Լրահոս

Երևանում ամանորյա տոնական ձևավորման աշխատանքներով պայմանավորված՝ դեկտեմբերի 4-ի ժամը 20:00-ից մինչև դեկտեմբերի 9-ի ժամը 07:00-ն ժամանակավորապես կդադարեցվի Հանրապետության հրապարակի՝ Նալբանդյան և Աբովյան փողոցների միջև ընկած ճանապարհահատվածի երթևեկությունը: Այս մասին հայտնում են Երևանի քաղաքապետարանից:

Համայնքային ոստիկանության Արտաշատի բաժնում օպերատիվ տեղեկություններ էին ստացվել, որ Ոստան բնակավայրի 60-ամյա բնակիչը տնակում պահում և օգտագործում է թմրանյութ:

Դեկտեմբերի 4-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանի Հանրապետությունում իր դիվանագիտական առաքելությունն ավարտող Իտալիայի Հանրապետության արտակարգ և լիազոր դեսպան Ալֆոնսո Դի Րիզոյին։

Հանրապետության նախագահ Վահագն Խաչատուրյանին իր հավատարմագրերն է հանձնել Ալժիրի Ժողովրդական Ժողովրդավարական Հանրապետության արտակարգ և լիազոր դեսպան Բումեդիեն Գեննադին։

Փաշինյանի հորդորը անտեսելով՝ մանդատը վայր չդրած, այնուհետև ՔՊ-ից հեռացված Հովիկ Աղազարյանը լրագրողների հետ զրույցում ուշագրավ բացահայտում արեց։ Նրա խոսքով, իր և ՔԿ արդեն նախկին նախագահ Արգիշտի Քյարամյանի հետ խորհրդարանում տեղի ունեցած միջադեպից հետո հարցաքննության հրավիրելիս քննիչը Աղազարյանի հեռախոսը խնդրանքով «առգրավել է» և պահել շուրջ 10 օր։ Այնուհետև իր հեռախոսի նյութերը հայտնվել են Փաշինյանի մոտ։

ՀՀ կրթության, գիտության, մշակույթի և սպորտի նախարարությունն անցկացնելու է «Սպորտի ոլորտում տարվա լավագույնների ընտրություն» մրցույթը՝ մի շարք անվանակարգերով՝ ըստ 2024 թվականի արդյունքների մարզաշխարհի լավագույններին որոշելու նպատակով:

Հայլուր 15։30 Զինյալներին ջախջախել են Համայում և Դեյր Զորում. Հալեպը գրավված է մնում

Լուսինե Գուլաբյան ԱՁ-ին պատկանող մարինացված պահածոների արտադրամասում իրականացրած կրկնակի ստուգայցի ընթացքում Գեղարքունիքի մարզային կենտրոնի տեսուչներն իրականացրել են նմուշառում «Սունկ մարինացված», «Շուշան մարինացված» և «Սինդրիկ մարինացված» արտադրատեսակներից, որոնց լաբորատոր փորձաքննությունների արդյունքում անհամապատասխանություններ չեն հայտնաբերվել (Գեղարքունիքի մարզ, ք․ Գավառ):

Այսօր՝ դեկտեմբերի 4-ին, շղթայական ավտովթար է տեղի ունեցել Երևանում: Ժամը 09:25-ի սահմաններում Սարալանջի փողոցում բախվել են «Nissan», 2 «Hyundai» և «Kia»  մակնիշի ավտոմեքենաները:

Գործադուլի պատճառով 40 վարորդի աշխատանքից ազատելուց հետո՝ այսօր ամբողջությամբ վերականգնվել է մայրաքաղաքի երթևեկությունը: «Հայլուր»-ի թղթակիցները վաղ առավոտից կանգառներում են եղել, համոզվել, որ տրանսպորտը կանոնավոր աշխատում է: «Հրապարակ» օրաթերթի տեղեկություններով՝ կաթվածահար երթևեկությունը վերականգնելու համար ազատված վարորդների փոխարեն մարզերից են վարորդներ բերել:

Դեկտեմբերի 3-ին Համայնքային ոստիկանության Վաղարշապատի բաժնում Արևշատ գյուղի բնակիչ 29-ամյա երիտասարդը հաղորդում էր տվել, որ գիշերը՝ ժամը 4-ի սահմաններում, գողացել են տան բակում կայանված իր «Մերսեդեսի» պահեստային անվադողի համար նախատեսված պատյանը` պատճառելով 3000 դոլարի վնաս:

Երևանի ավագանու «Մայր Հայաստան» խմբակցության անդամ Գևորգ Ստեփանյանի ֆեյսբուքյան գրառումը.

ՀՀ ԱԳ նախարար Արարատ Միրզոյանն աշխատանքային այցով կգտնվի Մալթայում՝ մասնակցելու ԵԱՀԿ նախարարական խորհրդի 31-րդ հանդիպմանը։

«ԱրմԼուր»-ի տեղեկություններով՝ դեկտեմբերի 3-ին «Գյումրու մոր և մանկան ավստրիական հիվանդանոց» «աջ գոտկային շրջանի պատառոտված արյունահոսող վերք»-ով բուժօգնության է տեղափոխվել 16-ամյա Հ. Ա-ն, որին Գյումրի ք․ 10-րդ դպրոցի մոտակայքում դանակահարել է 16-ամյա Ն. Ս-ն։ Վերջինիս ձերբակալել են։ Ըստ տեղեկությունների՝ պատճառը ձնագնդի խաղալիս միմյանց հարվածելու հետ կապված վեճն է եղել։

Վրաստանում բողոքի ցույցերի 6-րդ գիշերը ավելի ծանր է անցել. խորհրդարանի մոտ հերթական ցույցը ցրել են հատուկ ջոկատայինները: 34 ցուցարար է ձերբակալվել: Տուժել է Ներքին գործերի նախարարության 12 աշխատակից: Եվրամիության անդամ դառնալու բանակցությունները մինչև 2028 թվականը դադարեցնելու մասին Վրաստանի վարչապետի հայտարարությունն է բողոքի ալիք բարձրացրել Վրաստանում:

Քրեական ոստիկանության Արարատի մարզային վարչության ծառայողները ապօրինի զենք-զինամթերք պահելու վերաբերյալ օպերատիվ տեղեկություն էին ստացել:

Ընդամենը 3 օրում Թուրքիայի հովանու տակ գործող մի քանի հազարանոց զինյալ ահաբեկիչները գրավեցին Սիրիայի ամենամեծ ու կարևոր քաղաքը՝ Հալեպը, ապա  ողջ շրջանը։

Իշխան Սաղաթելյանը Ֆրանսիայի նախկին նախագահ Ֆրանսուա Օլանդի հետ քննարկել է տարածաշրջանային քաղաքական զարգացումները: Այս մասին տեղեկանում ենք Սաղաթելյանի ֆեյսբուքյան էջից:

«Աղազարյան» քաղաքական տրագիկոմեդիան վերջապես հանգուցալուծվեց: Մանդատը վայր դնելու՝ Փաշինյանի խնդրանքը շաբաթներ շարունակ մերժած ՔՊ-ականը հեռացվել է կուսակցությունից՝ «Քաղաքացիական պայմանագրի» վարչության որոշմամբ: Երեքշաբթի է տեղի ունեցել Աղազարյանի համար ճակատագրական նիստը: Ըստ հաղորդագրության՝ պետական ու կուսակցական նշանակության կոնֆիդենցիալ տեղեկատվության արտահոսքերի և հանրության բարոյական նորմերի կոպիտ խախտումների պատճառով է հեռացվել Աղազարյանը: Նա այսօր ելույթ է ունեցել Ազգային ժողովի ամբիոնից՝ ներողություն խնդրելով իր կուսակցական ընկերներից:

Նոյեմբերի 21-ին արտակարգ դեպք է տեղի ունեցել Երևանում։ Այդ օրը ՀՀ Ներքին գործերի նախարարության ոստիկանության համայնքային ոստիկանության գլխավոր վարչության էրեբունու բաժնի ծառայողները՝ բաժնի պետ Դավիթ Պետրոսյանի, բաժնի պետի տեղակալ Վլադ Բազունցի գլխավորությամբ, իրացնելով ստացված օպերատիվ տվյալները ՀՀ ՆԳՆ քրեական ոստիկանության գլխավոր վարչության Երևան քաղաքի քրեական վարչության ծառայողների հետ համատեղ ձեռնարկված միջոցառումների շնորհիվ պարզել են, որ նոյեմբերի 21-ին էրեբունի վարչական շրջանում Էլեկտրոցանցի մասնաճյուղի տնօրեն ոմն Էդգարը և ոմն Գագիկը նախնական համաձայնության գալով Նարեկ Ա․-ի հետ, Երևանի բնակիչ 37-ամյա Արայիկ Ն․-ին և վերջինիս ընկեր Հարություն Խ․-ին հրավիրել են նշված էլ. ցանցի մասնաճյուղ, որտեղ ավտոմեքենաների ներկրումից ձևավորված պարտքի մի մասը՝ 50 հազար ԱՄՆ դոլարը, վերադարձնելու պահանջով Գագիկը հարվածել է Արայիկ Ն․-ին, իսկ էդգարը հոգեբանորեն ճնշել է: