Խնդրում եմ կոնկրետ ասել, թե ինչ նկատի ունեք ամայի տարածքներ ասելով, երբ ասում էիք, որ մեր բանակը պաշտպանում  է մարդկանց և ոչ թե ամայի տարածքներ: Այս մասին Աժ-ում ՔՊ-ական Վլադիմիր Վարդանյանին հարց ուղղեց «Հայաստան» խմբակցության պատգամավոր Քրիստինե Վարդանյանը:

ՀՅԴ Հայ դատի Կենտրոնական խորհրդի նախաձեռնությամբ օգոստոսի 7-ին գումարվել է ՀՅԴ Հայ դատի հանձնախմբերի և գրասենյակների առցանց խորհրդակցություն։ Խորհրդակցությանը մասնակցել են Հայ դատի Կենտրոնական խորհրդի անդամները, Հայ դատի տարածաշրջանային գրասենյակների, ավելի քան 30 երկրներում գործող Հայ դատի հանձնախմբերի պատասխանատուները և ՀՅԴ մարմինների ներկայացուցիչներ։

8-րդ գումարման Ազգային ժողովը շարունակում է աշխատանքները,  «Քաղաքացիական պայմանագիր» խմբակցությունից Պետական-իրավական հարցերի մշտական հանձնաժողովի նախագահի թեկնածուն Վլադիմիր Վարդանյանն է: Ընդդիմադիր «Հայաստան» խմբակցությունից Տնտեսական հարցերի մշտական հանձնաժողովի նախագահի պաշտոնում առաջադրվեց պատգամավոր Վահե Հակոբյանի թեկնածությունը:

8-րդ գումարման Ազգային ժողովը շարունակում է աշխատանքները, այսօր արդեն ներկայացվում են մշտական հանձնաժողովների նախագահների թեկնածուները:

Օգոստոսի 9-ին խորհրդարանը շարունակում է աշխատանքները: Օրակարգում մշտական հանձնաժողովների նախագահների ընտրությունն է: Նշենք, որ ԱԺ նախագահի և տեղակալների ընտրությունը տևեց չորս օր:

44-օրյա պատերազմում ընկած Հովհաննեսը կամավոր է մեկնել ճակատ՝ պատերազմը սկսելուց անմիջապես հետո՝ սեպտեմբերի 27-ին: Հովհաննեսի 30-ամյակի առիթով հուշարձան է տեղադրվել հարազատ տան բակում: 

Խորհրդարանի աշխատանքը լուսաբանող լրագրողները կես կատակ, կես լուրջ ասում են կորցրել են Ազգային ժողովի 75 տոկոսը, ինչպես Արցախինը: Ադրբեջանը՝ Արցախ տանող, Հայաստանի իշխանությունը խորհրդարանի Լաչինի միջանցքն է վերահսկողության տակ առել: Լրագրողներն այդպես են անվանում Ազգային ժողովի հին եւ նոր մասնաշենքերը կապող հատվածը, որտեղ նրանց մուտքը հատուկ անցաթղթով է ուզում դարձնել իշխանությունը:

Հարկային դաշտ մտնելու պարտադրանքի առաջ կանգնած անհատ տաքսիստները՝ Հայաստանից գնալ են ուզում: Այսօր «Հայլուրի» թղթակցի հետ զրույցում ասել են եթե իշխանությունը իր մտադրությունն իրականացնի, իրենք Ռուսաստան կգնան՝ նույն տաքսին այնտեղ քշելու:

Չնայած Էրդողանը հրդեհների հետևանքները վերացնելու խոստումներ է տալիս, նրա կուսակցության վարկանիշը Թուրքիայում օր օրի ավելի է ընկնում: Փորձագետները չեն բացառում, որ հրդեհի պատճառով Թուրքիան քաղաքական ու տնտեսական մեծ ճգնաժամի առաջ կկանգնի:

Շուշիից, Քարվաճառից ու Քաշաթաղից տեղահանված բնակիչները՝ 12 ընտանիք Երևանում էլ տունը կորցնելու վտանգի առաջ են: Երևանում՝ նրանց հանրակացարանը լքելու ժամանակ են տվել՝ մինչև օգոստոսի 10-ը: Սեպտեմբերից այնտեղ հնդիկ ուսանողներ են ապրելու:

Տավուշի սահմանամերձ Ոսկեպարում ռուսական դրոշի հայտնվելուց հետո բնակիչների մի մասը հանգիստ շունչ է քաշել, մի մասն էլ շունչը պահել է, մինչև հասկանա, թե ինչու են ռուսները ուղեկալ դրել գյուղում: Մեր պաշտպանական գերատեսչության պաշտոնական մեկնաբանությունը կարճ է հայ-ռուսական համագործակցության շրջանակում են ռուս սահմանապահները մտել Ոսկեպար:

Պաշտպանության նախարարությունը տեղեկացնում է, որ այսօր՝ օգոստոսի 7-ին, ժամը 11:40-ից 12:00, ադրբեջանական ԶՈՒ ստորաբաժանումները հերթական անգամ դիմել են սադրանքի:

Արարատյան դաշտում և նրա նախալեռներում, Վայոց Ձորի նախալեռներում, Սյունիքի հովտային շրջաններում և Երևանում առկա է և սպասվում է բարձր կարգի հրդեհավտանգ իրավիճակ:

Ավարտվում է 2000-ականների ամենահայտնի ֆուտբոլային համագործակցություններից մեկը: Կատալոնական «Բարսելոնան» լքում է արգենտինացի ֆուտբոլիստ՝ Լեոնել Մեսսին: 34-ամյա հարձակվողը, ըստ կապտա-նռնագույնների մամուլի ծառայության, ստիպված է հեռանալ ակումբից ֆինանսական պատճառներ կան: Մեսսին Իսպանական ակումբում է սկսել կարիերան, 778 անգամ դուրս է եկել կանաչ խաղադաշտ, դարձել 672 գոլի հեղինակ:

Երկու նոր ժամանակակից էլեկտրագնացքներ են ավելացել Հարավկովկասյան երկաթուղու շարժակազմին: Գնացքները կաշխատեն Գյումրիի և Երասխի ուղղություններով:

«Թուրքիան աշխարհի հզորագույն երկրների՞ց է: Բա ինչու՞ է այրվում»: Զայրացկոտ հարցերով թուրքերը փողոց են դուրս եկել բողոքի գործողության: Հիմա իշխանությունը չգիտի կրա՞կը զսպել, թե՞ թեժացող ակցիաները: Անճարությունից Էրդողանը հայտարարել է, որ 250 միլիոն ծառ կտնկի հրդեհներից տուժած շրջաններում: