Լրահոս

«Ժողովուրդ» օրաթերթը գրում է․ «ՀՀ Սահմանադրական դատարանում իրավիճակ է փոխվելու: «Ժողովուրդ» օրաթերթի տեղեկություններով՝ դեկտեմբերի 10-ից հետո բարձր դատարանին հրաժեշտ են տալիս ՍԴ անդամներ Արեւիկ Պետրոսյանն եւ Աշոտ Խաչատրյանը, որոնք ՍԴ անդամ են ընտրվել նախկին իշխանության օրոք եւ հիմա նրանց պաշտոնավարման 12 տարին լրանալու հիմքով՝ դեկտեմբերի 10-ին հեռանալու են: Նրանց կփոխարինեն ներկայիս քաղաքական իշխանության «սրտի դատավորներ» Սեդա Սաֆարյանը եւ Հովակիմ Հովակիմյանը, որոնք սեպտեմբերի 15-ին ԱԺ-ի կողմից 65 ձայներով ընտրվեցին ՍԴ անդամներ: Նկատենք, որ Հովակիմ Հովակիմյանը ներկայումս զբաղեցնում է ՀՀ նախագահի նստավայրի իրավաբանական վարչության պետի պաշտոնը: Սեդա Սաֆարյանը Մարտի 1-ի գործով տուժողի ներկայացուցիչն է՝ փաստաբան։ Ավելին՝ «Ժողովուրդ » օրաթերթի տեղեկություններով ՍԴ-ում քննվող որոշ գործեր կանգ են առել ու ըստ լուրերի՝ սպասում են նոր անդամների գալուն, որը թույլ կտա ձեւավորել միատեսակ դիրքորոշում՝ կոլեգիալ որոշումներ կայացնելու համար»:

Երեկ՝ նոյեմբերի 21-ին, արտառոց դեպք է տեղի ունեցել Երևանում։ Ժամը 21։30-ի սահմաններում Արտակարգ իրավիճակների նախարարության Փրկարար ծառայության 911 և ՀՀ ոստիկանության օպերատիվ կառավարման կենտրոններ ահազանգ է ստացվել, որ Նոր Նորք վարչական շրջանի Թոթովենցի փողոցի շենքերից մեկի բնակիչը կնոջ հետ վիճաբանություն է ունեցել, ապա տան դուռը փակել կնոջ վրա ու հեռացել։ Ու տանը կնոջ ինքնազգացողությունը վատացել է։ © shamshyan.com https://shamshyan.com/hy/article/2022/11/22/1227076/

«Հրապարակ» թերթը գրում է. «Օրեր առաջ «Սեւան» հոգեկան առողջության կենտրոնի տնօրեն Դավիթ Կարապետյանն ազատվել է պաշտոնից եւ այլ աշխատանքի անցել առողջապահության նախարարությունում: Փորձեցինք Կարապետյանից ճշտել, թե նախարարությունում ինչ պաշտոն է զբաղեցնում, նա չպատասխանեց․ «Ձեր բոլոր հարցերն ուղղեք նախարարությանը»: ՀՀ առողջապահության նախարար Անահիտ Ավանեսյանի մամուլի քարտուղար Հռիփսիմե Խաչատրյանին հարցրինք, թե ով է նշանակվել «Սեւան» հոգեկան առողջության կենտրոնի ժամանակավոր պաշտոնակատար, եւ երբ տեղի կունենա տնօրենի թափուր պաշտոնի համար մրցույթը։ «Հարցերը գրավոր ուղարկեք»,- եղավ ստանդարտ պատասխանը: Մենք մեր աղբյուրներից տեղեկացանք, որ «Սեւան» հոգեկան առողջության կենտրոնի տնօրենի ժամանակավոր պաշտոնակատար են նշանակել «Արմենիա» հանրապետական բժշկական կենտրոնի բժիշկ Հարություն Դավթյանին: Առաջիկայում կկայանա մրցույթ՝ տնօրենի թափուր պաշտոնի համար: Մեզ հասած լուրերով՝ ՔՊ-ի Սեւանի տարածքային կառույցի նախագահ Արթուր Լալազարյանը ջանում է քրոջը, ով տվյալ կենտրոնում աշխատում է որպես գլխավոր հաշվապահ, կենտրոնի տնօրեն կարգել: Ի դեպ, Սեւանում խոսում են, որ մյուս քրոջն էլ՝ Գայանե Լալազարյանին, վերջերս աշխատանքի է ընդունել մարզպետարանի կրթության վարչությունում՝ որպես Սեւանի տարածքի պատասխանատու։ Կապ հաստատեցինք «Սեւան» հոգեկան առողջության կենտրոնի տնօրենի ժամանակավոր պաշտոնակատար Հարություն Դավթյանի հետ: Հետաքրքրվեցինք՝ կմասնակցի՞ տնօրենի թափուր պաշտոնի համար կայանալիք մրցույթին։ «Ես չեմ կարող ասել, թե դա երբ կհայտարարվի, ճշտեք նախարարության հետ, իսկ մրցույթին, իհարկե, մասնակցելու եմ»: «Սեւան» կենտրոնի հաշվապահը ե՞ւս կմասնակցի մրցույթին։ «Ես առաջին անգամ եմ լսում այն, ինչն ասացիք: Ես հանրապետական ԲԿ-ից եմ եկել, դեռ նոր ծանոթանում եմ անձնակազմի հետ»։

Յուժնո-Սախալինսկում հղի կին է անհետացել. Այս մասին երեքշաբթի՝ նոյեմբերի 22-ին, հայտնել է «Սախալինի արտակարգ դրություն» Telegram ալիքը։ Սովայի որոնողափրկարարական խմբի տվյալներով՝ 26-ամյա Վալերիա Ռոդիոնին վերջին անգամ տեսել են նոյեմբերի 19-ին։ Կամավորները նշել են անհետ կորածի հատուկ նշանները՝ հասակը մոտ 170 սմ, բարակ կազմվածքը, գոտկատեղը հասնող կարմիր մազեր՝ սև ծայրերով և ձախ ձեռքի դաստակին ճապոնական կերպարի դաջվածք։ Իր անհետացման օրը Վալերիան կրում էր մինչև գոտկատեղը հասնող սև բաճկոն, սև լեգինսներ, սև երկարաճիտ կոշիկներ՝ նարնջագույն ներբանով և սև տրիկոտաժե գլխարկ։ «Եթե ունեք տեղեկություններ, որոնք կօգնեն ձեզ գտնել աղջկան, խնդրում եմ արձագանքեք», – Իզվեստիա-յի հաղորդմամբ՝ նշվում է հրապարակման մեջ։ Ավելի վաղ՝ նոյեմբերի 17-ին, հայտնի էր դարձել, որ Իրկուտսկի մարզում դադարեցրել են երկու ձկնորսների որոնումները, որոնք անհետացել էին Տիլիկ գետի վրա նավակի շրջվելուց հետո։ Փրկարարական աշխատանքները շարունակվել են մինչև նոյեմբերի 16-ը։ Փրկարարները զննել են ափի 11 կմ երկարությունը և ստորջրյա տեսախցիկի օգնությամբ ուսումնասիրել գետի ավելի քան 2,7 հազար քառակուսի մետր մակերեսով հատվածը։ Ընդհանուր առմամբ հետազոտվել է 26 կմ ջրային տարածք:

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է. «Ադրբեջանը շարունակում է Արցախի ու Հայաստանի սահմանագծին լարվածություն հաղորդելու իր քաղաքականությունը։ Ճիշտ է՝ դրանք դեռևս ինտենսիվ բնույթ չեն կրում, սակայն ակնհայտորեն Ադրբեջանը «տաքացնում է մկանները»։ Հրադադարի ռեժիմի խախտումներ, տեղեկատվական ագրեսիվություն, որոնք ուղեկցվում են կեղծ ու սպառնալից լուրերով, ինչպես նաև՝ որոշակի շարժեր առաջնագծի տարբեր հատվածներում։ Այս ամենի համատեքստում և այս ամենին ի պատասխան, միակ բանը որն անում է Նիկոլն ու իր իշխանությունը բոլորին «հիմնավորելն է», որ Արցախը Ադրբեջան է և վերջ։ Նույնիսկ Ադրբեջանում են զարմացած Նիկոլի՝ ադրբեջանական քարոզչությանն ու երազանքին այսքան նվիրված լինելուն»։

GOP War Room YouTube ալիքի հեռուստադիտողները ծաղրել են ԱՄՆ նախագահ Ջո Բայդենի՝ Գոհաբանության օրվա արարողության ժամանակ հնդկահավից հարցազրույց վերցնելու փորձը։ Միջոցառումից հրապարակված տեսանյութում երևում է, թե ինչպես է Բայդենը քայլում հնդկահավերից մեկի մոտ՝ սկսելով իր ելույթը և ընդհատելով այն՝ փորձելով երկխոսություն սկսել կենդանու հետ։ «Աստված սիրում է ձեզ, 9,5 միլիոն հնդկահավեր: Ահա թե ինչ կասեմ ձեզ. ինչպես որոշ երկրներում, որտեղ ես եղել եմ, և նրանք … ամեն դեպքում … ուզո՞ւմ ես խոսել», – հարցրել է Բայդենը հնդկահավին ՝ նրան ուղղելով խոսափողը: Չստանալով պատասխան՝ պետության ղեկավարը հեռացել է թռչունից ներկաների ծիծաղի ուղեկցությամբ: «Ջոն հավանաբար կարծում է, որ դա կատու է», – ասել է Ջեյսոն Նեստերը: «Թռչնի ուղեղը», – ավելացրել է Կարոլ Ս.-ն: «Հնդկահավն ավելի լավ նախագահ կդառնա»,- վստահություն է հայտնել Ջեհու Դևիսը։ «Նրանք հասկանում են միմյանց»,- ասել է Նորման Հիլլը։ «Հնդկահա՛վ, խնդրում եմ, սպանի՛ր ինձ», – ծաղրել է Միգին 1994 թ-ը: Երկուշաբթի ԱՄՆ նախագահ Ջո Բայդենը Գոհաբանության օրվա կապակցությամբ ներում է շնորհել հնդկահավերին։ Ըստ National Public Radio-ի, երկրի առաջին դեմքի կողմից հնդկահավերին ներում շնորհելու արարողությունը սկսվել է 1963 թվականին, երբ նախագահ Ջոն Քենեդին հրամայել է ողջ պահել Թուրքիայի արտադրողների ազգային ֆեդերացիայի կողմից Սպիտակ տուն տեղափոխված թռչունին։ Ֆեդերացիան, որը ոչ միայն ամեն տարի հովանավորում է այս միջոցառումը, այլև հարյուր հազարավոր դոլարներ է նվիրաբերում քաղաքական գործիչներին աջակցելու համար, 1947 թվականից նախագահական սեղանին թռչուններ է մատակարարում։ Բայդենը, ով վերջերս դարձավ 80 տարեկան, դարձել է Միացյալ Նահանգների պատմության մեջ ամենատարեց նախագահը։ Նա պարբերաբար հայտնվում է զվարճալի իրավիճակների մեջ, դրա պատճառը ամերիկացի առաջնորդի հակառակորդները համարում են տարիքն ու հնարավոր առողջական խնդիրները։

Կատարում բրիտանացի 2 երկրպագուներ գարեջուր են փնտրել և հայտնվել են Շեյխի պալատում երեկույթի ժամանակ: Այս մասին հայտնում է TalkSport-ը։ Ալեքս անունով երկրպագուի խոսքերով՝ շաբաթ օրը՝ նոյեմբերի 19-ի երեկոյան, նա ընկերոջ հետ գնացել է գարեջուր փնտրելու և հանդիպել երկու կատարցիների, ովքեր հայտնել են, որ ալկոհոլ ունեն: «Մենք թռանք նրա Toyota Land Cruiser մեքենան և քիչ հետո հայտնվեցինք մեծ պալատում: Մենք բակում էինք, և նա մեզ ցույց տվեց իր կապիկներին և էկզոտիկ թռչուններին, դա խելագարություն էր»,- կիսվել են երկրպագուները: Ավելի ուշ նրանք իրենց սոցիալական ցանցերում կիսվել են կադրերով։ Մի լուսանկարում երկու բրիտանացիներ երևում են երկար տոբա հագած կատարցիներով շրջապատված, իսկ մյուսում երկրպագուներից մեկը շոյում է առյուծի ձագին։ «Անցած գիշեր մենք հանդիպեցինք շեյխի որդիներից մեկին, նա մեզ տարավ պալատ և ցույց տվեց, որ առյուծներ ունի և ամեն ինչ»,- գրել է երկրորդ զբոսաշրջիկը։ Ավելի վաղ Ֆուտբոլի միջազգային ֆեդերացիան (ՖԻՖԱ), Կատարի ճնշման ներքո, առաջնության ընթացքում արգելել էր գարեջրի վաճառքը մարզադաշտերում։ Նշվել է, որ այս որոշումն ընդունվել է հասարակական վայրերում ալկոհոլ օգտագործելու վերաբերյալ խիստ օրենքների հետ կապված։

«Հրապարակ» թերթը գրում է. «Վաղը՝ նոյեմբերի 23-ին, Երեւանում տեղի կունենա Հավաքական անվտանգության կազմակերպության խորհրդի՝ ՀԱՊԿ-ի հերթական նիստը, որին մասնակցելու նպատակով Հայաստան կժամանեն ՀԱՊԿ անդամ պետությունների ղեկավարները, որոնց թվում՝ ՌԴ նախագահ Վլադիմիր Պուտինը։ Մեզ հայտնի դարձավ, որ ՀԱՊԿ խորհրդի նիստը կկայանա Արտակ Թովմասյանի «Դվին» հյուրանոցում, նախագահների ընթրիքը եւս տեղի կունենա այդ հյուրանոցային համալիրում։ Մեզ ասացին, որ տեւական ժամանակ է՝ հյուրանոցի աշխատակազմն առանձնահատուկ պատրաստվում է նախագահների ընդունելությանը»:

«Ժողովուրդ» օրաթերթը գրում է․ «Պարզվում է՝ «պալատական խարդավանքներ» հյուսողի հաստիք կա ՀՀ Կառավարությունում: Պետական միջոցներից աշխատավարձ ստացող պետական պաշտոնյան ծառայում է ոչ թե Հայաստանի Հանրապետությանը, այլ զբաղված է ներիշխանական ինտրիգներ ու խարդավանքներ հյուսելով: Եվ որպեսզի արդարացնի իր գործունեությունը, նկատվի Նիկոլ Փաշինյանի կողմից, երբեմն ընդդիմադիր գործիչների վրա, ինտերնետային հարձակումներ է կազմակերպում: Այն, որ վարչապետի աշխատակազմի ղեկավարի տեղակալ Տարոն Չախոյանը ֆեյքային գրոհներ է կազմակերպում Նիկոլ Փաշինյանին քննադատողների նկատմամբ, մեկ անգամ չէ, որ բարձրաձայնվել է: Կառավարական կաբինետում կատարվող անցուդարձին քաջատեղյակ «Ժողովուրդ» օրաթերթի աղբյուրի փոխանցմամբ՝ Չախոյանը ցանկանում է իր վերադասի՝ աշխատակազմի ղեկավար Արայիկ Հարութունյանի տեղը զբաղեցնել: Գործադիրից մեզ վստահեցնում են, որ դրա համար Չախոյանը ոչնչի առջեւ կանգ չի առնում՝ իր վերադասի աթոռին հայտնվելու համար: Հարությունյանի թերությունները, բացթողումները եւ սկանդալային պատմությունները, որ հայտնվում են մամուլի էջերում, երբեմն ուղղորդվում են հենց Չախոյանի կողմից: Նա ամեն գնով ցանկանում է շահել Նիկոլ Փաշինյանի վստահությունը, բայց դա նրան դեռ չի հաջողվում»:

«Փաստ» օրաթերթը գրում է. «Կառավարությունը ֆիզիկական անձանց եկամուտների համընդհանուր հայտարարագրման համակարգը փուլային տարբերակով կներդնի 2023 թվականից: Հայտարարագիր չներկայացնողները տուգանք կվճարեն: Տնտեսագետ Վարդան Բոստանջյանի կարծիքով, մի երկրում, որտեղ 30-40 հազար դրամ կենսաթոշակ են ստանում, համընդհանուր հայտարարագրի ինստիտուտի ներդրումը «չար կատակի» է նման: «Սա արվում է կա՛մ ընդհանրապես երևույթից ոչինչ չհասկանալու պատճառով, ինչն այս կառավարության դեպքում շատ հնարավոր է, կա՛մ էլ հատուկ հրահանգ է, որ իրականացնեն, ու մեր քաղաքացիները դրա հետևանքով վերջնականապես զզվեն ամեն ինչից ու լքեն երկիրը: Էլ չեմ խոսում համակարգի տեխնիկական կողմի մասին: Հայտարարագիր կազմելու հիմքում եկամուտների ճիշտ չափի որոշումն է, որն աշխատատար ու անընդհատ գործընթաց է, ինչը, իմ հաշվարկով, տասն անգամ ավելի թանկ կարժենա քաղաքացու համար, քան դրանից բխող ենթադրյալ օգուտը: Այս գների ու եկամուտների պարագայում նման, այսպես կոչված, բարեփոխումը առնվազն ծիծաղելի է: Այս փոքր երկրի քաղաքացիները բազմաթիվ դժվարություններ ունեն, ու կառավարությունը, փաստորեն, չի բավարարվում առանց այդ էլ կիրառվող «մահակներով» և նորանոր «մահակներ» է մտածում քաղաքացիների համար»,- «Փաստի» հետ զրույցում ասաց Վ. Բոստանջյանը: ԱԺ «Հայաստան» դաշինքի պատգամավոր Թադևոս Ավետիսյանն էլ նշեց, որ սա դասական պոպուլիզմի հերթական դրսևորումն է. «Ուզում են ցույց տալ, թե իբր ստվերային տնտեսության, կոռուպցիայի դեմ են պայքարում: Եկամուտների համատարած հայտարարագրումը, սակայն, ոչինչ չի տալու: Բացի այդ, եթե իրենք թաքցրած եկամուտներ, ստվերային շրջանառություն ու կոռուպցիոն ռիսկեր են փնտրում, պետք չէ շատ հեռու գնալ: Կարող են իրենց շրջապատի, իրենց սրտի օլիգարխների բիզնեսների՝ պետության հետ գնումների գործընթացին նայել ու կգտնեն այն հիմնականը, ինչը, իբրև թե, ձևական փնտրում են: Այս իշխանության կողմից դժվար է պատկերացնել որևէ դրական քայլ ու գործողություն, եթե առաջին հերթին այն չի բխում իրենց իշխանությունը երկարաձգելու ու պաշտպանելու հիմնական շահից»: Թ. Ավետիսյանը կիսում է այն կարծիքները, որ, ինչպես շատ օրենսդրական փոփոխություններ, այնպես էլ այս համակարգը ներդնելուց հետո այն կարող է կիրառվել ընտրովի»:

«Հրապարակ» թերթը գրում է. «Վարչապետ Նիկոլ Փաշինյանի աշխատակազմը շարունակում է իր աշխատանքային պայմանները բարելավելու, ճոխացնելու «ազգանպաստ» գործունեությունը։ Օրերս «Հրապարակը» գրել էր, որ 51 մլն դրամ է պետբյուջեից տրամադրվել, որպեսզի Նիկոլ Փաշինյանի, նրա աշխատակազմի ղեկավար Արայիկ Հարությունյանի, վերջինիս տեղակալներ Տարոն Չախոյանի, Բագրատ Բադալյանի նման պետական այրերն ավելի բարեկարգ շենքում աշխատեն։ Եվ այդ գումարով վերանորոգվում է վարչապետի աշխատակազմի վարչական շենքը։ Ավելի վաղ էլ գրել էինք, որ վարչապետի աշխատակազմը 6 հատ գորգ է գնել, որոնցից 5-ը՝ 220 հազար, 1-ը՝ 400 հազար դրամ արժողությամբ։ Վարչապետի աշխատակազմը գորգերը ձեռք էր բերել «Մեգերյան կարպետ» ընկերությունից՝ ընդհանուր առմամբ վճարելով 1 մլն 500 հազար դրամ։ Պարզվում է՝ նոյեմբերի 11-ին վարչապետի աշխատակազմը կրկին գորգեր է գնել, այս անգամ՝ արդեն ընդհանուր 6 մլն դրամ արժողության։ Այդ գումարով «Արմկարպետ» ՍՊԸ-ից գնվել է 352.7 քմ գորգ, որի 1 քմ-ի արժեքը 17 հազար դրամ է։ Թե որտեղ են փռելու այսքան գորգը, պարզ չէ։ Երեւի որոշել են կառավարության միջանցքներն ու սանհանգույցներն էլ գորգապատել, որ ոտքները «քարին չառնի»։

Նոյեմբերի 21-ին Ադրբեջանի ԶՈՒ ստորաբաժանումները մի քանի ուղղություններով խախտել են հրադադարի ռեժիմը՝ հրաձգային զինատեսակներից կրակ բացելով ՊԲ դիրքերի, ինչպես նաև Մաճկալաշեն գյուղի մերձակայքում գյուղատնտեսական աշխատանքներ կատարող տրակտորի ուղղությամբ, հաղորդում են Արցախի ՊՆ մամուլի ծառայությունից։ Հայկական կողմը կորուստներ չունի։ Հրադադարի խախտման դեպքերի մասին հաղորդվել է ՌԴ խաղաղապահ զորակազմի հրամանատարությանը։ «Միևնույն ժամանակ, Ադրբեջանի ՊՆ-ն տարածել է հերթական ապատեղեկատվությունն այն մասին, թե իբր ՊԲ ստորաբաժանումները նոյեմբերի 21-ի ժամը 16։50-ից նոյեմբերի 22-ի ժամը 01։05-ն ընկած ժամանակահատվածում կրակ են բացել Արցախի Հանրապետության Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ»,- ասվում է ՊԲ հաղորդագրությունում։

Արցախի պաշտպանության բանակի նախկին հրամանատար Ջալալ Հարությունյանի փաստաբանի ասուլիսը լսելուց հետո պատգամավոր, ռազմական փորձագետ Տիգրան Աբրահամյանը տպավորություն է ստացել, որ Հարությունյանի պաշտպանական կողմը փորձում է ձախողման պատասխանատվությունը բարդել ցածր օղակի հրամանատարների վրա: Մասնավորապես, խոսքը Արցախի հարավում կազմակերպված հակահարձակման մի օպերացիայի մասին է, որին հավանություն էր տվել անձամբ Նիկոլ Փաշինյանը ու այն տապալվել էր:

«Յուքոմն» առաջարկում է հատուկ պայմաններով նոր սմարթֆոն ձեռք բերել:

Նոյեմբերի 21-ին՝ ժամը 22:45-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ: Այդ մասին հայտնում են ՀՀ ՊՆ-ից։ Հայկական կողմը կորուստներ չունի: Նոյեմբերի 22-ի՝ ժամը 09:00-ի դրությամբ, իրադրությունն առաջնագծում հարաբերականորեն կայուն է:

«ժողովուրդ» Տարոն Չախոյանը ցանկանում է իր վերադասի՝ վարչապետի աշխատակազմի ղեկավար Արայիկ Հարութունյանի տեղը զբաղեցնել: «Հրապարակ» 51 մլն դրամով վերանորոգվում է վարչապետի աշխատակազմի վարչական շենքը: «ժողովուրդ» Դեկտեմբերի 10-ից հետո բարձր դատարանին հրաժեշտ են տալիս ՍԴ անդամներ Արեւիկ Պետրոսյանն եւ Աշոտ Խաչատրյանը. նրանց կփոխարինեն Սեդա Սաֆարյանը եւ Հովակիմ Հովակիմյանը: «Փաստ» Համընդհանուր հայտարարագրի ներդրումը «չար կատակ» է, պոպուլիզմի հերթական դրսևորում: «ժողովուրդ» Հայկական բեռնատարները չեն կարողանում հատել Լարսի անցակետը: Օրվա մամուլի հրապարակումները ժամը 11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիանա Ղահրամանյանը կքննարկի «Հայացք» վերլուծական կենտրոնի ղեկավար Աննա Կարապետյանի հետ:

Ադրբեջանի պետական սահմանապահ ծառայության (ՊՍԾ) զինծառայողները ճանապարհատրանսպորտային պատահարի են ենթարկվել Ջաբրայիլի (Ջրական) շրջանում, փոխանցում է Sputnik-ի ադրբեջանական գործակալությունը՝ վկայակոչելով ՊՍԾ մամուլի կենտրոնին:

Նոյեմբերի 20-ին կայացել է ՄԻՊ-ին առընթեր երեխաների և երիտասարդների իրավունքների հարցերով հասարակական խորհրդի անդրանիկ նիստը, որից հետո տեղի է ունեցել խորհրդի անդամների և պետական մարմինների ներկայացուցիչների միջև հարցուպատասխան և քննարկում:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ նոյեմբերի 22-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Ինդոնեզիայում երկրաշարժի պատճառով զոհերի թիվը հասել է 162-ի: «Արմենպրես»-ն այս մասին տեղեկանում է Kompas TV-ի հրապարակումից: Չիանջուր թաղամասում արձանագրվել է 5.6 մագնիտուդ հզորությամբ երկրաշարժ: Զոհերը մեծամասամբ դպրոցականներ են: 326 բնակիչներ ծանր վնասվածքներ են ստացել, 13784 քաղաքացի տարհանվել է: