Լրահոս

Բուդապեշտում ընթացող  ջրային մարզաձևերի աշխարհի առաջնությունում Վարսենիկ Մանուչարյանը բատերֆլայ մրցաձևում, 50մ. լողուղյակում, 93 մարզիկների մրցավեճում 28,8 վայրկյան  ցուցանիշով զբաղեցրել է 43-րդ  հորիզոնականը: Այս արդյունքով լողորդուհին սահմանել է անձնական ռեկորդ:

Ցինկը համարվում է կենսական տարր. մասնակցում է մի շարք բիոքիմիական գործընթացների։ Սննդարար հանքանյութի աղբյուր են ոստրեն, ծովախեցգետինը, խոզի, գառան, տավարի միսը, թռչնամիսը, հնդկահավը, ձուն, ոսպը, սիսեռը, լոբին, ընդեղենը, դդմի կորիզները, սունկը, քինուան, շագանակագույն բրինձը, վարսակը, կաղամբը, ոլոռը, բազուկը, ծնեբեկը, պանիրը, կաթնաշոռը, կաթը։ Ցինկը կենսական է իմունային համակարգի համար, բարելավում է ուղեղի աշխատանքը, հիշողությունը, նպաստում է աճին, զարգացմանը, օգտակար է վերքերի արագ ապաքինման համար, առանձնանում է բակտերիոստատիկ հատկությամբ։ Ցինկը տղամարդկանց դեպքում ազդում է սեռական հորմոնների սինթեզին, նվազեցնում է շագանակագեղձի բորբոքման հավանականությունը։ Կանանց դեպքում ցինկը օգտակար է վերարտադրողական առողջության համար, հատկապես անհրաժեշտ է հղիության առաջին եռամսյակում։ Հանքանյութը պատասխանատու է համի-հոտի զգացման համար։ Ցինկը ընդունված է համարել նաև գեղեցկության միներալ՝ նպաստում է մաշկի, մազերի, եղունգների առողջությանը։ Ցինկի պակասը կարող է արտահայտվել Քնի խաթարմամբ, տրամադրության անկմամբ, մազերի, մաշկի, եղունգների որակի վատթարացմամբ, վերքերի ուշ լավացման։ Չարաշահման հետևանքները՝ Մարսողական համակարգի խնդիրներ, ախորժակի կորուստ և հյուծվածություն, խոլեստերինի մակարդակի փոփոխություն։

Միացյալ Նահանգների նախագահ Ջո Բայդենը Հայաստանում ԱՄՆ նոր դեսպանի պաշտոնում առաջարկել է Քրիստինա Քվիենի թեկնածությունը: «Արմենպրես»-ի հաղորդմամբ՝ այս մասին ասվում է Սպիտակ տան կայքում: Քրիստինա Քվիենը 2019 թվականից մինչ օրս Ուկրաինայում ԱՄՆ դեսպանի պաշտոնակատարն է: 2016 թվականից մինչև 2019 թվականի ապրիլը նա զբաղեցրել է Փարիզում ԱՄՆ-ի փոխդեսպանի պաշտոնակատարի, դեսպանատան տնտեսական հարցերով խորհրդականի պաշտոնները: Դիվանագիտական ծառայության ընթացքում տարբեր պաշտոններ է զբաղեցրել Թայլանդում, Մեծ Բրիտանիայում, Եվրամիությունում, Ռուսաստանում, Ֆիլիպիններում ԱՄՆ դիվանագիտական առաքելություններում: Քվիենը եղել է նաև ԱՄՆ Ազգային անվտանգության խորհրդի ԵՄ, Ուկրաինայի և Բելառուսի հարցերով տնօրեն: Կալիֆորնիայում ծնված դիվանագետն ունի քաղաքագիտության բակալավրի աստիճան և ռազմավարական հետազոտությունների մագիստրոսի աստիճան: Հայաստանում ԱՄՆ դեսպանի պաշտոնը 2019 թ. փետրվարի 19-ից զբաղեցնում է Լին Թրեյսին:

Մասուրը վիտամինների (C, P, A, B2, K, E ) աղբյուր է: Ասկորբինաթթուն մասուրի պտուղներում 10 անգամ ավելի շատ է, քան սև հաղարջում է, և 50 անգամ ավելի շատ է կիտրոնի համեմատությամբ։ Միկրոտարրերի՝ կալցիումի, կալիումի, երկաթի, մագնեզիումի, պղնձի, քրոմի, մանգանի բարձր պարունակության շնորհիվ մասուրը առողջարար սննդակարգի անփոխարինելի բաղադրիչ է։ Մասուրն օրգանիզմի տոնուսը բարձրացնող, իմունային համակարգը խթանող, հակաբորբոքային, միզամուղ հատկություն ունի։ Մասուրի մշտական օգտագործումը նպաստում է մազանոթների պատերի ամրացմանը, խթանում հյուսվածքների վերականգնմանը, ինչպես նաև նպաստում է նյութափոխանակության բարելավմանը։ Մասրենու պտուղներից պատրաստված եփուկները օգտակար են ավիտամինոզի, մրսածության, հարբուխի դեպքում, որպես պրոֆիլակտիկ միջոց՝ աթերոսկլերոզի դեպքում, ինչպես նաև մարսողական համակարգի, հոդերի տկարության, մաշկի չորության դեպքում։ Մասրենու արմատները, թփերը, տերևները, սերմերը նույնպես հարուստ են օգտակար հատկություններով։ Արմատներից պատրաստված թուրմերը օգտակար են լեղուղու քարային, երիկամաքարային հիվանդությունների դեպքում։ Մասրենու սերմերի յուղը օգտագործվում է բերանախորշի հիվանդությունների, մաշկախտի, սննդախանգար խոցերի, պառկելախոցի բուժման համար։ Մասրենու պտուղները հրաշքներ չեն գործում նիհարել ցանկացողների համար, բայց շնորհիվ նյութափոխանակությունը կարգավորող հատկության նպաստում են ճարպերի այրման գործընթացի արագացմանը։ Մասուրի եփուկները, թուրմերը կանխում են տղամարդկանց միզասեռական համակարգի հիվանդությունների առաջացումը, օգտակար են շագանակագեղձի բորբոքման դեպքում, ինչպես նաև նվազեցնում են սիրտ-անոթային համակարգի խնդիրների առաջացման հավանականությունը։ Մասուրն օգտակար է նաև արյունաստեղծման, խոլեստերինի մակարդակի նվազեցման գործում։ Մասուրը հակացուցված է՝ Գաստրիտի, խոցային հիվանդությունների դեպքում Ստամոքսային սեկրեցիայի մեծացման Ալերգիկ ռեակցիաների Թրոմբոֆլեբիտի (երակների խցանում արյան մակարդուկով) Էնդոկարդիտի (սրտի ներքին շերտի բորբոքում) Պանկրեատիտի (ենթաստամոքսային գեղձի բորբոքում) Մասուրի չարաշահումը կարող է հանգեցնել ատամի էմալի վնասման, արյան ճնշման բարձրացման, փորկապության, ինչպես նաև լեղու արտազատման նվազման։

Առողջապահության համաշխարհային ցանցը (The World Health Network) կապիկի ծաղիկը համավարակ է հայտարարել: «Արմենպրես»-ի փոխանցմամբ, այս մասին ասվում է կազմակերպության կայքում հրապարակված հաղորդագրության մեջ: Մասնավորապես նշվել է, որ աշխարհի 58 երկրում հաստատվել է կապիկի ծաղկի 3417 դեպք և բռնկումներն ակտիվորեն տարածում են գտնում բոլոր մայրցամաքներում: «Բռնկումները չեն դադարի առանց համաձայնեցված գլոբալ գործողությունների: Անգամ ծաղիկի համեմատ մահվան ավելի քիչ ցուցանիշներով՝ քանի դեռ տարածումը կանխող գործողություններ չեն ձեռնարկվել, միլիոնավոր մարդիկ կմահանան, շատերը կկուրանան կամ հաշմանդամություն ձեռք կբերեն»,- ասվում է հայտարարության մեջ: «Համավարակ եզրույթը վերաբերում է վարակիչ հիվանդությանը, որը լայն տարածում է ստանում՝ հատելով միջազգային սահմանները, և ազդում է մարդկանց մեծ խմբերի վրա: Տարբեր մայրցամաքներում տարածման արագացող աճը և այն դադարեցնելու համար համաձայնեցված գործողությունների անհրաժեշտությունը համապատասխանում են համավարակի հայտարարման և՛ չափանիշներին, և՛ նպատակին: Անհրաժեշտ են համաձայնեցված գլոբալ գործողություններ»,- ասվում է Առողջապահության համաշխարհային ցանցի հայտարարության մեջ: Կազմակերպությունը կոչ է արել Առողջապահության համաշխարհային կազմակերպությանը անհապաղ գործի անցնել՝ ձեռնարկելու հնարավոր բոլոր միջոցները՝ կանխելու հիվանդության տարածումը:

Երևանի քաղաքապետարանից հայտնում են․ «Հարգելի քաղաքացիներ, տեղեկացնում ենք, որ 24.06.2022թ. մայրաքաղաքի Նոր Նորք վարչական շրջանում փորձարկվելու են էլեկտրաշչակներ: Նախապես ներողություն ենք խնդրում պատճառված հնարավոր անհարմարությունների համար»:

Fly Arna-ն բացել է իր գրասենյակը Երևանում

Ռուսաստանի Դաշնությունում հունիսի 24-ին կայանալիք ԱՊՀ մասնակից պետությունների պաշտպանության նախարարների խորհրդի հերթական նիստին մասնակցելու նպատակով Մոսկվա է մեկնել ՀՀ պաշտպանության նախարար Սուրեն Պապիկյանի գլխավորած պատվիրակությունը: Այս մասին NEWS.am-ը տեղեկանում է ՀՀ ՊՆ Տեղեկատվության եւ հասարակայնության հետ կապերի վարչությունից։

Հունիսի 22-ին արտակարգ դեպք է տեղի ունեցել Կոտայքի մարզում: Ժամը 20:00-ի սահմաններում Կոտայքի մարզի բնակիչ, 37-ամյա Միշա Պ.-ն իր վարած Nissan Tiida մակնիշի ավտոմեքենայով Աբովյան-Ջրաբեր ավտոճանապարհին դուրս է եկել երթևեկելի գոտուց և մասամբ հայտնվել ջրատարում:  Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, տուժածներ չկան:  Ավտոմեքենան դուրս բերելու համար վարորդ Միշա Պ.-ն օգտագործել է հատուկ  տեխնիկա: 

168.am-ը գրում է. ԲԴԽ նախկին նախագահ Ռուբեն Վարդազարյանի հրապարակած ձայնագրության սկանդալային բովանդակությունը կարծես բացարձակապես չի մտահոգում ՀՀ-ում հավատարմագրված արևմտյան երկրների դեսպաններին, որոնք Հայաստանում ավանդաբար զբաղվում են անկախ դատաիրավական համակարգի բարեփոխումների անհրաժեշտության մասին հայտարարություններով: Ձայնագրության հրապարակումից անմիջապես հետո 168.am-ը հարցեր էր ուղարկել ՀՀ-ում ԵՄ պատվիրակության ղեկավար, դեսպան Անդրեա Վիկտորինին, որոնց առաջարկում ենք ծանոթանալ ստորև. «1. Այսօր ԲԴԽ նախագահ (լիազորությունները կասեցված) Ռուբեն Վարդազարյանը աղմկահարույց ձայնագրություն ներկայացրեց իր, ԲԴԽ նախագահի ժամանակավոր պաշտոնակատար Գագիկ Ջհանգիրյանի և ԲԴԽ անդամ Ստեփան Միքայելյանի մասնակցությամբ։ Ձայնագրությունից մասնավորապես պարզ է դառնում, որ ԲԴԽ նախագահի ժամանակավոր պաշտոնակատար Գագիկ Ջհանգիրյանն ինչ-որ մեկի անունից՝ ենթադրաբար քաղաքական իշխանության ներկայացուցչի, Ռուբեն Վարդազարյանին հորդորում է հրաժեշտ տալ ԲԴԽ նախագահի պաշտոնին: Ի դեպ, այդ ժամանակ Գագիկ Ջհանգիրյանը որևէ պետական պաշտոն չէր զբաղեցնում: Ձայնագրության մեջ նաև, որը կատարվել է 2021 թվականի փետրվարի 20-ին, խոսվում է Ռուբեն Վարդազարյանի նկատմամբ հարուցված քրեական գործից, գործին մասնակից անձանց անուններ են տրվում, մինչդեռ այդ քրեական գործը հարուցվում է այդ ձայնագրությունից շուրջ 2 ամիս անց: Ձայնագրության մեջ նաև Գագիկ Ջհանգիրյանը Ռուբեն Վարդազարյանին խորհուրդ է տալիս մտածել իր ու իր ընտանիքի մասին: Ինչպե՞ս եք գնահատում այս ձայնագրության բովանդակությունը: Համարո՞ւմ եք արդյոք, որ քաղաքականապես չեզոք լինելու պարտավորություն ունեցող ԲԴԽ անդամը ի սկզբանե քաղաքական շարժառիթներ է ունեցել այս իրավիճակում: Նկատենք, որ ձայնագրության մեջ Գ. Ջհանգիրյանը խոսում է այն մասին, որ ինքն ամեն ինչ անելու է, որպեսզի Ռոբերտ Քոչարյանը չգա իշխանության: Նկատի ունենալով ձայնագրության բովանդակությունը և ՀՀ իրավապահ և արդարադատության համակարգերի նկատմամբ Ձեր զգայուն ուշադրությունն ու վերաբերմունքը և Հայաստանի իշխանությունների կողմից «ժողովրդավարության բաստիոն» գնահատականը՝ արդյո՞ք իրավիճակը համահունչ է դրան: Վերջերս Ձեր մի շարք հանրային ելույթներում արձանագրել եք Հայաստանում ժողովրդավարական առաջընթաց: Այս երևույթը տեղավորվո՞ւմ է ժողովրդավարական առաջընթացի Ձեր ընկալումներում և գնահատականներում»: ԵՄ պատվիրակությունը նպատակահարմար չի համարել պատասխանել մեր հասցեական, հստակ հարցերին, որոնք, ի դեպ, վերաբերում են ՀՀ-ում ԵՄ գործունեության հիմնական ոլորտներից մեկում արձանագրված սկանդալին, այլ տարածել է հայտարարություն և այն ուղարկել 168.am-ին՝, որպես թեմայի վերաբերյալ մեր հարցերին ուղարկված «պատասխան»: ՀՀ-ում ԵՄ պատվիրակության անդրադարձում ասվում է, որ օրենքի գերակայության նկատմամբ հարգանքն ընդգրկում է անկախ դատաիրավական համակարգը, ԵՄ-Հայաստան Համապարփակ և ընդլայնված գործընկերության համաձայնագրի շրջանակում ԵՄ-ը շարունակում է աջակցել Հայաստանում արդարադատության ոլորտի բարեփոխումների իրականացմանը, որի նկատմամբ, ըստ ԵՄ պատվիրակության գնահատականի, ՀՀ իշխանությունները դրսևորում են շարունակական հանձնառություն։ «ԵՄ առանցքային արժեքներից մեկի՝ օրենքի գերակայության նկատմամբ հարգանքն ընդգրկում է անկախ, հաշվետու և արդյունավետ դատաիրավական համակարգը։ ԵՄ-ն ուշադրությամբ հետևում է դատական իշխանության հիմնական մարմինների, այդ թվում՝ Բարձրագույն դատական խորհրդի գործունեությանը և, իր միջազգային գործընկերների հետ պատրաստ է աջակցել Հայաստանի իշխանություններին՝ դիմակայել բարեփոխումներից բխող մարտահրավերներին»,- ասված է անդրադարձում:

Համակարգային կարմիր գայլախտը քրոնիկ աուտոիմուն հիվանդություն է. ախտահարվում են օրգանների շարակցական հյուսվածքները։ Հիմնականում դրսևորվում է մաշկի և դեմքի շրջանում ցանավորումներով։ Կարող է ունենալ ինչպես թեթև, այնպես էլ ծանր ընթացք։ Հիվանդությունն առավել բնորոշ է վերարտադրողական տարիքի կանանց։ Համակարգային գայլախտ ենթադրում է բոլոր օրգան-համակարգերի ախտահարում։ Առաջացման պատճառները բազմազան են, ռիսկի խմբում կանայք և երիտասարդ աղջիկներն են (14-ից 25 տարեկան)։ Գործոնները՝ Ուլտրամանուշակագույն ճառագայթները, իգական սեռը, էստրոգենների գերարտադրությունը, հորմոնալ խնդիրները, որոշ վիրուսներ ևս կարող են պատճառ դառնալ հիվանդության զարգացման, կարևոր գործոն է նաև ժառանգական նախատրամադրվածությունը։ Հիվանդությունն արտահայտվում է՝ Մաշկի ախտահարում (թիթեռնիկի համախտանիշ) բնորոշ է գայլախտ ունեցող գրեթե բոլոր հիվանդներին։ Մազաթափություն՝ թե օջախային, թե տոտալ, եղունգների ախտահարում։ Գրեթե բոլոր հիվանդներն ունենում են հոդամկանային ցավեր, կարող են դիտվել նաև հոդերի բորբոքումներ, հիմնականում ախտահարվում են դաստակի մանր հոդերը, ի տարբերութուն ռևմատոիդ արթրիտի, այս դեպքում էրոզիաներ և դեֆորմացիաներ ավելի քիչ են դիտվում, ավելի անցողիկ բնույթ ունեն։ Հիվանդության դեպքում կարող է ախտահարվել թե պերիֆերիկ նյարդային համակարգը, թե կենտրոնական նյարդային համակարգը։ Սիրտ-անոթային համակարգը նույնպես բավական հաճախ է ախտահարվում, կարող են ախտահարվել սրտի երեք թաղանթները՝ թե պերեկարդը, միոկարդը, էնդոկարդը։ Անոթները նույնպես ախտահարվում են, կարող է զարգանալ զարկերակային հիպերտենզիա, որ կարող է պայմանավորվել ինչպես անոթների ախտահարումով, այնպես էլ երիկամների ախտահարումով։ Դիտվում են երկրորդային վասկուլիտներ՝ տարբեր տրամաչափի անոթների ախտահարում։ Հաճախ մահվան պատճառ դառնում է երիկամների ախտահարումը։ Ախտորոշումը՝ Կարևոր է հիվանդիի զննումը, միայն լաբորատոր-գործիքային քննությամբ հնարավոր չէ ախտորոշել։ Կարևոր ախտորոշիչ մարկեր է համարվում իմունոլոգիական քննությունը։ Հիվանդությունն ընթանում է ալիքաձև՝ սրացումներ, հանգիստ փուլեր, բուժման նպատակը սրացումների քանակը պակասեցնելն է, կյանքի կենսական օրգանների վիճակը բարելավելը, հանգիստ վիճակի բերելը։ Համակարգային կարմիր գայլախտով հիվանդը կարող է հղիանալ, երեխա ունենալ՝ ռևմատոլոգի հսկողությամբ։

Փարաքարում 35-ամյա տղամարդու սպանության դեպքի առթիվ հարուցվել է քրեական գործ. ՔԿ

ՏԱՍՍ-ի փոխանցմամբ՝ Ռուսաստանի արտգործնախարար Սերգեյ Լավրովը Թեհրանից ժամանել է Ադրբեջանի մայրաքաղաք։ ՌԴ ԱԳ նախարարի աշխատանքային այցը երկօրյա է: ՌԴ ԱԳՆ ղեկավարը Բաքվում կհանդիպի Ջեյհուն Բայրամովին, ինչպես նաև նախատեսված է նրա հանդիպումը  նախագահ Իլհամ Ալիևի հետ։

Վաղարշապատի քրեական հետախույզները հերոին ու մեթամֆետամին են հայտնաբերել

Դոլարի փոխարժեք նվազել է

Հայլուր 18:30 19-ամյա զինվորի սպանության առաջին պաշտոնական արձագանքը. 4 հոդվածով քրգործ է հարուցվել

Կաթողիկոսն ընդունել է Հայ իրավաբանական միության պատվիրակությանը

Հուլիսի 1-ից անկանխիկ վճարումների պարտադրանքի դժգոհություններից հետո ԿԲ-ն վերանայել է օրենքը

ՀՀ ՄԻՊ Քրիստիննե Գրիգորյանը հանդես է եկել տեսաուղերձով