Լրահոս

Երևանի քաղաքապետարանի և վարչական շրջանների կողմից 2024 թվականի 2-րդ եռամսյակի ընթացքում շուրջ 1141 շինարարության թույլտվություններ են տրվել: Այս մասին NEWS.am-ը տեղեկացավ՝ ուսումնասիրելով քաղաքաշինության ոլորտում Երևանի քաղաքապետարանի իրականացրած  վիճակագրական տվյալները:

Հնդկական ավիաընկերության ինքնաթիռն օդանավում ռումբի տեղադրման մասին տեղեկություն ստանալուց  հետո չնախատեսված վայրէջք է կատարել Էրզրումի օդանավակայանում:

Ներքաղաքական լարվածություններ են սպասվում Ֆրանսիայում: Աջակողմյան «Հանրապետականներ» կուսակցության ներկայացուցիչ Բարնիեի՝ Ֆրանսիայի վարչապետի պաշտոնում նշանակվելը կարող է զանգվածային բողոքի ակցիաներով լցնել Փարիզի խաղաղ փողոցները: Այդ մասին արդեն հայտարարում է ընդդիմությունը, որ հույս ուներ, թե իր թեկնածուն է վարչապետի աթոռին նստելու: Համենայնդեպս՝ այդպիսի պայմանավորվածություն է եղել, ըստ ընդդիմադիրների, Մակրոնի ու «Նոր ժողովրդական ճակատ» կուսակցության ներկայացուցիչների միջև:

«Վերադառնալով մեր հարսանիքների ու խնջույքների թեմային՝ ես ուշադիր հետևում եմ մեր հարգարժան թամադաների մտքի ընթացքին, իրենք շատ կենացներ են խմում, բայց երբեք ոչ մի հարսանիքում չի բարձրացվում կենաց՝ ՀՀ հարկ վճարողի համար։ Մենք խմում ենք զինվորի կենացը, որը ճիշտ է ու լավ է, բայց երբեք ոչ ոք չի մտածում, որ զինվորի ծառայության պայմանը կախված է նրանից՝ հարկ վճարովը հարկ վճարե՞լ է, թե՞ ոչ»,- այս մասին ասել է ՀՀ վարչապետ Նիկոլ Փաշինյանը՝ Ազգային ժողովի «Ամառային դպրոց» ծրագրի մասնակիցների հետ հանդիպման ժամանակ։

«Բարի գալուստ Հայաստան, Մարիեկե Մոնրոյ-Վինթեր»,- նշվում է դեսպանության տարածած հաղորդագրության մեջ։

Հայաստանի Ազգային ժողովի պատգամավորներն աշխատանքային այցով կգործուղվեն Բեռլին (Գերմանիայի Դաշնային Հանրապետություն):

Ազգերի լիգայի խաղարկության շրջանակում սեպտեմբերի 7-ին Հայաստանի ազգային հավաքականը տանը կընդունի Լատվիայի ընտրանուն։ Հանդիպումը կկայանա ժամը 20։00-ին՝ Վազգեն Սարգսյանի անվան «Հանրապետական» մարզադաշտում։

Բաքվի ապատեղեկատվություններով է անցել ամբողջ օգոստոսն ու սեպտեմբերի սկիզբը: Այս շաբաթ երկու անգամ, ևս մի քանի անգամ նախորդ շաբաթներին, Բաքուն Հայաստանին մեղադրում էր հրադադարը խախտելու համար: Հայաստանի ՊՆ-ն հերքել էր տեղեկությունները, թե իբր ադրբեջանական դիրքեր է գնդակոծել Հայաստանի զինուժը: Իսկ այսօր առաջին նիստն է արել Ազգային ժողովի պաշտպանության հանձնաժողովը: Ինքնագլորների հարցն են քննարկել հանձնաժողովի անդամները արձակուրդներից վերադառնալուց հետո, թե ինչպես և որքան տուգանել ինքնագլորներով խախտումներ անելու դեպքում:

Հռոմի Ֆրանցիսկոս պապը շարունակում է իր այցը Հարավարևելյան Ասիայի և Օվկիանիայի երկրներ։ Նա այսօր Պապուա Նոր Գվինեա է այցելել։ Պապին օդանավակայանում դիմավորել են տեղի կաթոլիկ հոգևորականները, կառավարության ներկայացուցիչները։

Զինա Չալիկյանը նշանակվել է Ազգային ժողովի նախագահի օգնական:

ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը եւ փոխնախագահ Մերի Գալստյանը սեպտեմբերի 6-ին հանդիպել են դանիացի պատգամավոր Շյուրդուր Սկաալեի գլխավորած պատվիրակության հետ:

Արդարադատության նախարար Գրիգոր Մինասյանի գլխավորությամբ՝ նախարարության աշխատակազմը և նախարարության համակարգման ներքո գտնվող մարմիններն ու կազմակերպությունները մասնակցել են կառավարման հմտությունների բարելավմանը և ներքին կառավարման հարցերին նվիրված վերապատրաստում-աշխատաժողովին: Հայտնում են նախարարության մամուլի ծառայությունից։ 

Իտալիայում Իլհամ Ալիևը հայտարարել է, թե համաձայնեցված է Հայաստան-Ադրբեջան խաղաղության պայմանագրի տեքստի մոտ 80 տոկոսը: «Խաղաղության պայմանագրին մոտ ենք ու պիտի գնանք այդ ճանապարհով»,- այսօր Հայաստանի խորհրդարանում հայտնել են ՔՊ-ականները: 80 տոկոսով ենք մոտ խաղաղության պայմանագրին: Իսկ վիճելի հարցեր կան այդ փաստաթղթի չհամաձայեցված 20 տոկոսում: Հնարավո՞ր է՝ Հայաստանն ու Ադրբեջանը բանակցում են Հայաստանը ապառազմականացնելու Բաքվի պահանջի շուրջ:

Այսօր ԵՊՀ արևելագիտության ֆակուլտետում բացվեց վերանորոգված և տեխնիկապես հագեցած «Ֆիրդուսու անվան սրահը». ծրագիրը իրականացել է Հայաստանում Իրանի դեսպանության հովանավորությամբ, հայտնում է պատմական գիտությունների դոկտոր, թուրքագետ Ռուբեն Մելքոնյանը․

Երևանում գրքի տոն է. մեկնարկել է Գրքի երևանյան միջազգային փառատոնը, հայտնում են ԿԳՄՍ նախարարությունից․

Դավիթ Գյուրջինյանը, Վ․ Բրյուսովի անվան պետական համալսարանի ռեկտոր նշանակվելուց ի վեր, համալսարանի մոտ 59 աշխատակցի ազատել է աշխատանքից,  «Փաստինֆո»-ի հետ զրույցում ասել է Վ. Բրյուսովի անվան համալսարանի նախկին պրոռեկտոր Ցոլակ Ակոպյանը՝ ընդգծելով՝ նրանցից մոտ 40-ը դասախոսներ են։

Մայրաքաղաքի ճարտարապետական տեսքը վերականգնելու նպատակով շենքերից հեռացվում են ինքնակամ տեղադրված ալեհավաքներն ու տարատեսակ ծածկերը, վերացվում են կամայական կառույցները, հայտնում են Երևանի քաղաքապետարանից։

Միայն հայկական վերահսկողությունն է Իրանի համար հանդուրժելի՝ Հայաստանի տարածքով Ադրբեջանն ու Նախիջևանը կապող ճանապարհին: Այսօր է պնդել Իրանը՝ Հայաստանում իր դեսպանի շուրթերով: Մեհդի Սոբհանին ասել է, որ իրականություն չի դառնալու այսպես կոչված «Զանգեզուրի միջանցք» ծրագիրը, ինչքան էլ դրա մասին երազեն շատերը: Իրանի դեսպանը նաև հայտնել է, որ 3+3 ձևաչափի երկրները՝ Ռուսաստանը, Իրանը, Թուրքիան, Հայաստանը, Վրաստանը, Ադրբեջանը որոշել են նոր հանդիպման օրը: Այն տեղի է ունենալու Թուրքիայում: «Ժամկետը հստակ է և այդ մասին կհայտարարվի դիվանագիտական ուղիներով»,- ասել է Մեհդի Սոբհանին։

Այսօր Ալավերդիում կայացել է Սանահինի ժամանակավոր կամրջի բացման արարողությունը։

Այսօր՝ սեպտեմբերի 6-ին, խոշոր ավտովթար է տեղի ունեցել Տավուշի մարզում։