Լրահոս

«Հայլուրի» թղթակից Լիլիթ Գասպարյանը փորձել է ինքնախոստովանական ցուցմունք կորզել ChatGPT-ից: Ճի՞շտ է, որ արհեստական բանականության խորհուրդների պատճառով շատ դեռահասներ իրենց կյանքին վերջ են տալիս: Ընդունու՞մ է նա մեղքը, թե՞ չէ և ի՞նչ են կարծում հոգեբանները:

«Փաշինյանի վարչախումբն Արցախի հանձնումը լեգիտիմացնելու, նոր զիջումներն ու պարտությունը արդարացնելու, անձնական և քաղաքական պատասխանատվությունից խուսափելու համար ամենալկտի ձևով փորձում է համոզել մեզ, որ՝ ա) հայ ժողովուրդը երբեք ազգային նպատակ չի ունեցել, և մեր ազգային պայքարները եղել են ոչ թե սեփական կամքի դրսևորում, այլ կայսրությունների թելադրանք, բ) հայ ժողովուրդը թույլ է, դասալիք, պետություն չսիրող, ում համար առաջնային են կենցաղային հարցերը։ Ուզում են մեզ համոզել, թե մենք անկիրթ, ստամոքսով մտածող ժողովուրդ ենք՝ «որտեղ հաց, այնտեղ կաց» սկզբունքով առաջնորդվող։ Այս քարոզչության եզրահանգումը մեկն է․ տեղի ունեցածը անխուսափելի էր, իսկ սպասվելիքն՝ այլընտրանք չունի։ Նրանք ջնջում են անցյալը, որպեսզի կառավարեն ապագան։ Այո, այսօր յուրաքանչյուր չորրորդ հայ ապրում է աղքատության մեջ և սոցիալական խնդիրներն իսկապես առաջնային են մեր հասարակության համար։

Սեպտեմբերի 1-ից վարորդական քննությունների վերահանձնման գործընթացում փոփոխություններ են նախատեսվում։ Քաղաքացիները հնարավորություն կունենան վարորդական վկայական ստանալու քննությունը առաջին անգամ բացասական ստանալուց հետո վերահանձնել հաջորդ օրը՝ հավելյալ վճարի դիմաց, օնլայն գրանցմամբ, հայտնում են ՆԳՆ-ից։

Այսօր՝ օգոստոսի 31-ին, Կոտայքի մարզի Ձորաղբյուր բնակավայրում նախազգուշական բողոքի ակցիա են իրականացրել տեղաբնակները՝ պահանջելով որպեսզի պատկան մարմինները այդ թվում ՀՀ Տարածքային կառավարման և ենթակառուցվածքների նախարարությունը, Կոտայքի մարզպետարանը դրական լուծում տան երկար տարիներ իրենց մոտ լուրջ խնդիր առաջացրած խմելու ջրի և տրանսպորտի հարցին։ Հայտնում է Shamshyan.com-ը։

ՆԳՆ փրկարար ծառայությունից հայտնում են, որ ՀՀ տարածքում ավտոճանապարհները հիմնականում անցանելի են։

Հայոց ցեղասպանության միջազգային ճանաչումը, Փաշինյանի գնահատմամբ, ոչ թե Հայաստանի, այլ ուրիշների շահերից է բխում, որովհետև հնարավորություն է տալիս ամբողջ աշխարհին իր շահի համար հոլովել ցեղասպանվածների հիշատակը։ Իսրայելի վարչապետ Նեթանյահուի՝ Ցեղասպանությունը ճանաչելու մասին տարօրինակ հայտարարությանն է այդպես արձագանքել Նիկոլ Փաշինյանը: Փորձագետների գնահատմամբ՝ նա ճշմարտության կեսն է ասել: Նեթանյահուն իսկապես որպես հակաթուրքական մանրադրամ է օգտագործել Հայոց ցեղասպանության ճանաչման հարցը, բայց Հայաստանը դրանից կարող է մեծ օգուտ քաղել, ու մատը մատին չի տալիս:

Երեկ՝ օգոստոսի 30-ին, ավտովթար է տեղի ունեցել Երևանում։ Ժամը 21։00-ի սահմաններում Տիգրան Մեծի պողոտա և Գլինկայի փողոցի խաչմերուկում բախվել են Երևանի բնակիչներ՝ 21-ամյա Ֆելիքս Պ.-ի «Toyota» մակնիշի և 47-ամյա Գեղամ Հ.-ի վարած «Mercedes» մակնիշի ավտոմեքենաները։

ՀՀ-ում ԱՄՆ դեսպան Քրիստինա Քվինը ֆեյսբուքյան պաշտոնական էջում հրապարակած տեսաուղերձում տեղեկացրել է սեպտեմբերի 5-ից 11-ը «Սարոյանական օրեր» անցկացնելու մասին։

Վլադիմիր Պուտինը չորսօրյա այցով ժամանել է Չինաստան։ ՌԴ նախագահը կմասնակցի ՇՀԿ գագաթնաժողովին և երկկողմ հանդիպումներ կունենա տարբեր երկրների առաջնորդների հետ:

Օգոստոսի 30-ին, ժամը 20:36-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դեբեդ գյուղի անտառային հատվածում երկու հոգի մոլորվել են. անհրաժեշտ է փրկարարների օգնությունը:

Թիենծին քաղաքում տեղի է ունեցել ՀՀ վարչապետ Նիկոլ Փաշինյանի հանդիպումը Չինաստանի Ժողովրդական Հանրապետության նախագահ Սի Ծինփինի հետ:

Այս առնչությամբ երկրորդ նախագահի ֆեյսբուքյան էջում հրապարակվել են տվյալներ նրա նախագահության տարիների մասին։ Կից արվել է հետեւյալ գրառումը. «Ռոբերտ Քոչարյանի ձեռքբերումները ոչ միայն անցյալի պատմություն են, այլ նաև ուղեցույց՝ արժանապատիվ ապագայի համար։ Հայաստանը պետք է շարժվի առաջ՝ նորարարությամբ, անվտանգությամբ, ուժեղ տնտեսությամբ և վստահ հասարակությամբ»։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Նոր մշակումը հնարավորություն ունի ապահովելու տվյալների փոխանցման արագություն, որը հազար անգամ գերազանցում է ներկայիս ցուցանիշները։

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը. «Գործընկեր, «Հայաստան» խմբակցության պատգամավոր Աննա Գրիգորյանի հետ Հ. Պարոնյանի անվան թատրոնում մասնակցեցի անհետ կորածների միջազգային օրվան նվիրված միջոցառմանը: 44-օրյա պատերազմից անցել է 5 տարի: Մեր կողքին ապրող բազմաթիվ ծնողներ, քույրեր, եղբայրներ ամեն օրն անցկացնում են հրաշքի սպասումով: Մեր պարտքն է մշտապես լինել նրանց կողքին, մեր աղոթքներն ուղղել մեր հայրենակիցների վերադարձին: Ծնողներին արդարացիորեն վրդովեցրել է միջազգային իրավական հարթակներից հայցերի հրաժարման որոշումը: Շատերը հավատում էին, որ դրանք հնարավորություն կարող են ստեղծել իրենց հարազատների վերադարձի համար: Արձանագրենք նաև, որ «Խաղաղության» համաձայնագրի մեջ գերիների, անհետ կորածների վերաբերյալ չկա որևէ կետ և պահանջ: Շատ հաճախ բախվելով իշխանությունների անտարբերությանն ու անհետևողականությանը՝ անհետ կորածների հարազատներն իրենք են ստիպված լինում սեփական միջոցներով գտնելու որևէ տեղեկատվություն: Պատկան մարմինների հետ հանդիպումներն անցնում են հիասթափության մթնոլորտում: Ազգային ժողովում ևս քանիցս հանդիպում պահանջող ծնողներին չեն ընդունել իշխող կուսակցության անդամները, վարչակարգի պարագլուխը: Այսպիսի վերաբերմունքն անթույլատրելի է: ԱԺ «Հայաստան» խմբակցության գործընկերներիս հետ մեր հնարավորությունների սահմաններում կշարունակենք անել ամեն ինչ, որպեսզի անհետ կորածների հարազատներն իրենց երբևէ միայնակ չզգան: Այսօրվա հանդիպման ժամանակ ևս բարձրաձայնված հարցերի նկատմամբ լինելու ենք հետևողական: Շնորհակալ ենք ձեզ վստահության համար, սիրելի՛ ծնողներ»:

Նրանք, ովքեր խարդախություն են թույլ տալիս, ստիպում են որպեսզի վիզայի բոլոր դիմողների նկատմամբ առավել աչալուրջ ստուգումներ կատարվեն։ Այս մասին հայտնել են ՀՀ-ում ԱՄՆ դեսպանությունից: ԱՄՆ վիզաների համակարգը պաշտպանված է խիստ ստուգումների շնորհիվ, և մեր աշխատակիցները խարդախության ցանկացած դեպք առավելագույնս լուրջ են ընդունում։ Եթե տեղյակ եք վիզաների հետ կապված խարդախությունների մասին, ապա խնդրում ենք հաղորդում ներկայացնել։

Օգոստոսի 30-ին, ժամը 14:07-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գագարին գյուղի մոտակայքում տեղի է ունեցել ՃՏՊ՝ կան տուժածներ․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ Իջևան-Սևան-Երևան ավտոճանապարհի մոտ 60-րդ կմ-ին «BMW» մակնիշի ավտոմեքենան շրջվել է ավտոճանապարհի երթևեկելի հատվածում․ ավտոմեքենայից դուրս հայտնաբերվել է վարորդի դին։ Մինչ փրկարարների կանչի վայր հասնելը՝ ավտոմեքենայի ուղևորը հոսպիտալացվել է բժշկական կենտրոն։ Փրկարարները հոսանքազրկել են ավտոմեքենան, փակել գազի բալոնի փականը և վարորդի դին մոտեցրել շտապօգնությանը։

Միացյալ Նահանագներն ամեն ինչ անում է, որ խաղաղության պայմանագրի կնքման դեպքում պահպանվի Ուկրաինայի տարածքային ամբողջականությունը: USA Today-ի հետ հարցազրույցում ԱՄՆ փոխնախագահ Ջեյ Դի Վենսը հայտարարել է, որ Վաշինգֆտոնը ջանքեր է գործադրում, որ թույլ չտա Ռուսաստանին գրավել ամբողջ Ուկրաինան: Զելենսկին կարծում է՝ բանակցյունների քողի տակ Մոսկվան ժամանակ է շահում նոր, ավելի ուժգին հարձակումներ ձեռնարկելու համար:

Այսօր՝ օգոստոսի 30-ին, խոշոր ավտովթար է տեղի ունեցել Տավուշի մարզում: Ինչպես հայտնում է Shamshyan.com-ը, ժամը 16:30-ի սահմաններում Երևան-Սևան-Իջևան ավտոճանապարհին՝ Դիլիջանի թունելի հարևանությամբ՝ դեպի դիլիջան ընթացող հատվածում, ճակատ ճակատի բախվել են «Toyota Land Cruiser» և «Hyundai X35» մակնիշի ավտոմեքենաները: Վթարի հետևանքով 10 հոգի, որոնցից 4-ը՝ անչափահասներ, տարբեր աստիճանի մարմնական վնասվածքներով տեղափոխվել են «Դիլիջան» բժշկական կենտրոն: Վիրավորներին առաջինը օգնության են հասել քաղաքացիները և ըստ քաղաքացիների հայտնածի՝ օպերատիվորեն ժամանած ՀՀ ներքին գործերի նախարարության փրկարար ծառայության Դիլիջանի հրշեջ-փրկարարական ջոկատի փրկարարները, «Դիլիջան» բժշկական կենտրոնի շտապօգնության բժիշկների հերթապահ խմբերը և ՀՀ ՆԳՆ ոստիկանության պարեկային ծառայության Տավուշի մարզի գումարտակի պարեկները: Վիրավորներից մի քանիսին հիվանդանոց են տեղափոխել քաղաքացիները՝ իրենց անձնական օգտագործման ավտոմեքենաներով: Հրշեջ-փրկարարները հոսանքազրկել են ավտոմեքենաները և տեղում իրականացնում են հերթապահություն: Վթարի փաստով Դիլիջանի քննչական բաժնում նախաձեռնվել է քրեական վարույթ, որտեղ էլ պարզում են վարորդների և վիրավորների ինքնությունները:

Փաշինյանի կողմից գրեթե «հաղթական» որակված հայ-ամերիկյան հուշագրերի տեքստը նոր տագնապներ է առաջացրել վերլուծաբանների շրջանում: Հարցեր է առաջացնում ինքնին այն փաստը, որ հուշագրերը հրապարակվել են ստորագրումից երեք շաբաթ հետո: Փորձագետները չեն բացառում, որ հայ-ամերիկյան էներգետիկ համագործակցության հետևանքով փակվի մեր ատոմակայանը: