Թուրքիան Հայաստանի մասով իր քայլերը քննարկում է Բաքվի հետ․ Քրիստինե Վարդանյան

Թուրքիան յուրաքանչյուր փուլում Հայաստանի մասով իր քայլերը քննարկում է Բաքվի հետ, գրել է ԱԺ «Հայաստան» խմբակցության պատգամավոր Քրիստինե Վարդանյանը․

«Չավուշօղլու, 10 փետրվարի 2022 թ․

Չկան Հայաստան-Թուրքիա, Հայաստան-Ադրբեջան բանակցություններ։ Կա Թուրքիա-Ադրբեջան-հայ կոլաբորացիոնիստներ խոսակցություն։

Խոսակցության օրակարգը

1․Ադրբեջանի և Թուրքիայի տարածքային ամբողջականության ճանաչում: Արցախից հրաժարում։

2․Ցեղասպանության հարցից հրաժարում։

3․Այնպիսի պայմանագրերի կնքում, որը հետագա սերունդների առաջև կփակի որևէ հանարվորություն արդարության վերականգնման համար:

5․Հայ ժողովրդի նոր ցեղասպանություն։ Հայկական հարցի վերջնական լուծում, հայկական գործոնի վերացում։ Այս տարածաշրջանում գուցե կմնան հայեր, բայց նրանք այլևս ոչինչ չեն որոշի, իսկ հենց փորձ անեն որոշելու՝ կգործարկվի փորձարկված տարբերակը՝ ցեղասպանությունն ու էթնիկ զտումները։

Չենք կարող ամբողջ ազգով ոչինչ չանել ու հույս ունենալ, որ մի օր մի Թեհլիրյան կամ Արշավիր Շիրակյան կլուծի մեր վրեժը։

Ես վստահ եմ, որ առաջիկայում քաղաքական ուժերը պայքարի դաշտ մեզ բոլորիս առաջարկելու են, բայց մենք ուզո՞ւմ ենք փրկվել»։