Լրահոս

Այսօր արտակարգ դեպք է տեղի ունեցել «Երևանի ՋԷԿ» ՓԲԸ-ում, որը գտնվում է տարածքային կառավարման և ենթակառուցվածքների նախարարության ենթակայության տակ։ MediaHub-ի տեղեկություններով՝ առավոտյան վիճաբանություն է ծագել Երևանի ՋԷԿ-ի նորանշանակ փոխտնօրեն Սարգիս Հովհաննիսյանի և ՋԷԿ-ի անվտանգության պետ Արթուր Պահլավունու միջև, որը հետո վերածվել է ծեծկռտուքի։ Մեզ ասացին՝ Հովհաննիսյանն այնպես է հարվածել Պահլավունուն, որ վերջինիս շտապօգնությամբ, բառի բուն իմաստով արյունլվա վիճակում տեղափոխել են հիվանդանոց։ Ժամանել է նաև ոստիկանությունը։ Ընդ որում, թե՛ ոստիկանություն, թե՛ շտապօգնություն ահազանգողը եղել է հենց տուժողը՝ Պահլավունին։ Նշենք, որ վիճաբանության կողմերից երկուսն էլ «կորած» ու հասարակ դեմքեր չեն․ Սարգիս Հովհաննիսյանը ԱԱԾ գեներալ-մայոր է, մինչ «Երևանի ՋԷԿ» ՓԲԸ փոխտնօրեն նշանակվելը եղել է Պետական պահպանության ծառայության, ասել է թե՝ Նիկոլ Փաշինյանի անվտանգության պետը և պաշտոնից ազատվել է անցյալ տարվա սեպտեմբերի 9-ին՝ «Դվին» հյուրանոցի տանիքում հնչած հրավառության պատճառով, որի ձայներից, ասում են, Նիկոլ Փաշինյանը վախի նոպաներ է ունեցել։ Իսկ Արթուր Պահլավունին էլ Երևանի քաղաքապետ Տիգրան Ավինյանի կնոջ հայրն է՝ աները, և ասացին՝ համեստ, նորմալ մարդ է, ու զարմացած են, թե ինչու է Հովհաննիսյանն այդպես վայրագ ձևով վարվել նրա հետ։ MediaHub-ը դիմել է ՆԳՆ լրատվական բաժին՝ ճշտելու, թե ահազանգ ստացե՞լ են, արդյոք, այս միջադեպով, և ՆԳՆ-ից հաստատեցին, որ Երևանի ՋԷԿ-ից այդպիսի ահազանգ եղել է․ «Ֆիզիկական ներգործության վերաբերյալ ստացվել է ահազանգ, որը փոխանցվել է Քննչական կոմիտե»։

Արգելքի մասին նախարարությունը DET-ին հայտնել է այն բանից հետո, երբ ընկերությունը կառավարությանը ծանուցել է, որ Բրունսբյուտել քաղաքի տերմինալը մտադիր է նոյեմբերի 17-ին ռուսական հեղուկացված բնական գազի բեռ ստանալ: 

Այսօր՝ նոյեմբերի 14-ին, ԱԺ-ի իր ելույթում «Հայաստան» խմբակցության պատգամավոր Ագնեսա Խամոյանը՝ դիմելով Նիկոլ Փաշինյանին, հայտարարեց․ «Դուք էս մարդկանց կոչ եք արել գնալ կռվել, նրանց մի մասն էլ զոհվել է, հետո հայտարարել եք, որ էն գլխից մենք պարտված էինք, արդյունքը նույնն էր լինելու միայն առանց զոհվելու։ Հիմա էլ կանգնած այստեղ քամահրանքով, ծամածռվելով ասում եք՝ էդ «գինի լից»- ի կամավորին նկատի ունե՞ք։ Չէ, էն մարդկանց նկատի ունենք, որոնց ուղարկեցիք ռազմադաշտ, ուղարկեցիք սպանվելու՝ իմանալով, ձեռ բառերով, պատերազմի ելքը։ Էդ մարդկանց նկատի ունեմ»։ Մանրամասն՝ տեսանյութում։

Պատմաբան, խմբագիր Վահե Սարգսյանը ֆեյսբուքյան իր էջում գրել է. «Ռուբեն Ռուբինյանը քիչ առաջ հայտարարեց, թե մեր օրոք որևէ պետական պաշտոնյայի թիկնապահ չի սպանել որևէ դաշնակցականի: Եթե գործեին բարոյականության նորմերը, ապա Ռուբեն Ռուբինյանի խոսքը կավարտվեր հետևյալ կերպ: «.... Բայց, ցավոք, մեր օրոք հենց հիմա իմ դիմաց նստած Նիկոլ Փաշինյանի թիկնազորը սպանել է հղի կնոջն ու անգամ հայելու միջից չի բարեհաճել նայելու իր զոհին: Ավելին, այսօր որևէ մեկը նստած չի դրա համար: Հետևաբար, սիրելի ժողովուրդ, եթե մեր օրոք որևէ դաշնակցական դեռ չի սպանվել, դա չի նշանակում, թե մեր օրոք դուք չեք կարող սպանվել: Հուսով եմ, այս ահազանգս հաշվի կառնեք և մեզ տեսնելիս զգույշ կլինեք»: Հ.գ. «Լրացում խոսքիս. ի դեպ, մեր օրոք հարյուրավոր դաշնակցականներ զոհվեցին Արցախի առաջնագծում՝ դավադրության արդյունքում, ըստ մեզ՝ հանուն ոչնչի կամ Ադրբեջանի տարածքում, ու իրենց արյունը ևս մեր խղճի վրա է»: Ռուբեն Ռուբինյան»:

Ինչի՞ց կարող է անզուսպ ծիծաղել և ինչի՞ց ջղաձգվել Նիկոլ Փաշինյանը՝ մի քանի րոպեի տարբերությամբ: Նա այսօր խորհրդարանում պատգամավոր Գառնիկ Դանիելյանի տասը րոպեանոց ելույթի ընթացքում մեկ խոժոռվել է ու ջղաձիգ շարժումներ արել՝ տեղից պատասխանելով նրան, մեկ անզուսպ ծիծաղել՝ ուշաթափվելու աստիճան:

Արմավիրի մարզի Մեծամորի համայնքապետարանի աշխատակիցների կողմից 2024թ. սեպտեմբերի 9-ին կազմվել է արձանագրություն, համաձայն որի՝ համայնքի Արգավանդ բնակավայրում «Իկս Ֆարմինգ» ՍՊԸ-ն իրեն պատկանող գյուղատնտեսական նշանակության հողամասն օգտագործել է ոչ նպատակային նշանակությամբ: Խախտել է հողի պահպանության կանոնները, որի հիման վրա նույն տարվա սեպտեմբերի 17-ին հարուցվել է վարչական վարույթ։ Մեծամոր համայնքի ղեկավար Վահրամ Խաչատրյանը, 2024թ. նոյեմբերի 1-ին «Իկս Ֆարմինգ» ՍՊԸ-ին՝ ի դեմս տնօրեն Արա Արամյանի, ենթարկել է վարչական պատասխանատվության 300 հազ. դրամի չափով: Տուգանքը նշանակվել է Վարչական իրավախախտումների վերաբերյալ օրենսգրքով նախատեսված արարք կատարելու, այն է՝ հողամասը ոչ նպատակային նշանակությամբ օգտագործելու, հողամասերի գործառնական նշանակության և հողատեսքերի ինքնակամ փոփոխությունը չկանխելու, ինչպես նաև հողերի վիճակը վատթարացնող բացասական ազդեցություններից սահմանված կանոններով չպահպանելու համար: Համայնքապետարանը լսումներին հրավիրել է նաև ընկերության տնօրենին: Սակայն, նամակները չեն ստացել և հետ է եկել: Հրապարակային ծանուցման (www.azdarar.am) կայքի միջոցով ապահովելով ծանուցումը՝ լսումներն անցկացվել է առանց ընկերության ներկայացուցիչների: Նշենք, որ «Իկս Ֆարմինգ» ՍՊԸ-ն նույն «Սանդինգ մայնինգ» ընկերությունն է: Անունը փոխել է 2023թ. նոյեմբերին: Մանրամասները՝ սկզբնաղբյուր կայքում։

«Բանակի սրբադասումը Երրորդ Հանրապետության ընթացքում մեր բոլորիս գործած մեծագույն սխալն է»,- Աժ ամբիոնից հայտարարել է Հայաստանի Հանրապետության վարչապետը: Խորհրդարանում քննարկման թոփ թեմա է մնում հարցը, թե հարկ վճարողը նույնքա՞ն հերոս է, որքան զինվորն ու կամավորը:

Աջափնյակ վարչական շրջանի ղեկավար է նշանակվել ՔՊ-ական Սերոբ Սարգսյանը։ Այս մասին Tert.am-ին հայտնել է Երևանի քաղաքապետի մամուլի խոսնակ Հայկ Կոստանյանը: 2022-ին նա Աջափնյակ վարչական շրջանի փոխթաղապետն է եղել: Նշենք, որ վարչական շրջանի նախկին ղեկավար Կամսար Բաբինյանը հրաժարական է ներկայացրել նոյեմբերի ութին:

Հայլուր 15։30 Անզուսպ ծիծաղ և ջղաձգումներ՝ ԱԺ-ում. ովքե՞ր են սարսափեցնում Փաշինյանին

Շվեյցարիայի Համադաշնություն կատարած աշխատանքային այցի շրջանակում նախագահ Վահագն Խաչատուրյանը մասնակցել է Ժնևի համալսարանի Հայագիտական հետազոտությունների կենտրոնի հիմնադրման 50-ամյակի կապակցությամբ կազմակերպված միջոցառմանը:

Ազգային ժողովում միջադեպ է գրանցվել «Հրապարակ» թերթի լրագրող Լուսինե Շահվերդյանի եւ ՊՊԾ աշխատակիցների միջեւ: Ինչպես գրում է «Հրապարակ»-ը՝ ՊՊԾ աշխատակցին դուր չեն եկել լրագրողի հարցերը` ուղղված Արդարադատության նախարար Սրբուհի Գալյանին, եւ հենց հարցազրույցի պահին քաշել է լրագրողի թեւը՝ խոչընդոտելով լրագրողի մասնագիտական աշխատանքը, ասելով, թե նախարարը չի ուզում պատասխանել։

Գազայում որպես այրիների և երեխաների օթևան հայտնի ներքին տեղահանվածների ճամբարին է հարվածել Իսրայելը: Կան զոհեր: Դեյր Ալ-Բալահ բնակավայրի ապաստարանից վիրավորներին տեղափոխել են Ալ Աքսա հիվանդանոց: Թել Ավիվը հայտարարել է, թե ՀԱՄԱՍ-ի օբյեկտների է հարվածել:

Նոյեմբերի 14-ին ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն այցելել է ՊՆ Վազգեն Սարգսյանի անվան ռազմական ակադեմիա և հանդիպել արհեստավարժ սերժանտների վերապատրաստման դասընթացներին մասնակցող զինծառայողների հետ։ Զրուցելով կրտսեր հրամանատարական պաշտոններ զբաղեցնող զինծառայողների հետ՝ գեներալ-լեյտենանտ Էդվարդ Ասրյանը կարևորել է նրանց դերը ենթակա անձնակազմին կրթելու և նրանց ու սպայակազմի միջև կապող օղակ դառնալու առումով։ Հանդիպման ավարտին քննարկվել են սերժանտների ծառայության հետ կապված մի շարք հարցեր, ինչից հետո Էդվարդ Ասրյանը պատասխանել է ներկաներին հետաքրքրող հարցերին։

Հավաքական անվտանգության պայմանագրի կազմակերպության հարցում ՀՀ դիրքորոշումը չի փոխվել։ Sputnik Արմենիային այս մասին ասաց ՀՀ ԱԳՆ մամուլի խոսնակ Անի Բադալյանը` մեկնաբանելով երեկ ՌԴ–ում կայացած հանդիպմանը։ Ավելի վաղ հայտնել էինք, որ ՌԴ–ում ՀՀ դեսպան Գուրգեն Արսենյանը մասնակցել է ՌԴ արտգործնախարար Սերգեյ Լավրովի և ՀԱՊԿ անդամ երկրների դեսպանների հանդիպմանը։ Մանրամասները՝ սկզբնաղբյուրում։

Բյուջեի նախագծի այս փուլի քննարկումը ամփոփեցինք։ Սոցցանցում գրել է վարչապետ Նիկոլ Փաշինյանը և կից տեսանյութ հրապարակել։

Քամին՝ հյուսիսարևմտյան` 2-5 մ/վ, նոյեմբերի 16-ին առանձին շրջաններում քամու ուժգնացում մինչև 17-21մ/վ։

Այն՝ ինչ արեց Պարոն Ռուբինյանը, այ դա անգերազանցելի է: Այս մասին ԱԺ-ում ելույթի ժամանակ ասաց «Հայաստան» խմբակցության պատգամավոր Արթուր Խաչատրյանը՝ անդրադառնալով ՔՊ-ական Ռուբեն Ռուբինյանի ելույթին: «Գիտե՞ք ինչի հիշեց Նաիր Հունանյանին՝ ասաց նախկին դաշնակցական է: Վաղը, երբ այս կառավարությունը ձախողի՝ ասելու են, որ այս կառավարության ձախողման մեջ մեղավոր է Հովիկ Աղազարյանը՝ որպես նախկին դաշնակցական: Քո գլխին են սարքում ա՛յ ընկեր, ձեռքի հետ էլ մեր: Բա մի հատ հետը խոսա: Հովիկ Աղազարյա՛ն, դու ջանդ յուղի»,- նշեց նա: Մանրամասն՝ տեսանյութում:

Այսօր՝ նոյեմբերի 14-ին, ավտովթար է տեղի ունեցել Կոտայքի մարզում։ Ժամը 11:00-ի սահմաններում Աբովյան քաղաքի Հանրապետության փողոցի՝ ժողովրդին հայտնի «կինոյի խաչմերուկում», դեռևս անհայտ հանգամանքներում բախվել են Կոտայքի մարզի բնակիչ 34-ամյա Հարություն Խաչատրյանի վարած «BMW X6» մակնիշի և Գեղարքունիքի մարզի բնակիչ 27-ամյա Արա Հովհաննիսյանի վարած «Kia» մակնիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար վթարի հետևանքով տուժածներ չկան։ Վարորդները ենթարկվել են սթափության փորձաքննության, եղել են սթափ։

Նոյեմբերի 14-ին, ժամը 11:43-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Չարենցավան քաղաքի 8-րդ թաղամասի բնակարաններից մեկում հրդեհ է բռնկվել: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ և ավտոսանդուղք։ Պարզվել է, որ բնակարանում գազի բալոններից տեղի է ունեցել գազի արտահոսք՝ հրդեհի բռնկմամբ, որն ուղեկցվել է պայթյունով. փլուզվել է բնակարանի պատը՝ մոտ 12 քմ, տուժածներ չկան: Հրդեհը մեկուսացվել է ժամը 11:52-ին, մարվել՝ 11:54-ին: Այրվել են կենցաղային իրեր:

2 մարդ է տուժել Ղրիմի Ջանկոյի շրջանում կամրջի փլուզման հետևանքով: Ռուսաստանի արտակարգ իրավիճակների նախարարության տարածած կադրերում փլուզված կամրջի վրա շրջված մեքենաներ կան: Շրջանի ղեկավարը հայտնել է, որ տուժածներից մեկի վիճակը ծանր է: