Լրահոս

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Եվ ահա, ընկերության «Կենտրոն» շահագործման տեղամասը շրջանցող ջրագիծը կառուցել է և այսօր Երևանում ու Կոտայքի մարզում հայտարարված պլանային-ջրանջատման պատճառն այդ նոր ջրագիծը «Կաթնաղբյուրի 5-րդ» ջրատարին միացնելն է:

Վրաստանը նոր գունավոր հեղափոխության նախապատրաստության տվյալներ է բացահայտել: Այդ երկրի պետական անվտանգության ծառայությունը հայտնում է, որ դեկտեմբերի 14-ին սպասվելիք նախագահական ընտրությունները ընդդիմությունը փորձելու է խանգարել, ինչը կարող է մի քանի մարդու մահվան պատճառ դառնալ:

ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը դեկտեմբերի 11-ին հանդիպել է ԵԽԽՎ Կիպրոսի պատվիրակության անդամ Կոնստանտինոս Էֆսթաթիուին:

Պատգամավոր Դավիթ Առուշանյանի մանդատը վայր դնելուց հետո ՔՊ ցուցակում գրանցված հաջորդ թեկնածուն Ջուլիետա Ազարյանն է: Նա այս պահին զբաղեցնում է Ավան վարչական շրջանի ղեկավարի տեղակալի պաշտոնը։

Տեղի է ունեցել Վարչապետի որոշմամբ ստեղծված Կենսաբազմազանության մասին կոնվենցիայի կողմերի 17-րդ համաժողովի (COP 17) կազմակերպման և անցկացման կոմիտեի 1-ին նիստը՝ Վարչապետի գլխավոր խորհրդական Համբարձում Մաթևոսյանի ղեկավարությամբ:

Վարչական ռեսուրսները կենտրոնացնելու ու Հանրապետության երկրորդ քաղաքի իշխանությունը վերցնելու մեթոդ է համարում «Մայր Հայաստան» շարժումը Գյումրիում անցկացված նախնական ընտրությունները: Նրանք Փաշինյանի ու Հայաստանի կառավարության դեմ հանցագործության մասին հաղորդում են ներկայացրել Քննչական ու Հակակոռուպցիոն կոմիտե՝ պնդելով, որ կառավարական գործիքակազմը օգտագործելով՝ Փաշինյանը թույլ չի տվել գյումրեցիներին իրենց ընտրությունը կատարել:

«Ընդգծելով երկու պետությունների միջև ձևավորված քաղաքական երկխոսության բարձր մակարդակը, ՀՀ դեսպանը մասնավորապես վերահաստատել է Կանադայի հետ հարաբերություններն առավել խորացնելու Հայաստանի հանձնառությունը՝ առանձնակի կարևորելով Կանադայի դիրքորոշումը՝ ի պաշտպանություն ՀՀ ինքնիշխանությանը և տարածքային ամբողջականությանը»,-նշվում է հաղորդագրությունում։

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «Ձորափ» ՕԿՋ-ի վերագործարկման աշխատանքներով պայմանավորված, դեկտեմբերի 12-ին ժամը 12:00-ից մինչև դեկտեմբերի 13-ը ժամը 12:00-ն կդադարեցվի Արագածոտնի մարզի`

«Քաղաքացիական պայմանագիր» խմբակցությունում քաղաքական նոր դրամաներ են հասունանում: Մի քանի ժամով ՔՊ-ից նեղացած Հակոբ Ասլանյանը որոշել է չլքել խմբակցությունը, իսկ այդ մտադրության մասին իր հայտարարությունն անվանել է «սխալ ու էմոցիոնալ»: Ավելի ճիշտ այդպես է գրել բարձր տեխնոլոգիական արդյունաբերության նախարար Մխիթար Հայրապետյանը տեքստում, որ ուղարկել է Հակոբ Ասլանյանին՝ իր էջում հրապարակելու համար, բայց Ասլանյանը փոխարենը իրենց նամակագրության սքրինն է տեղադրել: «Հայլուր»-ին հաջողվել է հեռախոսով պարզաբանումներ ստանալ Ասլանյանից: Նա նշել է, որ Մխիթար Հայրապետյանն իր հոգեզավակն է ու ինքը տեքստն ուղարկել է Մխիթարին այն խմբագրելու համար, բայց հրապարակված սքրինում երևում է միայն Հայրապետյանից ուղարկված տեսքտը:

ՀՀ դեսպան Բորիս Սահակյանն իր հավատարմագրերն է հանձնել Երուսաղեմի Սուրբ Հովհաննեսի, Հռոդոսի և Մալթայի Ինքնիշխան Ռազմական Ուխտի Արքայազն ու Մեծ Վարպետ Ֆրա Ջոն Դանլեփին: Այս մասին տեղեկացնում են ՀՀ ԱԳՆ-ից։

ՀՀ առողջապահության նախարարությունը խորհուրդներ է տվել՝ ինչ անել ձմռանը մաշկն առողջ պահելու համար։

Սիրիան չկորցնելու հնարավորություն ուներ Բաշար ալ-Ասադը, Դամասկոսի անկումից հետո ակնարկում են նրա դաշնակիցներ Իրանն ու Ռուսաստանը: Իրանի հոգևոր առաջնորդն է ասել, թե դեռ ամիսներ առաջ իրենք զգուշացրել են Ասադին հնարավոր աղետի մասին: Փաստն այն է, որ Սիրիայի՝ թուրքամետ իսլամիստների վերահսկողության տակ հայտնվելուց հետո սասանվել են նաև Իրանի դիրքերը Մերձավոր Արևելքում: Հակաիրանական ուժերն ակնարկում են, թե Թեհրանն այլևս չպետք է փորձի խառնվել տարածաշրջանի գործերին:

Այսօր՝ դեկտեմբերի 11-ին, ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում օպերատիվ տեղեկություններ են ստացվել, որ Աբովյան քաղաքում՝ Ռազմական ոստիկանության հարևանությամբ գտնվող դաշտամիջյան տարածքում, հնարավոր է զենք-զինամթերք լինի։

2024 թվականին Երևանում շների համար նախատեսված 4 նոր զբոսայգի է կառուցվել: Այս մասին հայտնում են Երևանի քաղաքապետարանից։

2022 թվականի հունիսի 20-ին հրավիրված մամուլի ասուլիսում ԲԴԽ նախկին նախագահ Ռուբեն Վարդազարյանը հրապարակեց սկանդալային ձայնագրություն, որից պարզ էր դառնում, թե ինչպեսէ ԲԴԽ անդամ Գագիկ Ջհանգիրյանը, ԲԴԽ մեկ այլանդամ Ստեփան Միքայելյանի հետ միասին՝ հացի սեղանի շուրջ համոզում Վարդազարյանին հրաժարական տալ:

Ասադի ռեժիմի տապալումից հետո Մանբիջի համար եռօրյա մարտերն ավարտվել են քրդերի ու թուրքամետ իսլամիստների միջև հրադադարի պայմանավորվածությամբ, որ ձեռք է բերվել Վաշիինգտոնի միջնորդությամբ: Քրդերը վայր են դրել զենքերը՝ իրենց տեղը զիջելով թուրք իսլամիստներին, որոնք վերահսկում են նաև Դեր Զորը: Շարունակվում են մարտերը Ռաքքայի համար:

ԱԺ պատգամավոր Հակոբ Ասլանյանին հեռացրել են ՔՊ խմբակցությունից: Այդ մասին հայտնեց ՔՊ խմբակցության քարտուղար Արթուր Հովհաննիսյանը։

Ազգային ժողովի՝ դեռ «Քաղաքացիական պայմանագիր» խմբակցության պատգամավոր Հակոբ Ասլանյանը պնդում է՝ ճնշումների արդյունքում չէ, որ հետ է կանգնել իր նախորդ հայտարարությունից, որում նշել էր, թե դադարեցնում է համագործակցությունը ՔՊ-ի հետ։

Դեկտեմբերի 10-11-ը Հայաստան են այցելել ՆԱՏՕ-ի պաշտպանական քոլեջի 145-րդ ավագ դասընթացի ուսանողները` կրթօջախի պետ, գեներալ-լեյտենանտ Մաքս Արթուր Նիլսենի գլխավորությամբ։ Այս մասին հայտնում են ՀՀ ՊՆ-ից: