Ուրախությամբ օգտվեցինք առիթից՝ մեր բիզնեսը ՀՀ-ում ընդլայնելու և ձեռք բերելու փաթեթ ԶՊՄԿ-ում. ԶՊՄԿ-ի համասեփականատեր

«Գեոպրոմայնինգ» ընկերությունը սեպտեմբերի 30-ին ձեռք է բերել Զանգեզուրի պղնձամոլիբդենային կոմբինատի (ԶՊՄԿ) 60%-ը։ Ընկերությունը մտադիր է նաև Հայաստանում պղնձաձուլական նոր գործարան կառուցել:

«Գեոպրոմայնինգ» ընկերության տնօրենների խորհրդի անդամ Ռոման Տրոցենկոն գործարքը մեկնաբանել է հետևյալ կերպ.

«Մենք ուրախությամբ օգտվեցինք առիթից ՝ մեր բիզնեսն ավելի ընդլայնելու Հայաստանում և ձեռք բերելու փաթեթ ԶՊՄԿ- ում ՝ միաժամանակ առաջարկելով ՀՀ կառավարությանը 15% բաժնեմաս:

Մենք մտադիր ենք ընդլայնել համագործակցությունը ՀՀ կառավարության հետ, և սա մեր ավելի լայն ներդրումային տեսլականի առաջին քայլն է: Մենք մտադիր ենք առաջիկա տարիներին Հայաստանում սկսել պղնձաձուլարանի նոր շինարարություն»:

Նշենք, որ «Արդյունաբերական ընկերություն» բաժնետիրական ընկերությունը կառավարությանը փոխանցել էր Զանգեզուրի պղնձամոլիբդենային կոմբինատի իր բաժնետոմսերի 25% -ը: ՀՀ կառավարությանը նվիրաբերված 25%-ը կազմում է ԶՊՄԿ ընդհանուր կապիտալի 15%-ը, որն էլ հետևապես անցել է ՀՀ սեփականությանը։

«Արդյունաբերական ընկերությունը» հանդիսանում է «Գեոպրոմայնինգ» ընկերության 100% դուստր ձեռնարկությունը: