Լրահոս

Հատուկ հանձնարարություններով դեսպան Էդմոն Մարուքյանը Հանրային հեռուստաընկերության եթերում հայտարարեց, որ լիազորված է հրապարակել «Ադրբեջանի Հանրապետության և Հայաստանի Հանրապետության միջև հարաբերությունների հաստատման՝ Ադրբեջանի կողմից փոխանցած 5 կետերի վերաբերյալ Հայաստանի արձագանքը»՝ պատասխան 6 կետերը։ Մարուքյանը նշեց, որ փաստաթուղթը ռուսերեն է, ինքը ներկայացնում է ոչ պաշտոնական թարգմանությունը, իսկ 6 կետերը հրապարակելուց առաջ ասաց, որ Ադրբեջանի ԱԳ նախարար Ջեյհուն Բայրամովը ոչ դիվանագիտական լեքսիկոնով է արձագանքել Հայաստանի առաջարկներին՝ այն դեպքում, երբ Ադրբեջանի տրամադրած՝ 5 սկզբունքները ներկայացնող փաստաթղթի վրա Ադրբեջանի կնիքը չի եղել։ «Եթե այդպես է, մենք էլ կարող ենք ասել՝ բա ձեր ուղարկած թղթի վրա ռեկվիզիտներ չկան, Ադրբեջանի կնիքը չեք դրել, էդ ի՞նչ առաջարկ եք ուղարկել, էդ ի՞նչ 5 կետեր են։ Կնիքը չեք դրել, էս ի՞նչ ձև ա։ Հասկանու՞մ եք հայկական կողմի լրջությունը պրոցեսի նկատմամբ ու ադրբեջանական կողմի ձևերը»,- ասաց Մարուքյանը, ապա հրապարակեց Հայաստանի առաջարկած 6 կետերը։ Առաջինն այն մասին է, որ Հայաստանը պատասխանում է Ադրբեջանի առաջարկներին։ «Առաջին կետում գրված է, որ փետրվարի 21-ին թվագրված նամակին, որը հայկական կողմին է փոխանցվել մարտի 11-ին, այսինքն՝ 20 օր անց, պատասխանում ենք։ Ամենակարևոր՝ երկրորդ կետը՝ Հայաստանի Հանրապետությունը երբեք չի ունեցել և չունի տարածքային պահանջներ Ադրբեջանի Հանրապետության նկատմամբ։ ․․․ Այստեղ ասվում է, որ Ադրբեջանի Հանրապետության տարածքային ամբողջականությունը և սահմանները 1991 թվականի դեկտեմբերի 8-ին ԱՊՀ-ն ստեղծելու մասին համաձայնագիրը Ադրբեջանի Հանրապետության հետ համատեղ ստորագրելով՝ Հայաստանի Հանրապետությունը վավերացրել է 1992 թվականի փետրվարի 18-ին։ Այսինքն, այդ ժամանակ որ մենք ստորագրել ենք, փոխադարձաբար ճանաչել ենք իրար՝ միանալով տվյալ կառույցին։ Երկրորդ կետը դրա մասին է։ Երրորդ կետը՝ հայկական կողմի համար հիմնարար են Լեռնային Ղարաբաղի հայերի անվտանգության երաշխավորման, նրանց իրավունքների և ազատությունների հարգման, ինչպես նաև Լեռնային Ղարաբաղի վերջնական կարգավիճակի որոշման հարցերը։ Չորրորդ կետը՝ հայկական կողմը կարևոր է համարում Ադրբեջանի Հանրապետության նախագահի, ՀՀ վարչապետի և ՌԴ նախագահի՝ 2020 թվականի նոյեմբերի 9-ի, 2021 թվականի հունվարի 11-ի, նոյեմբերի 26-ի հայտարարություններում ամրագրված պարտավորությունները։ Հինգերորդ կետը՝ հայկական կողմը պատրաստ է սկսել բանակցություններ խաղաղության, հարաբերությունների կարգավորման պայմանագիր կնքելու և Ադրբեջանի Հանրապետության և Հայաստանի Հանրապետության միջև միջպետական հարաբերություններ հաստատելու համար՝ ՄԱԿ կանոնադրության, Քաղաքացիական և քաղաքական իրավունքների միջազգային դաշնագրի և Հելսինկյան եզրափակիչ ակտի հիման վրա։ Վեցերորդ կետը՝ համապատասխան բանակցությունների կազմակերպման համար հայկական կողմը դիմել է ԵԱՀԿ Մինսկի խմբի համանախագահներին։ Սա այն է, ինչը որ Հայաստանը ներկայացրել է Ադրբեջանին՝ ի արձագանք իրենց ներկայացրած 5 կետերի»,- ասաց Մարուքյանը։

«Ժողովուրդ» օրաթերթը գրում է. «2018-ի քաղաքական վերադասավորումներից հետո քաղաքական դաշտում «Իմ քայլը» դաշինքի, այնուհետ խորհրդարանական խմբակցության ի հայտ գալուն զուգահեռ մեկ այլ «Իմ քայլը» նախաձեռնություն էլ ծնվեց. խոսքը վարչապետի տիկնոջ՝ Աննա Հակոբյանի նախաձեռնությամբ ստեղծված բարեգործական հիմնադրամի մասին է: «Իմ քայլի» տնօրենն այժմ Ազգային ժողովի նախկին պատգամավոր Մխիթար Հայրապետյանն է, հոգաբարձուների խորհրդի նախագահը՝ տիկին Հակոբյանը: 2018-ից ի վեր հիմնադրամը մի քանի հարյուր հազար միլիոնի փոխանցումներ է ստացել: Դրանց մի մասն անանուն է եղել: Ըստ «Իմ քայլը» հիմնադրամի պաշտոնական կայքի՝ 2018-ին հիմնադրամին 510.000 դոլար ու 77 503 000 դրամ է փոխանցվել: Ի դեպ, 510.000-ից 500.000 դոլարը եղել է միանվագ փոխանցում: 2019-ի 258 197 000 դրամ, 50.200 դոլար ու 10 եվրո է անանուն փոխանցվել: 2020-ին 10.311.000 դրամ ու 1019 դոլար է փոխանցվել անանուն, 2021-ին՝ 305.000 դրամ: 2022-ի դեռեւս անանուն փոխանցում չի եղել: Հիմնադրամից «Ժողովուրդ» օրաթերթին փոխանցեցին, որ քարտային փոխանցում անելու դեպքում նվիրատուն հնարավորություն ունի ինքը որոշելու՝ անանուն մնալ, թե նշել՝ ով է բարեգործություն անողը, իսկ իրենք՝ հիմնադրամի ներկայացուցիչները, որեւէ կերպ իրավունք չունեն կաշկանդելու նվիրատուի ընտրությունը: Իհարկե, չի բացառվում, որ հիմնադրամին գումար փոխանցողների մեջ կլինեն և այնպիսի մարդիկ, որ իսկապես չեն ցանկանա, որ իրենց կատարած բարեգործության մասին որևէ մեկը իմանա: Բայց, համաձայնեք, թափանցիկության առումով սա իսկապես խնդրահարույց է, հատկապես եթե դրա հետևում վարչապետի հետ փոխկապակցված անձն է, նվիարտուն էլ միանգամից, օրինակ, կես միլիոն դոլար է փոխանցում»:

«Փաստ» օրաթերթը գրում է․ «Առիթ ունեցել ենք տեղեկացնել, որ իշխանությունները ցանկանում են Ալավերդիում խոշորացնել արդեն իսկ խոշորացված համայնքները: Մի անգամ խոշորացված Ախթալան, Շնողը, Օձունը ցանկանում են միացնել էլի մեկ անգամ արդեն խոշորացված Ալավերդի համայնքին: Սակայն նախօրեին այս հարցով հանրային լսումները Օձունում և Ախթալայում այդպես էլ չեն կայացել: Համայնքների բնակիչները բոյկոտել են լսումները՝ հայտարարելով, որ դեմ են նոր խոշորացմանը: Սակայն, մեր տեղեկություններով, այս խոշորացումը իշխանություններին օդ ու ջրի պես անհրաժեշտ է. նրանք ցանկանում են իրենց թեկնածուին դարձնել քաղաքապետ: Ավելին, արդեն իսկ սկսել են ոչ պաշտոնական «քարոզարշավը»: Այս օրերին նշյալ համայնքներից մենք տեղեկություններ ենք ստանում, որ քպական պատգամավոր Արեն Մկրտչյանը ինտենսիվ պատրաստվում է ընտրությունների. ասում են՝ հենց նա է գլխավորելու ՔՊ-ի ցուցակը: Ալավերդցիներն ասում են, որ Մկրտչյանը ակտիվ հանդիպումների մեջ է, իսկ նրա հետ «շրջում» են բավականին կասկածելի համբավ ու կենսագրություն ունեցող անձինք (մեզ դիմած քաղաքացիները, մեղմ ասած, շատ կոշտ բնութագրումներ էին տալիս, որոնք չենք հրապարակում էթիկայի կանոններից ելնելով): Ըստ Ալավերդիում պտտվող խոսակցությունների, այսպիսի վաղաժամկետ «ստարտի» պատճառն այն է, որ իշխանություններն իսկապես ամեն կերպ ուզում են Արեն Մկրտչյանին տեսնել Ալավերդի համայնքի ղեկավարի պաշտոնում, սակայն ընդդիմության կողմից հնարավոր թեկնածուի շրջանառվող անունը շատ է անհանգստացնում նրանց»:

«Հրապարակ» թերթը գրում է. «Մարդիկ խոշորացույցով հետեւում են պայքարին` ով հայտնվեց հարթակում, ով քանի անգամ ելույթ ունեցավ, ով որ մասով էր քայլում, ոստիկաններն ում ինչպես են վերաբերվում: Երեկ երթը սկսվելու ժամանակ մարդիկ նկատել էին, որ Արթուր Վանեցյանը բացակայում է, եւ հեռուն գնացող հետեւություններ էին արել: Պարզվեց` Վանեցյանը հիվանդացել է, բարձր ջերմությամբ պառկած է տանը, սակայն կինն ու թիմակիցները մասնակցում էին ակցիաներին: Մեզ ասացին` ամեն ինչ անում են, որ արագ ապաքինվի եւ շարքեր վերադառնա»:

Երեկ Բուխարեստում տեղի է ունեցել բազկամարտի Եվրոպայի առաջնությունը, որին մասնակցում էր նաև մեր հայրենակից, բազկամարտի աշխարհի բազմակի չեմպիոն Աշոտ Ադամյանը: Նշենք, որ Ադամյանը մրցում էր ադրբեջանցի մարզիկ Իսմայիլ Մուստաֆաևի հետ: Աշոտ Ադամյանը հաղթեց ադրբեջանցի մարզիկին: Հնչեց Հայաստանի հիմնը:

«Ժողովուրդ» թերթը գրում է. «2018-ի մայիսի 8-ին նոր-նոր վարչապետ ընտրված Նիկոլ Փաշինյանն Ազգային ժողովի ամբիոնից «համաժողովրդական շարժման անունից» հայտարարում էր, թե «ատելությունը և ատելության քարոզը մեր ոճը և ոճաբանությունը չէ, և, մեր համոզմամբ, Հայաստանում չպիտի տեղ լինի նման երևույթների համար»: Հայտարարությունը՝ հայտարարություն, իրականությունը, սակայն, ինչի ականատեսն ենք առ այսօր, զազրելի է առավել քան: Հայաստանյան հասարակությունը պառակտված է մի քանի շերտերի, ատելությունը բոլորիս շրջապատում է: Համընդհանուր անհանդուրժողականության հիմքը հենց Նիկոլ Փաշինյանի իշխանությունը դրեց՝ ի դեմս Երևանի նախկին քաղաքապետ Հայկ Մարությանի, որ Երևանի ավագանու արտահերթ ընտրույթուննների քարոզարշավի ժամանակ՝ սեպտեմբերի 2-ին, հայտարարեց. «Հայաստանում իրավիճակը շատ պարզ է՝ կան սպիտակ ուժեր, և կան սև ուժեր, վե՛րջ, մենք սպիտակ ուժերն ենք»: Հռետորաբանությունն այնուհետ շարունակեցին Փաշինյանն ու թիմակիցները: Ներկայիս վարչապետը ամենատարբեր ամբիոններից հայտարարեց, թե կարող է կտրել օրինազանց գործարարների թաթիկները (2019-ի դեկտեմբերի 4-ին), ասֆալտին փռել ու պատերին ծեփել դանակով հարց լուծել փորձողներին (2019-ի ապրիլ), նորից ասֆալտին փռելով ու պատերին տալով՝ նույն 2019-ի արդեն նոյեմբերին նույն «հաթաթան» Փաշինյանը ԲՀԿ-ական նախկին պատգամավոր, Գյումրու նախկին քաղաքապետ Վարդան Ղուկասյանին էր տալիս: Մեկ տարի առաջ էլ վարչապետ Նիկոլ Փաշինյանը խորհրդարանական արտահերթ ընտրույթունների քարոզարշավի ժամանակ՝ 2021-ի հունիսի 8-ին, քաղաքացիներին խոստանում էր՝ ընտրություններից հետո բոլորին շինելու է: Այս տարվա՝ 2022-ի մարտի 2-ին՝ Կառավարություն-Ազգային ժողով հերթական հարցուպատասխանի ժամանակ, վարչապետը, անդրադառնալով պատգամավորներից մեկի՝ «մատ թափ տալով մեզ հետ մի՛ խոսեք» հորդորին, հակադարձեց. «Թափ կտամ, պետք լինի՝ ուրիշ բան էլ թափ կտամ»: Նիկոլ Փաշինյանի հերթական խոստումներից մեկը, փաստորեն, թե իրեն ու իր թիմին ատելություն պետք չէ, թե «Հայաստանում սիրո ու հանդուրժողականության» մթոնոլորտ է հաստատվել, սին էր ու պաթետիկ, և նա մեզ ու ձեզ՝ «ՀՀ հպարտ ու արժանապատիվ քաղաքացիներիս» խաբել է»։

«Ժողովուրդ» օրաթերթը գրում է. «Ժողովուրդ» օրաթերթի տեղեկությունների համաձայն՝ Հայաստանի Հանրապետության արտաքին գործերի նախարար Արարատ Միրզոյանի կինը՝ Գոհար Աբաջյանը, մոտ մեկ ամսից ավելի է, ինչ ազատվել է աշխատանքից Volo ընկերությունում: Վերջինիս ազատումը տարբեր հարցերի եւ ընկերության աշխատակիցների շրջանում զարմանքի պատճառ է դարձել, թե ինչն է եղել նրա՝ աշխատանքից դուրս գալու պատճառը: Շատերի կողմից նրա՝ աշխատանքից ազատվելու հանգամանքը մեկնաբանվեց այնպես, թե աշխատանքից դուրս գալու պատճառն այն է, որ նա եւս կարողանա մեկնել բոլոր այն երկրները, որտեղ իր ամուսինը՝ Արարատ Միրզոյանը, պաշտոնապես գործուղվում է: «Ժողովուրդ» օրաթերթը մեկնաբանության համար փորձեց անձամբ զրուցել Գոհար Աբաջյանի հետ, սակայն նա չպատասխանեց ո՛չ մեր հաղորդագրություններին, ո՛չ էլ հեռախոսազանգերին»:

Ռուսաստանի պաշտպանության նախարարություն. Pfizer-ը, Moderna-ն, Merck&Co-ն, Gilead-ը դեղեր են փորձարկում Ուկրաինայում՝ շրջանցելով անվտանգության միջազգային չափանիշները, նվազեցնելով հետազոտական ծրագրերի ծախսերը և ձեռք բերելով զգալի մրցակցային առավելություններ։ Կորոնավիրուսի դեմ պատվաստանյութ արտադրողները ներգրավված են եղել ԱՄՆ ռազմական կենսաբանական գործունեության մեջ։ Այս մասին մայիսի 11-ին հայտնել է ՌԴ ԶՈւ Ռադիացիոն, քիմիական և կենսաբանական պաշտպանության զորքերի ղեկավար Իգոր Կիրիլովը։ Նրա խոսքով ԱՄՆ Դեմոկրատական կուսակցության առաջնորդները ռազմակենսաբանական գործունեության գաղափարախոսներն են։ Կիրիլովը նշել է, որ ուղղակիորեն դաշնային բյուջեից է հետազոտությունների ֆինանսավորումը եղել: Այդ թվում՝ ներգրավված են եղել գումարներ հասարակական կազմակերպություններից։Նրա խոսքով կուսակցության ղեկավարները նախընտրական քարոզարշավի համար լրացուցիչ ֆինանսական եկամուտ են ստացել բիոտեխնոլոգիական հասարակական կազմակերպությունների ծրագրին մասնակցելու միջոցով։ Բացի այդ, դա նրանց օգնել է թաքցնել միջոցների բաշխումը։ «Ամերիկյան դեղագործական ընկերությունների և Պենտագոնի կապալառուների հետ միասին Ուկրաինայի պետական կառույցները ներգրավված են ռազմական կենսաբանական գործունեության մեջ, որի հիմնական խնդիրն է թաքցնել ապօրինի գործողությունները, անցկացնել դաշտային և կլինիկական փորձարկումներ և ապահովել անհրաժեշտ կենսանյութերը», - ասել է Կիրիլովը: Նա պարզաբանել է, որ ամերիկյան կողմն ընդլայնել է իր գիտահետազոտական ներուժը ինչպես կենսաբանական զենքի ստեղծման, այնպես էլ որոշակի շրջանների բնակչության հակաբիոտիկների նկատմամբ կայունության և տարբեր հիվանդությունների դեմ հակամարմինների առկայության մասին տեղեկատվության ստացման ոլորտում։ Կիրիլովը նշել է, որ Ուկրաինան դառնում է արևմտյան երկրների համար կենսաբանական զենքի բաղադրամասեր ստեղծելու և դեղագործական արտադրանքի նոր նմուշներ փորձարկելու ուսումնադաշտ։ Ապրիլի 28-ին ԱՄՆ-ում Ռուսաստանի դեսպանատունը հայտարարեց, որ ամերիկյան փորձագիտական հանրությունը ուշադիր ուսումնասիրում է ռուս զինվորականների կողմից Ուկրաինայում կենսաբանական լաբորատորիաների աշխատանքի վերաբերյալ հաստատված փաստերը։ Վերլուծաբաններին հետաքրքրում են այն հարցերը, թե որ շտամներն են ուսումնասիրվում Վաշինգտոնի կողմից ֆինանսավորվող լաբորատորիաներում, ինչպես նաև, թե ինչպիսի վտանգ կարող է ներկայացնել հանրության համար նման գործունեությունը: Նույն օրը Ռուսաստանի Քննչական կոմիտեն հայտարարեց, որ քրեական գործի շրջանակներում վերլուծելու է Ուկրաինայում կենսաբանական ծրագրի մասին նոր տեղեկատվությունը։ Ստացված տվյալների համաձայն՝ 2019-ից 2021 թվականներին Խարկովի մարզի Մերեֆա քաղաքի լաբորատորիայի ամերիկացի գիտնականները պոտենցիալ վտանգավոր կենսաբանական դեղամիջոցներ են փորձարկել տարածաշրջանային կլինիկական հոգեբուժական հիվանդանոցի հիվանդների վրա։ Ապրիլի 21-ին ռազմական մանրէաբան, ՌԴ ՊՆ 27-րդ գիտական կենտրոնի գլխավոր մասնագետ, պաշտոնաթող գնդապետ Միխայիլ Սուպոտնիցկին ասել է, որ Ուկրաինայում կենսաբանական լաբորատորիաները ցատկահարթակ են ծառայել ԱՄՆ-ի համար՝ կազմակերպչական կենսաբանական պատերազմի մեթոդներ մշակելու համար։ Ավելի վաղ՝ ապրիլի 19-ին, Ռուսաստանը ՄԱԿ-ի Անվտանգության խորհրդում նոր փաստաթղթեր էր տարածել՝ կապված Ուկրաինայում ԱՄՆ կենսաբանական լաբորատորիաների հետ։

Օրը սկսենք մամուլի 5 կարևոր լուրով

Սիրելի՛ հայրենակիցներ, խոշորացված համայնքի սիրելի՛ բնակիչներ, Սահմանադրության, օրենքների, բարոյականության նկատմամբ իշխանությունների սանձազերծած լկտի ասպատակությունները, որոնք զուգորդված են աննկարագրելի ու փնթի ցինիզմով և մեր բնակչության նկատմամբ բացառիկ անհարգալից վերաբերմունքով, գալիս են ևս մեկ անգամ ապացուցելու այն, որ այդ գործընթացի բարձր իշխանական պատասխանատուները պատրաստ են մեր համայնքը դարձնել ավերակ, մեր բնակիչներին դարձնել ստրկամիտ ու ձայնազուրկ։ Ամենասանձարձակ օրինախախտումներով հիմա էլ ՏԻՄ-֊ի տրամաբանությունը խեղաթյուրելով՝ քաղաքապետի ժ/պ-֊ի հատուկ հանձնարարություններով պաշտոն են ներմուծել (Աժ֊-ում Վանաձորի մասով հատուկ հանձնաժողով կա, որն օրումեջ կարկատաններով նոր «օրենքներ» է մուտացնում)։ Ես` այս պահին որպես ավագանու անդամ, որպես մի ուժի ղեկավար, որ ՏԻՄ ընտրություններում հավաքել է առավելագույն քվեներ, հայտարարում եմ, որ իմ գլխավորած դաշինքը մինչև օրինական պրոցեսների, սահմանադրականության վերականգնումը չի մասնակցելու որևէ ապօրինության ու չի նպաստելու օրենքի բռնաբարության գործընթացներին։ Ուշ, թե շուտ այս «շապիտո֊ կրկես»-ի բոլոր դերակատարները պատասխան են տալու իրենց օրինապիղծ արարքների համար։ Ես երբեք մեզ տրված քվեն գետնին ընկած չեմ թողնելու, տեր եմ կանգնելու յուրաքանչյուր քվեին և ցանկացած միջոցով պայքարելու եմ մեր իրավունքների համար։ Թույլատրելիության սահմանները անցնողները պիտի հասկանան, որ բումերանգի էֆեկտը ոչ ոք չի չեղարկել (դա ՏԻՄ օրենք չէ, որ ցեխոտ կրունկներով վրայով քայլեն. Աժ-֊ն այդտեղ անզոր է)։ Ժամանակը ամեն ինչ իր տեղը կդնի։ Վանաձո՛ր ջան, պի՛նդ մնա, չընկճվես։

Սուքիասյանների տասը հոգանոց ընտանիքը «Վիվա ՄՏՍ»-ի ու «Ֆուլեր տնաշինական ընկերության» շնորհիվ ավարտին է հասցրել տասը տարի առաջ սկսած տան շինարարությունը: Զովաբերդցի ընտանիքը ապրում էր ավելի քան մեկ դար առաջ կառուցված հողաշեն տանը:

ՆԱՏՕ-ի անդամ դառնալու Հելսինկիի հայտարարությունից հետո լարված են Ռուսաստան-Ֆինլանդիա հարաբերությունները: Մոսկվային անհանգստացնում է Հելսինկիի պաշտոնական դիրքորոշումը: Կրեմլից նախազգուշացրել են, որ ՆԱՏՕ-ին Ֆինլանդիայի անդամակցությունը սպառնալիք կստեղծի ոչ միայն Դաշնության, այլև Եվրոպայի անվտանգության համար: Հյուսիսատլանտյան դաշինքին Ֆինլանդիայի անդամակցությանն իր համաձայնությունն է տվել Վաշինգտոնը:

«Համացանցում հայտնված ձայնագրության մեջ գումարային առաջարկ անող միակ մարդը Ագրարային համալսարանի ուսխորհրդի նախագահ Թոռնիկ Ալիյանն է, որը դեռ ազատության մեջ է»: Այս մասին ահազանգում են իրավապաշտպանները: Հինգշաբթի քննչական կոմիտեն հայտնեց՝ քրեական գործ է հարուցվել քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով, ձերբակալվել են հանրային գործիչ Ավետիք Չալաբյանն ու Ագրարային համալսարանի դասախոս Էմմա Սարգսյանը: Նրանք կասկածվում են Ազգային ագրարային համալսարանի ուսանողական խորհրդի նախագահին 2 միլիոն դրամ առաջարկելու համար: Դրա դիմաց ուսխորհրդի նախագահը, ըստ քննչական կոմիտեի, պետք է երկու հազար ուսանողի ներգրավեր Դիմադրության շարժման հավաքներին: Ձայնագրությունը մանրամասն լսել ու վերլուծել են բազմաթիվ փաստաբաններ, նկատել, որ 3 զրուցակիցներից գումարի մասին հիշատակում է միայն Ագրարայինի ուսխորհրդի նախագահը: Նա, ըստ իրավաբանների, գործուղված էր հենց նման խոսակցություններ վարելու ու ձայնագրելու համար:

Նոր Նորքի 4-րդ զանգվածում գիշերը տեղի ունեցած հրաձգության պահին բնակիչները կարծել են, թե հրավառություն է տեղի ունեցել: «Հայլուրին» դեպքի վայրում պատմել են, որ միջադեպը տեղի է ունեցել, երբ մի մեքենա ներխուժել է Աշոտ Հովհաննիսյան փողոցի տներից մեկը, մի քանի անգամ դանակահարել տանտիրոջը, ինչից հետո նաև կրակոցներ են հնչել:

Մոտ կես տարի առանց ղեկավար մնալուց հետո Վանաձորը համայնքապետի նոր պաշտոնակատար ունի: Նիկոլ Փաշինյանն է Արկադի Փելեշյանին նշանակել այդ պաշտոնում: Փաշինյանի ընտանիքին պատկանող «Հայկական ժամանակը» 2016-ին Փելեշյանի մասին գրել էր, թե նա Վանաձորում ունի կիսաքրեական համբավ, հայտնի է «Ական» մականվամբ: Վանաձորի ընտրված քաղաքապետ Մամիկոն Ասլանյանը ընտրություններից հետո կալանավորվել է ու մինչ օրս անազատության մեջ է:

«Երբ մարդ տեսնում է, որ խեղդվում է, փրկվելու համար պատրաստ է դիմել ցանկացած միջոցի»,- ընդդիմադիրների նկատմամբ իրավապահների գործողություններին այսպես են արձագանքում «Դիմադրության շարժման» անդամները: Պնդում են՝ շարժման մասնակիցների դեմ հարուցված քրեական գործերը շինծու են ու նպատակ ունեն կանգնեցնել հանուն Հայաստանի ու Արցախի սկսված պայքարը:

Կեսօրից մեկնարկած անհնազանդության ակցիաները ավարտվել են Երևանի բժշկական համալսարանի մոտ, որտեղ ոստիկաններ են հավաքվել ու բերման ենթարկել ակցիայի մասնակիցներին: Երիտասարդական ակիցաների ընթացքում բերման է ենթարկվել 6 ցուցարար: Միաժամանակ քաղաքի տարբեր կետերից մեկնարկել են ավտոերթեր՝ այդպես կաթվածահար անելով երթևեկությունը:

«Դիմադրության» շարժման մասնակիցները այսօր իրենց անհնազանդության երթը սկսել են Ֆրանսիայի հրապարակից, շարժվել են կառավարություն, որտեղ նրանց ոստիկանական բազմաշերտ պատն է դիմավորել: Հաջորդ կանգառը կառավարության երրորդ մասնաշենքն է եղել: «Շրջափակում ենք, որովհետև նախարարություններն այլևս չեն սպասարկում հայ ժողովրդի շահերը»,- այսօր հայտարարել է «Հայաստան» դաշինքի անդամ Իշխան Սաղաթելյանը: Նա կոչ է արել հանրային ծառայողներին տուրք չտալ նախարարների սպառնալիքներին, միանալ Նիկոլ Փաշինյանին հեռացնելու պայքարին: Սաղաթելյանը տեղեկություն ունի, որ կառավարական երրորդ մասնաշենքում տեղակայված նախարարություններից մեկի աշխատակիցը ազատման դիմում է գրել՝ պայքարին միանալու համար: