Լրահոս

Հայաստանն ու Արցախը այսօր նույն ժամին մեկ րոպե լռել են՝ ի հիշատակ 44-օրյա պատերազմի հազարավոր զոհերի: Ժամը 11-ին լռության րոպե է հայտարարվել հայկական երկու հանրապետություններում:

Հայաստանում այսօր պաշտոնապես սգո օր հայտարարված չէր, ինչը հարուցել է բազմաթիվ քաղաքացիների տարակուսանքն ու զարմանքը: Այդուհանդերձ Երևանում այսօր ծանր լռություն էր: Այդպես լռում են սգո օրերին:

Ֆինլանդիայի Ռովանիեմի քաղաքում մեկնարկել է ծանրամարտի մինչև 20 և մինչև 23 տարեկանների Եվրոպայի առաջնությունը. Գառնիկ Չոլակյանը դարձել է ծանրամարտի մինչև 20 տարեկանների Եվրոպայի չեմպիոն:

«Ամոթ Ալիևին»՝ Վաշինգտոնում հայ համայնքն Ադրբեջանի դեսպանության առջև բողոքի ակցիա է արել, պահանջել ազատ արձակել Բաքվում պահվող հայ գերիներին: Ակցիայի մասնակիցները նաև պահանջել են ամերիկյան կառավարությունից, որ պատժամիջոցներ սահմանեն Թուրքիայի ու Ադրբեջանի նկատմամբ՝ պատերազմական հանցագործությունների համար:

ՀՀ առաջին նախագահ Լևոն Տեր-Պետրոսյանն իր առանձնատանը սեպտեմբերի 27-ին հանդիպել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ:

Լիոնում Ֆրանսիայի նախագահ Էմանուել Մակրոնի վրա առարկա են նետել, որը նման Է ձվի: Այդ մասին, ինչպես տեղեկացնում Է «Արմենպրես»-ը, գրում Է Lyon Mag տեղական հրատարակությունը: Միջադեպը տեղի Է ունեցել երկրի ղեկավարի՝ Eurexpo ցուցահանդես այցելության ժամանակ:

44-օրյա պատերազմի մեկնարկի տարելիցի օրը՝ սեպտեմբերի 27-ին, Վրաստանի վարչապետ Իրակլի Ղարիբաշվիլին Հայաստանին և Ադրբեջանին միջնորդություն է առաջարկել: Այս մասին հայտնում է «ВЗГЛЯД» պարբերականը:

Համացանցում տարածված լուրերը, թե երգիչ Հայկոն մահացել է, չեն համապաստխանում իրականությանը։

ՀՀ-ում Ֆրանսիայի դեսպանությունը ֆեյսբուքյան էջում տեղեկացնում է․ «Հայաստանում Ֆրանսիայի դեսպանությունն այսօր առավոտյան ժամը 11։00-ին մեկ րոպե լռությամբ հարգեց նախորդ տարվա արյունալի հակամարտության նահատակների հիշատակը։ Մենք մեր անկեղծ վշտակցությունն ու զորակցությունն ենք հայտնում զոհերի և վիրավորների ընտանիքներին։

Մեկ տարի առաջ` 2020 թ. սեպտեմբերի 27-ին, Ադրբեջանը պատերազմ սանձազերծեց հայկական երկու պետությունների դեմ՝ թիրախավորելով նաև խաղաղ բնակչությանը, քաղաքացիական բնակավայրերն ու ենթակառուցվածքները։ Այս մասին հայտարարություն է տարածել ՀՅԴ Հայաստանի Գերագույն մարմինը:

Շատերը գործող վարչախմբին եւ նրա պարագլխին մեղադրում են պատերազմը չդադարեցնելու, չկանգնեցնելու մեջ: Մեղադրում են ու ճիշտ են անում, բայց վարչախմբի ղեկավարի, նրա նեղ թիմի թիվ մեկ հանցանքը ոչ թե պատերազմը չդադարեցնելն է, այլ այն մեր երկիր, մեր տուն, մեր ընտանիքներ բերելը:

«Նրանք զոհված են, բայց մահացած չպետք է համարենք»,- այսպիսի հայտարարություն է այսօր Եռաբլուրում արել Պաշտպանության նախարար Արշակ Կարապետյանը: Նրա խոսքով՝ պետք է ամեն ինչ անենք, որ Եռաբլուրը լինի պանթեոն, այլ ոչ թե նմանվի գերեզմանի: Պատերազմի ավերիչ հետևանքների պատասխանատվության մասին հարցերից խուսափել է Արշակ Կարապետյանը:

Հանրապետության նախագահ Արմեն Սարգսյանը Եռաբլուր չի գնացել: Երևանում է, պարզապես մի փոքր վատառողջ է՝ «Հայլուրին» հայտնել են նախագահականից: Նրա անունից այսօր առավոտյան ծաղկեպսակ է դրվել պանթեոնում:

Ադրբեջանի իշխանությունները ոչ միայն շարունակում են Արցախի ժողովրդի հանդեպ թշնամական քաղաքականությունը, այլև իրենց վերահսկողության ներքո հայտնված տարածքներում անվանափոխում են հայկական բնակավայրերը, ոչնչացնում ու պղծում են կրոնական սրբավայրերը և մշակութային ժառանգությունը:

Վաղ առավոտից Եռաբլուրում են զոհված զինծառայողների հարազատները: Բարձրաստիճան պաշտոնյաներն առանձին-առանձին են գնացել պանթեոն: Թիկնապահների ուղեկցությամբ նախ Եռաբլուր է բարձրացել Նիկոլ Փաշինյանը, ու ծնկի իջել հերոսների շիրիմներին՝ անձնական օպերատորի տեսախցիկի առաջ:

44-օրյա պատերազմ։ Ի՞նչ էր դա՝ անխուսափելի արհավի՞րք, թե՞ նախապես լավ մտածված ու մանրակրկիտ ծրագրված պարտություն։ Հարց, որի պատասխանը, թերևս հետո՝ շատ ավելի ուշ կիմացվի, երբ երկիրը պարտության տարած այսօրվա իշխանությունն այևս չի լինի: Մեր խնդիրը, սակայն, բոլորովին այլ է․ պարզապես ներկայացնել պատերազմի յուրաքանչյուր օրը, արձանագրել օրվա տեղեկատվությունը:

Այսօր սեպտեմբերի 27-ն է: Պատերազմի առաջին տարելիցը: Մեկ տարի առաջ այս օրը լուսաբացին Ադրբեջանը անօդաչուներով սկսեց հարվածել Արցախի սրտին: