչ քրեական դատարանը 2022 թվականի փետրվարի 23-ին վերաքննիչ բողոքը բավարարել է մասնակիորեն, որոշում է կայացրել պատժի մասով դատավճիռը բեկանել և բեկանված մասով փոփոխել՝ վերջնական պատիժ նշանակելով 5 տարի ժամկետով ազատազրկում, իսկ գույքի բռնագրավում պատժատեսակը թողնվել է անփոփոխ: Միաժամանակ, քրեական օրենսգրքի համապատասխան հոդվածի կիրառմամբ վերջիններիս նկատմամբ պատիժը պայմանականորեն չի կիրառվել, սահմանվել է փորձաշրջան՝ 3 տարի ժամկետով: Երկուսի նկատմամբ էլ ընտրված խափանման միջոց՝ կալանքը դատարանի կողմից վերացվել է և նրանք ազատ են արձակվել դատական նիստերի դահլիճից: Ցանկանում ենք ընդգծել, որ Վերաքննիչ դատարանի կողմից դատական ակտի դեմ ներկայացվել է վճռաբեկ բողոք՝ թե՛ ՀՀ Գլխավոր դատախազության կողմից, թե՛ ամբաստանյալների պաշտպանների կողմից, սակայն բողոքները վարույթ ընդունելը մերժվել է: Ըստ այդմ՝ համապատասխան դատական ակտն ուժի մեջ է մտել և 2022 թվականի հուլիսի 28-ին ի կատար ածման վերաբերյալ կարգադրությունն ու դատական ակտի պատճենն ուղարկվել է Պրոբացիայի ծառայությանը՝ հաշվի առնելով այն, որ Հայաստանի Հանրապետությունում պատիժը պայմանականորեն չկիրառելու դեպքում փորձաշրջանի նկատմամբ վերահսկողությունն իրականացնում է Արդարադատության նախարարության պրոբացիայի ծառայությունը: Բնականաբար, վերահսկողության իրականացումը ենթադրում է պրոբացիայի ծառայողի կողմից գործողությունների կատարում՝ անձին գտնել, ծանուցել, բացատրել նրա իրավունքներն ու պարտականությունները, վերցնել նրան հաշվառման, կազմվել վերահսկողության պլան և այլն: Պրոբացիայի ծառայության Սյունիքի մարզային մարմինը դատական ակտն ստանալուց հետո նշված գործողությունների կատարումն ապահովելու նպատակով փորձել է պարզել նշված անձանց գտնվելու վայրը, սակայն վերջիններիս չհայտնաբերելու արդյունքներով 2022 թվականի օգոստոսի 8-ին միջնորդություն է ներկայացրել դատարան՝ Աթիլլա Չիչեքի և Հուսեին Յըլդըրըմի նկատմամբ հետախուզում հայտարարելու մասին: Սյունիքի մարզի ընդհանուր իրավասության դատարանը 2022 թվականի օգոստոսի 22-ին բավարարել է միջնորդությունը՝ գտնելով, որ նշված անձինք առերևույթ խուսափում են վերահսկողությունից, սպառվել են նրանց հայտնաբերելու բոլոր միջոցները, նշված անձանց նկատմամբ հայտարարվել է հետախուզում, իսկ որոշման կատարումը հանձնարարվել է ՀՀ ոստիկանության Սյունիքի մարզային վարչության Գորիսի բաժնին: Հայտնում ենք, որ Արդարադատության նախարարությունը հետախուզման մեջ գտնվող անձանց գտնվելու վայրի վերաբերյալ որևէ տեղեկատվության չի տիրապետում»:

Սեպտեմբերի 20-ին Արտաշատի քրեական հետախույզները ստացել էին օպերատիվ հավաստի տեղեկություն, որ Ոստան գյուղի բնակիչ 39-ամյա մի տղամարդ տանը ապօրինի պահում է թմրանյութ և բակում աճեցնում կանեփ: Օպերատիվ-հետախուզական միջոցառումների և քննչական գործողությունների արդյունքում նույն օրը երեկոյան կատարվեց զննություն: Հայտնաբերվեց կանեփի 89 բույս։ Բացի այդ, տանտերը ներկայացրեց մարիխուանայի նմանվող զանգվածներով փաթեթներ՝ ընդհանուր 11 գրամից ավելի քաշով: Ըստ նրա` փաթեթում կանեփից ստացած թմրանյութ է, իսկ թփերը վայրաճ կանեփ են, որոնք հետո ինքը մշակել է: Նախաձեռնվել է քրեական վարույթ, հանգամանքները պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ղրղզստանը եւ Տաջիկստանը պայմանավորվել են տեղափոխել ծանր տեխնիկան երկու պետությունների սահմանից: Այդ մասին, ինչպես տեղեկացնում Է «Արմենպրես»-ը, սեպտեմբերի 26-ին լրագրողներին ասել Է Ղրղզստանի Ազգային անվտանգության պետական կոմիտեի ղեկավար Կամչիբեկ Տաշիեւը: Ավելի վաղ հաղորդվել Է, որ սեպտեմբերի 25-ին Ղրղզստանը եւ Տաջիկստանը ստորագրել են արձանագրություն հակամարտության դադարեցման եւ երկու երկրների սահմանին իրադրության կարգավորման շուրջ: «Այդ արձանագրության կարեւորագույն կետերից մեկը ծանր տեխնիկայի հեռացումն Է սահմանից: Սահմանապահ ծառայության տնօրինության ներքո կթողնենք միայն այն սպառազինությունները, որոնցով կարելի Է պահպանել պետական սահմանները, այլ ոչ թե կռվել: Այսինքն՝ մենք տանկերը, հրանոթները, ամեն ինչ պետք Է հեռացնենք»,-հայտարարել Է Պետական կոմիտեի նախագահը: Տաշիեւի խոսքով՝ ղրղզական կողմը մտադիր Է կայունորեն հետեւել արձանագրության բոլոր կետերին եւ հույս ունի, որ Տաջիկստանը եւս այդպես կգործի: Ծավալուն մարտական բախումները Ղրղզստանի եւ Տաջիկստանի սահմանին սկսվել են սեպտեմբերի 16-ի առավոտյան: Կողմերը միմյանց մեղադրել են գնդակոծությունների մեջ: Կատաղի մարտերը երկու երկրների միջեւ տեւել են ամբողջ օրը՝ սահմանի գրեթե ամբողջ պարագծով: Հաջողվել Է հրադադարի հասնել միայն գիշերվա դեմ: Սեպտեմբերի 17-ի առավոտյան բախումները պարբերաբար վերսկսվել են: Կողմերը միմյանց մեղադրել են հրադադարի համաձայնագիրը խախտելու մեջ: Փոխհրաձգությունները դադարել են միայն երեկոյան կողմ, հաղորդել Է ՌԻԱ Նովոստին:

Վրաստանի մաքսային անցակետերն անցել են աշխատանքի հատուկ ռեժիմի, ավելացել Է մաքսային սպաների թվաքանակը: Այդ մասին, ինչպես տեղեկացնում Է «Արմենպրես»-ը, ասվում Է երկրի ֆինանսների նախարարության եկամուտների ծառայության հայտարարության մեջ: «Ավելացող տրանսպորտային ապրանքահոսքի պայմաններում ընդհանուր առմամբ տարածաշրջանում բոլոր մաքսային անցակետերն անցել են աշխատանքի հատուկ ռեժիմի»,-ասված Է հայտարարության մեջ: Իսկ այնտեղ նշվել Է, որ «Վրաստանի անցակետերում 24-ժամյա ռեժիմով մաքսային հսկողության ընթացակարգերի անխոչընդոտ իրականացման նպատակներով ավելացել Է մաքսային սպաների թվաքանակը»: Բացի այդ, «Վերին Լարս» ռուսաստանյան մաքսային անցակետում բարդացել են բեռնատար մեքենաների մաքսային հսկողության ընթացակարգերը, որոնք շարժվում են Վրաստանից Ռուսաստան («Կազբեգի» մաքսային անցակետով): Անընդմեջ միջազգային ապրանքաշրջանառություն ապահովելու նպատակով եկամուտների ծառայությունը, հաշվի առնելով մաքսային անցակետերի համատեղ դիմումը, ինտենսիվ հաղորդակցության մեջ Է գտնվում հարեւան երկրների (Թուրքիայի, Ադրբեջանի եւ Հայաստանի) մաքսային վարչակազմերի հետ, որպեսզի անհապաղ այլընտրանքային մաքսային անցակետեր գտնի եւ բեռնատար մեքենաները տեղ հասնեն, հաղորդել Է Sputnik-ը:

Սևանա լճի մակարդակը իջել է ևս 2 սմ-ով: Հիդրոօդերևութաբանության և մոնիթորինգի կենտրոնը ներկայացրել է վերջին տվյալները։ «Սեպտեմբերի 19-25-ն ընկած ժամանակահատվածում Սևանա լճից ոռոգման նպատակով ջրառ չի իրականացվել, իսկ ընդհանուր ջրառի չափաքանակը՝ հունիսի 3-ից սեպտեմբերի 25-ը ներառյալ կազմել է 165.063մլն. մ³»,–նշված է կենտրոնի տարածած հաղորդագրության մեջ:

Ադրբեջանական վերջին հարձակումից հետո Վերին Շորժայի հատվածում՝ ձորակի մեջ արդեն 13 օր է` զինվորների մարմիններ կան, սակայն հայկական կողմը չի կարողանում դուրս բերել: Այս մասին այսօր պաշտպանության նախարարության մոտ գնացած անհետ կորած զինծառայողիների հարազատներն են ասել լրագրողներին: Ծնողները պահանջել են տեղեկություն տալ իրենց որդիների մասին:

Անվտանգ ճանապարհային երթևեկություն ապահովելու նպատակով ՃՈ 2-րդ սպայական գումարտակի ծառայողները սեպտեմբերի 19-25-ը մարզերում, բացառությամբ՝ Շիրակի և Լոռու մարզերի, պարբերաբար իրականացրել են ուժեղացված ծառայություն՝ հայտնաբերելով ճանապարհային երթևեկության կանոնների 2902 խախտում՝ պահպանվող հատուկ տարածքներ տեղափոխելով 14 տրանսպորտային միջոց։ Հայտնաբերվել է ոչ սթափ 39 վարորդ։ 6 մեքենա շահագործվել է առանց ԱՊՊԱ պայմանագրի, 2-ը՝ թաղանթապատված դիմապակիով, 74-ը՝ ոչ սահմանված հատվածում փակցված համարանիշներով։ Բացի դրանից՝ 2 վարորդ տուգանվել է վարելիս ծխելու համար։ Նմանօրինակ ուժեղացված ծառայությունները պարբերական են։

Հայաստանի արդարադատության նախարարությունը և Ազգային անվտանգության ծառայությունը հերքում են սոցցանցերում տարածված լուրերը, թե Հայաստանը քուրդ հեղափոխականներ Աթիլա Չիչեքին և Հուսեյին Յըլդրըմին փոխանցել է Թուրքիայի իշխանություններին։ Նրանց ձերբակալության մասին թուրքական «Anadolu» գործակալությունն է հայտնել՝ շեշտելով, որ նրանք «Քրդական աշխատավորական» կուսակցության անդամներ են։ Թուրքիայի իշխանությունը նրանց համարում է ահաբեկիչներ: