Լրահոս

Ընդդիմադիր պատգամավոր Քրիստինե Վարդանյանը Փաշինյանին առաջարկեց ասել, որ Շուշին ու Հադրութը թշնամին ժամանակավորապես է օկուպացրել։ Փաշինյանը հրաժարվեց պատգամավորի առաջարկից։

Արցախի դիմաց 5 միլիարդ դոլար ստանալու մասին «օդում կախված» լուրերի վերաբերյալ պատգամավոր Արամ Վարդևանյանի ակնարկը հունից հանել է Նիկոլ Փաշինյանին:

«Ղրիմի հարթակ» միջազգային գագաթնաժողովի ավարտին Ուկրաինայի նախագահ Վլադիմիր Զելենսկին հայտարարել է, որ Ղրիմը վերադարձնելու հետհաշվարկը սկսված է: Նա պատրաստվում է հռչակագիր ներկայացնել ու գնահատական տալ Ռուսաստանի ագրեսիվ գործողություններին: Վլադիմիր Պուտինը իր մամուլի խոսնակի շուրթերով «հակառուսական միջոցառում» է անվանել «Ղրիմի հարթակը»:

Պատգամավոր Աննա Մկրտչյանի հետ տեղի ունեցածն ըստ Արթուր Ղազինյանի տղամարդուն ոչ վայել վարքագիծ էր, ինչին նախորդել էր Նիկոլ Փաշինյանի արտահայտությունը, թե Մկրտչյանի հանդեպ իշխանական տղամարդ պատգամավորների կոշտ վերաբերմունքը քիչ է՝ շատ պետք է անեին:

Խորհրդարանում շարունակվում է ՀՀ կառավարության ծրագրի քննարկումը, Նիկոլ Փաշինյանը պատասխանում է պատգամավորների հարցերին:

ՀՀ կառավարության ծրագիրը ներկայացնելուց հետո Նիկոլ Փաշինյանը պատասխանեց պատգամավորների հարցերի, ընդդիմադիր պատգամավորների հարցերի ծանրակշիռ մասը վերաբերվում էր  պատերազմին:

«Պատիվ ունեմ» խմբակցության պատգամավոր Աննա Մկրտչյանը դիմեց Փաշինյանին. «այս անձնավորությունը դահլիճ է բերել ախրաննիկներ, որոնք երբևէ Ազգային Ժողով չեն մտել...»:

ՀՀ ԱԺ 8-րդ գումարման առաջին նստաշրջանի հերթական նիստի ժամանակ Նիկոլ Փաշինյանը պատասխանելով «Պատիվ ունեմ» խմբակցության պատգամավոր Տիգրան Աբրահամյանի հարցին՝ ասաց. « Այն կուսակցությունը, որ ներկայացնում է, պարոն Աբրահամայանը 2010 թվականին ընդունել է վարչատարածքային բաժանման օրենք, որով այդ տարածքները ճանաչել է Ադրբեջանի անբաժանելի մաս և նրանք, ովքեր կողմ են քվեարկել այդ օրենքին, գալիս ասում են, թե Արցախի տարածքների 70 տոկոսը կորսվել է, ոչ, էդ ձեր հիշատակած 70 տոկոսի 80 տոկոսը, դուք ընդունել եք ձեր օրենքներով, որպես Ադրբեջանի անբաժանելի մաս»:

Ալեն Սիմոնյանը նախ անջատել է «Պատիվ ունեմ» խմբակցության պատգամավոր Աննա Մկրտչյանի բարձրախոսը ու նկատողություն հայտարարել, ապա հրավիրել անվտանգության աշխատակիցներին, որ Մկրտչյանին դուրս հանեն դահլիճից:

Խորհրդարանում թեժ կրքեր են բորբոքվել, այնտեղ իսկական ծեծկռտուք է սկսվել, ընդմիջում է հայտարարվել, որովհետև խորհրդարանի խոսնակ Ալեն Սիմոնյանը նորից որոշել է լռեցնել ընդդիմադիր պատգամավորին:

«Հայաստան» խմբակցությունն այսօր խորհրդարանում ակցիա է արել: Պատգամավորները անազատության մեջ գտնվող գործընկերների աթոռներին ամրացրել են «քաղբանտարկյալ» գրությամբ թերթիկներ:

Նիկոլ Փաշինյանին կապիտուլյանտ անավանելուց հետո ծեծկռտուք սկսվեց ԱԺ-ում:

Մարդու իրավունքների պաշտպանին հասցեագրված բողոքները վկայում են, որ մարտական գործողությունների մասնակցի կարգավիճակ ստանալու հարցում մարդիկ բախվում են խնդիրների:

Ես այսօր պարտության ճարտարապետի ներկայությամբ ԱԺ-ում չէի կարող լինել, քանի որ մեր հերոս տղերքի ծնողների մեծամասնության հավանությունը չունեի, այդ իսկ պատճառով հարցը խնդրել եմ հնչեցնել իմ գործըներոջը, իսկ հիմա արձանագրում եմ, որ այն օրը, երբ հերոս տղերքից մեկի մարմինը տասն ամիս անատոմիկներից մեկում պահելուց հետո են միայն հարկ համարել հանձնել ընտանիքին, մեր երկիր աղետ բերած անձնավորությունը հայտարարում է, թե խաղաղություն է կառուցելու, կարծես խաղաղությանը մեր հրաշք տղերքն էին խանգարում։

2021 թվականի օգոստոսի 25-ից մինչև նոյեմբերի 25-ը պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինները եռամսյա վարժական հավաքների են մասնակցելու:

Ըստ Փաշինյանի՝ Սոթք-Խոզնավար հատվածում ստեղծված իրավիճակի պատճառը՝ բանակի քաղաքականությանը խառնվելն է։ Այս մասին նա խոսել է ԱԺ-ում՝ Կառավարության 5 տարվա ծրագիրը ներկայացնելիս։

Վարչապետի տիկին Աննա Հակոբյանն այսօր ֆեյսբուքի իր էջի գլխավոր նկար է դրել ահա այս լուսանկարը, որն ակտիվորեն քննարկվում է սոցցանցերում: Լուսանկարից երևում է, որ ինչ-որ մեկը հավանաբար ձեռքով նկարել է Աննա Հակոբյանին ու Նիկոլ Փաշինյանին: 

ԱԺ «Պատիվ ունեմ» խմբակցությունն ի նշան բողոքի լքել է ԱԺ նիստերի դահլիճը։ Նիստի մեկնարկին այս մասին հայտարարել է խմբակցության ղեկավար Արթուր Վանեցյանը։ Վանեցյանն ասել է, որ նրանք նիստերի դահլիճ կվերադառնան իրենց հարցերը բարձաձայնելու ու հասարակությանը հուզող հարցերի պատասխանները ստանալու համար։