Լրահոս

Վարչապետ Նիկոլ Փաշինյանի աշխատանքային այցը Չինաստանի Ժողովրդական Հանրապետություն ավարտվել է: Այս մասին գրել է ՀՀ վարչապետի մամուլի քարտուղար Նազելի Բաղդասարյանը:

ԱՄՆ դոլարի փոխարժեքն այսօր՝ սեպտեմբերի 3-ին, կազմել է 382.65 դրամ՝ նախորդ օրվա համեմատ նվազել է 0.03 դրամով: Այդ մասին տեղեկանում ենք Կենտրոնական բանկի պաշտոնական կայքից։

Սեպտեմբերի 2-ին օրենքի և իրավունքի կոպտագույն ոտնահարմամբ, ևս մեկ անգամ երկարաձգվեց Գերշանորհ Տ․ Միքայել արքեպիսկոպոս Աջապահյանի կալանքի ժամկետը։ Այս մասին հայտարարություն է տարածել Մայր Աթոռը:

Այսօր՝ սեպտեմբերի 3-ին, արտակարգ դեպք է տեղի ունեցել Արարատի մարզում։ Ինչպես հայտնում է Shamshyan.com-ը, ժամը 15:45-ի սահմաններում Երևան-Երասխ ավտոճանապարհի 22 կմ հատվածում, դեռևս անհայտ հանգամանքներում, Երևանի բնակիչ 22-ամյա Թելման Ղ.-ն իր վարած «Tesla» մակնիշի ավտոմեքենայով դուրս է եկել երթևեկելի գոտուց և հայտնվել դաշտում։

«Մենք գտնում ենք, որ ստեղծված իրավական հիմքերի, փաստական հիմքերի, ՀՀ 61 և 63-րդ հոդվածների, Մարդու իրավունքների Եվրոպական կոնվենցիայի 6-րդ հոդվածի տեսանկյունից, ինչպես նաև Եվրոպական դատարանի նախադեպային որոշումների տեսանկյունից՝ ղեկավարվելով ՀՀ քրեական դատավարության օրենսգրքի 66 և դատական օրենսգրքի 71-րդ հոդվածի կարգավորումներով, խնդրում եմ Ձեզ սույն քրեական վարույթից հայտնել ինքնաբացարկ»,- այս մասին Լևոն Քոչարյանի և Սերգեյ Ասատուրովի վերաբերյալ գործով դատական նիստին հայտարարեց փաստաբան Արամ Վարդևանյանը։ Մանրամասն՝ տեսանյութում։

Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը ողջունել են միմյանց, սակայն առարկայական շփում չի եղել, հայտնել է ՌԴ նախագահի մամուլի քարտուղար Դմիտրի Պեսկովը։

Գլխավոր դատախազությունը տեղեկացրել էր, որ Պետական շահերի պաշտպանության վարչությունը 16 հայցադիմում է  ներկայացրել Հակակոռուպցիոն դատարան՝ Տավուշի մարզի Իջևան համայնքի քաղաքային զբոսայգու տարածքում գտնվող հողամասերի նկատմամբ կառուցապատման իրավունքները հարկադիր դադարեցնելու և հողատարածքները Իջևան համայնքին վերադարձնելու հայցապահանջներով:

Պուտին-Կիմ Չեն Ըն եղբայրական հանդիպումը Պեկինում անհանգստացրել է Միացյալ Նահանգների նախագահին, թեև ինքը դա հերքել է լրագրողների հետ զրուցելիս: Թրամփի խոսքով՝ Դաշնության ու Հյուսիսային Կորեայի առաջնորդները դավեր են նյութել իր դեմ բանակցությունների ժամանակ: 2.5 ժամից մի փոքր ավելի են զրուցել Պուտինն ու Կիմ Չեն Ընը փակ դռների հետևում, բայց բանակցությունների նույն մեքենայով են գնացել:

ՀՀ կենտրոնական ընտրական հանձնաժողովը սեպտեմբերի 1-ին ստացել է ԱԺ նախագահի արձանագրությունն առ այն, որ պատգամավոր Արեն Մկրտչյանի լիազորությունները վաղաժամկետ դադարել են։ Այս մասին հայտնում են ԿԸՀ-ից:

Հայաստանի քաղաքացիները կկարողանան Ղազախստանում մնալ առանց վիզայի մինչև 90 օր. երկրի Մաջիլիսը վավերացրել է Երևանի հետ համաձայնագիրը:

Հայլուր 15։30 Հիստերիա և աճող ավտորիտարիզմ. հանրահայտ իրավաբանը՝ Փաշինյանի կառավարման մասին

«Բաքվի բանտերում պահվող հայ գերիների շրջանում եղել են ինքնասպանության փորձեր», - «Ազատությանն» այսօր փոխանցեց Եվրոպական դատարանում գերիների շահերի պաշտպան Սիրանուշ Սահակյանը:

Սեպտեմբերի 3-4-ին Արարատյան դաշտում, Կոտայքի, Արագածոտնի և Վայոց ձորի նախալեռներում, Սյունիքի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։ Այս մասին հայտնում են  «Հիդրոօդերևութաբանության և մոնիթորինգի կենտրոն»-ից:

Աշխարհահռչակ իրավաբան և մարդու իրավունքների միջազգային պաշտպան Ռոբերտ Ամստերդամը X-ի իր միկրոբլոգում կիսվել է տեսանյութով՝ կից գրելով․

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում նախաձեռնված քրեական վարույթի նախաքննության ընթացքում պարզվել է, որ  Երևան քաղաքի բժշկական կենտրոններից մեկը ՀՀ ՊԵԿ ներկայացրած 2024-2025 թվականների տարբեր ամիսների եկամտային հարկի և սոցիալական վճարների հաշվարկներում մտցրել է խեղաթյուրված տվյալներ:

ՀՀ առողջապահության նախարարությունից հայտնել են, որ երեկ Ամիրյան-Մաշտոց փողոցների խաչմերուկում ավտոմեքենայի պայթյունի հետևանքով տուժած երեք քաղաքացիներից երկուսը դուրս են գրվել հիվանդանոցներից: Երրորդի առողջական վիճակը միջին ծանրության է:

Սեպտեմբերի 4-ին Երևանի «Ա.Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ում անցկացվելու է ցուցադրական հատուկ տակտիկական ուսումնավարժություն, որը ընթացքում ժամը 15:00-ին գործարկվելու է էլեկտրական շչակ։ 

Մենք այս պահին ունենք հետևյալ իրականությունը՝ միջազգային Արբիտրաժը կայացրել է միջանկյալ որոշում, ըստ էության, հայցի ապահովում կիրառելու մասին, որն այս պահին չի կատարվում կառավարության կողմից կամավոր տարբերակով: Այս մասին լրագրողների հետ զրույցում ասաց արդարադատության նախարար Սրբուհի Գալյանը՝ պատասխանելով հարցին՝ ինչո՞ւ ՀՀ-ն չի կատարում Ստոկհոլմի Արբիտրաժային դատարանի որոշումը ՀԷՑ-ի վերաբերյալ:

Պեկինի Տյանանմեն հրապարակում Չինաստանը այսօր առաջին անգամ ցուցադրել է լիարժեք միջուկային եռյակ՝ ցամաքային, ծովային և օդային բազաների ռազմավարական ուժերով: Ճապոնական ագրեսիայի դեմ Չինաստանի ժողովրդի դիմադրության և Համաշխարհային հակաֆաշիստական պատերազմում տարած հաղթանակի 80-ամյակին նվիրված շքերթին 26 պետությունների ղեկավարներ են ներկա եղել:

ՀՀ ԱԽ քարտուղար Արմեն Գրիգորյանը սեպտեմբերի 4-ին աշխատանքային այցով կմեկնի  Փարիզ: Այս մասին հայտնում են Անվտանգության խորհրդից: