Լրահոս

Հաշվետու տարվա եկամուտները կազմել են 33 մլն 532 հազար դրամ, որից 15 մլն 964 հազար դրամը աշխատանքի վարձատրություն է ՀՀ վարչապետի աշխատակազմից։ Եկամուտներից 128 հազար դրամը աշխատանքի վարձատրություն է Պետական կառավարման ակադեմիայից, 4 մլն 680 հազար դրամը վարձակալության դիմաց ստացած վարձավճար է, իսկ 2 մլն 279 հազար դրամն այլ եկամուտ է ՀՀ ֆինանսների նախարարությունից։

Ըստ մեր տեղեկությունների՝ Փաշինյանն իր թիմին ասել է, որ պետք է դա անել չափված-ձեււած պլանով, որը չի ունենալու «պրավալներ», ու Վեհարան հասնելու դեպքում՝ իրենք կապահովեն 100 տոկոսանոց արդյունք: Իշխանություններն էլ վստահ են, որ Կաթողիկոսի հեռացման հարցում Փաշինյանի պլանը ուշ թե շուտ կատարվելու է, պարզապես պետք է զինվել համբերությամբ: Վարչապետն իր թիմին կոնկրետ ժամկետ չի նշել Վեհարան գնալու վերաբերյալ, բայց հայտարարել է, թե «ինչքան Կաթողիկոսը ձգի իր հեռանալը, այդքան՝ մեզ օգուտ»:

Մասնավորապես, ԱԺ պատգամավոր Հովիկ Աղազարյանի դեմ ցուցմունք տված անձը՝ Աշոտ Կամավոսյանը, պատմել է իրավապահներին, որ 300 հազար ԱՄՆ դոլար կաշառքը չեն կարողացել տալ Աղազարյանին ու վերջում պայմանավորվել են 100 հազար դոլար տալ նրան։ Գնացել, հանդիպել են պատգամավորին ՀՀ Ազգային ժողովին հարակից զբոսայգում, եւ հենց այնտեղ Աղազարյանին 20 հազար դոլար է առաջարկվել, սակայն պատգամավորը զայրացել է ու ասել, թե «պայմանավորվել էինք 100 հազար ԱՄՆ դոլար, ինչո՞ւ եք քիչ բերել, չեմ վերցնում»:

«Օպերայի շենքի նոր լուսավորությունը», Երևանի քաղաքապետ Տիգրան Ավինյանը տեսանյութ է հրապարակել։

ՀՀ իշխանությունը Եկատերինբուրգից հետ է կանչում Հայաստանի պատվավոր հյուպատոս Նարեկ Սպարտակյանին, հայտնում է ռուսական Ura.news-ը։

Մինչ Գյումրիում երկու օր է՝ ակտիվորեն շրջանառվում է Գյումրու ավագանու «Քաղաքացիական պայմանագիր» խմբակցության ղեկավար Սարիկ Մինասյանին ՀԷՑ-ի Շիրակի մարզի «Ղարս» մասնաճյուղի՝ աշխատանքից հեռացված Գագիկ Ֆարզադյանի փոխարեն տնօրեն նշանակելու մասին, Aravot.am-ի աղբյուրները փոխանցում են, որ Սարիկ Մինասյանը շուտով կնշանակվի ՀՀ աշխատանքի և սոցիալական հարցերի նախարար։

Ֆրանսիայի Ազգային ժողովը բանաձևի առաջարկ է ներկայացրել, որը նպատակ ունի աջակցել Հայաստանին Ադրբեջանի հետ խաղաղության ջանքերին՝ ստորագրելով ռազմավարական գործընկերության համաձայնագիր և կոչ անելով ազատ արձակել Ադրբեջանում պահվող արցախցի քաղբանտարկյալներին։

Ռուսական օդուժի դրոնային գրոհը կենդանի շունչ չի թողել Դնեպրի ափերին տեղակայված ուկրաինական դիրքերում: Դոնեցկում մի քանի գյուղ ռուսների ձեռքն է անցել: Գիշերը հարվածներ են հասցվել նաև Կիևին: Ըստ Զելենսկիի՝ ռուսական 100 անօդաչու է եղել մայրաքաղաքի երկնքում: Պատերազմի թեժ պահին Կրեմլից չեն բացառում, որ Չինաստանում կհանդիպեն Պուտինն ու Թրամփը:

Հուլիսի 28-ին, ժամը 15։20-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 2-րդ հանրային լողափում 4 քաղաքացի հեծանվանավակով հեռացել են ափից և չեն կարողանում վերադառնալ ափ։

Հուլիսի 21-ից 28-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5876 խախտում՝ պահպանվող հատուկ տարածք տեղափոխելով 201 ավտոմեքենա։ Մասնավորապես, հայտնաբերվել է ոչ սթափ 224 վարորդ, առանց վարորդական իրավունքի վկայականի՝ 374 անձ։ Հայտնաբերվել է հաշվառման համարանիշի հետ կապված՝ 33, չամրակապված վարելու՝ 1325, առանց մանկական նստատեղի՝ քարսիթի՝ 8, վարելու ընթացքում ծխելու՝ 529, վարելիս հեռախոսից օգտվելու՝ 462, հետիոտնի՝ ոչ սահմանված վայրով անցնելու՝ 48 և 2126 այլ իրավախախտում։ 158 մեքենա շահագործվել է առանց ԱՊՊԱ պայմանագրի, 346-ը՝ տեխնիկական զննություն չանցած, 38-ը՝ լուսարձակների անսարքությամբ, 81-ը՝ թաղանթապատված դիմապակիով և կողային ապակիներով։ Բացի այդ, տարբեր կասկածանքներով ձերբակալվել ու Համայնքային ոստիկանության բաժիններ է տարվել 51 անձ։

Գյումրու կենտրոնում հնչած «Դոլյա Վորովսկայան» սրել է ՔՊ-ականների և քաղաքապետ Վարդան Ղուկասյանի առանց այն էլ լարված հարաբերությունները: Վերջինս պնդում է՝ իր համաձայնությամբ չի եղել տեղի ունեցածը կամ տեխնիկական խոտան է, կամ դիտավորություն իր դեմ։ Ղուկասյանն ահազանգում է՝ իր դեմ քաղաքական հետապնդման ու հաշվեհարդարի մասին: Քաղաքապետը քննադատում է իշխանությանը մարզերին հատկացվող չնչին բյուջեի և անհավասար քաղաքականության համար։

Այսօր Պիքֆայայի Սուրբ Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Հայ Յեղափոխական Դաշնակցութեան (Հ.Յ.Դ.) Բիւրոյի ներկայացուցիչ Արմէն Ռուստամեան եւ Բիւրոյի Միջին Արեւելքի հարցերու պատասխանատու Յակոբ Բագրատունի:

Հաջևի հայտարարությունը իրականությունը խեղաթյուրելու ցինիկ փորձ է, այս մասին հայտարարել է Արցախի ազգային ժողովի նախագահ Աշոտ Դանիելյանը։

Պայծառակերպության տոնի օրը ջրահեղձ եղած 16-ամյա տղան Արցախի Շոշ գյուղից էր, տեղահանումից հետո ապրում էր Ազատավանում: Արցախցի երեխան ջրահեղձ է եղել Ազատի ջրամբարում: Ըստ տեղեկությունների՝ 16-ամյա երեխան ընկերների հետ ձկնորսության է գնացել Ազատի ջրամբար, հետո որոշել է լողալ: Ականատսեների հայտնած տեղեկություններով՝ ընկերները փորձել են օգնել խեղդվող տղային, բայց չեն կարողացել:

ՀՀ աշխատանքի և սոցիալական հարցերի նախարարությունն անդրադարձել է Անհուսալի վարկեր ունեցող անձանց աջակցության ծրագրին:

Համացանցում տեսանյութ է տարածվել, որ «Նիվա»-ի վարորդը Երևան-Երասխ մայրուղում մեքենան վարում է անկանոն՝ վտանգելով երթևեկության այլ մասնակիցների կյանքն ու առողջությունը։

NEWS.am-ը գրում է․ Օրեր առաջ Սյունիքի մարզի Դավիթ Բեկ գյուղում հրազենային վիրավորումից մահացած 18-ամյա զինծառայող Մովսես Պողոսյանը Արարատի մարզի Վեդի քաղաքից էր, ընտանիքի միակ որդին: «Մովսեսը ծառայության էր մեկնել այս տարի հունվարի 20-ին՝ ԱԱԾ սահմանապահ զորքեր: Սկզբում ծառայում էր Պուշկինոյում, 3 ամիս առաջ տեղափոխվել էր Սյունիքի մարզ՝ Դավիթ Բեկ: Մինուճար տղա էր, ունի 2 քույր, ինքը միջնեկն էր»,- NEWS.am-ի հետ զրույցում պատմեցին զինծառայողի հարազատները: Նրանց խոսքով՝ Մովսեսը ցանկանում էր ծառայությունը շարունակել, դիմել էր «Պաշտպան հայրենյաց» ծրագրին: «2 օր առաջ էլ պետք է 10 օրով արձակուրդ գար, բայց…»,- հավելեցին հարազատները: Ավելի վաղ հայտնել էինք, որ հուլիսի 24-ին Սյունիքի մարզում ողբերգական դեպք է տեղի ունեցել՝ զինծառայող է մահացել:

Հայլուր 20։30 Նոր վտանգներ՝ Սյունիքում կամ ԱՄՆ-ԵՄ շահերի բախում. Իրանը զգուշացնում է «դրսի ուժերին»

Քրիստոսի պայծառակերպության տոնին՝ Վարդավառին այս տարի մասնակցել է շուրջ 160 հազար քաղաքացի: ՆԳ նախարարության ենթակայությամբ գործող ծառայությունների անձնակազմերը հուլիսի 27-ի վաղ առավոտից ուժեղացված ծառայություն էին իրականացնում հանրապետության ողջ տարածքում։ Ճանապարհներին, հանգստյան գոտիներում, Սևանա լճում ու լողափերում նրանք ապահովում էին հասարակական կարգը, որպեսզի տոնական օրն անցնի խաղաղ և ապահով, առանց դեպք ու պատահարի։ Եվ քանի որ մարդկանց մոտ մեկ երրորդը տոնը նշում էր Սևանա լճի ափամերձ տարածքում` մեր նկարահանող խումբը մեկնեց Գեղարքունիքի մարզ:

Այսօր մենք գտնվում ենք մի հանգուցային պահի, երբ իշխանության կողմից իրականացվող քաղաքականությունը դուրս է եկել օրինականության և բարոյականության բոլոր հնարավոր սահմաններից։