Ռոնալդուն հաջորդ խաղում ևս կմնա պահեստայինների նստարանին

Պորտուգալիայի հավաքականի գլխավոր մարզիչ Ֆերնանդու Սանտուշը թիմի ավագ Կրիշտիանու Ռոնալդուին պահեստայինների նստարանին կթողնի նաև Մարոկկոյի դեմ քառորդ եզրափակչի խաղում, «Shantnews»-ի փոխանցմամբ՝ հայտնում է A Bola-ն:

Կենտրոնական հարձակվողի դիրքում Սանտուշը երկրորդ խաղում անընդմեջ խաղադաշտ դուրս կբերի Լիսաբոնի «Բենֆիկայի» հարձակվող Գոնսալու Ռամուշին: 21-ամյա ֆուտբոլիստը կարիերայում առաջին անգամ պորտուգալացիների հիմնական կազմում ընդգրկվել էր Շվեյցարիայի դեմ 1/8 եզրափակչի խաղում, որում դարձել էր հեթ-տրիկի և մեկ գոլային փոխանցման հեղինակ:

Մարոկկո – Պորտուգալիա հանդիպումը տեղի կունենա դեկտեմբերի 10-ին: