Լրահոս

Ըստ Գերասիմովի՝ ռուսական զորքերը շարունակել են առաջ շարժվել Սումիի, Խարկովի և Դնեպրոպետրովսկի մարզերում։ Մարտից ի վեր վերահսկողության տակ է անցել ավելի քան 3,5 հազար քառ. կմ տարածք և 149 բնակավայր։

Հարևան ու բարեկամ Իրանի հետ հարաբերություններում փոխադարձ չհասկացվածությունը խորացրած իշխանությունը տարօրինակ մտերմություն է սկսել Հայաստանը որպես պետություն չճանաչող, 44-օրյա պատերազմի ժամանակ Ադրբեջան հատուկջոկատայիններ ու զենք ուղարկած Պակիստանի հետ: Նախօրեին են հեռախոսով զրուցել Հայաստանի ու Պակիստանի արտգործնախարարները: Պակիստանցի պաշտոնակցի հետ հեռախոսազրույցը Միրզոյանը անվանել է «կարևոր», Իշաք Դարը՝ «ջերմ»:

Պաշտպանության նախարարությունն ավելի վաղ բազմիցս պարզաբանել է, որ ռուս զինվորականները հարվածներ չեն հասցնում քաղաքացիական թիրախներին, հարվածները հասցվում են բացառապես ռազմական ենթակառուցվածքի օբյեկտներին, զինծառայողների և ռազմական ղեկավարության ներկայացուցիչների կուտակումների վայրերին:

Բացի այդ, Մոդին կմասնակցի Շանհայի համագործակցության կազմակերպության (ՇՀԿ) ամենամյա գագաթնաժողովին։ Վերջինս առանձնահատուկ նշանակություն ունի՝ հաշվի առնելով սեպտեմբերի 27-ին ուժի մեջ մտած ԱՄՆ-ի կողմից Հնդկաստանի նկատմամբ սահմանված 50 տոկոս մաքսատուրքերի շուրջ աճող մտահոգությունները։

Օգոստոսի 30-ին, ժամը 16:18-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան քաղաքի Շահումյան փողոցի շենքերից մեկի մոտակայքում այրվում է գեղեցկության սրահ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է վագոն-տնակում։ Հրդեհը մեկուսացվել է ժամը 16։36-ին, մարվել՝ 17։10-ին։ Այրվել են երկաթե երեսպատումով վագոն-տնակի (մոտ 18 քմ) փայտե կառուցատարրերը։

Լրտեսներ են խլրտում ոչ թե ետնախորշերում, այլ քաղաքի ամենասպիտակ ու լուսավոր շենքում: Ինչու՞ է քննչական կոմիտեն գրեթե 2,5 ամիս թաքցրել հանրությունից լուրը, որ արտգործնախարարության ներկայացուցիչ է կալանավորվել՝ պետական դավաճանության մեղադրանքով:

Այսօր՝ օգոստոսի 30-ին, խոշոր ավոտովթար է տեղի ունեցել Երևանում: Ժամը 18:50-ի սահմաններում Մյասնիկյան պողոտայում՝ «Ջրաշխարհ»-ի հարևանությամբ, բախվել են Երևանի քաղաքապետարանի հաշվեկշռում հաշառված թիվ 41 երթուղին սպասարկող «MAN» մակնիշի ավտոբուսն ու «Toyota Alphard» մակնիշի ավտոմեքենան: 

Այսօր՝ օգոստոսի 30-ին, ավտովթար է տեղի ունեցել Վայոց ձորի մարզում։ Ժամը 13։10-ի սահմաններում Գետափ-Մարտունի ավտոճանապարհի 15 կմ հատվածում Վայոց ձորի մարզի բնակիչ 18-ամյա Նարեկ Կ․-ն իր վարած «Opel Combo» մակնիշի ավտոմեքենայով դուրս է եկել ճանապարհի երթևեկելի գոտուց, բախվել հողաթմբին ու հաստաբուն ծառին։

Հայլուր 20։30 Տագնապները խորանում են Վաշինգտոնից հետո. Թեհրանում ի՞նչ են ասել Հայաստանի ԱԽՔ-ին

«Տաշիր» ընկերությունների խմբի ղեկավար, գործարար, բարերար Սամվել Կարապետյանը ուղերձ է հղել կալանավայրից՝ շնորհավորելով թիմակիցներին ու համախոհներին «Մեր ձևով» ժողովրդական կամավորական շարժման մեկնարկի կապակցությամբ։ Հայտնի է, որ շարժումը Կարապետյանի թիմի առաջին քայլն է, նրանք խոստացել են երկրորդ քայլով կուսակցություն հիմնել: Ի՞նչ քաղաքական հայտով է Սամվել Կարապետյանը պատրաստվում 2026-ի խորհրդարանական ընտրություններին:

ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ, ԱՊՀ երկրների ինստիտուտի տնօրեն Կոնստանտին Զատուլինը գրառում է կատարել, որում ընդգծել է՝ Բակո Սահակյանը, Ռոբերտ Քոչարյանը և Լեռնային Ղարաբաղի բոլոր հայերը դավաճանության զոհ են։ «Այդ քաղցր «ազատություն» բառը։ Այսօր՝ օգոստոսի 30-ին, լրանում է իմ մեծ բարեկամ, Լեռնային Ղարաբաղի Հանրապետության նախկին նախագահ Բակո Սահակի Սահակյանի 65-ամյակը։ Վաղը իմ մյուս ընկերոջ՝ ԼՂՀ առաջին և Հայաստանի Հանրապետության երկրորդ նախագահ Ռոբերտ Սեդրակի Քոչարյանի ծննդյան օրն է։ Տղամարդկանց շրջանում նախկին ընկերներ չեն լինում։ Ես համարել եմ և շարունակում եմ համարել իմ պարտքը՝ շնորհավորել Ռոբերտ Քոչարյանին, որին Հայաստանի խղճուկ իշխանությունները շարունակում են հետապնդել՝ նույնիսկ այն բանից հետո, երբ ստիպված եղան նրան ազատել բանտից։ Բայց, ցավոք, չեմ կարող զանգահարել կամ շնորհավորական հեռագիր ուղարկել իմ ընկեր Բակոյին։ Նա արդեն երկու տարի է, ինչ գտնվում է Բաքվի բանտում՝ բռնազավթված Լեռնային Ղարաբաղի Հանրապետության այլ ղեկավարների հետ միասին, որոնք ինձ մոտ են կամ ծանոթ։ Թերևս ինչ-որ տեղ մոտակայքում Ռուսաստանի այն քաղաքացիներն են, որոնց վերջերս վրեժխնդրությունից դրդված բանտարկել են Ադրբեջանում։ Ես նրանց չեմ ճանաչում, բայց, իհարկե, կարեկցում եմ նրանց և նրանց ընտանիքներին։ Բայց ես լավ եմ ճանաչում Բակո Սահակյանին, Արկադի Ղուկասյանին և նրանց մյուս ընկերներին, որոնք գերեվարվել են հանդիսության և ծաղրի համար, ես լավ գիտեմ։ Ես բազմիցս եղել եմ Լեռնային Ղարաբաղում, որտեղ երբևէ՝ 30-ական թվականներին Հադրութում սահմանապահ ջոկատի հրամանատարը հայրս էր, ով դրա համար ստացել է իր առաջին Կարմիր մարտական դրոշի շքանշանը։ Ես Ղարաբաղ զենք չեմ տարել և Ադրբեջանի հետ թշնամանքի կոչ չեմ արել։ Բայց անկեղծորեն հավատացել և շարունակում եմ հավատալ, որ Լեռնային Ղարաբաղի ազատությունը՝որպես դարերով այդ օրրանում ապրած հայ ժողովրդի ինքնորոշման հարկադրական միջոց, պատմական արդարության գործ է։ Ինչպես Ղրիմի վերադարձը Ռուսաստան, որը 2014 թվականին ԼՂՀ-ում նշվեց որպես սեփական տոն։ Բակո Սահակյանը, Ռոբերտ Քոչարյանը, Լեռնային Ղարաբաղի բոլոր հայերը դավաճանության զոհ են։ Մենք Ռուսաստանում, հատկապես Խորհրդային Միության փլուզումից հետո, պետք է լավ հասկանանք, թե ինչ է դավաճանությունը։ Ես ցանկանում եմ, որ Բակո Սահակիչը, Ռոբերտ Սեդրակիչը և բոլոր մյուսներն իմանան, որ Ռուսաստանում շատ մարդիկ կան, շատ ավելի, քան հայերը Հայաստանում և նույնիսկ ընդհանրապես աշխարհում, որոնք հիշում, հարգում և կարեկցում են։ Որովհետև ռուս մարդու խիղճը դա է պահանջում։ Կասեն՝ կարեկցանքը և նույնիսկ հարգանքը քիչ է։ Եվ ճիշտ կասեն։ Բայց ես վստահ եմ՝ արդարության ժամանակը կգա։ Միասին ողջ կմնանք, որպեսզի տեսնենք և մասնակցենք»,- գրել է քաղաքական գործիչն իր տելեգրամյան ալիքում։

«Մենք Ուկրաինային միջոցներ ենք փոխանցում, որոնք թույլ են տալիս ավելի խորը հարվածներ հասցնել։ Եվ, ամենայն հավանականությամբ, ուկրաինացիները կօգտագործեն դրանք»,– նշել է դիվանագետը։

Ս.Ա.Մուսավին ընդգծել է, որ պատմականորեն Հայաստան-Իրան հարաբերությունները բարիադրացիական ու եղբայրական են: ԱԽ քարտուղարն իր հերթին ընդգծել է ներկա հարաբերությունների բարձր մակարդակը:

Օգոստոսի 30-ին Ն․Ս․Օ․Տ․Տ․ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունել է Մայր Աթոռ Սուրբ Էջմիածին ուխտավորաբար այցելած «Մեր ձևով» ժողովրդական կամավորական շարժման համակարգող խորհրդի անդամներին։ Հանդիպմանը շարժման համակարգող Նարեկ Կարապետյանը Ամենայն Հայոց Կաթողիկոսին ներկայացրել է շարժման հիմնական նպատակներն ու գործունեության առաջնահերթությունները՝ միտված հայրենական կյանքում առկա հիմնախնդիրների հաղթահարմանը։ Ամենայն Հայոց Կաթողիկոսն իր օրհնությունն է փոխանցել շարժման ներկայացուցիչներին և գոհունակություն հայտնել, որ շարժումը պիտի գործի ազգային բարերար Սամվել Կարապետյանի գաղափարներով՝ ի նպաստ երկրի զարգացման ու առաջընթացի՝ ցավով անդրադառնալով նաև, որ նա շարունակում է ապօրինաբար ազատազրկված մնալ՝ ի պաշտպանություն Հայոց Եկեղեցու դրսևորած իր նախանձախնդիր ոգու համար։ Հայրենիքի առջև ծառացած ներքին և արտաքին մարտահրավերների դիմագրավման համար Նորին Սրբությունն առաջնային և հրամայական է նկատել ազգային միասնականության ամրապնդումը և աշխարհասփյուռ հայ ժողովրդի ներուժի համախմբումը։ Այս առումով Վեհափառ Հայրապետը կարևորել է համագործակցությունը ազգային և հոգևոր կառույցների հետ։ Ամենայն Հայոց Կաթողիկոսը նաև իր գնահատանքն է հայտնել Հայաստանյայց Առաքելական Սուրբ Եկեղեցուն ցուցաբերվող զորակցության, շարժման ռազմավարության շրջանակներում ազգային և հոգևոր արժեքների, ընտանիքի ինստիտուտի զորացմանն ուղղված առանձնահատուկ ուշադրության համար։ Հանդիպման ավարտին Հայոց Հայրապետը մաղթել է տիար Սամվել Կարապետյանին շուտափույթ վերադարձ ընտանեկան օջախ՝ ընդգծելով, որ Մայր Աթոռը պիտի շարունակի կարելին ի գործ դնել բարերար տիար Սամվել Կարապետյանի և Միքայել ու Բագրատ արքեպիսկոպոսների ազատ արձակման ուղղությամբ։ Նորին Սրբությունն ազգօգուտ ու արդյունավոր առաքելություն է ցանկացել շարժման ներկայացուցիչներին։

Ուրբաթ հայտնի դարձավ, որ քննչական կոմիտեն գրեթե 2,5 ամիս թաքցրել է հանրությունից լուրը, որ արտգործնախարարության ներկայացուցիչ է կալանավորվել՝ պետական դավաճանության մեղադրանքով, իսկ շվեյցարացի Սանդրո անունով մի տղա իր մոտոցիկլետով հաջողել է մի ամբողջ «ռազմական տնտեսություն» շրջանցել ու հասել սահմանագծի վերջին շերտը: Փաշինյանի պահած բանակի բարդակացման վկայությունն են անվանում փորձագետները շվեցարացու՝ երկիրը ցնցած տեսանյութը:

Օգոստոսի 30-ին, ժամը 13։44-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ախուրյան գյուղում այրվում է տնակ: Այս մասին հայտնում են ՆԳՆ փրկարար ծառայությունից։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է Հոլանդական թաղամասի 1-ին փողոցում գտնվող վագոն-տնակում (մոտ 27 քմ) և ավտոտնակում (մոտ 18 քմ)։ Հրդեհը մեկուսացվել է ժամը 14:07-ին, մարվել՝ 15:39-ին: Այրվել են վագոն-տնակը՝ կենցաղային իրերով և ավտոտնակը։

Ադրբեջանական լրատվամիջոցները հայտնում են, որ Ալիևին և նրա տիկնոջը դիմավորել են Չինաստանի արդյունաբերության և տեղեկատվական տեխնոլոգիաների նախարար Լեչենը և այլ պաշտոնյաներ։

Հայլուր 18։30 Մի լրտեսուհի և մոտոցիկլիստ խայտառակում են Հայաստանը. անտերություն և բարդակ ԱԳՆ-ից՝ ՊՆ

ԵՄ-ի և G7-ի երկրների կողմից սառեցված ռուսական ակտիվներ գտնվում են հիմնականում բելգիական Euroclear համակարգում։ Բելգիայի արտգործնախարար Մաքսիմ Պրևոն Կոպենհագենում նշել է, որ երկիրը դեմ է ռուսական ակտիվների ցանկացած բռնագրավմանը։ Նրա խոսքով՝ ակտիվները Մոսկվայի նկատմամբ ճնշման լծակ են և պետք է սառեցված մնան այնքան ժամանակ, քանի դեռ Ռուսաստանը չի վճարել ամբողջ վնասը։

ՀՀ ԱԽ քարտուղար Արմեն Գրիգորյանը հանդիպել է ԻԻՀ Գերագույն առաջնորդի խորհրդական, Արտաքին հարաբերությունների ռազմավարական խորհրդի ղեկավար Քամալ Խարազիի հետ: Այս մասին հայտնում են ԱԽ գրասենյակից։ Գրիգորյանը նշել է, որ տարածաշրջանի հաղորդակցային ուղիների ապաշրջափակումը տեղի է ունենալու պետությունների տարածքային ամբողջականության, ինքնիշխանության, իրավազորության, սահմանների անքակտելիության և փոխադարձության սկզբունքների լիակատար հարգման շրջանակներում: Խարազին ողջունել է խաղաղության հաստատումն ու տարածաշրջանային ուղիների ապաշրջափակումը` վերահաստատելով ՀՀ տարածքային ամբողջականության ու ինքնիշխանության վերաբերյալ ԻԻՀ-ի սկզբունքային դիրքորոշումը: Զրուցակիցներն անդրադարձել են նաև Հայաստան-Իրան երկկողմ օրակարգին, ընդգծել ընթացիկ և նախանշված ծրագրերի շուտափույթ իրականացման անհրաժեշտությունը: