Լրահոս

Նոր շրջադարձ՝ սահմանադրական կարգի ենթադրյալ տապալման վերաբացված գործում: Դատարանն այսօր բավարարել է դատախազի միջնորդությունը՝ թույլատրելով փոխել երկրորդ նախագահի և մյուսների արարքի իրավական գնահատականը: Կարծես ստացվում է, որ վերաորակված մեղադրանքը նորից վերաորակվում է:

Հանրապետության նախագահ Վահագն Խաչատուրյանն աշխատանքային այցով ժամանել է Կատարի մայրաքաղաք Դոհա։

Նոյեմբերի 2-ին անընդունելի միջադեպ է տեղի ունեցել թիվ 50 երթուղին սպասարկող տրանսպորտային միջոցում։ Ժամը 22։50-ի սահմաններում ուղևորը նստել է նշյալ երթուղին սպասարկող տրանսպորտային միջոցը, պահանջել վարորդից մեքենան վարել իր ասած ուղղությամբ, այս մասին գրել է «Երևան Ավտոբուս» ՓԲԸ-ի խոսնակ Գեղամ Ասատրյանը։

Երեկվանից  թե՛ համացանցում, թե՛ հանրային այլ հարթակներում ակտիվ քննարկվում է, թե կիրակի օրը Հովհաննավանքում կարգալույծ արված Ստեփան Ասատրյանի  հետ ովքեր էին խորան բարձրացել ու «պատարագ» մատուցում։ Տարածված լուսանկարներում, կադրերում  մեր աչքից չվրիպեց սարկավագի հագուստով քաղաքացին, և երկար ջանք պետք չէր գործադրել՝ հասկանալու, որ սարկավագի զգեստով խորան էր բարձրացել մասնագիտությամբ ատամնաբույժ Հովհաննես Գևորգյանը, ով մշտապես հարկային բեռից բողոքող և կառավարության դիմաց  կազմակերպված բողոքի ակցիաների ակտիվ մասնակիցներից է։ Ամեն դեպքում Yerkir.am-ը Հովհաննեսից ակցիաների ժամանակ մի քանի անգամ հարցազրույց վերցրել է։  Իսկ թե ինչպես ստացվեց, որ մասնագիտությամբ ատամնաբույժը որոշեց հագնել սարկավագի զգեստն ու կարգալույծ արված Ստեփան Ասատրյանի հետ  կեղծ «պատարագ» մատուցել, հարցրեցինք հենց իրեն՝ Հովհաննես Գևորգյանին հեռախոսազրույցի միջոցով։  Նա ասաց, որ առաջին անգամը չէ, որ եկեղեցականի զգեստ է կրում և բարձրանում խորան։

Ինչո՞ւ է Հանրային ծառայությունները կարգավորող պետական հանձաժողովը անընդհատ մերժում «Տաշիր կապիտալ» ընկերության՝ Սամվել Կարապետյանի անձնական շահույթի հաշվին հոսանքի սակագինը իջեցնելու առաջարկը: ՀԷՑ-ի նախկին գլխավոր տնօրենի պաշտոնակատարը այսօր թվերով է հիմնավորել, որ էլէկտրաէներգիայի գինը հնարավոր է նկատելիորեն իջեցնել: Դավիթ Ղազինյանը համոզված է՝ Փաշինյանի կաբինետը հոսանքի ցածր սակագինը նախընտրական մեծ խոստում է ուզում սարքել ու ձմռան շեմին պարզապես անտեսում է ժողովրդի շահը:

Գեղարքունիքի մարզում տեղի ունեցած երեք տարեկան Տիգրան Ա.-ի ողբերգական մահը շարունակում է ցնցել հանրությանը՝ բացելով մի ամբողջ շարք հարցեր, որոնց պատասխանները դեռևս մնում են օդում։ Երեխան՝ Ծափաթաղ գյուղի բնակիչ, անհայտացել էր հոկտեմբերի 27-ին, իսկ նրա մարմինը հայտնաբերվել է նոյեմբերի 2-ին՝ Ջիլ գյուղի ցուցանակից մոտ 60 մետր հեռավորության վրա։

«Բաքվի բարբարոսական վարչախմբի պարագլուխն, իբր օրինակ է բերել 20-րդ դարասկզբի ռուսական քարտեզները՝ նշելով, թե համաձայն դրանց Հայաստանի ներկայիս տարածքում կան «ադրբեջանական տեղանուններ» և կոչ անելով ուսումնասիրել և հանրահռչակել այդ քարտեզները։

Իլհամ Ալիևն այսօր նորից խոսել է ադրբեջանցիների, իր խոսքով, պատմական հայրենիք՝ Հայաստան, վերադարձի մասին ու հորդորել հայ ժողովրդին չվախենալ դրանից: Հայաստանի քաղաքական և ռազմական ղեկավարները Ադրբեջանի նախագահի հայտարարությունները լուրջ չեն ընդունում՝ պնդելով, որ մեր երկրում արդեն խաղաղություն է: Սակայն ընդդիմությունը նորից զգուշացնում է՝ Սևանը նորից Գյոյչա անվանելով՝ Ալիևը անոնսում է Հայաստանից հաջորդ տարածքային պահանջները:

Հայաստանում, Ազգային վիճակագրական կոմիտեի տվյալներով, աճել է ծանր և առաձնապես ծանր հանցագործությունների թիվը, բայց ներքին գործերի նախարարը խորհրդարանում՝ Բյուջե-2026-ի քննարկումներին այնպես է դա ներկայացրել, որ հակառակ պատկերն է ստացվել: «Ընդհանուր հանցագործությունների կազմում դրանք նվազել են 0,7 տոկոսով», - ասել է Արփինե Սարգսյանը: Ինչպե՞ս ապրել օրեցօր վտանգավոր դարձող Հայաստանում, եթե անգամ ոստիկանական գվարդիան, ըստ ընդդիմության, ծառայում է իշխանությանը:

Այսօր՝ նոյեմբերի 3-ին, ողբերգական դեպք է տեղի ունեցել Երևանում։ Ժամը 15:50-ի սահմաններում Երևանի 103 շտապօգնության բժիշկների հերթապահ խմբի կողմից ահազանգ է ստացվել ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժին և հայտնել են, որ բժիշկների հերթապահ խումբը կանչով մեկնել է Շենգավիթ վարչական շրջանի հասցեներից մեկը, որտեղից «սրտի կանգ, կենսաբանական մահ» ախտորոշմամբ հայտնաբերել են երեխայի մարմին։

Վաղարշապատցիների անբաժան ընկերն է խոստանում դառնալ «Հաղթանակ» դաշինքը: Քարոզարշավի 12-րդ օրը դաշինքի թեկնածու Սևակ Խաչատրյանը Հայթաղ է գնացել, գյուղացիներին հորդորել ակտիվ մասնակցել ընտրություններին:

«Ժառանգությունը» խոստանում է առաջիկա ՏԻՄ ընտրություններում վերցնել իշխանությունը «Քաղաքացիական պայմանագրից» ու այն հանձնել ժողովրդին: Կուսակցության Վաղարշապատի համայնաքապետի թեկնածու Արկադի Փայտյանն այսօր ասուլիսի ժամանակ խոստացել է իր ընտրողներին վերականգնել նրանց խոսքի իրավունքը, թափանցիկ կառավարում ապահովել:

Այսօր՝ նոյեմբերի 3-ին, ողբերգական ավտովթար է տեղի ունեցել Կոտայքի մարզում։ Ժամը 18։40-ի սահմաններում Եղվարդ-Աշտարակ H6 ավտոճանապարհին  Գեղարքունիքի մարզի բնակիչ 29-ամյա Վրեժ Հ․-ն իր վարած «Volkswagen» մակնիշի ավտոմեքենայով դուրս է եկել ճանապարհի երթևեկելի գոտուց և հայտնվել ձորակում, ինչի հետևանքով ավտոմեքենայի գազաբալոնը պոկվել է։

Հայլուր 20։30 Անսպասելի աղմկոտ վարկած. փոքրիկ Տիգրանը դեռ ո՞ղջ է եղել որոնումների առաջին օրերին

3-ամյա երեխայի առերեւույթ սպանություն կատարած անձը կալանավորվել է։ Այս մասին հայտնում են Քննչական կոմիտեից։ Այս մասին ԶԼՄ-ներին հայտնել են քննչական կոմիտեից։

Եթե Գյումրիի քաղաքապետի նկատմամբ հոկտեմբերի 21-ին կիրառված նոր խափանման միջոցը՝ պաշտոնավարման կասեցումը, ակնհայտորեն բացառում է կալանքը, ինչո՞ւ է մինչև հիմա Վարդան Ղուկասյանն անազատության մեջ: Պատասխանատու մարմինները չեն արձագանքել պաշտպանական թիմի այս հարցին: Ըստ փաստաբանների՝ Ղուկասյանը արդեն երկու շաբաթ ապօրինի է կալանավորված:

Վաղարշապատի համայնքապետի ընտրություններին ընդառաջ՝ շարունակվում է «Հաղթանակ» դաշինքի քարոզարշավը։ Դաշինքի անդամները, Սևակ Խաչատրյանի գլխավորությամբ, եղել են Էջմիածնի մի շարք փողոցներում, ներկայացրել նախընտրական ծրագիրը, նպատակները։

1 ամսով կկալանավորվի Ամենայն Հայոց կաթողիկոսի եղբայրը: Գևորգ Ներսիսյանի որդու՝ Համբարձում Ներսիսյանին կալանավորելու միջնորդությունը դեռ քննվում է: Ըստ փաստաբան Արա Զոհրաբյանի՝ 68-ամյա Գևորգ Ներսիսյանը և որդին՝ Համբարձում Ներսիսյանը, մեղադրվում են խուլիգանության և «Հանրապետություն» կուսակցության քարոզչությանը խոչընդոտելու համար: Փաստաբանը մեղադրանքը հերքող տեսանյութ է հրապարակել և սուտ մատնություն անվանել կատարվածը:

Քիչ առաջ դատարանը որոշում է կայացրել 1 ամսով կալանավորել Կաթողիկոսի եղբորորդուն` Համբարձում Ներսիսյանին: 

Միջին նորոգման աշխատանքներով պայմանավորված՝ նոյեմբերի 3-ից՝ գիշերային ժամերին՝ 23:00-ից մինչև 06:00-ը, Մ-5, Երևան-Արմավիր-ՀՀ սահման ճանապարհի կմ7+041-կմ10+430 հատվածի (Արգավանդի խաչմերուկից մինչև «Զվարթնոց» օդանավակայանի խաչմերուկ) երթևեկությունը սահմանափակվելու է։ Այս մասին տեղեկացնում են «Ճանապարհային դեպարտամենտից»: