Լրահոս

Հայլուր 20։30 Խայտառակ վիճակ՝ Հայաստանում. ձյունը կաթվածահար է արել երթևեկությունը ամբողջ երկրում

Վարչապետի աշխատակազմի ղեկավար Արայիկ Հարությունյանը կառավարության շենքի իր աշխատասենյակի պատուհանից երևացող տեսարանից ոգեշնչված՝ գրառում է ու նկարահանում է արել․ «Մեր գլխին թափվող մեգաաղմուկի մեջ չենք նկատում, թե ինչպես է փոխվում եղանակը, ինչ սքանչելի տեսարաններ է հրամցնում մեզ: Բայց այդ աղմուկի նպատակներից մեկն էլ հենց բոլորիս անհաղորդ պահելն է այս գեղեցիկ պատկերներից»:

Ազգային ժողովի «Հայաստան» խմբակցության պատգամավոր Արմեն Գևորգյանը կգործուղվի Փարիզ՝ մասնակցելու Եվրոպայի խորհրդի խորհրդարանական վեհաժողովի (ԵԽԽՎ) սոցիալական, առողջապահության եւ կայուն զարգացման հարցերի հանձնաժողովի հերթական նիստին, ինչպես նաեւ «Սոցիալական խարտիայի արդի մարտահրավերները» թեմայով քննարկման աշխատանքներին: Այս մասին տեղեկանում ենք ԱԺ նախագահի կարգադրությունից: Արմեն Գևորգյանը Ֆրանսիա կգործուղվի մարտի 5-8-ը:

1988-ի այս օրը ԼՂԻՄ ժողովրդական պատգամավորների 20-րդ գումարման խորհուրդն արտահերթ նստաշրջանում որոշում ընդունեց՝ Ադրբեջանական ԽՍՀ-ից անջատվելու և Խորհրդային Հայաստանի հետ միավորվելու մասին: Պատմական այդ որոշումը դարձավ ազգային վերածննդի սկիզբը, դրան հաջորդած օրերին՝ Երևանի հրապարակներում մի պահանջ կար միայն՝ «Միացում»:

Մարդու իրավունքների պաշտպան Անահիտ Մանասյանը փետրվարի 20-ին ընդունել է ՀՀ-ում Իրաքի Հանրապետության դեսպանության գործերի ժամանակավոր հավատարմատար Ալի Աբդուլքարեմ Ութավիին, հայտնում են պաշտպանի գրասենյակից: Զրուցակիցները քննարկել են համատեղ հետաքրքրություն ներկայացնող մի շարք հարցեր: Իր հերթին, Ալի Աբդուլքարեմ Ութավին շնորհակալություն է հայտնել Պաշտպանին ընդունելության և արդյունավետ քննարկման համար։

Գյումրու քաղաքապետի թեկնածու Մարտին Գրիգորյանը գրել է․ «Վախ բռնելու մինի օպերացիաների մեկնարկը Գյումրիում տրված է: Միսիան կատարված է, գովազդն ապահովված է, Շոուների ընտրված ձևաչափն էլ՝ դատապարտված է»: Թեև Մարտուն Գրիգորյանն անուն չի նշել, սակայն կարելի է ենթադրել, որ խոսքը՝ Վարդան Ղուկասյանի և իր թինապահի ձերբակալման մասին է։ Հիշեցնենք` Մարտուն Գրիգորյանը ևս մասնակցելու է մարտի 30-ին Գյումրիում կայանալիք ավագանու արտահերթ ընտրություններին ՝ ընդգծելով, որ չի ներկայացնելու «Պատիվ ունեմ» խմբակցությունը։

Խոսվում է նաև, որ պատճառը ավտոբուսների ոչ ձմեռային անվադողներն են: Auroranews-ը կապ հաստատեց «Երևան ավտոբուս» ՓԲԸ-ի անվտանգ երթևեկության բաժնի պետ տնօրեն Վարդգես Պապյանի հետ: Վերջինս նշեց, որ ավտոբուսները դադարեցնում են երթևեկությունը բացառապես քաղաքի նեղ փողոցներում, քանզի տեղացող առատ ձյան և ծանրաբեռնված երթևեկության պայմաններում ավտոբուսների ընթացքն վտանգավոր` նույնսիկ անհնարին է դառնում: 

Վերջին մեկ ամսում Միացյալ Նահանգներում վեցերորդ ավիաաղետն է եղել: Երկու մարդ է զոհվել չորեքշաբթի Արիզոնայում տեղի ունեցած ավիավթարի հետևանքով: Ամենամահաբեր ավիաաղետը ուղղաթիռի և ինքնաթիռի բախումն էր Պատոմակ գետի վրա: Հունվարի 29-ին 69 մարդ է զոհվել: Ի՞նչ է կատարվում ամերիկյան երկնքում։

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Փակ են Արագածոտնի մարզում «Ամբերդ» բարձրլեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարդենյաց լեռնանցքը (ձյուն, մառախուղ, բուք) փակ է բեռնատարների համար, դժվարանցանելի՝ մյուս տրանսպորտային միջոցների համար։ Ջերմուկ քաղաքի խաչմերուկից Կապան քաղաք, Սյունիք գյուղից Տաթև տանող ավտոճանապարհները և Դիլիջանի ոլորանները փակ են կցորդիչով բեռնատարների համար, իսկ Արտաշավան-Ծիլքար ավտոճանապարհը՝ բեռնատարների համար։ Սպիտակի ոլորանները, Վանաձոր-Ալավերդի, Վանաձոր-Դիլիջան և Վանաձոր-Ստեփանավան ավտոճանապարհները փակ են բեռնատարների և կցորդիչով բեռնատարների համար։ Լոռու մարզի բոլոր ավտոճանապարհները դժվարանցանելի են։ Սարավան-«Զանգեր» կոչվող հատվածում, Գեղարքունիքի (բացի Վարդենիս և Մարտունի քաղաքներից), Կոտայքի, Սյունիքի, Արարատի, Արմավիրի, Արագածոտնի, Տավուշի, Լոռու, Շիրակի մարզերում և Ջերմուկ քաղաքում տեղում է ձյուն։ Տավուշի մարզի, Ալագյազի տարածաշրջանի ավտոճանապարհներին և Տիգրանաշենի ոլորաններին (բուք) տեղ-տեղ առկա է մերկասառույց։ Արագածի, Թալինի տարածաշրջաններում, Երևան-Սևան 25-40 կմ-ին, Հոռոմ-Արթիկ-Մեծ Մանթաշ, Չարենցավան-Ֆանտան և Չարենցավան-Արզական ավտոճանապարհներին բուք է։ Վարորդներին խորհուրդ է տրվում երթևեկել բացառապես ձմեռային անվադողերով։

Գնդապետ Միհրան Մախսուդյանը ֆեյսբուքյան իր էջում գրում է. «Մենք մինչև նոյեմբերի 9-ը, պատերազմի 44 օրերի ընթացքում, ավելի քիչ բան ենք կորցրել, քան նոյեմբերի 9-ից հետո, երբ ստորագրվել է կապիտուլյացիոն պայմանագիրը: 44-օրյա պատերազմում դաժան էր ամեն ինչ, թանկագին զոհեր տվեցինք, տարածքներ կորցրեցինք, բայց կռվում էինք, մտածելով, որ ամեն ինչ հետ կբերենք, այնինչ վաղուց արդեն կանխորոշված էր մեր ճակատագիրը։ Երբ պայքարի ոգին կորչում է, համաձայնվում ես ամեն ինչի հետ։ Թշնամին ուզում է մենք բանակ չունենանք, մենք կործանում ենք բանակը, քանդում ենք, վարկաբեկում ենք, կադրային ջարդ ենք կազմակերպում, նշանակում ենք ոչ բանիմաց կադրեր։ Այստեղից հետևություն, որ սրանց համար ոչինչ կարևոր չէ, կարևորը տարծքներ զիջելն ու գեներալի ուսադիրներ ստանալն է։ Ադրբեջանն ու Թուրքիան նոր պայմաններ են առաջ քաշում՝ սահմանադրության փոփոխություն, միջանցք, հրաժարում ցեղասպանության միջազգային ճանաչումից, Ադրբեջանի և Թուրքիայի տարածքային ամբողջականության ճանաչում… Ախորժակը ուտելիս է բացվում, իսկ մերոնք անում են այն ամենը, ինչ պահանջվում է իրենցից, միայն թե մնան աթոռներին կառչած։ Սիրելի՛ հայ ժողովուրդ, ես պայքարս շարունակելու եմ, որովհետև վտանգված է մեր պետականությունն ու անկախությունը։ Ուստի կոչ եմ անում բոլոր այն ընկերներին, ովքեր պատրաստ են դուրս գալ փողոց և շարունակել պայքարն ինձ հետ, խնդրում եմ տարածե՛ք։ Եթե ո՛չ, դուք գիտեք՝ ինչ անել, որովհետև ավելի լավ է ունենալ հարյուր մաքուր ընկեր, քան երկու հազար ուղղակի ընկեր։ Ես միայն չեմ կարողանում հասկանալ այն անտարբեր մարդկանց, որոնք ուղղակի ոչինչ չեն նկատում կամ չեն ուզում նկատել։ Էլ ինչ պետք է արվի ազգակործան իշխանության կողմից, որպեսզի ուշքի գաք, հա’յ ժողովուրդ…»։

Երևանի նախկին քաղաքապետ Հայկ Մարությանը տեսանյութ է հրապարակել՝ կից գրելով․ «Ավտոբուսերը կանգնած են, փողոցների չմաքրված լինելու և ձմեռային անվադող չունենալու պատճառով։ Բոյկոտը շարունակվում է»։

Հանրապետության Մ-1 ավտոճանապարհի Մաստարա-Լանջիկ հատվածում մեկ տասնյակից ավելի մեքենաներ են բախվել։ Ըստ նախնական տվյալների կա 4 տուժած, և դեպի Երևան ճանապարհը երկկողմանի փակվել է: Այս մասին տեղեկացնում է ՆԳՆ խոսնակ Նարեկ Սարգսյանը: «Նշված հատվածում ծառայություն են իրականացնում ՆԳՆ Փրկարար ծառայության և Ոստիկանության աշխատակիցներ։ Ձեռնարկվում են միջոցառումներ ճանապարհահատվածը բացելու ուղղությամբ։ ՆԳՆ Ոստիկանությունն ու Փրկարար ծառայությունը շարունակում են ուժեղացված ծառայություն իրականացնել ճանապարհներին։ Հարգելի´վարորդներ, կրկին հորդորում ենք երթևեկել բացառապես ձմեռային անվադողերով, լինել զգոն, խստագույնս պահպանել ճանապարհային երթևեկության կանոնները»,- գրել է նա:

Մարմինս կոտրեք, հոգիս չեք կարող․ ձերբակալել ու ազատ են արձակել Գյումրիի նախկին քաղաքապետ Ղուկասյանին

ՀՖՖ-ն տեղեկացնում է, որ Հակոբ Տոնոյանի անվան Սուպերգավաթի հանդիպումը չի կայանա: «Հայաստանի ֆուտբոլի ֆեդերացիայի, «Հանրապետական» մարզադաշտի և Ֆուտբոլի ակադեմիայի աշխատակիցները գործադրեցին բոլոր ջանքերը՝ խաղադաշտը պատշաճ տեսքի բերելու համար, սակայն առատ ձյան և եղանակային անբարենպաստ պայմանների պատճառով հանդիպման կայացումը դարձավ անհնար»,- ասված է հաղորդագրությունում: Հանդիպման կայացման նոր ժամկետի մասին ֆեդերացիան լրացուցիչ կտեղեկացնի:

Հայլուր 18։30 Ճնշումներ՝ ընտրությունից առաջ. Վարդան Ղուկասյանին 2 ժամով ձերբակալել են

Ապօրինի զենք-զինամթերք կրելու և պահելու համար ձերբակալված Գյումրիի նախկին քաղաքապետ Վարդան Ղուկասյանը ազատ է արձակվել: Տեղեկությունը «Լուրերի» հետ զրույցում հայտնել են Ներքին գործերի նախարարությունից: Ղուկասյանի հետ ձերբակալված անձը նույնպես ազատ է արձակվել: Վարդան Ղուկասյանը ձերբակալվել էր ժամեր առաջ և տեղափոխվել քրեական ոստիկանության Շիրակի մարզային վարչություն:

Արցախը՝ Հայաստանին վերամիավորելու պատմական իղձը կջնջվի Անկախության հռչակագրից, երբ փոխվի Հայաստանի Սահմանադրությունը: Փաշինյանի հայտարարությունը՝ նոր Սահմանադրություն ունենալու անհրաժեշտության մասին Ադրբեջանի ու նաև Թուրքիայի պահանջների կատարում են համարում ընդդիմադիր պատգամավորները:

ՀՀ սննդամթերքի անվտանգության տեսչական մարմնի Տավուշի մարզային կենտրոնի տեսուչները վերահսկողական միջոցառումներ են իրականացրել «Վառդո Գրուպ» ՍՊԸ-ին (Տավուշի մարզ, Հաղարծին վանական համալիրի տարածք) պատկանող հանրային սննդի կետում, որտեղ պարզել են, որ այն գործում է սանիտարահիգիենիկ նորմերի խախտումներով։ Մասնավորապես՝ – սննդամթերքի հումքը, բաղադրիչները, կիսապատրաստվածքը և վերջնական արտադրանքը չեն պահվել ախտածին մանրէների բազմացում կամ թունավոր նյութերի առաջացումը բացառող ջերմաստիճանում, – ձեռքերի և հումքի լվացման լվացարանները չեն եղել առանձին ու իրարից պատշաճ հեռավորությամբ, – սահմանված չի եղել և չի իրականացվել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականությունը, – սննդամթերքի հետ անմիջական շփում ունեցող աշխատակիցները չեն ենթարկվել պարբերական բժշկական զննությունների, – սննդի կառույցն ապպահոված չի եղել անձնակազմի համար հանդերձարանով: Տեսչական մարմնի ղեկավարի որոշմամբ՝ հանրային սննդի կետի արտադրական գործունեությունը կասեցվել է, սահմանվել է խախտումներն ու անհամապատասխանությունները վերացնելու ժամկետ:

Փետրվարի 19-ին Համայնքային ոստիկանության Իջևանի բաժնի ծառայողները Գետահովիտ բնակավայրում շրջագայության ժամանակ, իրացնելով օպերատիվ տեղեկությունները, 30-ամյա երիտասարդի տան հարակից ավտոտնակի մոտ հայտնաբերել են բոխենի, հաճարենի և կաղնի տեսակի՝ ընդհանուր 14 խմ փայտանյութ, հայտնում են ՀՀ ՆԳՆ ոստիկանությունից: Գետահովիտցի երիտասարդը փայտանյութի վերաբերյալ փաստաթուղթ չի ներկայացրել։ Կազմված փաստաթղթերը ներկայացվել են Տավուշի մարզային քննչական վարչություն:

«Սրտի հետ խնդիր ուներ, տաք ջրից վատացել է և տեղում մահացել։ Դին հայտնաբերել է ամուսինը։ Խելոք, աշխատող, շատ լավ ընտանիք էին»,- Oragir.News-ի հետ զրույցում պատմեց Աղձք գյուղի վարչական ղեկավար Արթուր Ավետիսյանը։ Վարչական ղեկավարը նաև պատմեց, որ մահացածն ապրում էր ամուսնու և որդու հետ։ Հիշեցնենք, որ փետրվարի 16-ին ողբերգական դեպք էր տեղի ունեցել Արագածոտնի մարզում: Ժամը 23:20-ի սահմաններում ՀՀ Ներքին գործերի նախարարության ոստիկանության համայնքային ոստիկանության Աշտարակի բաժնում օպերատիվ տեղեկություններ էին ստացվել, որ «Աշտարակ» բժշկական կենտրոն է տեղափոխվել երիտասարդ աղջկա դի: Տեղում պարզվել է, որ մահացածը Արագածոտնի մարզի գյուղերից մեկի բնակիչ 22-ամյա Արմինե Ո.-ն է, ում տանը՝ լոգարանում, հայտնաբերել էին հարազատները՝ մահացած վիճակում: