Չարչյանին կալանքի տակ են պահում Գագիկ Ջհանգիրյանի ցուցումո՞վ

«Հայաստան» խմբակցության պատգամավորները «Քանաքեռ-Զեյթուն» բժշկական կենտրոնում հանդիպել են Արմեն Չարչյանին: Նա երեկ երեկոյան է «Վարդաշեն» քրեակատարողական հիմնարկից տեղափոխվել քաղաքային հիվանդանոց՝ գրեթե անգիտակից վիճակում:

Չարչյանը՝ օրական 92 միավոր ինսուլին է ստանում, իսկ այդ քանակը, Կառավարության որոշմամբ, անհամատեղելի է կալանքի հետ: Բացի այդ՝ չի հաղթահարվել Չարչյանի պատգամավորական անձեռնմխելիությունը: Նրան կալանավորելու թույլտվություն Ազգային ժողովը այդպես էլ չի տվել: