Լրահոս

Քաղաքային իշխանությունը կենտրոնական իշխանության և քաղաքական վերնախավի անբաժանելի բաղադրիչն է և երբ առավել գլոբալ մակարդակում խոսվում է երկրի տապալման մասին` անվտանգությունից մինչև արտաքին քաղաքականություն, պարզ է, որ նույն այդ քաղաքականությունն իրացնողներն իրենց գործառույթը ձախողելու են նաև համայնքային մակարդակով:

ՀՀ հակակոռուպցիոն կոմիտեի կազմավորման երրորդ տարեդարձի և Հակակոռուպցիոն կոմիտեի աշխատակցի մասնագիտական տոնի կապակցությամբ այսօր կազմակերպվել է միջոցառում, որին ներկա է եղել Նիկոլ Փաշինյանը: Այս մասին հայտնում են հակակոռուպցիոն կենտրոնից։

Հետընտրական Վրաստանն առաջին քայլերն է անում Եվրամիության հետ հարաբերությունները կարգավորելու համար: Այս կարծիքին են փորձագետները Վրաստանի ռուսամետ հռչակված վարչապետ Իրակլի Կոբախիձեի և Եվրախորհրդի նախագահ Շառլ Միշելի հանդիպումից հետո: Բուդապեշտում են հանդիպել Միշելն ու Կոբախիձեն, զրուցել Վրաստանի հետընտրական զարգացումների մասին:

Նոյեմբերի 8-ին, ժամը 12:17-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ներքին Բազմաբերդ գյուղում այրվում է անասնակեր։ Հայտնում են ՆԳՆ Փրկարար ծառայությունից։ 

Մինչ Թրամփը Սպիտակ տուն կմտնի որպես պաշտոնապես ԱՄՆ 47-րդ նախագահ, աշխարհը քննարկում է, թե որո՞նք են լինելու նրա առաջին հանձնարարություններն ամերիկյան նոր վարչակազմին: Մոլորակի տարբեր անկյուններում երկրների ղեկավարները Թրամփից իրենց ակնկալիքների մասին են բարձրաձայնում: Ի վերջո կխաղաղվե՞ն Մերձավոր Արևելքն ու ուկրաինական ճակատը, ինչպես խոստացել է Թրամփը, թե՞ ամեն ինչ կմնա այնպես, ինչպես կա: Գուցե ամեն ինչ, իորք, մեկ զանգից է կախված: Մոսկվայի՞ց Վաշինգտոն, թե՞ Վաշինգտոնից Մոսկվա կլինի առաջին նախագահական զանգը:

Այսօր՝ նոյեմբերի 8-ին, ավտովթար է տեղի ունեցել Արարատի մարզում։ Ժամը 16։00-ի սահմաններում Արարատի մարզի բնակիչ 23-ամյա Նարեկ Ա․-ն իր վարած՝ վրացական համարանիշներով «Chevrolet» մակնիշի ավտոմեքենայով Դալար գյուղի Կենտրոնական փողոցում, դեռևս անհայտ հանգամանքներում, դուրս է եկել երթևեկելի գոտուց, բախվել հաստաբուն ընկուզենուն, ապա Վազգեն Սարգսյան փողոցում գտնվող բնակչի տան պատին։

Երվանդ Քոչարի ծննդյան 125-ամյակի հոբելյանական ծրագրի շրջանակում նոյեմբերի 8-ին` ժամը 19:00-ին, Նորարար փորձառական արվեստի կենտրոնում /հասցե՝ Բյուզանդի 1/3/ տեղի կունենա «Մելամաղձություն» խորագրով ցուցահանդեսի բացումը:

Ինչպես հայտնում են ՏԿԵ նախարարությունից, նախ դիտարկվել է Արաքս համայնքի Գրիբոյեդով գյուղի կենտրոնական փողոցի և Արաքս գյուղի Րաֆֆու փողոցի 200 մ երկարության ճանապարհի ասֆալտապատման աշխատանքները։ Ծրագրի արժեքը՝ 121,768,486 դրամ է՝ այդ թվում՝ ՀՀ պետական բյուջեի համաֆինանսավորումը՝ 66,972 մլն դրամ։ Նախատեսվում է Գրիբոյեդով գյուղի կենտրոնական ճանապարհի, Չարենցի փողոցի ասֆալտապատում՝ 960 մ երկարության և 8237 քմ մակերեսով, Արաքս գյուղի Րաֆֆու փողոցի ասֆալտապատում՝ 200 մ երկարության, 1387 քմ մակերեսով։

Ֆրանսիան ողջունել է Հայաստանում Կենսաբազմազանության կողմերի համաժողովը անցկացնելու որոշումը: Ֆրանսիայի արգործնախարարությունը այս հայտարարությունը տարածել է այն ֆոնին, երբ այդ երկրում շուրջ 3 տասնյակ քաղաքական գործիչներ Բաքվի COP29-ը բոյկոտելու պահանջ են հնչեցրել: Ադրբեջանի մայրաքաղաք մեկնելու պլաններ չունեն Ֆրանսիայի, Ռուսաստանի, ԱՄՆ-ի նախագահները: Բաքվում բարձր մակարդակի պատվիրակություններ չեն լինի նաև Թեհրանից ու Բեռլինից: Արդյո՞ք աշխարհն իսկապես բոյկոտում է Ադրբեջանում անցկացվելիք համաժողովը, փորձել է հասկանալ Թերեզա Կադաևչյանը:

Լիտվայի Հանրապետության մայրաքաղաք Վիլնյուս կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպել է Լիտվայի ԱԳ նախարար Գաբրիելուս Լանդսբերգիսի հետ: Այդ մասին հայտնում են ԱԽ գրասենյակից:

Արամ Ա Վեհափառ Հայրապետը ընդունել է Հայաստանի և Վատիկանի դեսպաններին, հայտնում են Կաթողիկոսության մամուլի ծառայությունից․

Այսօր խորհրդարանում քննարկվել է ընտրական օրենսգրքում փոփոխություններ անելու իշխանականների սկանդալային նախագիծը: Ընդդիմադիրներն արձանագրում են՝ բազմաթիվ ահազանգերից հետո ՔՊ-ականները, կարծես, հետքայլ են անում: Փոփոխություններից հանվել է արտակարգ կամ ռազմական դրություն հայտարարվելու դեպքում ընտրությունները չեղարկելու մասին կետը: Դրանով առաջարկվում էր նոր քվեարկություն կազմակերպել, եթե ընտրությունների՝ նույնիսկ ձայների հաշվարկի փուլում, երկրում ռազմական կամ արտակարգ դրություն հայտարարվի:

«ՀՀ քննչական կոմիտեի Սյունիքի մարզային քննչական վարչությունում քննվող քրեական վարույթի շրջանակներում իրականացված բազմակողմանի քննությամբ պարզվել են Կապան քաղաքի երեք բնակչի կողմից ՍՊ ընկերության տնօրենին ծանր մարմնական վնաս պատճառելու, ինչպես նաև` խուլիգանություն կատարելու դեպքի մի շարք հանգամանքներ։

Հայլուր 20։30 Խայտառակ գաղափարից հետ է կանգնում իշխող ուժը. միջազգային ճնշում, սուր մեղադրանք

Ամերիկայի վերջին ընտրությունները նախորդ ընտրություններից տարբերվում են նրանով, որ այս անգամ պայքարի հիմքում դրված է արժեքային համակարգի խնդիր: Ձախ ծայրահեղ լիբերալները պարտվել են պահպանողականներին: Պայքարի հիմքում դրված է աբորտների, ընտանիքի, գենդերային, քրիստոնեական խնդիրները: Ցուցակը կարելի շարունակել, բայց իմաստն այսքանով հասկանալի է:

ԱՄՆ-ում դեմոկրատների պարտությունը ինչպե՞ս են տարել «դեմոկրատիայի բաստիոնի» կարկառուն դեմքերը: Այս հարցի պատասխանը «Հայլուրի» թղթակիցը այսօր Ազգային ժողովում փորձել է ստանալ խորհրդարանի արտաքին հարաբերությունների հանձնաժողովի նախագահից: Սարգիս Խանդանյանն այդպես էլ չի պատասխանել Երևանի ու Վաշինգտոնի հարաբերությունների ապագայի մասին պարզ հարցին: Գուցե խորը հիասթափված են Հայաստանի իշխանական պատգամավորները, որովհետև նրանք ամռանը Չիկագոյում անձամբ էին լսել Հարիսի վստահեցումները, թե Թրամփը պարտվելու է:

Հայաստանում Ռուսաստանի դեսպանությունը ցավով տեղեկացնում է, որ նոյեմբերի 8-ին մահացել է Գյումրիում ՌԴ գլխավոր հյուպատոս Ռուսլան Կանդաուրովը։

Այսօր՝ նոյեմբերի 8-ին, ՀՀ ներքին գործերի նախարարության ոստիկանության Քրեական ոստիկանության գլխավոր վարչությունում, ոստիկանության քրեական ոստիկանության գլխավոր վարչության Արարատի մարզի քրեական ոստիկանության վարչությունում և քրեական ոստիկանության գլխավոր վարչության Երևան քաղաքի քրեական ոստիկանության վարչությունում համատեղ օպերատիվ տեղեկություններ են ստացվել, որ Արարատի մարզի Գինեվետ գյուղում կրակոց է հնչել և վիրավորը հրազենային վնասվածքով տեղափոխվել է «Աստղիկ» բժշկական կենտրոն, հայտնում է Shamshyan.com-ը:

Նոյեմբերի 8-ին, ժամը 16:41-ին Ճգնաժամային կառավարման ազգային կենտրոն ահազանգ է ստացվել, որ Շիրակի մարզի Մարալիկ քաղաքի գաԵրևան-Գյումրի ճանապարհին մեքենան դուրս է եկել երթևեկելի գոտուց, բեռնատարը՝ կողաշրջվել․ տուժածներ կան զալցակայանի մոտակայքում տեղի է ունեցել ՃՏՊ. կան տուժածներ: Հայտնում են ՆԳՆ Փրկարար ծառայությունից։ 

COP29-ի շեմին՝ նորից հին, սպառնալիքներով լի հռետորաբանությանն է վերադառնում Ալիևը, նկատում են փորձագետները: Նա այսօր Բաքվում մասնակցել է, այսպես կոչված, հաղթանակի օրվա միջոցառումներին ու նորից սպառնացել Հայաստանին: Իր բանակին կարգադրել է պատրաստ լինել չեզոքացնել սպառնալիքները, եթե Երևանում չբավարարեն ադրբեջանկան հայտնի պահանջը՝ Հայաստանի ապառազամականացումը: Ալիևը պնդել է, որ Երևանը պետք է դադարեցնի զինվելու քաղաքականությունը: