Լրահոս

Արցախյան 44-օրյա պատերազմում զոհված Գևորգ Վիրաբյանի քույրը՝ Տաթևիկ Վիրաբյանն արձագաքնել է ՀՀ վարչապետի տիկին Աննա Հակոբյանի գրառմանը, ով Վիրաբյանին «ոջիլ» էր անվանել։ «Աննա Հակոբյան, ես հիմա գրում եմ մի տեքստ, որը արտահայտում է մեր իրական տարբերությունները՝ իմը և ձերը։ Չգիտեմ՝ ձեր թիմում ինչ գարնանային սրացումներ են սկսվել, բայց ձեր իսկ տիրույթում ինձ կրկին թիրախավորելով՝ ոչ մի կերպ չեք կարող մաքրվել հասարակության մեջ ձևավորված տպավորությունից։ Ոչ մի սքրին, ոչ մի ինսինուացիա չի ջնջի այն իրականությունը, որն այսօր ձեզ է ուղեկցում։ Աննա, իմ և քո տարբերությունն այն է, որ ես իմ ողջ կյանքում քայլել եմ հայրենիքին ծառայելու ճանապարհով։ Ես մեծացել եմ մի ընտանիքում, որտեղ ինձ դաստիարակել է պատերազմ տեսած, պետական մտածողությամբ մարդ։ Դիրքերում եմ եղել, պատերազմի ամենաթեժ օրերին՝ կյանքս վտանգելով, փրկել եմ երեխաներ հրթիռակոծությունից։ Իմ երկու եղբայրը մարտական հերթապահության են եղել։Մի եղբայր զոհվել հերոսաբար ՀՀ Իսկ ձեր ընտանիքի անդամների ժամանակն անցել է առավել խաղաղ ու «մրցակցությունից դուրս» վայրերում։ Աննա, ինձ համար զոհված տղաները կյանք են տվել ոչ թե մի անհասկանալի գաղափարի, այլ՝ հանուն հողի, ժողովրդի ու արժանապատվության։ Իմ եղբայրը ձեր իշխանության օրոք սկսված պատերազմի զոհ դարձավ՝ մինչ դուք ընդունեցիք հողերի հանձնման քաղաքականությունը։ Ես հասկանում եմ՝ դուք կարող եք թույլ տալ ձեզ վիրավորել ինձ, որովհետեւ իշխանություն ունեք։ Բայց դա չի երկար տևելու։ Այս երկիրը ձեր ձեռքերով թուլացել է, դատարկվել է, արյունաքամ է արվել։ Իսկ ավարտեմ՝ հիշեցմամբ. թիրախավորեցիք, քրեական գործեր հարուցեցիք, փորձեցիք լռեցնել ինձ հրապարակումներում։ Իսկ հիմա՝ հրապարակային գրառումներով շարունակում եք նույնը։ Թող հաջորդ գրառումը լինի ամուսնուցդ, որ ամեն ինչ ավելի «պաշտոնապես» հնչի։ Բայց անկախ ամեն ինչից, ես միշտ մնալու եմ Արցախցի Տաթևը։ Իսկ դու պատմության մեջ մնալու ես որպես կինը՝ որը խորհրդանշեց Արցախի կորուստը։ Նշենք, որ Աննա Հակոբյանը գրել էր. «Ոջիլ։ Արդեն 5 տարի է 44-օրյա պատերազմի եւ մեր մասին նման կերպ արտահայտվողներին ես մեկ բառով եմ պատասխանում՝ ոջիլ։ Նախկինում միայն ընտանեկան միջավայրում էր, այսուհետ կլինի հրապարակայնորեն»։

Ռազմավարական հետազոտությունների հայկական կենտրոնի ղեկավար Ալվինա Աղաբաբյանը ֆեյսբուքյան իր էջում գրել է. «Այսօր Բերձորի ազատագրման 33-ամյակն է։ Էն Բերձորի, որ դեռ օկուպացված է թշնամու կողմից։ Մեծ հաշվով ինչու՞ եղավ էն ամենը, ինչ եղավ։ Որովհետև 1992-1994 թթ. Արցախի ազատագրմամբ փաստացի սկսված հայոց հողահավաքը ազգային գաղափար-նպատակի չվերածեցինք․․․ Նոր “մայիսի 18” մենք իհարկե կարող ենք ունենալ, միայն թե դրա ազգային գաղափարն է պետք, ազգային նպատակադրումը` այն Բ կետը, որը սահմանելուց հետո մեր ներկայիս Ա կետից դեպի Բ կետը տանող ճանապարհը վստահաբար գտնվելու է։ Բերձորի սբ․ Համբարձման եկեղեցին է, որն ադրբեջանցիք հիմնահատակ ոչնչացրել են»։

Մայիսի 18-ին ՀՀ ԱԽ քարտուղար Արմեն Գրիգորյանը Թեհրանում հարց ու պատասխանի ձևաչափով մասնակցել է «Թեհրանի երկխոսություն ֆորում 2025»-ին: Այս մասին տեղեկացնում է Անվտանգության խորհրդի ֆեյսբուքյան էջը: Հարց ու պատասխանի ընթացքում ԱԽ քարտուղարը խոսել է ՀՀ արտաքին և անվտանգային քաղաքականության բազմազանեցման մասին և ընդգծել, որ ՀՀ-ն զարգացնում է իր հարաբերությունները բոլոր պետությունների հետ՝ չբացառելով որևէ մի երկիր: Քարտուղար Գրիգորյանը նաև խոսել է ՀՀ-ԻԻՀ զարգացող հարաբերությունների և առկա հնարավորությունների մասին: Ա.Գրիգորյանն անդրադարձել է Հայաստանի և Ադրբեջանի միջև հարաբերությունների կարգավորման գործընթացի վերջին զարգացումներին և ընդգծել պայմանագրի ստորագրման կարևորությունը տարածաշրջանում խաղաղություն և կայունություն հաստատելու տեսանկյունից:

Իրանի Իսլամական Հանրապետություն կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպել է ԻԻՀ նախագահ Մասուդ Փեզեշքիանի հետ: Այդ մասին հայտնում են ՀՀ ԱԽ-ից։ Հանդիպման ընթացքում զրուցակիցները գոհունակությամբ ընդգծել են Հայաստան-Իրան հարաբերությունների զարգացման դինամիկ ընթացքը ու կարևորել ակտիվացած երկկողմ փոխայցելությունները: ԻԻՀ նախագահ Մասուդ Փեզեշքիանը իր ջերմ ողջյուններն է փոխանցել ՀՀ վարչապետ Նիկոլ Փաշինյանին:

Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։

Այսօր՝ մայիսի 18-ին, ողբերգական դեպք է տեղի ունեցել Երևանում։ Ժամը 12:00-ի սահմաններում ՀՀ Ներքին գործերի նախարարության Ոստիկանության Նուբարաշենի բաժին ահազանգ է ստացվել Երևանի 103 շտապօգնությունից, որտեղից հայտնել են որ շտապբուժօգնության կայանի թիվ 43 խումբը կանչով մեկնել է Նուբարաշեն 6-րդ փողոց, որտեղ հայտնաբերել են տղամարդու դի։ Ինչպես հայտնում է ֆոտոլրագրող Գագիկ Շամշյանը, դեպքի վայր է ժամանել տարածքը սպասարկող համայնքային ոստիկանը։ Ոստիկաններն ու քննիչները պարզել են, որ մահացածը Երևանի բնակիչ 76-ամյա Ստեփան Խ.-ն է։ Դատաբժշկի նախնական եզրակացության համաձայն արտաքին զննությամբ դիակի վրա բռնության հետքեր չեն հայտնաբերվել։ Դեպքի փաստով Էրեբունու քննչական բաժնում սպանություն (հանկարծամահություն) հատկանիշներով նախաձեռնվել է քրեական վարույթ։

Թալանի և թալանչու շիլաշփոթ. Փաշինյանի «վերջին փամփուշտը» կամ մի տապալված օպերացիա

Այսօր՝ մայիսի 18-ին, արտակարգ դեպք է տեղի ունեցել Տավուշի մարզում։ Ժամը 10:45-ի սահմաններում Այգեձոր բնակավայրի գերեզմաններում, դեռևս անհայտ հանգամանքներում, պայթյուն է տեղի ունեցել կայանված «Mitsubishi Pajero» մակնիշի ավտոմեքենայում։ Ինչպես հայտնում է Shamsyan.com-ը, օպերատիվորեն դեպքի վայր են ժամանել ՀՀ Ներքին գործերի նախարարության Փրկարար ծառայության Չինարիի հրշեջ-փրկարարական խմբից և Տավուշի հրշեջ-փրկարարական ջոկատից մեկական մարտական հաշվարկ։ Ըստ նախնական տեղեկությունների, բարեբախտաբար տուժածներ չկան։ Պարզվել է, որ պայթել է ավտոմեքենայի գազաբալոնը, ինչից հրդեհ է բռնկվել և ավտոմեքենան վերածվել է մոխրակույտի։ Պայթյունի հետևանքով վնասվել են նաև մոտակայքում գտնվող 4 գերեզմանաքարեր։

Թեհրանում ՀՀ ԱԽ քարտուղար Արմեն Գրիգորյանը հանդիպել է ԻԻՀ գերագույն առաջնորդի խորհրդական, Արտաքին հարաբերությունների ռազմավարական խորհրդի ղեկավար Քամալ Խարազիի հետ: Այդ մասին հայտնում են ԱԽ-ից։ Հանդիպմանն Արմեն Գրիգորյանը և Քամալ Խարազին անդրադարձել են տարածաշրջանի հաղորդակցման ուղիների ապաշրջափակմանը և ընդգծել ՀՀ կառավարության կողմից առաջ քաշված «Խաղաղության խաչմերուկ» նախագծի կարևորությունը: Վերոնշյալի համատեքստում ԱԽ քարտուղարը և ԳԱ խորհրդականը շեշտել են, որ առկա է երկուստեք կամք, պատրաստակամություն և հնարավորություններ զարգացնելու Հայաստան-Իրան հարաբերությունները:

Միջոցառման պատվավոր հյուրերն էին Իտալիայի նախագահ Սերջիո Մատարելլան, Պերուի նախագահ Դինա Բուլուարտեն և ԱՄՆ փոխնախագահ Ջեյմս Դեյվիդ Վենսը:

ԱԺ նախագահ Ալեն Սիմոնյանի հրավերով Երևան է ժամանել Կիպրոսի Հանրապետության Ներկայացուցիչների պալատի նախագահ Անիտա Դիմիտրիուի գլխավորած պատվիրակությունը: Այցի շրջանակում նախատեսվում են տարբեր հանդիպումներ ՀՀ բարձրաստիճան պաշտոնյաների հետ:

Այսօր՝ մայիսի 18-ին, ավտովթար-հրդեհ է տեղի ունեցել Երևանում։ Ժամը 11:50-ի սահմանում Kia մակնիշի ավտոմեքենան դեռևս անհայտ հանգամանքներում Թևոսյան փողոցում դուրս է եկել երթևեկելի գոտուց, բախվել թիվ 9 հասցեի հարևանությամբ գտնվող բազալտե եզրաքարերին և հայտնվել հետիոտնի համար նախատեսված վայրում։ Ինչպես հայտնում է shamshyan.com-ը, վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։ Վիրավորներին առաջինն օգնության են հասել քաղաքացիները: Դեպքի վայր են ժամանել փրկարարները, պարեկները, քննիչները: Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են վարորդի և վիրավորների ինքնությունը։ Բախման հետևանքով էլ ավտոմեքենայում հրդեհ է բռնկվել, ինչը մարվել է քաղաքացիների ուժերով։

«Ուրեմն` դեռևս նախկին ԱԳ նախարար Ահմեդ Դավութօղլուն տվել էր Թուրքիայի ռազմավարական խորության գաղափարը, որով մերձավոր տարածաշրջանային գոտին ներառում էր Հարավային Կովկասը, Բալկանները, Մերձավոր Արևելքը, և Միջերկրածովյան — Էգեյան գոտին։ Բալկանյան տարածաշրջանում Թուրքիայի գլոբալ ռազմավարության իրագործման բանալին Կոսովոն էր, Հարավային Կովկասում` Լեռնային Ղարաբաղը, Մերձավոր Արևելքում` Սիրիան, Միջերկրածովյան — Էգեյան գոտում` Կիպրոսը։ ԵՒ ուրեմն` Սիրիայի, Կոսովոյի և Լեռնային Ղարաբաղի հարցերը լուծելուց հետո մնում է Կիպրոսի հարցը, որից հետո Թուրքիան այլևս դուրս կգա դեպի Բալկաններ և Կենտրոնական Ասիա։

Ընտրություններին մասնակցում է 13 թեկնածու:

44-օրյա պատերազմում զոհված Ալբերտ Հովհաննիսյանի հայրը՝ Արտակ Հովհաննիսյանը, գրել է․ «Պիղծ արարք է կատարվել եռաբլուրում`գողություն Եռաբլուր սրբավայրից: Կիրթ ու խելացի սերունդ դրեցինք հողը, որ անդաստիարակ, անկիրթ ու տգետ սերունդը ապրի,աճի ու բազմանա, Հայրեանասիրությունը պիտի լինի երակներում այլ ոչ լեզվի վրա: Հ.Գ. Դե արի ու մի ասա թուրքի ծնունդ ,ախր դրանց նման վիժվածքները ապրելու իրավունք չունեն ,դրանց պետքա հրապարակայնորեն պատժեն, որ մյուսների համար դաս լինի ,իրավապահներ սպասում ենք կոշտ քայլերի և պատժի եթե չիրականացնեք իմացեք հաջորդիվ մենք ծնողներս ենք իրականացնելու և չհամարձակվեք մեղադրել որևիցե ծնողի ում զավակը կռվել է բոլորիս համար մեր գոյության ,հայրենիքի,արժեքների …»:

Ադրբեջանը օկուպացված Արցախի տարածքներում Իրանի հետ համատեղ զորավարժություններ է անցկացնում։ Իրանի Իսլամական Հանրապետության՝ զորավարժություններում ներգրավված անձնակազմի ղեկավարը և այլ մասնակիցներ ժամանել են Ադրբեջան, հայտնում են Ադրբեջանի պաշտպանության նախարարությունից։ հանդիպում է կայացել զորավարժություններին մասնակցող անձնակազմերի ղեկավարների և երկու երկրների բարձրաստիճան այլ ներկայացուցիչների միջև։ Զորավարժությունները կտևեն մինչև մայիսի 21-ը։

Երեկ՝ մայիսի 17-ին, ավտովթար է տեղի ունեցել Արարատի մարզում։ Ժամը 21:10-ի սահմաններում 26-ամյա Ռուդոլֆ Խ․-ն իր վարած «Tesla» մակնիշի ավտոմեքենայով Նոր Խարբերդ գյուղի գերեզմանատան մոտակայքում դուրս է եկել ճանապարհի երթևեկելի հատվածից և գլխիվայր հայտնվել ջրատարում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի քաղաքացիների օգնությամբ դուրս են բերվել ավտոմեքենայից և տեղափոխվել «Էրեբունի» բժշկական կենտրոն։ Վթարի փաստով Մասիսի քննչական բաժնում նախաձեռնվել է քրեական վարույթ, որտեղ էլ պարզվում են վիրավորների ինքնությունը։ Փրկարարները, պարեկների ու քաղաքացիների հետ, հատուկ տեխնիկայի միջոցով «Tesla»-ն դուրս են բերել ջրատարից: Ֆոտոլրագրողի տեղեկություններով, վարորդը օտարերկրյա քաղաքացի է, ով ենթարկվել է սթափության փորձաքննության, եղել է ոչ սթափ (խմած) վիճակում։

Հանրապետության նախագահ Վահագն Խաչատուրյանն մայիսի 18-ին Սուրբ Աթոռում (Վատիկան) մասնակցում է Հռոմի Սրբազան քահանայապետ Լևոն 14-րդ Պապի գահակալության հանդիսավոր արարողությանը: Սուրբ Պետրոսի հրապարակում նորընտիր Պապը կանցկացնի պատարագ՝ նվիրված իր պապականության (գահակալության) մեկնարկին։

ԱՄՆ փոխնախագահ Ջեյ Դի Վանսը մայիսի 20-ին կարող է այցելել Իսրայել, Սպիտակ տունը ներկայումս զբաղվում է հրեական պետության ղեկավարության հետ Վենսի հանդիպումների համակարգմամբ, կիրակի հայտնել է իսրայելական հեռուստատեսության 12-րդ ալիքը, փոխանցում է «ՌԻԱ Նովոստի»-ն։ Կիրակի Վենսը ՝ ամերիկյան պատվիրակության գլխավորությամբ, Վատիկանում ներկա կգտնվի Հռոմի Պապ Լևոն XIV-ի գահակալության կապակցությամբ մատուցված պատարագին։ Հեռուստաալիքը նշում է, որ Վենսի հնարավոր այցը շատ կարեւոր կլինի, քանի որ ցույց կտա, որ Իսրայելի եւ ԱՄՆ-ի հարաբերությունները նախկինի պես կայուն են եւ ամուր: ԱՄՆ փոխնախագահի այցը տեղի կունենա նախագահ Դոնալդ Թրամփի ՝ Մերձավոր Արևելք կատարած այցի ավարտից հետո, որտեղ խոշոր համաձայնագրեր են ստորագրվել Սաուդյան Արաբիայի, Կատարի և ԱՄԷ-ի հետ: Իսրայելական Kan պետական հեռուստառադիոընկերությունը հայտնում է, որ ԱՄՆ փոխնախագահի գրասենյակը բանակցություններ է վարում Իսրայելի պաշտոնատար անձանց հետ այցի համակարգման վերաբերյալ, սակայն այդ հարցը դեռ վերջնականապես լուծված չէ:

Մայիսի 29-ին բացառիկ երեկո` Պատրիկ Ֆիորիի և «The voice»-ի հաղթող Լևոն Ղոզյանի մասնակցությամբ