Լրահոս

Փաստաբան Արսեն Բաբայանը գրում է․ «Փաստորեն Նիկոլ Փաշինյանը Հովիկ Աղազարյանի համար նախատեսել է պետական դավաճանության հոդվածը (քր․օր․ 418-րդ հոդված)։

Նախօրեին աշխատանքից ազատված վարորդները վաղը առավոտյան  դիմումներ կգրեն և կվերադառնան աշխատանքի: Այս մասին NEWS.am-ին հայտնեց աշխատանքից ազատված վարորդներից մեկը՝ նշելով, որ այդպես են պայմանավորվել «Երևան ավտոբուս» ընկերության ղեկավարների հետ:

Դեկտեմբերի 4-ին ՀՀ ԱԳ նախարար Արարատ Միրզոյանը հանդիպում է ունեցել Ղազախստանի փոխվարչապետ, ԱԳ նախարար Մուրատ Նուրտլեուի հետ։ Հանդիպումը կայացել է ԵԱՀԿ նախարարական համաժողովի շրջանակներում։

ՌԴ ԱԳՆ պաշտոնական ներկայացուցիչ Մարիա Զախարովան հերթական ճեպազրույցի ժամանակ խոսել է նաև Հայաստանի մասին, որն ընթացիկ տարում պաշտոնապես միացել է Միջազգային քրեական դատարանին. «Հայաստանի՝ ՄՔԴ-ին աջակցության հարցում մեր վերաբերմունքն ակնհայտ է, մեր դիրքորոշումը բազմիցս հայտնել ենք։ Տարիների փորձը ցույց տվեց, որ այս կառույցը երբևէ չի օգնել կարգավորելու որևէ հակամարտություն, այլ ավելի շատ շեղող գործառույթ է իրականացրել՝ հանդիսանալով միջազգային արդարադատության հետ որևէ կապ չունեցող կեղծ իրավական կառույց՝ ի տարբերություն Միջազգային դատարանի։ Երևանի պատրաստակամությունը՝ համագործակցելու ՄՔԴ-ի հետ, և նպաստելու նրա գործունեությանը, ուղղակի վնաս է հասցնում ռուս-հայկական հարաբերություններին»,- ասել է նա:

Այսօր՝ դեկտեմբերի 4-ին, ողբերգական դեպք է տեղի ունեցել Արմավիրի մարզում։ Ժամը 17։15-ի սահմաններում ՀՀ Ներքին գործերի նախարարության ոստիկանության Համայնքային ոստիկանության գլխավոր վարչության Վաղարշապատի բաժնում օպերատիվ տեղեկություն է ստացվել, որ «Էջմիածին» շտապօգնության բժիշկները կանչով մեկնել են Արևաշատ գյուղի Էրեբունի փողոց 1-ին նրբանցք, որտեղ հայտնաբերել են տղամարդու դի։

Լավ նորություն կա անշարժ գույքի շուկայում: 2022-ի կտրուկ գնաճից հետո մայրաքաղաքում տների վարձակալության գները ընկել են կամ կարգավորվել, ինչպես ոլորտի մասնագետներն են ասում: Նախկինում 300.000-350.000 դրամով վարձակալությամբ տրվող բնակարանը հիմա հնարավոր է վարձակալել 150-200.000 դրամով: Թե ինչով է պայմանավորված տների վարձակալության գների իջեցումը, փորձել է հասկանալ Ալբերտ Սերոբյանը:

«ՀՀ փաստաբանների պալատի փաստաբանների ակումբում ձևավորված փաստաբանների նախաձեռնող խմբի փաստաբանների կողմից  այսօր՝  2024 թվականի դեկտեմբերի 4-ին հանցագործության մասին հաղորդում է ներկայացվել Գլխավոր դատախազություն, որը վերաբերում է Ֆինանսների նախարար Վահե Հովհաննիսյանի կողմից կատարված կոռուպցիոն ռիսկեր պարունակող գործողություններին:

Պետական գաղտնիքի արտահոսքը հանցանք է, կուսակցությունից հեռացնելու հիմք չէ։ Գործընկերները ՔՊ-ից, ցավոք սրտի, տառապում են ինտելեկտուալ իմպոտենցիայով։ Եթե էտ մարդը պետգաղտնիք է արտահոսք կատարել, անհրաժեշտ է նախաձեռնել քրեական վարույթ և տալ գնահատական։ Ակնհայտ է, որ առևտուր է եղել, որի ընթացքում հեռացվածի լռությունը փոխանակվել է քրեական վարույթ չնախաձեռնելու հետ։

Իսլամիստ զինյալների տիրապետության տակ գտնվող Հալեպից դեպի Համա քաղաք ուղղություն վերցրած հակակառավարական ուժերի առաջխաղացումը կասեցվել է: Սիրիական բանակի հակահարձակման արդյունքում զինյալները Համա քաղաքից 10 կիլոմետր հեռու են շպրտվել: Նահանգում կատաղի մարտերը դեռ շարունակվում են: Թեև Ասադի բանակը հայտնել է, որ արդեն 1600 ահաբեկիչ է սպանել, բնակավայրեր ազատագրել, ռազմական փորձագետները դեռ խուսափում են խոսել սիրիական իշխանության լուրջ հաջողությունների մասին:

«Դեկտեմբերի 5-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Բերդ համայնքի Նորաշեն բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ»:

Հայաստանի գլխավոր դատախազությունն ընթացք է տվել Երևանի քաղաքապետի տեղակալ Սուրեն Գրիգորյանի հաղորդմանը՝ գործադուլ հայտարարած վարորդների դեմ։ Այս մասին լրատվամիջոցներին հայտնել է Գլխավոր դատախազության հանրային կապերի բաժինը: Գործադուլի պատճառով 32 վարորդի աշխատանքից ազատվելուց հետո՝ այսօր ամբողջությամբ վերականգնվել է մայրաքաղաքի երթևեկությունը: «Հայլուր»-ի թղթակիցները վաղ առավոտից կանգառներում են եղել, համոզվել, որ տրանսպորտը կանոնավոր աշխատում է:

Այսօր՝ դեկտեմբերի 4-ին, «կասկադյորական» ավտովթար է տեղի ունեցել Երևանում։ Ժամը 14։20-ի սահմաններում Արշակունյաց պողոտայում՝ «Երևան Մոլ»-ի մոտ, բախվել են «Lada» և «Skoda» մակնիշի ավտոմեքենաները, ինչի հետևանքով վերջինը հայտնվել է ճանապարհի բաժանարար գոտու բետոնե արգելապատնեշի վրա։

«ԵԱՀԿ նախարարական համաժողովի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Վրաստանի ԱԳ նախարար Մակա Բոչաշվիլիի հետ:

Հայաստանի բյուջեից բացի ևս մեկ նախագիծ է այսօր հայտնվել խորհրդարանում, որը, ընդդիմության գնահատմամբ, փոքր ու միջին բիզնեսի գլխին քար է գցում: Իշխանականներն, առաջին ընթերցմամբ, ընդունել են այն օրինագիծը, որով 13 հազար տնտեսվարող շրջանառության հարկի փոխարեն ավելացված աժեքի հարկ կվճարի: Այսինքն՝ 6 անգամ շատ փող կտա պետությանը:

«ԱՄՆ կատարած աշխատանքային այցի շրջանակում ՀՀ պաշտպանության նախարար Սուրեն Պապիկյանը դեկտեմբերի 4-ին ԱՄՆ-ում ՀՀ դեսպանությունում ընդունել է զինվորական համազգեստի ձևավորման ու մշակման գործում մասնագիտացած ամերիկյան «Միլլիկեն» ընկերության փոխնախագահ Բրյուս Լաֆլամին և ընկերության զինվորական ու միջազգային ծրագրերի ղեկավարներ Սքոթ Գրուպպին և Թոմմի Յանգին:

Նիկոլ Փաշինյանն է աննպատակահարմար համարել դեկտեմբերի 25-ին նախատեսված Եվրասիական տնտեսական բարձրագույն խորհրդի նիստի անցկացումը Հայաստանում և այն տեղի կունենա Սանկտ-Պետերբուրգում: Խորհրդարանում կառավարության հետ հարցուպատասխանի ժամանակ «Հայաստան» խմբակցության պատգամավոր Աննա Գրիգորյանն է Փաշինյանից հետաքրքրվել՝ արդյո՞ք որոշումը ուղիղ կապ ունի Հռոմի ստատուտի հետ, և եթե Վլադիմիր Պուտինը գա Հայաստան, կարող է ձերբակալվել: ԵԱՏՄ անդամ որևէ պետության ղեկավարի անուն չի հնչեցրել Փաշինյանը, միայն ասել է, որ ԵԱՏՄ ոչ բոլոր անդամներն են ցանկալի Հայաստանի համար։ Հավանաբար խոսքը Բելառուսի նախագահի մասին է:

Այսօր՝ դեկտեմբերի 4-ին, ավտովթար է տեղի ունեցել Երևանում: Ինչպես հայտնում է Shamshyan.com-ը, ժամը 01:00-ի սահմաններում Մյասնիկյան պողոտայի թիվ 55 հասցեի դիմացի հատվածում բախվել են Երևանի բնակիչ 52-ամյա Ադիկ Դ.-ի վարած «KamAZ» մակնիշի աղբատար բեռնատարն ու Արարատի մարզի բնակիչ 28-ամյա Տիգրան Հ.-ի վարած «Mercedes» մակնիշի ավտոմեքենաները:

Հայլուր 20։30 Մոսկվայի դաժան հարվածներին զանգվածային հարձակմամբ է պատասխանել Կիևը. 6 զոհ՝ Կուրսկում

Հայլուր 20։30 Պուտինին ձերբակալելու հարց կա՞. Փաշինյանը պարզաբանում է՝ ինչու ԵԱՏՄ նիստը Երևանում չէ

«Հովիկ Աղազարյան» քաղաքական տրագիկոմեդիան թվում էր հանգուցալուծվեց նրան «Քաղաքացիական պայմանագիր» կուսակցությունից հեռացնելով, բայց փաստորեն ջրի երես դուրս եկան իշխանական կեղտոտ բարքերը: Աղազարյանը պնդում է, որ իր հեռախոսից նյութեր են հայտնվել իր թիմակիցների ու վարչապետի ձեռքին, որտեղ նա հայհոյում է իրեն հայհոյողներին: Աղազարյանին երեկ երեկոյան է ՔՊ վարչությունը որոշել հեռացնել իր շարքերից՝ պատճառաբանելով պետական ու կուսակցական նշանակության կոնֆիդենցիալ տեղեկատվության արտահոսքով ու պետական գաղտնիքների հրապարակմամբ: Ինքը՝ Աղազարյանը, պնդում է, որ որևէ պետական գաղտնիք չէր կարող բացահայտել, որովհետև այդպիսի տեղեկությունների չի տիրապետել: