Լրահոս

ԱՄՆ դոլարի փոխարժեքն այսօր՝ օգոստոսի 27-ին, կազմել է 382.25 դրամ՝ նախորդ օրվա համեմատ նվազել է 0.26 դրամով: Այդ մասին տեղեկանում ենք Կենտրոնական բանկի պաշտոնական կայքից։

Օգոստոսի 27-ին, ժամը 12։05-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպիտակ քաղաքի Շվեցարական թաղամասում այրվում է խոտածածկ տարածք։

Ռուսաստանը բացասական է վերաբերվում Ուկրաինայի տարածքում եվրոպացի զինծառայողների տեղակայման հեռանկարին։ Հայտարարել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով ռազմական գործողությունների դադարից հետո Կիևին տրամադրվելիք անվտանգության երաշխիքները։ «Եվրոպացի զինվորականներ գոյություն չունեն, գոյություն ունեն կոնկրետ երկրների զինծառայողներ։ Իսկ այդ երկրների մեծ մասը ՆԱՏՕ-ի անդամներ են»,- նշել է Պեսկովը՝ հիշեցնելով, որ Ուկրաինայում հակամարտության դրդապատճառներից մեկը հենց ՆԱՏՕ-ի ենթակառույցների տեղակայումն էր այդ երկրի տարածքում։

«Նախկիներին տեղը տեղին լավ ծառայած հիմա յուղը վրեն «ՔՊ-ական» խաղացող քաղաքապետարանի հասրակական կարգի պահպանության պետի ժ/պ-ը և իր ենթակաները ի ցույց դրեցին իրենց ո՛չ կոմպետենտությունը և լկտի պահվածքը

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի և «Դիվանագիտական ծառայության մասին» օրենքի 14-րդ հոդվածի. Լիլիթ ՄԱԿՈՒՆՑԻՆ հետ կանչել Ամերիկայի Միացյալ Նահանգներում Հայաստանի Հանրապետության արտակարգ և լիազոր դեսպանի պաշտոնից.:

Երևան քաղաքի ընդհանուր իրավասության դատարանի դատավոր Դ․ Արղամանյանը Ռուբեն Հակոբյանի խափանման միջոցը վերացնելու որոշում կայացրեց։ Հակոբյանն ազատ արձակվեց դատական նիստերի դահլիճից։

Արսեն Թորոսյանը նախագահ Վահագն Խաչատուրյանի օգոստոսի 27-ի հրամանագրով նշանակվել է Աշխատանքի և սոցիալական հարցերի նախարար:

Սեպտեմբերի 1-ից վարելու իրավունք ունեցող անձինք վարորդական պլաստիկ վկայականն իրենց մոտ պահելու պարտականություն այլևս չեն ունենա: Այդ մասին հայտնում են ՆԳՆ-ից:

Այսօր՝ օգոստոսի 27-ին հրդեհի բռնկումով պայթյուն է տեղի ունեցել Երևանում: Ինչպես հայտնում է Shamshyan.com-ը, ժամը 14:40-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչութան Շենգավիթի բաժնում օպերատիվ տեղեկություններ են ստացվել, որ Բագրատունյաց-Արշակունյաց պողոտայի խաչմերուկում, ժողովրդին ավելի շատ հայտնի Բանվորի արձանի հարևանությամբ ավտոմեքենա է պայթել և հրդեհ է բռնկվել:  

«ԼՈՒՅՍ» հիմնադրամն անդրադառնում է ՀՀ տնտեսության սոցիալ-տնտեսական զարգացումներին 2025թ. հունվար-հուլիս ամիսներին։

Այս տարվանից 1-11-րդ դասարանները ներառյալ կգործեն նոր չափորոշիչներով։ Այսօր հրավիրված մամուլի ասուլիսի ժամանակ այս մասին ասել է ԿԳՄՍ նախարար Ժաննա Անդրեասյանը։ Նախարարի խոսքով՝ վերջին 3 տարիների ընթացքում տպագրվել է ավելի քան 220 դասագիրք, ընդ որում՝ այս տարվա արդյունքներով դասագրքերի շուրջ 45%-ը այլընտրանք է ունեցել։

ՀԷՑ ՓԲԸ-ի տնօրենների խորհրդի նախագահ Նարեկ Կարապետյանը ՀԾԿՀ նախագահ Մեսրոպ Մեսրոպյանին գրություն էր ուղարկել, որ կատարվի Ստոկհոլմի Արբիտրաժի միջանկյալ որոշումը: Այս մասին հրավիրված ասուլիսին տեղեկացրեց ՀԷՑ նախկին տնօրեն Դավիթ Ղազինյանը:

Իսրայելական բանակի ցամաքային գործողությունների հետևանքով Գազայում սկսվել է զանգվածային տեղահանություն։ Հազարավոր քաղաքացիներ նորից փախչում են, սակայն հարյուրավորները անվտանգ վայրեր չեն հասնում: Ըստ ՀԱՄԱՍ-ի տվյալների՝ վերջին շաբաթների ընթացքում Գազայում զոհվել է ավելի քան 500 մարդ, որոնցից 150-ը՝ կանայք և երեխաներ:

Shamshyan.com-ի տեղեկություններով՝ օգոստոսի 25-ին խոշոր չափի գողության դեպք է տեղի ունեցել Երևանում: Այդ օրը՝ ժամը 08:00-ի սահմաններում, ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մալաթիայի բաժին ահազանգ է ստացվել քաղաքացուց, ով հայտնել է, որ թալանել են Անդրանիկի փողոցի 129/2 հասցեում գործող «Կասադել» խանութը: 

Տիգրան Ուլուբաբյանի նկատմամբ իրականացվող քրեական վարույթի շրջանակում քննչական խումբը դատարան է ներկայացրել նրա կալանքի ժամկետը երկարաձգելու միջնորդություն։ Այս մասին գրել է փաստաբան Էրիկ Բեգլարյանը։

Oգոստոսի 27-31-ին, սեպտեմբերի 1-ին ողջ հանրապետությունում, այդ թվում մայրաքաղաք Երևանում սպասվում է բարձր կարգի հրդեհավտանգ իրավիճակ։

ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ 2019 թվականից 2024 թվականը Շիրակի մարզի «Լեռնուտի միջնակարգ դպրոց» ՊՈԱԿ-ի տնօրենի պաշտոնը զբաղեցրած անձը, ի պաշտոնե ունենալով հիշյալ կազմակերպության գույքը՝ ներառյալ ֆինանսական միջոցները տնօրինելու լիազորություններ, 2023 թվականի ընթացքում, օգտագործելով ծառայողական լիազորությունները և դրանցով պայմանավորված ազդեցությունը՝ իրեն վստահված ֆինանսական միջոցներից հափշտակել է ընդհանուր 485.000 ՀՀ դրամ գումար:

«Օգոստոսի 8-ի վաշինգտոնյան հանդիպումը փաստացի հակամարտության ավարտն է ու փակուղային իրավիճակից ելքը»,- «Ալ-Արաբիա» հեռուստաընկերությանը տված հարցազրույցում հայտարարել է Ադրբեջանի նախագահ Իլհամ Ալիևը: Նա նշել է, որ երկար տարիներ տևած հակամարտությունն ավարտվել է Վաշինգտոնում՝ Թրամփի վարչակազմի ակտիվ աջակցությամբ: Խաղաղության պայմանագիրը վերջնական չի ստորագրվել, ըստ Ալիևի, Հայաստանի Սահմանադրության փոփոխության անհրաժեշտության պատճառով: Ալիևի խոսքով՝ Հայաստանը փոփոխություններ է պատրաստվում անել, ինչից հետո Ադրբեջանի նախագահի վստահեցմամբ, կստորագրվի խաղաղության համաձայնագիրը:

«Եռաբլուր» զինվորական պանթեոնում տեղի կունենա «Արցախի կանչը» հուշահամալիրի բացման հանդիսավոր արարողությանը: Այս մասին հայտարարություն է տարածել «Արարիչ» Հասարակական Կազմակերպությունը:

Օգոստոսի 29-ից Արգիշտիի փողոց — Մաշտոցի պողոտա խաչմերուկում կկատարվի լուսացույցների տեղափոխություն, որի արդյունքում կտեղափոխվի Արգիշտիի փողոցի կանգ գիծը և փողոցը հատող հետիոտների համար նախատեսված անցումը: Այս մասին հայտնում են Երևանի քաղաքապետարանից: