Լրահոս

Հաշմանդամային սպորտի հանրապետական մարզական ամենամյա խաղերն այս տարի անցկացվել են 6 մարզաձևում: Շաշկի եւ շախմատ մարզաձեւերից բացի հաշմանդամություն ունեցողները նաեւ ուժային եռամարտի մրցումներ են անցկացրել:

ԱԺ-ն բաղկացած է լինելու 12 մշտական հանձնաժողովներից։ Երեկվա՝ օգոստոսի 9-ի նիստում չի ընտրվել ոչ մի հանձնաժողովի նախագահ։

Բաքվի բանտերում պահվող հայ ռազմագերիների հարազատները կառավարության բակում են և մտադիր են գիշերել այնտեղ:

Եվ այսպես: Էջմիածնում վարձակալը դանակի մի քանի տասնյակ հարված է հասցրել տան սեփականատերերին: Տղամարդը տեղում մահացել է, կնոջ պատռված գլխին բժիշկները 50 կար են դրել:

Գերեվարվածների հարազատները նստացույց են անում կառավարության շենքի մոտ: 8 ամիս անց, նրանք այդպես էլ չեն ստանում միակ հարցի պատասխանը ե՞րբ են տղաները վերադառնալու:

Հայ-ադրբեջանական սահմանը հատող ադրբեջանցուն կրակելու մասին երկու անգամ հրաման տված պաշտպանության նախարարն այսօր ՀԱՊԿ գլխավոր քարտուղարին ասել է, որ Հայաստանը չի պատրաստվում համակերպվել պետական սահմանի խախտման դեպքերի հետ եւ խաղաղ կարգավորման անհնարինության դեպքում ուժային գործողությամբ կպատասխանի:

Ազգային ժողովում իշխանական խմբակցությունը մեկը մյուսի հետեւից հանձնաժողովների նախագահների թեկնածություններ է առաջադրում: Ինչպես նկատել են ընդդիմադիրները պետաիրավական եւ պաշտպանության հանձնաժողոների նախագահները պարզապես վերարատադրվում են:

Հետաքրքիր է. հայ բանահյուսությունն ինչու է այսքան հարուստ որկրամոլության մասին ասացվածքներով, օրինակ՝ «ծակ աչք», «ծակ ոսկոր», թե լեզվաբաններն ինչ բացատրություն կտան՝ իրենց գործն է, բայց Աժ այսօրվա նիստում քպականների ու նրանցից Արթուր Հովհաննիսյանի ելույթները մի բան ապացուցեցին՝ մեր երկիրը ղեկավարում է որկրամոլների իշխանությունը, որ շատ մոտ ապագայում վերջնականապես ընտրելու է «որտեղ հաց, այնտեղ՝ կաց» կարգավիճակը:

ԱԺ նիստում «Պատիվ ունեմ» խմբակցության պատգամավոր Հայկ Մամիջանյանը անդրադարձավ պաշտպանության նախարարի հայտարարությանը։

Դիմելով պետաիրավական հարցերի մշտական հանձնաժողովի նախագահի թեկնածու Վլադիմիր Վարդանյանին՝ «Հայաստան» դաշինքի պատգամավոր Արեգնազ Մանուկյանը հիշեցրեց, որ ըստ Սահմանադրության՝ ԱԺ պատգամավորը առաջնորդվում է իր խղճով և համոզմունքներով։

ԱԺ այսօրվա նիստի ընթացքում «Պատիվ ունեմ» դաշինքի ցուցակով պատգամավոր ընտրված Տիգրան Աբրահամյանը իշխող ուժի ներկայացուցիչ Անդրանիկ Քոչարյանից հետաքրքրվեց, թե ինչպե՞ս է վերջինս գնահատում ռազմաքաղաքական իրավիճակը տարածաշրջանում հետպատերազմյան ժամանակահատվածում։

 Ազգային ժողովը շարունակում է քննարկել «Քաղաքացիական պայմանագիր» խմբակցությունից Պետական-իրավական հարցերի մշտական հանձնաժողովի նախագահի պաշտոնում Վլադիմիր Վարդանյանի թեկնածության հարցը:

Մարդու իրավունքների պաշտպանին տարիների ընթացքում հասցեագրված բողոքները վկայում են, որ պրակտիկան այդպես էլ չի բարելավել։ Միայն 2020 թվականին՝ պայմանավորված ռազմական ու արտակարգ դրույթներով, բողոքների թիվը եղել է տարբեր։ Պետական սահմանով անցման սահմանափակումները վերացնելուց հետո զուգահեռ բողոքները շարունակվում են հասցեագրվել։

Տարիներ շարունակ շատ-շատերն իշխանություններին քննադատել են խնամի-ծանոթ-բարեկամով պաշտոնների նշանակելը, որը շատ հաճախ եղել է: 2018-ին իշխանության եկած քաղաքական ուժը դատապարտում էր դա, բայց կարճ ժամանակ հետո գերդաստաններով դարձնում ԱԺ պատգամավոր, բանակի ընկեր լինելով նշանակում պաշտոնների, նույնիսկ հայտնի դեպքեր կան, օրինակ՝ Սուրեն Պապիկյանի բանակի ընկերներին կարելի է տեսնել շատ գերատեսչություններում: 

Արտաքին գործերի նախարարի պարտականությունները կատարող Արմեն Գրիգորյանը հանդիպել է  Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասին: Գրիգորյանը ՀԱՊԿ քարտուղարին ներկայացրել է իրադրությունը Սյունիքում ու Գեղարքունիքում, անդրադարձել Ադրբեջանի պարբերական սադրանքներին՝ այդ թվում Նախիջևանի տարածքից:

«Ինչպիսի՞ վերաբերմունք ունենք նոյեմբերի 9-ի կապիտուլյացիոն հայտարարության վերաբերյալ, բազմաթիվ քաղաքական հետապնդումներ կապված են քննիչների և դատախազների ոչ իրավաչափ գործողությունների հետ, արդյոք Ձեր հանձնաժողովը ուշադրություն դարձրել է ապօրինություններին»,-այս մասին հարցրեց «Հայաստան» խմբակցության պատգամավոր Արծվիկ Մինասյանը:

Սա «Հրազդան» մարզադաշտի այսօրվա վիճակն է։ Ձորափով անցնելիս պատահաբար հայտնաբերեցի այս հուսահատ տեսարանը. Լքված, դատարկ, անհեռանկար։ Խոտածածկի փոխարեն թփեր ու ամբողջական ծառեր են աճում։ Թվում է, թե տեր ունի, բայց անտեր է։